Agam 01 Ang 01 Acharang Sutra Aayaro Terapanth

Author(s): Tulsi Acharya, Nathmalmuni
Publisher: Jain Vishva Bharati

Page 365

आयारो
८. णच्चाणं से महावीरे, णो वि य पावगं सयमकासी।
अण्णेहिं वा ण कारित्था, कीरंतं पि णाणुजाणित्था ॥
९. गामं पविसे णयरं वा, घासमेसे कडं परद्वाए।
सुविसुद्धमेसिया भगवं, आयत-जोगयाए सेवित्था ।
१०. अदु वायसा दिगिछत्ता, जे अण्णे रसेसिणो सत्ता।
घासेसणाए चिट्ठते, सययं णिवतिते य पेहाए।
११. अदु माहणं व समणं वा, गामपिंडोलगं च अतिहिं वा।
सोवागं मूसियारं वा, कुक्कुरं वावि विहं ठियं पुरतो॥
१२. वित्तिच्छेदं वज्जतो, तेसप्पत्तियं परिहरंतो। मंदं परक्कमे भगवं, अहिंसमाणो घासमेसित्था ।
__ (त्रिभिः कुलकम्) १३. अवि सूइयं व सुक्कं वा, सीयपिंडं पुराणकुम्मासं । ___ अदु बक्कसं पुलागं वा, लद्धे पिंडे अलद्धए दविए।
१४. अवि झाति से महावीरे, आसणत्थे अकुक्कुए झाणं ।
उड्ढमहे तिरियं च, पेहमाणे समाहिमपडिण्णे ॥
१५. अकसाई विगयगेही, सद्दरूवेसुऽमुच्छिए झाति।
छउमत्थे वि परक्कममाणे, णो पमायं सई पि कुव्वित्था ॥