Agam 04 Ang 04 Samvayang Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 14

2005555
(४) समवायंगसुत्तं ५ ६ ७ द्वाणं [३]
अहिगरणिया पाओसिया पारितावणिया पाणातिवातकिरिया । पंच महव्वया पण्णत्ता, तंजहा सव्वातो पाणातिवातातो वेरमणं, सव्वातो मुसावायातो वेरमणं, सव्वातो जाव परिग्गहाओ वेरमणं । पंच कामगुणा पण्णत्ता, तंजहा सद्दा रूवा रसा गंधा फासा। पंच आसवदारा पण्णत्ता, तंजहा मिच्छतं अविरति पमाए कसा जोगा । पंच संवरदारा पण्णत्ता, तंजहा सम्मत्तं विरति अप्पमादो अकसायया अजोगया । पंच निज्जरद्वाणा पण्णत्ता, तंजहा पाणातिवातातो वेरमणं मुसावायातो वेरमणं अदिण्णादाणातो वेरमणं मेहुणातो वेरमणं परिग्गहातो वेरमणं । पंच समितीतो पण्णत्ताओ, तंजहा इरियासमिती भासासमिती एसणासमिती आयाणभंडनिक्खेवणासमिती ऊच्चार पासवण खेल-सिंघाण- जल्लपारिट्ठावणियासमिती । पंच अत्थिकाया पण्णत्ता, तंजहा धम्मत्थिकाए अधम्मत्थिकाए आगासत्थिकाए जीवत्थिकाए पोग्गलत्थिकाए । (२) रोहिणीनक्खत्ते पंचतारे पण्णत्ते । पुणव्वसू नक्खत्ते पंचतारे पण्णत्ते । हत्थे नक्खत्ते पंचतारे पण्णत्ते । विसाहानक्खत्ते पंचतारे पण्णत्ते । धणिट्ठानक्खत्ते पंचतारे पण्णत्ते । (३) इमीसे रयणप्पभाए पुढवीए अत्थेगतियाणं नेरइयाणं पंच पलितोवमातिं ठिती पण्णत्ता । तच्चाए णं पुढवीए अत्थेगतियाणं नेरइयाणं पंच सागरोवमातिं ठिती पण्णत्ता । असुरकुमाराणं देवाणं अत्थेगतियाणं पंच पलितोवमातिं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं पंच पलितोवमातिं ठिती पण्णत्ता। सणकुमार माहिदेसु कप्पेसु अत्थेगतियाणं देवाणं पंच सागरोवमातिं ठिती पण्णत्ता । (४) जे देवा वायं सुवायं वातवत्तं वातप्पभं वातकंतं वातवण्णं वातलेसं वातज्झयं वातसिंगं वातसिद्धं वातकूडं वाउत्तरवडेंसगं सूरं सुसूरं सूरावत्तं सूरप्पभं सूरकंतं सूरवणं सूरलेसं सूरज्झयं सूरसिंगं सूरसिहं सूरकूडं सूरुतरवडेंसगं विमाणं देवत्ताते उववण्णा तेसि णं देवाणं उक्कोसेणं पंच सागरोवमातिं ठिती पण्णत्ता । ते णं देवा पंचण्हं असा आमंति वा पाणमंति वा ऊससंति वा नीससंति वा । तेसि णं देवाणं पंचहिं वाससहस्सेहिं आहारट्ठे समुप्पज्जति । (५) संतेगतिया भवसिद्धिया जीवा जे पंचहिं भवग्गहणेहिं सिज्झिस्संति जाव अंतं करेस्संति । [६] ★★★ (१) छल्लेसातो पण्णत्तातो, तंजहा कण्हलेसा नीललेसा काउलेसा तेउलेसा पम्हलेसा सुक्कलेसा | छज्जीवनिकाया पण्णत्ता, तंजहा पुढवीकाए आउकाए तेउकाए वाउकाए वणस्सतिकाए तसकाए । छव्विहे बाहिरे