Page #1
--------------------------------------------------------------------------
________________ reyagAthA 00000000000000000000000000000000 jJAna khaMtana phi nyU soyeya " pAtI dharmazaNa mahAvA. aham zrIyazovijayajainagranthamAlA [14] zrIpadmasAgaragaNiviracitam 300000000000000000000000000000000000000000000000000000000000000000000000 jgdgurukaavym| 000000000000000000000000000000000000000000000000000000000000000 Registered Under Sections 18 and 19 of Act XXV of 1867. RezAstravizAradajainAcAryazrIvijayadharmasUri pAdAmbhojacaJcarIkAyamANAbhyAM paM-haragovindadAsa-becaradAsAbhyAM saMzodhitam / punea Published by Shah Harakhchand Bhurabhai Benares. Printed by Gauri Shanker Lal at the Chandraprabha Press, Benares City. 00009nd mUlyam // ollo 0000000
Page #2
--------------------------------------------------------------------------
Page #3
--------------------------------------------------------------------------
________________ arham zrIyazovijayajainagranthamAlA [14] shriipmsaagrgnnivircitmjgdgurukaavym| zAstravizAradajainAcAryazrIvijayadharmasUri pAdAmbhojacazcarIkAyamANAbhyAM paM-haragovindadAsa-becaradAsAbhyAM saMzodhitam / Published by Shah Harakhchand Bhurabhai Benares. Printed by Gauri Shanker Lal at the Chandraprabha Press, Benares City. mUlyam //
Page #4
--------------------------------------------------------------------------
Page #5
--------------------------------------------------------------------------
________________ i Shastra Visharada Jainacharya Shri Vijaya Dharma Suri (Jain High-Priest.)
Page #6
--------------------------------------------------------------------------
Page #7
--------------------------------------------------------------------------
________________ // prastAvanA asya khaNDakAvyasya kartAraH zrIpadmasAgaragaNayaH supratItA eva jainAnAm / eteSAM sattAsamayo jagadguruzrIhIravijayasUrisamAna evetyasyaiva kAvyasya samUlacUlamAlokanataH, "cakre zAstramidaM yatnAt trygnissttcndrvtsre| padmasAgarasaMjJena ghudhena khAtmabuddhaye" // 4 // ityetaireva vikramAt 1633 saMvatsare viracitasya svopajJaTIkAsahitasya zrInayaprakAzASTakasyAntimabhAgatazca niHsandigdhaM vyaktIbhavati / ebhirgranthakartRbhiH anye'pi zIlaprakAza-yuktiprakAza-taTTIkAzrIuttarAdhyayanakathAsaMgrahAdayo'neke granthA niramAyiSata / yaiAyasAhityAdiviSayeSu teSAM apUrvA pratibhAzAlitA spaSTamAvirbhavati / ____ kAvyasyaitasya nAyakAnAM zrIhIravijayasUrINAM itihAsopayogi adhikaM vRttAntaM pAThakAnAmAvazyakaM matvA mahopAdhyAyazrIdharmasAgaragaNinirmitatapAgacchapaTTAvalIto'trodhriyate___ " zrIvijayadAnasUripaTTe'STapaJcAzattamAH zrIhIravijayasUrayaH / kiviziSTaH saMprati tapAgacche AdityasadRzAstaduddyotakatvAt / teSAM vikramataH tryazItyAdhike paJcadazazatavarSe 1583 mArgazIrSazuklanavamIdine prahAdanapuravAstavya-UkezajJAtIyasA-kuMrAbhAryAnAthIgRhe janma / SaNNavatyadhike 1596 kArtikabahuladvitIyAyAM 2 pattananagare dIkSA / saptA'dhike SoDazazatavarSe 1607 nAradapuryo zrIRSabhadebaprAsAde paNDitapadam / aSTAdhike 1608 mAghazuklapazcamIdine nAradapuryo zrIvarakANakapArzvanAthasanAthe zrIneminAthaprAsAde vAcakapadam / dazAdhike 1610 sIrohInagare sUripadam / tathA yeSAM saubhAgyavairAgyaniHspRhatAdiguNazreNerekamapi guNa bacogocarIkartuM vAcaspatirapyacaturaH / tathA stambhatIrthe yeSu sthiteSu tatratyazraddhAlubhiH TaGkakAnAmekA koTiH prabhAvanAdibhirvyayIkRtA / yeSAM caraNavinyAse pratipadaM suvarNaTakarUpyanANakamocanaM, puratazca muktAphalAdibhiH svastikaracanaM, prAyasadupari ca raupyakanANakamocanaM cetyAdi saMpratya'pi pratyakSasiddham / yaizca sIrowo zrIkunthunAthabimbAnAM pratiSThA kRtA / tathA nAradapuryAmanekAni jinabimbAni pratiSThitAni / tathA stambhatIrthA'hammadAvAdapattananagarAdau anekaTaGkalakSavyayaprakRyabhiranekAbhiH pratiSThAbhiH sahasrazo bimbAni prtisstthitaani| yeSAM ca vihArAdau yugapradhAnasamAnAtizayAH pratyakSasiddhA eva / tathA'hammadAvAdanagare luGkAmatA
Page #8
--------------------------------------------------------------------------
________________ [ 2 ] 'dhipatiH RSimeghajInAmA svakIyamatA''dhipatyaM durgatiheturiti matvA raja iva parityajya paJcaviMzatimunibhiH saha sakalarAjAdhirAjapAti sAhizrI akabbararAjAjJApUrvakaM tadIyA''todyavAdanAdinA mahAmahapurassaraM pravrajya yadIyapAdAmbhoja. sevAparAyaNo jAtaH / etAdRzaM ca na kasyApyAcAryasya zrutapUrvam / kiJca / yeSAmazeSasaMvignasUrizekharANAmupadezAt sahasrazo gajAnAM, lakSazo vAjinAM, gUrjara - mAlavavihAra-ayodhyA-prayAga - phatepura - dillI - lAhura - mulatAna - kyAbila - ajamera-baGgAlAyabhidhAnAnAmanekadezasamudAyAtmakAnAM dvAdazasUbAnAM cAdhIzvaro mahArAjAdhirAjaziraHzekharaH pAtisAhizrIakabbaranarapatiH svakIyA'khiladezeSu SANmAsikAmAripravarttanaM jIjIyAsbhidhAnakaramocanaM ca vidhAya sakalalokeSu jAgratprabhAvabhavanaM zrImajinazAsanaM janitavAn / tadvyatikaro vistarataH zrIhIrasaubhAgyakAvyAdibhyo'vaseyaH / samAsatastvevam - ekadA kadAcitpradhAnapuruSANAM mukhavArsayA zrImadgurUNAM nirupamazamadamasaMvegavairAgyAdiguNagaNazravaNatazcamatkRtacetasA pAtisAhizrI akabbareNa khanAmAGkitaM phuramAnaM preSyA'tibahumAnapurassaraM gandhArabandirAt dillIdeze AgarAkhyanagarAsannazrI phatepuranagare darzanakRte samAkAritAH santo'nekabhavyajanakSetreSu bodhibIjaM vapantaH zrIguravaH krameNa vihAraM kurvANAH vikramata ekonacatvAriMzadadhikaSoDazazatavarSe 1639 jyeSThabahulatrayodazIdine tatra saMprAptAH / tadAnImeva ca tadIyapradhAnaziromaNizeSazrIabalaphajalAkhyadvArA upAdhyAyazrIvimalaharSagaNiprabhRtyanekamuninikaraparikaritAH zrIsAhinA samaM militAH / tadavasare ca zrImatsAhinA _sAdaraM khAgatAdi pRSTvA, svakIyAsthAnamaNDape samupavezya ca paramezvaraskharUpaM, dharmakharUpaM ca kIdRzaM kathaM ca paramezvaraH prApyata ityAdidharmagocaro vicAraH praSTumArebhe / tadanu zrIgurubhiramRtamadhurayA girA'STAdazadoSavidhuraparamezvarapaJcamahAvratakharUpanirUpaNAdinA tathA dharmopadezo dade yathA AgarAdraGgato'jameranagaraM yAvadadhvani pratikrozaM kUpikopetamanArAnvidhAya svakIyAkheTakakalAkuzalatAprakaTanakRte pratimanAraM zatazo hariNaviSANAropaNavidhAnAdinA prAg hiMsAdikaraNaratirapi sa bhUpatirdayAdAnayatisaGgatikaraNAdipravaNamatiH saJjAtaH / tato'tIvasantuSTamanasA zrIsAhinA proktam / yat putrakalatradhanasvajanadehAdiSu nirIhebhyaH zrImadbhyo hiraNyAdidAnaM na yuktimat / ato yadasmadIyamandire purAtanaM jainasiddhAntAdipustakaM samasti, tallAtvA'smAkamanugraho vidheyaH / pazcAt punaH punarAgrahavazAt tatsamAdAya zrIgurubhiH AgarAkhyanagare citkozatayA'moci / tatra sAdhikapraharaM yAvaddharmagoSTIM vidhAya zrImatsAhinA samanujJAtAH zrIguravo mahatADambareNa upAzraye samAjagmuH / tataH sakale'pi loke pravacanonnatiH sphItimatI saJjAtA / varSe AgarAkhyanagare caturmAsakakaraNAnantaraM saurIpure zrInemijinayAtrAkRte samAgataiH
Page #9
--------------------------------------------------------------------------
