Agam 03 Ang 03 Sthananga Sutra Stahanakvasi

Author(s): Madhukarmuni, Shreechand Surana
Publisher: Agam Prakashan Samiti

Page 778

दशम स्थान
७११
.. ९. एगं च णं महं हरि-वेरुलिय-वण्णाभेणं णियएणमंतेणं माणुसुत्तरं पव्वतं सव्वतो समंता
आवेढियं परिवेढियं सुमिणे पासित्ता णं पडिबुद्धे। १०. एगं च णं महं मंदरे पव्वते मंदरचूलियाए उवरि सीहासणवरगयमत्ताणं सुमिणे पासित्ता
णं पडिबुद्धे। १. जण्णं समणे भगवं महावीरे एगं च णं महं घोररूवदित्तधरं तालपिसायं सुमिणे पराजितं
पासित्ता णं पडिबुद्धे, तण्णं समजेणं भगवता महावीरेणं मोहणिजे कम्मे मूलओ उग्घाइते। २. जण्णं समणे भगवं महावीरे एगं च णं महं सुक्किलपक्खगं (पुंसकोइलगं सुमिणे पासित्ता
णं) पडिबुद्धे, तण्णं समणे भगवं महावीरे सुक्कज्झाणोवगए विहरइ। ३. जण्णं समणे भगवं महावीरे एगं च णं महं चित्तविचित्तपक्खगं (पुंसकोइलगं सुमिणे पासित्ता णं) पडिबुद्धे, तण्णं समणे भगवं महावीरे ससमय-परसमयियं चित्तविचित्तं दुवालसंगं गणिपिडगं आघवेति पण्णवेति परूवेति दंसेति णिदंसेति उवदंसेति, तं जहाआयारं, (सूयगडं, ठाणं, समवायं, विवा [आ ?] हपण्णत्तिं, पायधम्मकहाओ, उवासगदसाओ, अंतगडदसाओ, अणुत्तरोववाइयदसाओ, पण्हावागरणाई, विवागसुयं) दिट्ठिवायं। ४. जण्णं समणे भगवं महावीरे एगं च णं महं दामदुगं सव्वरयणा (मयं सुमिणे पासित्ता
णं) पडिबुद्धे, तण्णं समणे भगवं महावीरे दुविहं धम्मं पण्णवेति, तं जहा—अगारधम्म
च, अणगारधम्मं च। ५. जण्णं समणे भगवं महावीरे एगं च णं महं सेतं गोवग्गं सुमिणे (पासित्ता णं) पडिबुद्धे, तण्णं समणस्स भगवओ महावीरस्स चाउव्वण्णाइण्णे संघे, तं जहा—समणा, समणीओ,
सावगा, सावियाओ। ६. जण्णं समणे भगवं महावीरे एगं च णं महं पउमसरं (सव्वओ समंता कुसुमितं सुमिणे
पासित्ता णं) पडिबुद्धे, तण्णं समणे भगवं महावीरे चउव्विहे देवे पण्णवेति, तं जहा
भवणवासी, वाणमंतरे, जोइसिए, वेमाणिए। ७. जण्णं समणे भगवं महावीरे एगं च णं महं सागरं उम्मी-वीची-(सहस्स-कलितं भुयाहिं तिण्णं सुमिणे पासित्ता णं) पडिबुद्धे, तं णं समणेणं भगवता महावीरेणं अणादिए
अणवदग्गे दीहमद्धे चाउरंते संसारकंतारे तिण्णे। ८. जण्णं समणे भगवं महावीरे एगं च णं महं दिणयरं (तेयसा जलंतं सुमिणे पासित्ता णं) पडिबुद्धे, तण्णं समणस्स भगवओ महावीरस्स अणंते अणुत्तरे (णिव्वाघाए णिरावरणे
कसिणे पडिपुण्णे केवलवरणाणदसणे) समुप्पण्णे। ९. जण्णं समणे भगवं महावीरे एगं च णं महं हरि-वेरुलिय (वण्णाभेणं णियएणमंतेणं
माणुसुत्तरं पव्वतं सव्वतो समंता आवेढियं परिवेढियं सुमिणे पासित्ता णं) पडिबुद्धे, तण्णं