Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 25

(४) समवायंगसुतं २८ २९ ३० द्वाणं [१४]
ॐ ॐ ॐ ॐ ॐ ॐ ॐ
सोतिदियवंजणोग्गहे, घाणिदियवंजणोग्गहे, जिब्भिंदियवंजणोग्गहे, फासिंदियवंजणोग्गहे, सोतिंदियईहा जाव फासिंदियईहा, गोइंदियईहा, सोतिंदियावाते णोइंदियअवाते, सोइंदियधारणा जाव णोइंदियधारणा । ईसाणे णं कप्पे अट्ठावीसं विमाणावाससयसहस्सा पण्णत्ता । जीवे णं देवगतिं निबंधमाणे नामस्स कम्म अट्ठावीसं उत्तरपगडीओ णिबंधति, तंजहा देवगतिनामं, पंचेदियजातिनामं, वेउव्वियसरीरनामं, तेययसरीरनामं, कम्मयसरीरनामं, समचउरंससंठाणणामं, वे उव्वियसरीरंगोवंगणामं, वण्णणामं, गंधणामं, रसणामं, फासणामं, देवाणुपुव्वीणामं, अगरुयलहुअनामं, उवघायनामं, पराघायनामं, ऊसासनामं, पसत्थविहायगंइणामं, तसनामं, बायरणामं, पज्जत्तनामं, पत्तेयसरीरनामं, थिराधिराणं दोन्हं अण्णयरं एगनामं णिबंधति, सुभासुभाणं दोण्हमण्णयरं एगनामं निबंधई, सुभगणामं, सुस्सरणामं, आएज्ज- अणाज्जनामाणं दोण्हमण्णयरं एगनामं निबंधइ, जसकित्तिनामं, निम्माणनामं । एवं चेव नेरइए वि, णाणतं अपसत्थविहायगइणामं, हुंडसंठाणनामं, अथिरणामं, दुब्भगणामं, असुभनामं, दुस्सरनामं, अणादेज्जणामं, अजसोकित्तीणामं, निम्माणनामं । (२) इमीसे णं रतणप्पभाए पुढवीए अत्थेगतियाणं नेरइयाणं अट्ठावीसं पलिओवमाइं ठिती पण्णत्ता । अहेसत्तमाए पुढवीए अत्थेगतियाणं नेरइयाणं अट्ठावीसं सागरोवमाइं ठिती पण्णत्ता । असुरकुमाराणं देवाणं अत्थेगतियाणं अट्ठावीसं पलिओवमाइं ठिती पण्णत्ता । सोहम्मीसाणेसु कप्पेसु देवाणं अत्थेगतियाणं अट्ठावीसं पलिओवमाइं ठिती पण्णत्ता । उवरिमहेट्ठिमगेवेज्जयाणं देवाणं जहणणं अट्ठावीसं सागरोवमाइं ठिती पण्णत्ता । (३) जे देवा मज्झिमउवरिमगेवेज्जएसु विमाणेसु देवत्ताते उववण्णा तेसि णं देवाणं उक्कोसेणं अट्ठावीसं सागरोवमा ठिती पण्णत्ता । ते णं देवा अट्ठावीसाए अद्धमासेहिं आणमंति वा पाणमंति वा ऊससंति वा नीससंति वा । तेसि णं देवाणं अट्ठावीसाए वाससहस्सेहिं आहारट्ठे समुप्पज्जति। (४) संतेगतिया भवसिद्धिया जीवा जे अट्ठावीसाए भवग्गहणेहिं सिज्झिस्संति जाव सव्वदुक्खाणं अंतं करेस्संति । [२९]
(१)