________________ [ 3 ] zrIgurubhiH purAtanayoH zrIRSabhadevazrIneminAthasambandhinyormahatyoH pratimayoH, tadAnImeva nirmitazrInemijinapAdukAyAzca pratiSThA kRtA / tadanu AgarAkhyanagare sAmAnasiMhakalyANamallakAritazrIcintAmaNipArzvanAthAdibimbAnAM pratiSThA zatazaH suvaTaGkavyayAdinA mahAmahena nirmitA / tattIrthe ca prathitaprabhAvaM saJjAtamasti / tataH zrIguravaH punarapi phatepuranagare samAgatya zrIsAhinA sAkaM militAH / tadavasare ca praharaM yAvaddharmapravRttikaraNAnantaraM zrIsAhiravadat yat zrImanto mayA darzanotkaNThitena dUradezAdAkAritAH / asmadIyaM ca na kimapi gRhyate / tenAsmatsakAzAt zrImadbhiH sacittaM yAcanIyaM yena vayaM kRtArthA bhavAmaH / tat samyagvicArya zrIgurubhistadIyAkhiladezeSu paryuSaNAparvasatkASTAhnikAyAmamAripravartanaM bandijanamocanaM cAyAci / tato nirlobhatAzAntatAdyatizayitaguNagaNAticamatkRtacetasA zrIsAhinA asmadIyAnyapi catvAri dinAni samadhikAni bhavantviti kathayitvA svavazIkRtadezeSu zrAvaNabahuladazamIta: prArabhya bhAdrapada zuklaSaSThIM yAvadamAripravarttanAya dvAdazadinAmArisatkAni kAJcanaracanAzcitAni khanAmAGkitAni SaT phuramAnAni tvaritameva zrIgurUNAM samarpitAni / teSAM vyaktiH prathamaM gUrjaradezIyaM, dvitIyaM mAlavadezasatkaM tRtIyaM ajameradezIyaM, caturthe dillIphattepuradezasambandhi, paJcamaM lAhuramulatAnamaNDalasatkam, zrIgurUNAM pArzve rakSaNAya SaSThaM dezapaJcakasaMbandhi sAdhAraNaM ceti / teSAM ca tattaddezeSu preSaNenAmAripaTahodghoSaNavAriNA siktA satI purA'jJAyamAnanAmA'pi kRpAvallI sarvatrAryAnA - ryakulamaNDapeSu vistAravatI babhUva / tathA bandijanamocanasyApyaGgIkArapurassaraM zrIsAhinA zrIgurUNAM pArzvadutthAya tadaivAnekagavyUtamite DAbaranAmni mahAsarasi gatvA sAdhusamakSaM svahastena nAnAjAtIyAnAM dezAntarIyajanaprAbhRtIkRtAnAM pakSiNAM mocanaM cakre / tathA prabhAte kArAgArasthabahujanAnAM bandhanabhaJjanamapyakAri / evamanekazaH zrImatsAhermilanena zrIgurUNAM dharitrImarumaNDalAdiSu zrIjinaprAsAdopAzrayANAmupadravanivAraNAyAnekaphuramAnavidhApanAdinA pravacanaprabhAvanAdiprabhAvo yo lAbho'bhavat sa kena varNayituM zakyate ? / tadavasare ca saMjAtagurutaragurubhaktirAgeNa meDatIyasA - sadAraGgeNa mArgaNagaNebhyo mUrttimadgajadAnadvipazada'zvadAnalakSaprAsAdavidhAnAdinA, dillIdeze zrAddhAnAM pratigRhaM seradvayapramANakhaNDalambhanikAnirmANAdinA ca zrIjinazAsanonnatizcakre / tathaikA pratiSThA sA thAnasiMghakAritA / aparA ca sA- dUjaNamallakAritA zrIphatepuranagare'nekaTaGkalakSavyayAdinA mahAmahotsavopetA vihitaa| kizca / prathamacaturmAsakamAgarAkhyadraGge, dvitIyaM phatepure, tRtIyamabhirAmAvAde, caturthe punarapyAgarAkhye ceti caturmAsIcatuSTayaM tatra deze kRtvA gUrjaradezastha zrIvijayasenaprabhRtisaMghasyA''grahavazAt zrIgurucaraNA dharitrIpavitrIkaraNapravaNAntaHkaraNAH zrIzepUjI zrIpAdjI -zrIdAnIArAbhidhaputrAdipravaraparikarANAM zrImatsAhipurandarANAM pArzve
Page #10
--------------------------------------------------------------------------
________________ phuramAnAdikAryakaraNatatparAnupAdhyAyazrIzAnticandragaNivarAn muktvA meDatAdimAge -vihAraM kurvANA nAgapure caturmAsI vidhAya krameNa sIrohInagare smaagtaaH| tatrApi navInacaturmukhaprAsAde zrIAdinAthAdibimbAnAM, zrIajitajinaprAsAde zrIajitajinAdibimbAnAM ca krameNa pratiSThAdvayaM vidhAya arbudAcale yAtrArtha prasthitAH / tatra vidhinA yAtrAM vidhAya yAvaddharitrIdizi pAdAvadhAraNaM vidadhati tAvat mahArAyazrIsulatAnajIkena sIrohIdeze purA karAtipIDitasya lokasya atha pIDAM na vidhAsyAmi, mArinivAraNaM ca kariSyAmItyAdivijJapti khapradhAnapuruSamukhena vidhAya zrIguravaH sIrotyAM caturmAsIkaraNAyAtyAgrahAt smaakaaritaaH| pazcAt tadrAjoparodhena, taddezIyalokAnukampayA ca tatra caturmAsI vidhAya krameNa rohasarotarAmArge vihAraM kurvantaH zrIpattananagaraM paavitvntH| atha purA zrIsUrirAjaiH zrIsAhihRdayAlavAlAropitA kRpAlatopAdhyAyazrIzAnticandragaNibhiH svopajJakRpArasakozAkhyazAstrazrAvaNajalena siktA satI vRddhimatI babhUva / tadabhijJAnaM ca zrImatsAhijanmasambandhI mAsaH, zrIparyuSaNAparvasatkAni dvAdaza dinAni, sarve'pi ravivArAH, sarvasaMkrAntitithayaH, navarojasatko mAsaH, sarve IdIvAsarAH, sarve miharavAsarAH, sophIAnavAsarAzceti pANmAsikAmArisatkaM phuramAnaM, jIjIAbhidhAnakaramocanasatkAni phuramAnAni ca zrImatsAhipArthAtsamAnIya dharitrIdeze zrIgurUNAM prAbhRtIkRtAnIti / etacca sarvajanapratItameva / tatra navarojAdivAsarANAM vyaktistatphuramAnato'vaseyA / kiJca / asmin dillIdezavihAre zrImadgurUNAM zrImatsAhipradattabahumAnataH niSpratimarUpAdiguNagaNAnAM zravaNavIkSaNatazcAnekamlecchAdijAtIyA api sadyo madyamAMsAzanajIvahiMsanAdiratiM parityajya saddharmakarmAsaktamatayaH, tathA kecana pravacanapratsanIkA api nirbharabhaktiratayaH, anyapakSIyA api kakSIkRtasadbhUtodbhutaguNatatayazcAsan / ityAdyaneke'vadAtAH SaDdarzanapratItA eva / tathA zrIpattananagare caturmAsakakaraNAdanu vikramataH SaTcatvAriMzadadhikaSoDazazata 1646 varSe stambhatIrthe so-tejapAlakAritA sahasrazo rUpyakavyayAdinA'tIva zreSThAM pratiSThAM vidhAya zrIjinazAsanonnatiM tanvAnAH zrIsUrirAjo vijayante" asyaikaiva pratiH aNAhalapurapattanasya (pATana) "phophalIyAvADA AgalIzerI" ityasya bhANDAgArAt zreSThizrIbhogIlAla-hAlAbhAI-dvAropalabdhA / ato'tra sthale tasya zreSThino dhanyavAdapurassaraM upakAraM manyAvahe / tadevamekasyaiva pustakasyAdhAreNa zodhitamudrite'pyasmin pranthe jAtAH skhalanAH sahRdayAH kRpAM vidhAya zodhayiSyantIti nivedytohrgovind-becrdaasau|
Page #11
--------------------------------------------------------------------------
________________ aham zrIvijayadharmasUribhyo namaH / zrIpadmasAgaragaNiracitaMjagadgurukAvyam / natvA zrIbalijaM jinaM jayakara zrIpArzvanAthaM puna dhyAtvA zrItripurAM trilokamAhitAM sadbuddhisiddhizriyam / kAvyaM vakti jagadguroH zizurasau bhAvA'vanamrastridhA . hIrAhvasmRti padmasAgarakaviH saurASTrarASTrasthitaH // 1 // jambUdvIpabhuvo vibhUSaNatare kSetre vare bhArate . svarNasthAlatalasya dIpaka ivodyanmodakakSodake / asti svastigRhaM dviSoDazasahasroddAmadezolvaNaM khaNDaM madhyamamuttamainaravararbhojyaM sadAjyAnnavat // 2 // dezastatra ca gUrjaro'jarajanaH svavat suvarNAnvito .. gIrvANA'calavad guNAdarakaraH kAmaM dhanurdhArivat / ... '. sAdhvIsAdhuvizeSasaMyamasukhaH sadgacchavacchrIyutaH zazvat kezavavadvicitraracanaH zRGgAravadrAjate // 3 // zrIprahlAdananAmakaM puravaraM tatrA'sti yatraidhate zrIprahlAdanapArzvanAthasadanaM cakrezasainyaM yathA / sadratnA'kSatapUrapUrNanidhikaM citrAGgamAtaGgajo dArAzvaM ca purohitAGgasacivaM vIrAdhivIrAzritam // 4 // kuMrastatra vaNikkalAsu nipuNaH samyaktapUto'bhava dokezAnvayabhUSaNaM dhanavatAM madhye pratiSThAM gataH / jigye yena sitodaraH paTudhanairvargatrayIsAdhanai noMcedeSa tataH kathaM narapure nAmA'vaziSTo'dhunA ? // 5 // nAthI tasya pativratA kulavadhUdharmoditA sundarI gehaM bhUSayatIva kalpalatikA meruM suparvotsavam /
Page #12
--------------------------------------------------------------------------
________________ zrIpadmasAgaragaNiviracitaMyasyAH zIlaguNena nAgarajanaiH sItA smRti prApitA zRGgAraiH kamalA dhiyA bhagavatI rUpeNa kAmAGganA // 6 // sA saukhyaM viSayotthitaM nijapatiprattaM mayUrI yathA / __ vArvAhArpitamambu zokarahitA'pyAsvAdayantI satI / siMhasvapnamavApya putramanaghaM garbhe'vatIrNa nije mene pUritadohadehitaphalaprApteH svabhartugirA // 7 // sA'sUtAnyadine sutaM dinakara pUrveva tejasvinaM haMsI haMsamivendireva madanaM skandaM punaH paarvtii| yajanmanyabhavan prasannavadanAH kASThA gRhAntaHsthitA dIpA: kAntivilopakArbhakabhayA mandAH patadvattayaH / / 8 // vaptA tatra dadarza bAlamanaghaM vijJo yathA devarATa ___ jAtaM tIrthakaraM sulakSaNatayA cakre vicAra vimam / duSTaistAvadabhedya eSa bhavitA hIro yathA'mUlyaka staddhIretyabhidhAnamastviti kuTumbAgre'vadanmodataH // 9 // hIraH kuMragRhAGgaNe'tha vavRdhe kalpadrumastAviSe . vindhyAdrAviva kujaro maNigaNaH zrIrohaNe parvate / candraH pakSa ivA'male ca kamale kozaH zucAvambudaH kando'mbhodhitale pravAlaja ivA'rhaddhAni dharmakramaH // 10 // hIro'dhyApakahRdgatAni sakalAnyAdattavAn buddhita: ___ kuMrastasya dadau ca kAJcanacayaM hIrAGgabhArapramam / vidyAprAptiriha tridhA hi vinayairathaiH punarvidyayA / jAnannItimimAM vicAracaturaH sarvocitArthapradaH // 11 // hIro dvAdazavArSiko'bhavadatha spaSTairguNairdakSatau___ dAryAdhairguNavatsu bhAratabhuvi prAptakarakhaH param / lokAnAM nayaneSu rUpakamalArekhA anekA dadau buddhyAnantvamazeSarocakatayA citteSu cAzcaryataH // 12 // anyedyunagarAnnijAt svabhaginIgehe samAjagmivAn __ zrImadgurjarapattane kavijanaiH svaHkhaNDatAkhyApite / hIrastatra munIzvarAn vijayato dAnA'bhidhAnAn mudA
Page #13
--------------------------------------------------------------------------
