________________
આરાધના પંચક (૪)
૪૩
કોઈ વખત દાંતની વેદનાથી અને કોઈ વખત કર્ણશૂળથી મૃત્યુ પામ્યો. કોઈક વખત આંખના દુઃખાવાથી અને કોઈક વખત મસ્તકની વેદનાથી મૃત્યુ પામ્યો. ૧૪૬
કોઈક વખત રૂધિરના પ્રવાહથી નિર્બળ બનતાં જીવ ગયો. કોઈક વખત ઝાડાનો રોગ ન મટતાં મૃત્યુ પામ્યો. ૧૪૭
કોઈક વખત ખસ ખુજલીથી મૃત્યુ પામ્યો. કોઈક વખત કોઈક પ્રકારના ફોલ્લાથી મૃત્યુ પામ્યો. કોઈક વખત મરકીથી મરણ પામ્યો. કોઈક વખત ઉપચાર ઊલટો થતાં મર્યો. ૧૪૮
કોઈક વખત વિસ્ફોટકથી અને કોઈક વખત પેટના શૂળથી મરણ પામ્યો. કોઈક વખત વજ્રથી હણાયો. કોઈક વખત પહાડના શિખર પરથી પડયો. ૧૪૯
કોઈક વઅત શૂળીએ ચડાવાયો તથા કોઈક વખત ઊંધે મસ્તકે બાંધીને હણાયો, કોઈક વખત અસહ્ય કષ્ટ પડે તેવી સેવા કરી તથા કોઈક વખત જેનાથી ગુંગળીને મરી જવાય એવો ધૂપ મારી આગળ ધરવામાં આવ્યો. ૧૫૦
કોઈક વખત અગ્નિમાં પડવાથી અને કોઈક વખત પાણીમાં પડવાથી મોત આવ્યું. કોઈક વખત હાથીએ છૂંદી નાંખ્યો. કોઈ વખત સિંહે ફાડી નાંખ્યો. ૧૫૧
કોઈ વખત તરસથી મર્યો, કોઈક વખત ભૂખની વેદનાથી સૂકાઈને મર્યો, કોઈક વખત શ્વાપદે ખાધો, કોઈક વખત સર્વે ડંખ દીધો. ૧૫૨ .