तवोकम्मे पण्णत्ते, तंजहा असणे ओमोदरिया वित्तीसंखेवो रसपरिच्चातो कायकिलेसे संलीणया । छव्विहे अब्भंतरए तवोकम्मे पण्णत्ते, तंजहा पायच्छित्तं विणओ वेयावच्वं सज्झाओ झाणं उस्सग्गो । छ छाउमत्थिया समुग्घाया पण्णत्ता, तंजहा वेयणासमुग्घाते कसायसमुग्घाते मारणंतियसमुग्घाते वेउव्वियसमुग्घाते तेयससमुग्घाते आहारसमुग्घाते । छव्विहे अत्थोग्गहे पण्णत्ते, तंजहा सोतेंदियअत्थोग्गहे चक्खुइदियअत्थोग्गहे घाणिदियअत्थोग्गहे जिब्भिदियअत्थोग्गहे फासिंदियअत्थोग्गहे नोइंदियअत्थोग्गहे । (२) कत्तियानक्खत्ते छतारे पण्णत्ते । असिलेसानक्खत्ते छतारे पण्णत्ते । (३) इमीसे णं रयणप्पभाए पुढवीए अत्थेगतियाणं नेरतियाणं छ पलिओवमाई ठिती पण्णत्ता । तच्चाए णं पुढवीए अत्थेगतियाणं नेरतियाणं छ सागरोवमाइं ठिती पण्णत्ता । असुरकुमाराणं देवाणं अत्थेगतियाणं छ पलितोवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं छ पलितोवमाइं ठिती पण्णत्ता । सणकुमार-माहिदेसु कप्पेसु अत्थेगतियाणं देवाणं छ सागरोवमाई ठिती पण्णत्ता । (४) जे देवा सयंभुं सयंभुरमणं घोसं सुघोसं महाघोसं किट्ठिघोसं वीरं सुवीरं वीरगतं वीरसेयणियं वीरावतं वीरप्पभं वीरकंतं वीरवण्णं वीरलेसं वीरज्झयं वीरसिंगं वीरसिहं वीरकूडं वीरुत्तरवडेंसगं विमाणं देवत्ताते उववण्णा तेसि णं देवाणं उक्कोसेणं छ सागरोवमाइं ठिती पण्णत्ता । ते णं देवा छण्हं अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं छहिं वाससहस्सेहिं आहारट्ठे समुप्पज्जति । (५) संतेगतिया भवसिद्धिया जीवा जे छहिं भवग्गहणेहिं सिज्झिस्संति जाव अंतं करेस्संति । [७] ★ ★ ★ (१) सत्त भट्टाणा पण्णत्ता, तंजहा इहलोगभए परलोगभए आदाणभए अकमहाभए आजीवभए मरणभए असिलोगभए । सत्त समुग्धाता पण्णत्ता, तंजहा वेयणासमुग्घाते कसायसमुग्घाते मारणंतियसमुग्घाते वेउव्वियसमुग्घाते तेयससमुग्घाते आहारसमुग्घाते केवलिसमुग्धाते । समणे भगवं महावीरे सत्त रयणीतो उड्डुंउच्चतेणं होत्था । सत्त वासहरपव्वया पण्णत्ता, तंजहा चुल्लहिमवंते महाहिमवंते निसढे नीलवंते रुप्पी सिहरी मंदरे । सत्त वासा पण्णत्ता, तंजा भरहे हेमवते हरिवासे महाविदेहे रम्मए हेरण्णवते एरावते। खीणमोहे णं भगवं मोहणिज्जवज्जातो सत्त कम्मपगतीओ वेदेति । (२) महानक्खत्ते सत्ततारे पण्णत्ते । पाठान्तरेण अभियाईया सत्त नक्खत्ता कत्तियादीया सत्त नक्खत्ता पुव्वदारिया पण्णत्ता । महादीया सत्त नक्खत्ता दाहिणदारिया पण्णत्ता । अणुराहाइया MOTOR श्री आगमगुणमंजूषा - १८०
ॐॐॐॐॐॐॐ
20