________________ jagadgurukAvyam / prAptaH sAdhugRhasthitAMstapagaNasvAmitvamAptAn sphuTam // 13 // teSAM vAcamanekavAGmayarasaklinnAM viraktAtmanAM vairAgyA'mRtavarddhinIM zrutipuTadvArA hRdi nyastavAn / hIro hIrakavadbhavA'dhikaraNairlo haira bhedyastataH zuddhAcAratapograhodyatamatirjAtaH sujAtAGgavat // 14 // vairAgyaM bhavaraGgarUkSahRdayAdAvizvakAra svasu gatvA dhAni purastathAvidhavacaH zreNyA'tipuNyAsthayA / mRtkhaNDAdiva kAJcanaM racanayA svarNadhamaH zuddhayA bhUmadhyAdiva vA jalaM khananakucchaktyA karaprAptayA / / 15 / / taM dIkSA paramAnasaM svasRvarA jJAtvA kuTumbaM nijaM tatrAkArya pituH puro'vadadidaM muktAzrubhUbhedinI / bhrAtA me bhavabhIrureSa bhavatAM putrastapasyAgrahI vAryo varyadhiyA kulAcala ivAstyeko bhavanmandire // 16 // putrIvAkyamidaM nizamya janakaH smAkhyAti hIraM sutaM vatsa tvaM mama jIvanaM mama gRhastambhaH samarthaH punaH / AzA te mahatI mamAsti mama tadvRddhasthiti pAlaya tvaM madnehadhuraM vahA'hamadhunA dharma karomi sthiraH // 17 // zrutvA vAkyamidaM pituH samavadaddhIraH pavitrAzayaH saMsAro yamavanmamA'tibhayakRdbhAtaH pitaH ! sAMpratam / tattvaM tAraya saMsRteH sujanako yat saukhyadaH santate cAritragrahaNe mamAstu bhavatAM vaMzasya cAstUdayaH // 18 // vAgyuktyA pitaraM prabodhya bhaginIM vA mAtaraM zuddhayA tairdattA'numatirvrataM sa jagRhe pauraiH kRtAtyutsavam / bAle pravrajati pradhAnadhanabhuk tyaktA kuTumba nijaM dhanyaMmanyatayA'tra ko na kurute zrAddho nijaddhiMvyayam // 19 // harSastatra babhUva hIrakamaNiprAptyeva hIrAdataH sAdhUnAM vyavahAriNAmiti guruH zrIhIraharSAbhidhAm / cakre vargavilokanAdapi nijAddAdyakSaraprItita: santo'nvarthakanAma yadvidadhati prAjJe vineye sute // 20 //
Page #14
--------------------------------------------------------------------------
________________ zrIpadmasAgaragaNiviracitadhRtvA paJcamahAvratAni samitiproddAmaguptyaGkitA nyeSa proddhRtamerumAnavamahIsAmyaM kSamAto'bhajat / sAdhUnAM vividhairguNaidhuri tapaHkRtye'bhavaddhauryavat zAkaTye'dhyayane ca devaguruvadarbhAgrabuddhirmuniH // 21 // vidyAsAgaravAcakasya guNibhiH ziSyaivayodhIsamaiH sArddha sadatidharmasAgaravaraiH zrImadguroraprataH / samyag vyAkaraNaM kavitvaracanAgranthAMstathA'rhanmata nyAyaM karmavicArasaMgrahaNikAM smAdhyeti hIro muniH // 22 // sarvArhanmatazAstrapAramagamacchrIhIraharSo muni__ rjAto'nyAgamadarzanotsukamanAH zrImadgurornItivit / sArddha dharmamunIzvarairiti girA vijJaptikAmAtanot __ svAmin ! me parazAsanAgamavacoyuktiprakAze manaH // 23 // zrutvetyAha gurustato vraja mune ! zrIdakSiNAzA prati yogyaM dharmamuni sahAyamadhunaivAdAya rAmo yathA / zrImallakSmaNamanyazAstrapaThanaM tatrAnyapAdhai kuru ___ spaSTAH svAgamayuktayo hi dhaninAM tatraiva tadvAdinaH // 24 // labdhvAjJAmiti sadguroH kavivaraH zrIhariharSo muniH sArddha dharmamunIzvareNa calitaH zrIdakSiNAzAM prati / gatvA devagirau sadA''stikakRtadravyavyayAdbhaTTato maNyAdyAgamayuktipAThamanaghaM prArabdhavAnAdRtaH // 25 // pranthA nyAyavidAM vivecanakRtAM vaizeSikANAM puna___bhIdRsyA'pi tathAgatasya kapilaprAbhAkarANAM punaH / mImAMsAdvayavAdinAmapi parabrahmAdvayotsaMvidA bhaTTAtpaNDitacakriNo'tra paThitAH zrIhIraharSeNa te // 26 // sArddha dharmamunIzvareNa sakalapanthArthapAraGgamI bhUtvA zrIgurusannidhau punaragAttatstotrapAThe paTuH / ziSyANAM hi guNArthinAM cirataraM dUre gurona sthitiH / siddhe'rthe tu gururna ziSyamanaghaM dUre vyavasthApayet / / 27 / / yogyatvaM gururetayonijadhiyA vijJAya zAstrazriyo
Page #15
--------------------------------------------------------------------------
________________ jagadgurukAvyam | va vAcakasaMjJitaM padamudArAnekasabhyAgrahAt / ziSyaM yogyamavApya cenna padavImAropayedyo guruH sa syAtprAjyabhavabhramI nijaguNadhvaMsI guNopekSaNAt // 28 // gacchaizvaryamatha pradAtumanayormadhye vizeSaM guru jijJAsurjinazAsanAmaramasAvArAdhayat sAdhanAt / mantrasyottamagacchanAthajapanArhasyAghavidhvaMsinaH SaNmAsI tapasA vimuktavacanavyApAradIptispRzA / / 29 / / dhyAnAkRSTatayA tato'maravaraH sadyaH samAjagmivAnnatvA pAdapayoruhaM gaNapaterAkhyadviziSTaM guNaiH / zrIhIraM gurupaGktibhUSaNakaraM rAjaprabodhoditaM vyaktaM bhAvinamatra sUripadavIyogye tapAkhye gaNe // 30 // daivaM vAkyamidaM nizamya mumude zrImattapAgaccharAd modaH kasya bhavenna yat svapadavIyogye suziSye zrute / muktvA dhyAnamathAgamannijayatizrAddhaiaughaparSadyaha rvaktre bhAnurivodayA'drizirasi prollAsitejaH sthitiH // 31 // saGghAgre suravAkyametadabhavacchrImadgurugauravAt saGgho yajjinasaMmato gurutarainapekSyate buddhimAn / kRtvA saGghamataM nyavezayadasau zrIhIraharSa nije paTTe'rhanmatasArasUripadavIyogye muhUrtte sudhIH // 32 // sIrohInagare babhUva vijayo hIrAdatastadguru mAsyAzu cakAra hIravijayaM sadbhistadA svIkRtam / ibhyaiH sUripadotsavastu vividhazcakre tathendrairyathA zrIvIreNa sudharmagautamaziraHpaTTapradAnakSaNe // 33 // AcAryaiH samametake guruvarAdezAttataH prasthitA AyAtA aNahillapattanapure tasthucaturmAsakam / potA ambunidhAvivoDupabharainaDe yathA pakSiNaH svApatyairmunicakraseovitapadAH saMsAralepojjhitAH // 34 // gUDhAnAyajino tavAGmayarasaM zrIhIrakoSThe guru dugdhabhivaM prakRSTakanakAmatre'nizaM kSiptavAn /
Page #16
--------------------------------------------------------------------------
________________ 6 zrIpadsAgaragaNiviracitaM labdhe ziSyavare hi yaH zucitamAM datte na vidyAM nijAM nirvidyaH sa bhave paratra bhavitA dhikkArametyatra ca / / 35 / / zuddhAMze sakalagraheSu padavImuccAGgateSUttame zrIgurubhUpatirvidhidharaH zrIsUrimantraM dadau / lakSebhyairvihite'tra hIravijayAcAryAya koTivyaye hIrArthaM kurute na kiM dhanijanaH koTivyayaM buddhimAn 1 ||36|| nizcintA guravaH svapaTTavivadhAropAt svaziSye'dhike zrIhIre nijakAryasAdhanaparA vyApAramAsUtritam / gacchasyAsya vimucya saMyamasukhe magnA rase zAntike jagmurdevagRhaM vizuddhamanaso'rhadudhyAnalInAstataH // 37 // gacche'sminnatha cAruhIravijayA bhaTTArakatvaM gatA nirgranthAn dvisahasramAnagaNitAn saMzikSayantyAdRtAH / vAkyairhacitairmitairhitakarairjene rivAkarkaze zvAritropakRtipradAnavidhinA santoSayanti kramAt // 38 // deze yatra pureSu yeSu vihRtiM cakrustvime sUrayaH saptakSetradhanavyayo dhanikRtastatrA'bhavatteSu vA / jIvA'mAriraharnizaM vratakRtidanoddhRtirbhAvinAM prAsAdoddharaNaM ca bhaktikaraNaM sAdharmikANAM punaH // 39 // anyedyurbhuvi sUrihIravijayA gandhArapUrvI sthitAH kRtvA'vagrahamabdhimAsaniyataM sAdhuvrajabhrAjitA: / dillIzena yathA zrutAH kRtinarairAkAritAH satkRtAjIvAmAraNavarttanairiti tathA sarve mayA procyate // 40 // astiM zrImati bhAratakSititale zrImadhyadezaH zuciprAsAdapratimAsu pustakanidhirvaryAryalokAzritaH / dezAH sArddhakapaJcaviMzatimitAH santyeva yatra sphurazJcakrizrIjinaviSNumukhyapuruSazreSThA'vatAroditAH // 41 // astyatra pravarA purI narabharairApUritA kAbilA - bhikhyA satkhurasAnadezanikaTe vIrAdhivAsocitA / yasyAM mudgalalakSamakSatabalaM hindvAsuratrAsakaM
Page #17
--------------------------------------------------------------------------
________________ jagadgurukAvyam / svairaM dravyazatAni sArddhaghaTikAmadhye'tti bhogairghanaiH // 42 // AsIttatra hamAunAmanRpatirdaityAvatAro'riSu mlecchAnAmAdhipaH pratApatapanazcakrIva yuddhe jyii| yasyAzvA iva rAkSasA giriziraHsphAlAH pralambAnanA svAsaM hastivarAnapIva mahiSAnnityaM nayanti kSaNAt / / 43 // anyeyuHsa sute'STavarSavayAsa spaSTodaye'kabbarA bhikhye rAjyabharaM nivezya calitaH kartu mahImAtmasAt / abdhyantAM pralayAbdhisainyakalitastAvat sametaH pure dillInAmni bhaTAlidurghaTataTe koTIzvarAbhyAzrite // 44 // tatrAbhUnnavalakSavAjisubhaTaH sUraH pratiSThAnapo ___ mattebhAdvicatuHsahasraguNanaH koTayuprapattIzvaraH / yuddhe yena ca rASTrakUTakulabhUH zrImalladevo jitaH zrImadyodhapurezvaro marupatidurvAravIrAvRtaH // 45 // tasmai sUranarezvarAya nipuNaM dUtaM tadA prAhiNo cchrImanmudgalanAyakaH parisare sthitvA sunIti vahan / dUto'pyA''khyadidaM hamAunRpateH pAdapraNAmaM kuru __ zrIdillIza ! bhavAhavAyaM sutarAM sajjo'thaveto vraja // 46 / / zrutvA dUtavaco'vadannarapatiH sUro'tigarvoddhuraH ko'yaM matpurato hmaaunRptirvaannijykRddhmbhrmii| dattvA'zvAMzcirasaJcitAnmaNigaNAn svarNa ca rupyaM vazA vIrANAM ca zirAMsi yAsyati vapuHzeSaH suzeSIbhavan // 47 // yAhi tvaM vada dUta ! madvaca idaM tasmai nijasvAmine . bhUyAH sajja ihAhave'hamanugaste'bhyAgataH sAMpravam / ityuktvA galahastadAnamakarodUtasya sUro nRpaH ___ kopo yatsvavinAzakArisamaye duSTaM vidhiM kArayet // 48 // dUtastadvacanaM skhalAghavakRtiM smAkhyAti tanmattatAM zrutvA kAbilanAyako'pi hRdaye'pyullAsamuccairdadhau / nobhItiM nijabANavIryacakitaM jAnanadRzyaM hari ki parjanyavigarjanazravaNato bibhyeti pAthaHpatiH ? // 49 //
Page #18