. एगूणतीसतिविहे पावसुतपसंगे पण्णत्ते, तंजहा भोमे, उप्पाए, सुमिणे, अंतलिक्खे, अंगे, सरे, वंजणे, लक्खणे । भोमे तिविहे पण्णत्ते, तंजहा सुत्तं, वित्ती, वत्तिए । एवं एक्केक्कं तिविहं । विकहाणुयोगे, विज्जाणुजोगे, मंताणुजोगे, जोगाणुजोगे, अण्णतित्थियपवत्ताणुजोगे । आसाढे णं मासे एगूणतीसं रातििदियाई रातिदियग्गेणं पण्णत्ते | भद्दवते णं मासे [एगूणतीसं रातिदियाइं रातिदियग्गेणं पण्णत्ते ] । कत्तिए णं [ मासे एगूणतीसं रातिदियाइं रातिदियग्गेणं पण्णत्ते] । पोसे णं मासे [एगूणतीसं रातिदियाई रातिदियग्गेणं पण्णत्ते ] । फग्गुणे णं [मासे एगूणतीसं रातिदियाइं रातिदियग्गेणं पण्णत्ते ] | वइसाहे णं मासे [एगूणतीसं रातिंदियाई रातिदिग्गेणं पण्णत्ते ] । चंददिणे णं एकूणतीसं मुहुत्ते सातिरेगे मुहुत्तग्गेणं पण्णत्ते । जीवे णं पसत्थज्झवसाणजुत्ते भविए सम्मद्दिट्ठी तित्थकरनामसहिताओ णामस्स णियमा एगूणतीसं उत्तरपगडीओ निबंधित्ता वेमाणिएसु देवेसु देवत्ताए उववज्जति । (२) इमीसे णं रतणप्पभाए पुढवीए अत्थेगतियाणं नेरइयाणं एगूणतीसं पलिओवमाइं ठिती पण्णत्ता। अहेसत्तमाए पुढवीए अत्थेगतियाणं नेरइयाणं एगूणतीसं सागरोवमाइं ठिती पण्णत्ता । असुरकुमाराणं देवाणं अत्थेगतियाणं एगूणतीसं पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं एगूणतीसं पलिओवमाइं ठिती पण्णत्ता । उवरिममज्झिमगेवेज्जयाणं देवाणं जहणणं एगूणतीसं सागरोवमाई ठिती पण्णत्ता। (३) जे देवा उवरिमहेट्ठिमगेवेज्जयविमाणेसु देवत्ताते उववण्णा तेसि णं देवाणं उक्कोसेणं एगूणतीसं सागरोवमाई ठिती पण्णत्ता । ते णं देवा एगूणतीसाए अद्धमासेहिं आणमंति वा पाणमंति वा ऊससंति वा नीससंति वा । तेसिं णं देवाणं एगूणतीसाए वाससहस्सेहिं आहारट्ठे समुप्पज्जति । (४) संतेगतिया भवसिद्धिया जीवा जे एगूणतीसाए भवग्गहणेहिं सिज्झिस्संति [जाव सव्वदुक्खाणं अंतं करेस्संति] |[३०] ★★★ (१) तीसं मोहणिज्जठाणा पण्णत्ता, तंजा - जे यावि तसे पाणे वारिमज्झे विगाहिया । उदएणक्कम्म मारेति महामोहं पकुव्वति ॥ १९॥ सीसावेढेण जे केई आवेढेति अभिक्खणं । तिव्वासुभसमायारे महामोहं पकुव्वति ||२०|| पाणिणा संपिहित्ताणं सोयमावरिय पाणिणं । अंतो नदंतं मारेइ महामोहं पकुव्वइ ||२१|| जायतेयं समारब्भ बहुं ओरुंभिया जणं । अंतोधूमेण मारेइ महामोहं पकुव्वइ ||२२|| सीसम्मि जे पहणइ उत्तमंगम्मि चेयसा । विभज्न मत्थयं फाले महामोहं पकुव्वति ||२३|| पुणो पुणो पणिहीए हणित्ता उवहसे जणं । फलेणं अदुव दंडेणं महामोहं पकुव्वइ ||२४|| गूढायारी निगूहेज्जा मायं मायाए छायए । असच्चवाई णिण्हाई महामोहं पकुव्व ॥ २५॥ धंसेइ जो अभूणं Aero श्री आगमगुणमंजूषा - १९१
ॐ ॐ ०
YO