________________
પૂ. પાલતાશ્રીજીની જીવન ઝરમર
વિ.સં. ૨૦૦૨માં પૂજ્ય આચાર્ય મ. શ્રી વિજય અમૃતસૂરીશ્વરજી મ.ના ચાતુર્માસમાં મુનિરાજ શ્રી દેવવિજયજી મ. (હાલ આચાર્યશ્રી)નો પરિચય થયો. તેઓના લાગણીશીલ સ્વભાવે તથા વિશેષ પ્રેરણાએ આખા પરિવારને ધર્મની લગની લગાડી. બધા છોકરાઓ પણ તેમની પાસે ધાર્મિક અભ્યાસ કરવા લાગ્યા, તેમાં નવ વર્ષની વયના ભાઈ હસમુખમાં તેમને કંઈક વિશેષ ભાવના દેખાઈ. અને મનમાં એમ થયું કે એના ઉપર વિશેષ ધ્યાન દેવાય તો કંઈક સારું પરિણામ જરૂર આવશે. યોગાનુયોગ વિ.સં. ૨૦૦૩માં શાસન સમ્રાટશ્રી વિજય નેમિસૂરીશ્વરજી મ.શ્રીનું ચાતુર્માસ પણ શ્રી સંઘના અતિ આગ્રહથી સાબરમતી થયું. મુનિરાજશ્રી દેવવિજયજી મ. (હાલ આચાર્યશ્રી) પણ ત્યાં બીજું ચાતુર્માસ તેઓશ્રીની નિશ્રામાં રહ્યા, તેમજ મુનિરાજ શ્રી મેરુવિજયજી મ. (સ્વ. આચાર્યશ્રી) પણ તે ચાતુર્માસમાં પૂજ્ય શાસનસમ્રાટુ શ્રી આદિ સાથે ત્યાં પધાર્યા, ચાર માસ પર્યત તેઓ બન્નેના સમાગમનો સુયોગ પ્રાપ્ત થવાથી પરસ્પર વિશેષ આત્મીયતા જન્મી તથા સ્નેહસંભાવના પણ પ્રગટી.
બીજો પણ સુંદર સુયોગ આ જ અરસામાં તેઓને સાંપડ્યો અને તે
એ કે
પૂજ્ય સાધ્વીજીશ્રી ચંપકશ્રીજી મ., પૂજ્ય સાધ્વીજી શ્રી ચારિત્રશ્રીજી મ. તથા પૂજ્ય સાધ્વીજી શ્રી સરસ્વતી શ્રીજી મ. આદિના પણ ત્રણ ત્રણ ચાતુર્માસનો લાભ. સાબરમતી જૈન સંઘ પણ આથી ધન્યતા અનુભવવા લાગ્યો. ભકિત વૈયાવચ્ચ કરવાના આવેલા અવસરને પામી પ્રભાબેનનો મનમોરલો નાચી ઉઠ્યો. ભક્તિ કરવા બેસે ત્યારે શરીર અને સ્થિતિ બધું જ વિસરી જાય.
તેઓનો સમાગમ/પ્રેરણા તથા વાત્સલ્યભાવ પણ પ્રભાબેનની ધર્મભાવના તથા વૈયાવચ્ચ ભાવનાને પુષ્ટ કરવામાં ઘણા જ નિમિત્તભૂત બન્યાં. આ બધાથી મનમાં ચોક્કસપણે એવું થઈ ગયું કે