--------------------------------------------------------------------------
________________ zrIpadmasAgaragaNiviracitaM DhakkAvAdanapUrvakaM narapati: sUro'pi sainyaM nijaM sannaddhaM vividhA'strapaGktikiraNailuppoSNapAdAMzukam / ekIkRtya cacAla mugalapateH sainyaM tRNaprAyakaM jAnam mattamataGgajAvaliraNaguNTAravADambaraH / / 50 / / saGgrAmAGgaNamAgataM kSitipatiM dRSTvA hamAUnRpa staM vIrAn dvisahasramAnagaNitAn yuddhArthamAjJApayat / prAjyAn yattRNapUlakAn zikhikaNA dvitrA na kiM bhasmaya- . ntyevaM cetAsa cintayannijabalaskandhe sthitaH sodyamaH / / 51 / / tAvadbhiH subhaTairghanairiva bhRzaM bANAmbudhArocayAn varSadbhirnavalakSasainyamasamaM cakre vivadvyAkulam | dvitrAH kiM na mRgArimattazizavaH koTI bhadarpApahAdvitrA bAmRtabindavaH pRthutarA'sAdhyaika rogApahAH ||52 // taiH sainyaM nijamAkulaM kRtamidaM vIkSyAzu sUro nRpaH saGgrAmAbhimukho'bhavadgajaghaTAdhyAsphAlitArivrajaH / * nighnan bANagaNairalakSyacaritaiH kAntAkaTAkSairiva tyaktAstraM dvisahasramAnagaNitaM sainyaM cakArAnugam // 53 // sainye tAvati zastradarparahite pazcAt samAgacchati dviTcakre jayatIha sUranRpatizcetyuddhataM garjati / zrImanmudgalanAyako'pi subhaTairlakSapramairutthitaH kiM zeSaH svaphaNAvRtaH kSititalAdAgAdariprAsakRt ? // 54 // zrIsUro'pi hamAurapyabhimukhaM bIrornajerveSTitau kurvANAviva yuddhamuddhatAmimAvAdityarAhU kSitau / kiM vyomnaH patitau punaH punarivotplutyAntarikSAzayAyAto'pyUrddhamitIha sAdhu kurutastarka satAM mAnase / / 55 / / tAvatkAbilanAyakaH karatale dhRtvA dhanurdoSmatAM mukhyaH sUrabale lalATatilakaM keSAM vibhinnaM punaH / keSAJcid hRdayaM cakAra jaTharaM mUtrapradezaM punaH keSAJcitkarayAmalaM karayugaM keSAJcidatravrajam // 56 // bANAsAramiti pravarSati nRpe tasmin svayaM tadbhaTe
Page #19
--------------------------------------------------------------------------
________________ - jagadgurukAvyam / bvevaM varSadanekazastranikareSveko'pi kazcidvale / saure'bhUna bhaTaH paTuH sphuTakaNairyo jarjarazceSubhi___ statkiM dhvAntamihA'sti yadravikarairno bhidyte'tyujjvlai:?||55|| bhagnaM saurabalaM vimucya sakalaM vittaM gajAzvAdikaM naSTaM dikSu vidikSu niHkhatuSavatphUtkArasAdhyaM gatam / dezaM tasya vibhutvamazvanikaraM svarNa maNIn hastinaH ... kozaM vA jagRhe hamAusubhaToNiH svanAthAjJayA // 58 // naSTe sUranRpe sadIyasubhaTAn kRtvA khasevAparAn nirdaNDAna sukhinazca dezyamanujAbhirbhItirAjyaM dadhau / dillIkAbilamArgasazcaradibhAzvokSoSTramAnuSyaka .. muktAratnasuvarNarAziracitottuGgAdrikoTyAlayam // 59 // kiM cA'smin samaye viziSTamanuje zrIgUrjare maNDale bhUbhuga bAdarasaMjJitaH karibalaH ssddlksssainyoddhrH| sAmudrAnapi bhUpatInijapadAmbhojanmasevodyatAn kurvanmAlavadakSiNottamapatizreNyarcitazcAbhavat // 6 // bhanyeyuH sa ca medapATadhanikaM zrIratnasiMha raNe jitvA tanagaraM babhaja haThataH zrIcitrakUTAbhidham / tatra kSatriyaputrikAtatirabhUdvahipravezAdgata prANAzcAparamAnavA bhaTacayavyApAritAsAttathA // 61 // tahuHkhAdasamAdhivAsitahRdA zrIratnasiMhakSamA pAleneti hamAubhUmipataye vijnyptiraavisskRtaa| sAhAyyaM kuru me tathA narapate ! duSTaM yathA'nyAyinaM badhvA bAdaranAmakaM karatale dehi kSamastvaM yataH // 62 // tasyAbhyarthanayeti kAbilapatiH sainyAvRto bAdara kSoNIzagrahaNAya baddhakavacaH sadyazcacAloddhataH / dillItastRNavacca gUrjarabhaTAMzcitte nije kalpayan dorvIrya nijamagnivaddhariharabrahmAdivIryAdhikam // 63 // yAvacchrImati citrakUTanikaTe dillIpatizcAgata ta. . /
Page #20
--------------------------------------------------------------------------
________________ zrIpadmasAgaragaNiviracitaM stAvadvAdarabhUpatinijabalAviSTaH pranaSTastadA / gatvA mAlavamaNDale'tigahane koTTaM dRDhaM maNDapA__bhikhya sajjayati sma sajavibhavastata spaSTayuddhAsahaH // 64 // taM naSTaM sa nizamya mAlavapathe vyaktAbhimAno'cala hUre mAlavako yamasya kimayaM dRSTAnta ityeSa yat / ruddhA maNDapakoTTamudbhaTabhaTaimbvAkhyamabdhiryathA dvIpaM durddharavIcibhiH sthitimasau dillIpatirnirmame // 65 // bhanaH stokadinairgajairbhaTaghaTAnunnaiH sa vapro dRDho 'pIvAdriH kulizAnalairharikarAdhyAsphAlanotthaistataH / naSTastucchabhaTaH prakampahRdayaH spaSTaM gato gaujare pAvAdrau vividharddhibhUSitagRhe svargAvatAre'dhikam // 66 // lAtvA maNDapaparvataM dhanarathAzvebhaizca mattyairbhUtaM . koTIzaiH svvilaasdhikkRtnraadhiishairudaaraatmbhiH| AjJA mAlavamaNDale nijabhaTaisarddhi samAropaya dvATyAM kalpalatAmivottamaphalAmArAmikaH siddhivit // 67 // pAvAdrau vihitasthiti nijacarairmatvA punarbAdaraM dillIzaH svabhaTAvRto'tra gatavAn sadyaH prayANaiH sudhIH / kartu yadvibudhaiH samastapuruSAdhyakSaM mukhe bhASitaM tatkArya na samAptimeti sudhiyAM yAvanna tAvat sthitiH|| 68 // zrutvA kAbilanAyakAgamamasau naSTastato bAdaro___ yo yasmAccakito hi tasya puratastasyaivamevaM gatiH / zrImatstambhanapArzvanAthavizade zrIstambhatIrthe gataH saddharmAdikavargasAdhakajanAkIrNe dhanAdhyAsite // 69 // jJAtvA tatra gataM caraizca calitaH sadyo hamAustataH sandhyAyAM sa tathA yathAgamadiha praatrbhttaavessttitH| abdherbhAnurivAzupUrakalitaH khe'nyAyighUkakSayI tejasvI nayataH karoti hRdaye zaGkAM vrajana sarvataH // 70 // ratnasvarNabhRtAnyanekazakaTAnyabdhestaTe bAdura
Page #21
--------------------------------------------------------------------------
________________ 11 jagadgurukAvyam / styaktvA tucchabhaTAvRto'mbudhitaradvIpe'vizaddhekavat / tIrthAntastu hamAunAmanRpatirbhUbhug gRhAntaryathA hastI gandhavaraH svavairimadahRtprAptapratiSTho'bhitaH / / 71 / / matvA naSTasamastasaMpadamasau jIvanmRtaM bAdaraM tadbandhAgrahamAmumoca hRdaye dillIpatiH zaktimAm / yadvAyurna tRNAni nIcanamanAnyunmUlayatyuddhataH sadyo vRkSacayaM samucchritataraM vistIrNabhUcchAyakam // 72 // tatrAjJAM svabhaTaiH samaM kRtivaraH zrIgurjare maNDale dillIzaH sa samaprabhUmivalaye kIrtti yathA'ropayat / khar3a kSAlayati sma nIradhijale tIrthe yathA nirmala: prANI pApma nijaM supAtratataye sadvastudAnodyataH // 73 // kRtvA gurjara mAlavAdikamahAdezeSu saurathyaM punadillyAM mudgalanAyakaH zataguNa zrIvRddhimAnAgataH / ekacchatramakaNTakaM sukhabharaM rAjyaM babhArottaraM 'jAti ko na vAJchitatatiM prApnoti yasmAjjanaH // 74 // anyedyuH sa suparvaparvatasamaprocAlayoddhuM gataH pazyan svaM nagaraM vizAlanayanaH protphulla cittAmbujaH / mattulyo'yamabhUditIva vidhinA sparddhiSNunA pAtitaH saMprAptabhramirAzu kAlasadanaM prAptaH pRthivyAM palan // 75 // dhig dhig dhig vidhimenamaGginivahaM kRtvA jagatsvAminaM garttA dhUlizayaM karoti sahasA yaH sajjano durjanaH / . evaM sarvajanA vilApa tumulaM cakrustadA tatpure sUrye'staMvrajatIha ko na vivaza: zoke na cAndho bhavet // 76 // khadyotA iva tatra sUrasubhaTA astaGgate bhAskare tasmin kAlagRhaM gate gatabhayAstatputramapresaram / kRtvA durvahazastrapANipaTavo nirnAyakAn mudgalA nAma vitarjayanti hi jayo nirnAyakAnAM kutaH // 77 // te saMbhUya tataH svakAbilapUrImuddizya tattarjitA
Page #22
--------------------------------------------------------------------------
________________ zrIpadmasAgaragaNiviracitanezuzcArakasaMsthito narabharaH prApnoti yadvArakam / yAvattAvadakabbaro laghuvayA apyugratejaHsphura prauSIt svapituma'tiM nijabhaTatrAsaM ca dasyUdayam / / 78 // zokaM sa kSaNamAtramAtmakulajaiH kRtvA samaM kAbilA puryAH paJcazatIbhaTaiH parivRtaH sadyaH samAjagmivAn / svaM bandhuM ca nivezya tatra nagare zikSAvidhAnodyataM tejo yat sahate na vairikulajaM vIrAdhivIraH param // 79 // zrImallAhuranAmnyApUrvanagare sainyAya tattrAsato 'trAyAtAya narezvaro'miladivA'kANDe'bhimanyukSaye / pArtho dhikkRtikArakaH kathamaho nazyadbhiratrAgataM zrImadbhirna mRtaM nihatya sakalAn saurAna bhaTAnityavak // 8 // te 'pyUcuH subhaTAstvadakSiyugalasyAne vayaM tAn dhruvaM hantuM sajakarA raveriva tamAMsyeSo'ruNo nAnyathA / evaM tAn vadato vacaH kuzalatAvedI bhRzaM satkRtAM zcakre'kabbarabhUpatirnijabalA'vajJAtadaityAdhipaH // 81 // satra dvAdazavArSiko'pi nRpatistatsainyavIrAvRtaH saure sainyabhare samApatadivAgastiH sarinAyake / citraM tadbhaTazoSameSa vidadhe svAhAkSarabhAvaNAt svaM sainyAmRtavAridhiM jayarasApUrNa punanirmame // 82 // bhagnaM saurabalaM gataM yamagRhe kiJcidreirgahare kizcidvArinidhau vane'tigahane kiJcinna kiJcitkaram / jAtaM vIkSya punarnija narapatilabdhaddhihastyazvakaM pratyekaM svabhaTeSu cakritulanAM mene jayAvAptitaH / / 83 // labdho'nena jayo nRpeNa vizado yasmin mahImaNDale __ tasmin yAvanabhASayA'kSaravaraM phattepuraM vAsitam / kRSNeneva vizAlasundaragRhaM zrIdvArikAnAmakaM bhUpAnAM sthitireSakaiva hi jayasthAne purasthApanam // 84 // rAjyaM tatra karoti labdhavijayaH zrIpAtisAkabbaraH
Page #23
--------------------------------------------------------------------------
________________ jagadgurukAvyam / zrIphattepuranAmake puravare vyApArivargAzrite / cAturvarNyagRhai jineza sadanaiH SaDdarzanodyanmaThaiH zophIsaddaravezamudgalapadaizvATTaivaraibhrajite // 85 // 13 azvA lakSacatuSTayaM gajavarA dvitve sahasrA daza krIDantIpsitabhojyalAbhapaTavo gAvastu saMkhyAtigAH / uSTrA vA mahiSIgaNA nRpagRhadvAre'dhikAH pattayo vIrA yatra vilAsalAlasavapuH zobhA nRpA''ttairddhanaiH // 86 // dvAtriMzanmaNabhAralohakamayIM hastena yaH zRGkhalA mutpATyAbhrapathe'lpakandukamiva procchAlayatyaJjasA / eSa zrImadakabbaraH kSititale keSAM na hindvAsurakSmApAnAM hRdaye camatkRtikaro'styAdarzayan dorbalam // 87 // kecid hindunRpA balazravaNatastasya svaputrIgaNaM gADhAbhyarthanayA dadatyavikalA rAjyaM nijaM rakSitum / kecitprAbhRtamindukAntaracanaM muktvA puraH pAdayoH petuH kecidivAnugAH paramime sarve'pi tatsevinaH // 88 // hindumlecchasutAH svarUpavijita zrIzAdidevAGganAH zrUyante'sya sahasramAnagaNitAH kAntA lasadbhAgyataH / tAsAM bhogaphalaM tu puNyalalitaM putratrayaM zrUyate jIvAH stokatarA bhave sutatayA ye syuH kSitisvAminaH // 89 // anyedyuH sa samasta hindukalazaM zrImadapATAdhipaM zrIrANodayasiMhamuddhatabalaM mlecchAya putrI nijA / dattA'smatkulapUrvajairna ca mayA deyeti garna girA vyAkhyAntaM zrutavAnakabbaranRpaH kSoNIzazikSAparaH // 90 // tasmai bhUpataye vicAracaturaH praiSInnijaM mantriNaM bhUpaH zrImadakabbaraH kSitipatiM rANaM viziSTaM vidan / gatvA mantrayavadattadIyasadasi spaSTaM girA sArayA santo yanna vacaH sthitiM kvacidapi prollaGghayantyagrataH // 91 // dehi tvaM svasutAmakavvaramahIbhartre parairhindubhi
Page #24
--------------------------------------------------------------------------
________________ zrIpadmasAgaragaNiviracitaMryadattAH svasutAH kharAjyavibhavakSemAya nAbhyarthitaiH / etAvat samayaM pratIkSitamihApyarthena tadyuktima dhattvaM dakSatamo'si yogyasamayajJAnAya kiM kathyate ? // 92 // rANo'pyAkhyadidaM kulasthitiriyaM me pUrvajaiH pAlitA yanamlecchAya na dIyate nijasute'tyullaGghayate no mayA / dezo yAtu gajAzca yAntu vibhavadhvaMso'stu me parvate vAso'pyastu kulasthitiH pitRkRtApyekaiva me tiSThatu // 93 // // taduktam // labdhAM guNaughajananI jananImivAryA matyantazuddhahRdayA anuvartamAnAH / tejasvinaH sukhamasUnapi santyajanti * satyasthitivyasanino na punaH pratijJAm // 94 // mantryAkhyan nRparANa ! yanijasutAdAne haThaH sAMprataM vAkyaM vAdayatIha tAdRzaphalaM tatte'cirAdAsyati / yadyadbhAvi tadanato nijamukhAt prAyeNa niSkAzaye devaM procya gataH pradhAnasacivazvAkabbarasyAntike // 15 // uktaM tasya puro yathArthavacanaM rANoditaM mantriNA santo'pISTamaniSTamapyavitathaM kurvanti vAggocare / tadvAkyazravaNAdanantaramasau phattepurAnnirgataH sainyaiH sAratarairvRto giriziraHkoTTAdibhaGgodyataiH // 16 // tasyA'bhyAgamanazruternijapurAdrANo dhanAdyaM nijaM lAtvA kumbhalamerukoTTamabhajana grAhyaM na vIrottamaiH / sAmanto jayamallanAmanRpatiH zrIcitrakUTe'caTa ghoLU mlecchabalaiH samaM kharabhaTastanmArgamadhyasthite // 9 // taM vRttAntamakabbarakSitipatiH zuzrAva mArge vahaM zcitte cintayadityazeSasubhaTaiH kiM citrakUTAcalaH / . pUrva prAhya utaiSa kumbhalagiriH zrIrANabhUpAzrayastabhRtyo jayamallabhUpatirasau manmArgavaktre sthitaH // 98 //
Page #25
--------------------------------------------------------------------------
________________ jagadgurukAvyam / evaM tarkaparasya tasya nRpatermArge samAgacchataH pArzve zrIjayamallanAmanRpatirdUtaM tadA prAhiNot / dUto'pyAkhyadidaM mahIza ! nRpatizrIrANabhRtyAntimo madvaktre jayamallabhUpatiriti tvAM khyApayatyutkaTaH // 99 // tvaM cedbhapahamAunandana iti khyAto'si tItra me vaktraM darzaya cenna tarhi rucite sthAne brajAnyatra vaa| tvadbhaktiM ca vidhAtumatra vibhunA rANena saMsthApitaH preSyo'haM paramezvarasya tadanu zrIrANabhUsvAminaH // 10 // dUtAkhyAtamidaM nizamya nRpatiH pUrva tato'trApatat __ koTTaM parvatamastakasthitamasau zrIcitrakUTAbhidham / dadhyau vIkSya hRdIti kiM suragiriH kiM vaiSa kailAsako vaitADhyaH kimu kiM himAcala iva zrIrohaNAdriH kthm?||101|| evaM tarkaparo'pi sattvajaladhistadbhakhanAyodyata zcakre'kabbarabhUpatirghanataropAyAna bhaTaprerakaH / uccaiHstho jayamallabhUpatiramuM vANijyakAropamaM citte cintayati sma nRtyamanizaM pAtraistadA'kArayat // 102 // vIrAstatkapizIrSakeSu sabalA bhUpena saMsthApitA__ varSanto vividhAzmalohanibiDAstrANIva meghAzchaTAH / citraM mudgalalokadhAnyaviSayaM duSkAlanItiM tadA cakruH koTTamahItale ca vijayavyAsaGgasaubhikSakam // 103 // sAmAnyo'pi janastadA dhanibalAt kohorddhabhUmau sthito . * dhikkAraM vacasA vidhAya mumuce yat prastarArddhArddhakam / tat sainye'jani maudgale harikaravyAmuktavasropamaM tejasvinyadhipe divAkara ivAhaHsannibhAH sevakAH // 104 // evaM zrIjayamallabhUpasubhaTazrIcitrakUTAcala trANArtha svakaradvayaM kharataraiH zastrairna zUnyaM kRtam / vaktraM mudgalanAthadhikkRtikRte duSTairvacobhirjanaiH sAmAnyairapi citrakUTanagarAntarvAsibhiH saadrm||105||
Page #26
--------------------------------------------------------------------------
________________ zrIpadmasAgaragaNiviracitaMdRSTvA vIrakarAna samastamanujAsyodbhUtadurvAkcayaM zrutvA cAkhyadakabbaro narapatirgRhNAmi cedetakam / tatsarvAn puruSAnihanmi panitAbandhaM bhaTaiH kArayA mIti spaSTagirA samastasubhaTAnutsAhayan sattvataH / / 106 // kuddho'kabbarabhUpatigiritale guptaM tathA khAnayan mAtaM tatra yathA caturdazazataprAyairmaNairauSadham / bhRtpAtra zikhibindusaGgavilasattejo'tizaktyA dRSa dvargAsphAlanato manuSyanikaravyApattaye sajjitam // 107 // tadbhAgyAd jayamallanAmanRpateH zrIcitrakUTAcala vyAvAdhAM na cakAra sammukhamadaH sainye patanmaudgale / mAtaGgAMzca narAn sahasragaNitAn hanti sma jAtaM tataH satyaM yacca parasya cintyata ihAbhyetyeva tat sammukham // 108 // tajjJAtvA jayamallanAmanRpatervArA jaharSustadA gAyanti sma ca rANagItanikaraM nityotsavAnandinaH / matvA'kabbarabhUpatinijabaladhvaMsaM manoduHkhavAn yAvattad grahaNagrahaM zlathataraM kRtvA vikhinno'bhavat / / 109 // tAvannAgapurIyagacchazithilopAdhyAyaliGgI kharaH zAstrAjIvanakRJcakAra vizadaM koTTasya cakraM hRdA / Akhyat saptadinaizca bhaGgamatulavyAyAsasAdhyaM gire bhUpAne jayamallabhUpamaraNaM romIkarAyodhanAt // 110 // tacchrutvA svabalaM girigrahaparaM sajjAstramazvasthita bhUpaH preritavAn karAsivibhavaH pRSThe sthito bhApayan / pazcAdApatato bhaTAnnijapadopAstyudyataM romikaM caikaM zrIjayamallabhUpativadhe svarNArpaNenAdizat // 11 // duSTAtmA kila romiko'pi sahasotplutyAdrimUrddhasthitaH svAstraM golakamagnipuJjakalitaM cikSepa tatsammukham / so'pi zrIjayamallabhUpatiziromadhye vizannirgataH . zAstraM jAlmahRdIva dhArmikahRdIvAsabhyavAkyAnvayaH // 112 //
Page #27
--------------------------------------------------------------------------
________________ jagadgurukAvyam / tAvacchrIjayamallabhUpatirasau bhUmau patannityavak bho vIrAH ! atha yAsyatIva kusuto hastAdayaM parvataH / tasmAnmanmukhadarzano dhanajanAnatrAdhirUDhAnnije sthAnaM sAdhu nayantu mArgakaraNenAtmIyadorvIryataH // 113 // jalpana zrIjayamallabhUpatiriti prAptastadA paJcatAM __ lokAstatra ghanAH sthitA nijanijazrIdevasevAparAH / vIrAH zrImati citrakUTanagaradvAre'sikuntagrahA nighnanto'bhipatadbhaTAvalizirAMsIvAmamRgolakAn // 114 // bhUpAkabbaranunnavIranicayAH sadyo'dhirUDhA girau __ hatvA zrIjayamallabhUpatibhaTAnnirnAyakA yat kutaH / jIvanto jayino bhavanti ca tathA bIrAdhivIrAprataH prAyaH svAmidazAnusAribalinaH syuH sevakAH sarvadA // 115 // vIraistatra vRto'pyakabbaranRpo'dhyArUDha uccairiva vyomnyarkaH prabalapratApakalitaH kopoddharastannRSu / AdezaM sa vadhasya mudgalatateH zIghraM dadau yannaraH kopAt kiM na karoti vakti ca hRdndhiikaarktvspRshH?||116|| bhUpAkabbaravAkyamApya subhaTA duSTAstathA cakrire ___ tatrA'bhUdbhuvi zoNitodakanadIpUraM yathA sarvataH / tatra sthAlumazakta eSa nRpatirnIcaistato'pyuttaran mArgasthAM ca vidAritodaratalAM niSphAtitA'GgodbhavAm // 117 // dRSTvA sundarasundarI narapatiH kAruNyapUrNastadA hA hA kiM mayakA'tra kAritamidaM caNDAlakarmAdhikam ? / kuvaizvAnuzayaM ziraH karayugeNAsphAlayannityavak yaH pApaM kila citrakUTaracanaM gRhNAti tasyApyaham // 118 // enaM dezapurAnvitaM girivaraM svarNAdikaM cArpayA mItyAkarNya narA'dhamo'tha jagRhe kazcittvaghaM mudgalaH / tahattaM ca girIzvaraM puravaragrAmAdyupetaM tadA lobhAt kiM na naraH prapadyata iha svaamyuktvaaksnycym||119||
Page #28
--------------------------------------------------------------------------
________________ 18 zrIpadmasAgaragaNiviracitaM // tribhiH kulakam / / bhUpo'pyeSa samAdhimAnijabhaTairAveSTito rANake deze zAsanamuttamaM nijapadenAvarttayat sarvataH / jIvantaM kila pApabhIrukatayA rANaM punarmuktavAn bhavyaH pApakRterbibheti hRdaye kRtvaikavAra punaH // 120 // evaM mAlavamedapATadhanikAn zrIgurjarasvAmino jitvA'kabbarabhUpatinijapure saukhyAtsamApetivAn / rAjyaM pAlayati prapaJcanipuNaH SADguNyasacchaktimAn samyagdarzanapaNDitAdarakarastacchAstrazuzrUSayA // 121 // anyeyuH sa samastadarzanayatInAkArya dharmasya sa ttattvaM pRcchati zuddhabuddhivibhavaH smArthI zivasyAdarAt / te'pyAhurnijadarzanoditapathaM vAgavibhramairabhramai naikasyApi babhUva tasya rucaye mArgo vicArA'sahaH // 122 // evaM tasya zivArthinaH pratidinaM dharma bubhutsoH zuciM zuddhAvaikagaveSakasya nagare kAcitparA zrAvikA / SaNmAsapratimopavAsaracanAM kurvatyasaMkhyodayA yAntyarhatpratimApraNAmavidhaye dRgmArgamabhyAgatA // 123 // ibhyaryA naravAhyavAhanacatuSkoNAGgaNe sthApitA vAdyADambaramaNDitA ghanajanavyUhAnvitA nirmalA / gaGgevA'khilapaNDitastutipadAnyAsAdayantI satI zuddhAnantatapaHprabhAvajanitaM tejo vahantyuttaram // 124 // keyaM yAti kimarthamatra nagare kRtvA mahADambara mitthaM praznaparaM narezvaravaraM pratyAha rAmAtmajaH / mantrI sthAnakasiMha AhetapatirbaddhAJjalihe prabho ! SaNmAsItapa etayAdRtamihArhacchAstravitkAritam // 125 // nAnnaM nApi phalaM na dugdhamathavA takraM na dadhyAdikaM pakkAnaM na lavaGgapUgazakalaM nAsvAdayatyahni vA / rAtrau yAvadiyaM viziSTatapasaH SaNmAsakAlasthiteH
Page #29
--------------------------------------------------------------------------
________________ jgdgurukaavym| pUrti coSNajalaM divaiva pibati zrIvItarAgAjJayA // 126 / / ityAkarNya narezvaro nijacaraizchannaM hi tasyAH sthiti rAtrau vAhi gaveSayatyanudinaM tadvAkparIkSAkRte / tasyAste vimalaM tapovidhimalaM nizcitya satyaMvadAH satyaM prAhurihA'sti naiva kapaTaM nyAye yathA tvatkRte // 127 // zrutvA vAcamimAM caranajamukhAJcitte camatkAravAM stAmAkArya varAdareNa nRpatiH papraccha bhaktyetyasau / he mAtaH ! tapa IdRzaM kharataraM kasyA'nubhAvAttvayA zuddhaM sAdhu vidhIyate vada manaHzaGkAM vihaayottme!||128|| sA prAhA'tra tapaskRtau narapate ! zrIdevagurvormamA 'tucchaH sUryakarAvadAtacaritaH samyakprabhAvo'styaho / ko devastava ko guruzva jagatItyukte nRpeNA'vadat - sA zrAddhI jinazAstratattvavizadA cetthaM svarUpaM tayoH // 129 // no rAgAGgArasaGgo na madanamadirA na dviSadveSadoSo no sammohapraroho na vikaTakapaTATopasaMpaJca yasya / zAntaH kAntastrilokIkalanakuzalavit ko'pi kopAdimukta styaktaH saMsArapAzaiH sa bhavati bhavinAM devatA daivyogaat||130|| IdRg deva ihA'sti bimbaracanAdhyeyo'dhunA siddhida- zcitte me sugurustu saMyamadhanaH svAnyAtmatulyAzayaH / mitre zatrucaye samo'zmani maNau straiNe tRNoghe puna nAMnA sAMpratamasti hIravijayAcAryaH susAdhUttamaH / / 13 / / zrAddhIvAkyamidaM nizamya nRpatistAM pUjayitvA'dhikaM svasthAne visasarja mantriNamathoce sthAnasiMhAbhidham / kasminna'sti pure sa hIravijayAcAryaH susAdhUttamaH saMpratya'pyadhiko yadIyamahimA''cArazca pUrva zrutaH // 132 // mantryAkhyan nRpa! nAsti tasya vasatii~katra deze pure sarvatra dvisahasrasaMyamiguroH pAdazrameNATanam / varSAmAsacatuSTayasthitimasAvekatra kurvan kramAta
Page #30
--------------------------------------------------------------------------
________________ zrIpadmasAgaragaNiviracitaM saMpratyuttamadhArmike'sti nagare gandhArake bandire // 133 // zrutvetyAha mahIpatirmama mahAbhRtyAn salekhAnitaH pArzve tasya gurorihottamagurorAkAraNAyodyatAn / zIghraM preSaya taM ca ziSyakalitaM hyatrAnayetyuttamA. mAjJAM prApya mahIpateH sa sacivaH sarve tathA nirmame // 134 // gandhArAkhyapure tadaiva nRpaterdUtAH salekhAH zubhA - AyAtA iti rAmajIkamanajIkAdyairmahAzrAvakaiH / zrutvA harSabharAt suvarNamaNibhirvarddhApitAH zrIgurobhUpAjJAM nijahastalekhalikhitAM sandarzayantyudvadAH / / 135 // AjJAM bhUmipatervicArya yatirAd ziSyAnvitastatpurAdvarSAmA sacatuSTayAdanu zubhe sadyacacAla kSaNe / rAtrau dhyAnadharasya tasya suguroH suptasya petuH pure kasmiMzcijjinazAsanAmarakarAnmuktAH zirasyujjvalAH // 136 // IryAzuddhidharA vihArapaTavaH zrIsUrayo'bhyAgatAH dIpre'hammadavAdanAmanagare bhUbhUSaNe'rhadgRhaiH / zrAddhAstatra nivAsino ghanataraM cakruH pravezotsavaM kAntAre'pi satAM mahotsavabhavazcettanna kiM satpure ? // 137 // khAnastatra ca sAhibAkhyanRpatiH zrIpAtisA'kabbarAdezasthaH svasabhAGgaNe guruvarAnAkArya cakre'rcanAm / a DhaukitavAMzca ratnakanakasthAlaM vizAlaM na tanirgranthAvalinAyakairguruvaraiH spRSTaM kareNApyaho // 138 // ete niHspRhapuGgavA yativarAMH zrImatkhudArUpiNo dRzyante'tra na vedRzAH kSititale dRSTA viziSTAH kacit / evaM tena tadIyamudgalabhaTaiH samyakstavaM prApitA 20 bAdyADambarapUrvakaM nijagRhAt sAdhvAzrame preSitAH // 139 // tasmAcchrIguravaH purAcchubhadine celuryatibhrAjitAH syurhasA iva sAdhavaH svasamaye naiva pramattA yataH / AyAtAH kramato vihAracAriNaH zrIpattanAkhye pure
Page #31
--------------------------------------------------------------------------
________________ 21 jagadgurukAvyam / tatratyayavahAribhirvaramudAGgeSvarcitAH svarNakaiH // 140 // zrAddhyA tatra kayAcidatyadhikayA bhAvena vittena ca .. kartuM zrIjinazAsanodayamiti zrImadgurorAgamAt / / SaDlajhai racanA trikoghaTanAmahadgRhassAdarA dvimbanyAsamakArayaca vividhAnekAGgibodhipradam // 141 // vijysenmhodysuuribhirssimlvaackdhrmksaagraiH| ghanatarairaparaizca kavIzvaraiH parivRtA guravo'tra samAgatAH // 142 // tatrAbhUbyavahArivargavihitastAdRk tadA'tyutsavo yAdRg vIrajine samastagaNabhRtsAdhvanvite'pyAgate / devendrarvihitazcaturthasamaye sAkSAtrikoTTAzraye / satsu sthAna hi kiM satAmanukRtiH sarvatra saJcAriSu ? // 143 // evaM sapta dinAni hIravijayAcAryAH pure'tra sthitA nityaM satpratimApraNAmasamaye tAdRgmahaHpUrvakam / celustatra ca dharmasAgaramahopAdhyAyamukhyAn yatIn saMsthApyA'nugamodyatAna hitakarI dattvA suzikSAM tataH // 144 // vijayasenamahodayasUrayo haThadharA nijasadgurusevane / anucarA iva sadgurubhiH samaM puravare khalu siddhapure gatAH // 145 // tAMstatraiva viziSTavAkyaracanAM zikSA svagacchArpaNA hattvA''sthApya ca te'tha ziSyakalitAH zrIzAnticandrAdikAn / lAtvA sArddhamanalpazAstranipuNAMzcelustataH paNDitAn vijJA eva hi rAjasaMsadi sadA syurbhUSaNaM nApare // 146 // te zrIsUrivarAH suhIravijayAcAryA vihArakramAd grAme kaulikarAjake suratarau prAptAH suziSyAnvitAH / tatrA'nekamahotsavaM dhanijanaiH sArddha sa rAjA vyadhA cchrIgurvAgamamodato guruguNazrutyaiva sAvarjanaH // 147 / / rAjA tatra nije gRhe nijavazAvandApanArtha gurU nAkArya svagRhAGgaNe dhRtapadAnmuktAphalairdevavat / varddhApyottamavatracakramamucatteSAM puro bhAvataH
Page #32
--------------------------------------------------------------------------
________________ zrIpadmasAgaragaNiviracitaM saMgRhNanti na tasya khaNDamapi te sma tyaktalobhAstadA // 148 // teSAM niHspRhacetasAM naravaraH zuddhopadezaM tadA zrutvA kaulikanAyakaH pazuvadhastainyAdiduSkarmaNAm / pratyAkhyAnamanantasaukhyakaraNaM cakre svabhRtyaiH samaM santo duSkRtavarjakA nijagirA syurduSkRtadhyAyinAm // 149 // bhUpaM kaulikacakramAdRtamahAdharma vidhAyodyatAzvelustannagarAt suhIravijayAcAryA vihArakramAt / sIrohyAM jinacaityasantatijitasvarnAthapuryAM gatAH puryA bhAvukalokanetrayugalAnanda pradAsyAmbujAH // 150 // tatra zrIsulatAnanAmanRpatiH zrutvA tadIyAgamaM puryau ghoSaNamityakArayadaho haTTe gRhe maNDanam / sve sve yo na kariSyati praNayataH zrImadgurorAgame daNDyo me bhavitA sa sarvavibhavadhvaMsastu tasyAgataH // 151 // zrutvaivaM sugurupravezamahase cakrurjanA maNDanaM dhAmnAM haTTataterivAtmamanasAM dravyavyayAdvarNakaiH / mAtaGgAMzca hayAn viziSTaracanAn kRtvA nRpo'bhyAgataH paurairnirmalabhUSaNaiH samamasau teSAM papAta krame / / 152 / / pAdAbhyAM nRpatirguroH pura iva preSyazcalan bhaktitaH puryA kArayati sma dattavibhavo'rthibhyaH pravezaM tadA / zrAddhAnAM hRdaye'bhavaddharikRtazrI neminAthAgama proddAmotsavarAjirAjitatara zrIdvArikApUH smRtiH // 153 // tatrArhatsadaneSu bimbanivahaM rUpyAzmacAmIkarA - rabdhaM sUrivarAH praNemuranizaM rAjebhyavargAnvitAH / vyAkhyAnti sma ca jainavAGmayarasaM rAjAdisabhyAgrato rAjastrIbhiranekayuktiracanodyanmauktikasvastikAH / / 154 // sthitvA tatra kiyaddinAni sukRtaprAgbhArasaMvarddhanaM kurvantaH puratastato'tha calitAH sUrIzvarAzcaryayA / grAmA'neka purANi pAvitamahIpIThAni nityAkramA - 22
Page #33
--------------------------------------------------------------------------
________________ jagadgurukAvyam / dullaGghayAzu gatAH susAdhukalitAH zrImeDatAkhye pure // 155 // zrutvA tatra bhaTAlisevitapadaH zrIsAdimo mudgala zcakre saGghapuraskRto hayagajaiIraiH sahAbhyAgataH / sUrINAM nagarapravezamahase sarvArthisAllakSazo vittAni svabhujArjitAni racayan zrIjainamArgodayam // 156 // tenetthaM vividhotsavena guravastatra pravezyArcitA steSAM zAsanamAtmamUrddhani dhRtaM jIvA'vanAdyaM nije / tatra zrIgurujAtamatsarabharAH kecit punarliGgina___ stadyogyotkaTazikSayA nijadhiyA kAmaM niSiddhAstadA // 157 // tatrAItpratimApraNAmavidhaye zrIsUrayaH sodyamAH saptakSetradhanavyayotthitaphalaM vyAkhyAnayanto'GginAm / samyaktvaM bratadhAritAM yatipathaM vA bhadrakAntasthitim - keSAJcit sma dadatyananvaguNinaH syuryatparAgrahAH // 158 // sthitvA tatra dinadvayaM guruvarAH zIghraM tatazcAriNo mArgA'tikramaNena saMyamiyutAH sanmArganirvAhakAH / sAGgAnerapure gatA dhanajanAnandapradA durmati cchedairvizrutanAmadheyamahimavyAptAntarikSodarAH // 159 // sAGgAnerapurAgamaM yatipateH zuzrAva dillIpatiH zrIphattepurasarvavarNanikaraM cAbhyAgame prAhiNot / zrAddhAstatra sukhAsanottamagajAdhyArUDhaputrAGganA yuktAstaccaraNAravindanataye tAvattato'bhyAgatAH // 160 // zrAddhAstatra navAGgapUjanAmame cakruH suvarNaistathA sUrIzasya yathA ca taiH samuditaiH kozo bhavedbhapateH / ekastIrthakaropamaH kaliyuge saMsAraduHkhAtiha cennAyaM kila pUjyate tadiha kaH syAtpUjanArhaH paraH // 16 // zrAddhairlakSamitaivilakSagaNitaizcAnyairnaraurdallirAT zikSAto'tra samAgataiH parivRtAzcelustataH sUrayaH / zrImadvIrajinendramantrajapakAstacchAsanoddIptaye
Page #34
--------------------------------------------------------------------------
________________ 24 zrIpadmasAgaragANaviracitaM bhUpAkabbara saMgamAya vihitotsAhAH pavitrAzayAH || 162 || AyAtA iha nAthahIravijayAcAryAH suziSyAnvitAitthaM sthAnakasiMhavAcikamasau zrutvA nRpo'kabbaraH / svaM sainyaM sakalaM phatepurapurAdgavyUtaSaGkAntarAyAtAnAmabhisammukhaM yatipatInAM prAhiNot sphItiyuk // 163 // putraireva nijaistribhiH parivRtastasthau nRpaH parSadi mlechAH kAphara eSa jAta iti mA kurvantu hRtkheditAm / dhyAtvaiveti na rAjyasaMbhavamadAdyattAdRzAnAM tathA sarveSAmanuvarttanaM na ca madaH svapre'pi saMpattijaH // 164 // tatsainyairha yahastivIrapadikerAveSTitAH sarvataH zrIsUripravarAstadIyavadanAmbhojekSaNaprArthibhiH / brahmANDodarapUrakAravabhareSUddAmavAdyeSvibha skandhArUDhasahasrasaMkhyamanujAbhyAsphAliteSUcakaiH // 165 // zrAddhIbhizca pade pade nijakaraprocchAliteSUlasanmuktArAziSu sarvalokavanitAvargeNa saMnirmite / rUpyairnyacchanake viziSTavanitA klRpteSu gIteSviha prAptAH zrImadkabbaraukasi tadA phattepurAntaH sthite // 166 // // yugmam // svaukodvAri samAgatAn yatipatIn dRSTvA nRpo'kabbaraH putraiH svaiH samameva saMbhramavazAdutthAya siMhAsanAt / abhyAgatya nanAma tena vidhinA yenaiSa vijJaistadA zrAddhaH prAci bhave babhUva manasItyAzaGkitaM tArkikaiH // 167 // caGgAhogurujItivAkyacaturo haste nije tatkaram kRtvA sUrivarAnninAya sadanAntarvastraruddhAGgaNe / tAvachrIguravastu pAdakamalaM nAropayantastadA vastrANAmuparIti bhUmipatinA pRSTAH kimetad guro ! // 168 // AhuH sUrivarA narendra ! vasanAdhaH kITikAdyaGginAM pIDA matkramajAstu meti hRdaye dhIH syAdyateryatnataH /
Page #35
--------------------------------------------------------------------------
________________ jgdgurukaavym| naitasyopari mucyate na mayakA vaM pAdapadma jinaiH sarvatrApi yatevizeSayatanA proktA svakIyAgame // 169 // sUrINAmitivAkyasaMzravaNataH zrIpAtisA'kabbara stadvasne svakareNa dUravihite'dhaHkITikAnirgamam / dRSTvA prApa camatkRtiM gurugiripratyakSasaMvAdataH / sarvajJAgama eva zuddha iti cAhacchAsanasthAM punaH // 170 // zuddhAyAM bhuvi saJcarannatha nRpaH saJcArayaMstAna gurUn / svasvarNAsanasannidhiM suvacanairnItvA'vadannItimAn / atraivopadizantu dhArmikazirazcUDAmaNisvakrama sparzAtpAvitamadhyametadapi ca syAdbhAlavanme guro ! // 171 // AhuH zrIguravaH suvarNarajatasparzo na kalpyaH sadA bhikSUNAmiti bhUpate ! nanu mayA tannopavezyaM tviha / ityuktvA nRpateravagrahamahIdeze pavitre sthitA bhaasvtpnndditshaanticndrgnniraadddhnyaadishissyaanvitaaH||172|| teSAM bhUmipatiH puraH sthita iti spaSTaM jagau zuddhadhI rddhama muktikaraM vadantu mama bhoH ! nirdambhavAkyairmudA / yAdRg vAGmayasantatau trijagatInAthena sandarzito yAdRk saMprati sAdhubhizca gRhibhi nairanuSThIyate // 17 // ityukte kSitipena bhikSupatayaH prAhurjinoktAgama___ zlokoccArapurassaraM vizadayA vAcA sudhAsArayA / dharma sAdhugRhasthayogyamasamaiH sattvAdhikaiH pAlitaM ___ pAlyaM sAmpratabindumAtramapi taM siddhipradaM zuddhitaH // 174 // taddharmazravaNAdanantaramasau cakre parIkSAM nRpaH sUrINAM purataH suvarNanibhRtaM sthAlatrayaM muktavAn / dravyA'mUlyakavastrarAzimamucad gRhNantu yacchantu vA 'nyebhyazcetyavadadvinItavacanaH zrIpAtisA'kabbaraH // 175 // prAhuH sUrivarAstapodhanatateH kalpyaM na cAmIkaraM dravyaM cAnyadapIha mohajananAt saMsArasaMvarddhakam / /
Page #36
--------------------------------------------------------------------------
________________ 26 zrIpadmasAgaragaNiviracitaM vastraM caitadapIzapiNDakatayA mUlyA'tirekAdapi grAhyaM naiva parapradAnavidhayo'nyArthasya no saGgatAH // 176 // itthaM sUrivarAn parIkSya vividhopAyairmahInAyakatadyutimatAM parIkSitumatha svaistArkikaiH paNDitaiH / sArddhaM zAstravicArasatyasamayajJAnAya so'vAdaya dakSaH zaktiyuto dRDhaM hi kurute kArya janazlAghitam // 177 // tatraikena samasta bhUpavibudhottaMsena sUrIzvarAH sArddhaM jalpamanalpakalparacitaM kurvantyanindyaM sma te / bhAsvatpaNDitazAnticandragaNayastvanyaiH samayaiH samaM dattAjJA gurubhirnRpeNa ca samaM ziSyA vinItA yataH // 178 // te sarve vibudhAstadIyavacanainyayopapannaizcama tkAraM prAptahRdo vadanti nRpateH smetyapratastAttvikAH / nAsmAbhirnaranAtha ! suzrutavarA etAdRzAH paNDitA yuktikSodasahAryamArgaracanAvaktRtvayukpAlanAH // 179 // itthaM tairvihitastavaM nijadhiyA''cAraM ca teSAM nRpaH zrutvA vIkSya parIkSaNakSamamasau nirdUSaNaM raJjitaH / sUrINAmidamAha yojitakaradvandvaH patanmastako bhUpAH syurnanu bhRtyakarmanipuNA yanniHspRhANAM puraH || 180 // tuSTo'haM bhavatAM vicAracaturAcAraM punastArkika - zreNizlAghyavicakSaNatvamasamaM dRSTvA guNAvarjitaH / bho zrIsUrivarAH ! tadiSTamanaghaM matto dhruvaM mArgayantUktaM yadbhavadAgame nRpaharizrIcakribhiH sAdhitam // 181 // ityukte kSitipena hIravijayAcAryA jagurbho nRpa ! tvatpArzve'tra yamarthibhirgatabhayairasmAbhirabhyardhyate / guptikSipta samasta bandijanatAmokSaH punarDAbare no matsyAdivadho na cAgalitavAgrahastaTAkottame // 182 // prApte paryuSaNAkhyaparvaNi tathA'mAripraghoSo dinAn yAvat sUryamitAMstvadIya sakale deze tvayAbdaM prati /
Page #37
--------------------------------------------------------------------------
________________ 27 jagadgurukAvyam / kAryazceti madIpsitaM trayamidaM rAjyAGkamudrAGkitaM kAmaM dattavatA na kiM narapate ! dattaM tvayA sAMpratam ? // 18 // ityukte yatipuGgavarnarapatistAna bandilokAn ghanAn guptyantazvirasaJcitAn kRtamahAmantUna mumoca khayam / yAtastAnijapAdanatyanuratAn zrImadgurUNAM krama dvandve pAtayati sma cAziSadimAn zrIhIranAmAkSarAn // 184 // matsyAdyaGgigaNAvadhaM galitavAhiM samuddizya sa zrImahAbaranAmakograsarasi zrIpAtisA'kabbaraH / bhRtyairutpaTahaM pure'khilajanajJAnAya cA'vAdaya catraitadvidhilopakagrahakRte channaM carAnAdizat // 185 // pratyabdaM nRpatiH samAgatamahAparvaNyamArikramaH kAryo madviSayaSviti svalikhitaM datte sma saGkAya saH / yAvahAdazavAsarAnatha mahAparvAgame tAdRzaM tatsarvatra tadarthameti sacaraM tatsAdhakaM varttate // 186 // evaM zrIgurumArgitaM narapatirvastutrayaM dattavAn santaH prArthitadAyakA iti vacastenaiva satyaM kRtam / dhanyAste guravo yadIyavacanaM bhUmau manAnApata ddhanyo'sAvapi yatpuro guruvarA jAtAstadabhyarthakAH // 187 / / zrAddhopAzrayabhUmipAvanakRte tenaiva bhUsvAminA dattAjJA atha sUrihIravijayA rAjAGgaNAdutthitAH / tannunnaiH kavirAjatArkikagaNairvIrairamAtyaiH pura. zreSThaizvAnugatAstadIyasadanadvArAdahirnirgatAH // 188 / / tAvatpAdacaro'nugaH kSitipatiH pAdau praNamya sthitaH svaukodvAri samastasainikajanAMsteSAmanuprAhiNot / vAdyAnIbhaziraHsthayogyapuruSAdhyAsphAlitAnyuzcakaiH sUrINAM puratazcakAra ca rathAzvebhAdikAM svazriyam // 189 // evaM bhUpatikAritena mahatA hyADambareNAtha te sUrIzA nagare catuSpathapathAntaHsaJcarantastadA /
Page #38
--------------------------------------------------------------------------
________________ zrIpadmasAgaragaNiviracitaMzaGkAM tIrthakarAgamasya hRdaye keSAM na cakrustathA premNe tIrthakarA ivAdhikadhiyAM cAsan guNairnirmalaiH // 19 // zrAddhAstatra pade pade'tha mumucurvastrANi sauvarNikAn sUrINAM jagRhuzca yAcakajanAsteSAM guNAbhASiNaH / zrAddhIbhirvaramauktikaimaNigaNairvardhApanArtha tadA nunnaiH pANiyugena vArinidhivattadbhUtalaM vyAnaze // 191 / / . AyAtA atha sUrayo yatiyutA yogye pavitrAzraye zlokaM dhArmikamekamAptavacanaM vyAkhyAnti te smA'nagham / brahmA'yaM kimihAgataH zucitaraM dharma purastAccatu varNAnAmupadeSTumevamakhilAzcakrurvijAH zaGkitam // 192 // tatra svastikalakSamakSatagaNAkIrNa dhanisvIkRtA nekanyuJchanavittakoTirabhavacchrIsthAnasiMhAdikaiH / ibhya rUpyasuvarNanavyavasanatyAgena koTivyayA ddezyo mArgaNasaJcayaH paramahIjAto'pi santoSitaH // 193 // kazcidbhaTTakaviH kavitvamatulaM navyaM vidhAyoccakaiH sUrINAM purato'vadacca bhavatAM stotreNa lakSaM dhanam / lapsye mattamataGgajaM yadi bhavadbhaktaikasabhyebhyata starhi zrIgurunAyakAn kSititale zrIdharmarAjAna bruve // 194 // zrutvA tadvacanaM gurUnnatikRte zrAddhaH sadAraGgakaH sAnvartho gajarAjayuktamakhilaM tasmai dhanaM dattavAn / evaM zrIgururAjahIravijayAcAryastavAdhAyinaH ke ke tatra mahArthapAtramabhavanno mArgaNAH paNDitAH // 195 // tasmin varSacatuSTayaM naravarasyAsannadeze sthitAH sUrIzA nRpapuGgavena vividhopAyajJavinijaiH / rAtrAvahni parIkSitAH svayamapi cchannaM kRtazrAvakA nekAstikyasulakSaNena vizadaprajJena zuddhArthanA // 196 / / zuddhAH sarvaparIkSaNairguruvarA jJAtveti pRthvIpatiH sabhyAnAM purataH svaparSadi guNAMsteSAM svadhIzodhitAn / /
Page #39
--------------------------------------------------------------------------
________________ jagadgurukAvyam / uktvA sarvayatIzahIravijayAkhyAnAmadAd bhaktitaH - svaivAkyabirudaM jagadgururiti spaSTaM mahaHpUrvakam // 197 // sUrINAM karato'tha zAntivibudhasyAdApayattArkika__ zreSThatvAdiguNaizcamatkRtamanAH zrIvAcakAgjyaM padam / sadyaH sthAnakasiMhamukhyasakalazrAddhAstadAtyutsavaM cakruH zrImati vittakoTikalitAH phattepure srvtH||198|| anyedhurnaranAthahastalikhitaM lAtvA trilokIguroH ___ ziSyAH zrIgurumAnyadhanyavijayAstabhRtyasaMsevitAH / sUratyAdiSu mudgalAzritajinaukaHsAdhusadmavrajaM tanmuktaM jinabimbasAdhukalitaM zrAddhastadA'kArayan // 199 // evaM zrIguruhIrahIravijayAcAryAnnRpA'kabbare NAtyantaM racitastutIn kRtamahApUjAn punaH satkRtAn / AyAtAnatha gau re kSititale zrutvA purAnmaGgalAt stautItthaM zizupadmasAgarakaviH premNA vivekAnvitaH // 200 // natvA sattvanidhattatattvacaritaM zrIpArzvanAthaM jinaM staumi zrInidhimUttihIravijayaM bhttttaarkaagresrm| yasya stotradhanuSyasaMkhyaviduSAmAseduSAM zemuSI bANAlI guNasaMsthitA'pi bhuvane vyAptA na kaiH zlAghyate // 201 // zlAghA te munirAja ! kasya vadane jihveva no vidyate vidyA sA'pi na kA'sti deva ! tava yA jihvAntamAseduSI / santi tvayyanaghAH pavitritadizaH samyagguNAzcApare * matvetIva samastagacchajanatA tvAM svAminaM manyate // 202 // somatvaM tava niSkalaGkamatulaM nityaprasAraiH karai manye vyogni sametya zItakiraNo jAtyArthivadyAcate / Adityastu tava pratApamacalaM vizvatrayavyApinaM tena tvatpurato na kaH kSititale sajAyate yAcakaH // 203 // sUryAcandramasau guNAntamamalaM te vIkSituM nAyaka ! .. sraSTrA vyomatalAdhvazIghrataragau dUtAviva preSitau /
Page #40
--------------------------------------------------------------------------
________________ zrIpadmasAgaragaNiviracitaMaprApyeva tadantamambudhitale khinno'vizadbhAnumAna zyAmAsyaH punarAgataH zazadharo rAtrau kalaGkacchalAt // 20 // sraSTA'tha svayameva nirmitagatiyomnIva tArAcchalAt svAmistvadguNasaMgrahaM nizi karotyAkSepavAn sarvadA / tadyanAya divA tu nizcalamatirbhUtveva tigmacchavi stiSThatyeSa yataH satAM matiriyaM sadvastunaH pAlane / 205 // mUrtiste jinamUrtivatkaliyuge duSkalmaSadhvaMsinI zAntaiH kAntamanobhirIhitAhitaizcitte nije nyasyate / duSTaiH kaizcidupekSyate'tha tava na dveSo na collAsitA __zItAMzoramRte durambuni samaH kiM no bhavetsaGkramaH? // 206 // deva ! tvadguNasantatirguNijanaiyastA nije mAnase citrAvalliriva pravRddhijanikA'bhUttadguNAnAM jane / doSAktairatha dUritA'dbhutamidaM tadoSasaMvardhinI yadvA nA'dbhutametadugramanasAmugrA pravRttirbhavet // 207 / / zrIvIrasya zivaGgatasya virahe duHkhArdataprANinAM duHkhadhvaMsakRte kalAviva vidhistattulyahIraM vyadhAt / tasyevAsya bhavedyadIyahRdaye'bhedapratItiH parA zreyaHzrIH karapaGkaje sthitavatI kuryAca taM tanibham / / 208 // svastya'rkAya tamobhide bhagavate lokaprakAzAtmane vizvAyAghanadAnato avasare vRttiM parAM tanvate / jADyacchedaparAya dUragajanottApAya zastodaye bhUdevairvihitArcanAya bhavate bhUyAt sphuradrociSe // 209 // lokonmArganidarzanodbhavamiva svAgaH smaran laukikaH zambhustvayyudite zrute munipate ! nazyan sunItyadbhute / bhAraM mUrti vimRzya zItakiraNaM yaM puSkare muktavAn so'yaM prabhramatIva sArthapatinA mukto galigauM: pathe // 210 / / kurvANastava darzanaM nayanayorloko'nimeSo'bhavat tvadbhASAzravaNAdvivekavikalo'pyAsIdvivekAnvitaH /
Page #41
--------------------------------------------------------------------------
________________ jagadgurukAvyam | tvatpAdAbjanamaskRtermunipate ! niHskho'pi saskho'bhavanmAhAtmyaM nanu kasya mAnasamidaM no raJjayatyadbhutam // 211 // vyAptasya prakaTaM trilokamapi te svAmin ! pratApojjvaladvahnervyAni gateSu tArakamiSAttAraM sphuliGgeSvaho / manye dAhabhayena rAtrisamaye nodeti bhAsAMpativIro'pyutkaTazaktimatyapabalo'dRzyo bhavedAgate // 212 // matvaikaM subhaTaM trilokavikaTaM zrInandanaM bhasmasA cakre te munirAT ! pratApahutabhug duHsAdhyatejA asau / tasmAdapyadhikasya netrakapaTAdvAlaM svayaM bhinnavAn gaurIzasya tatastrilocanatayevAkhyA'bhavadbhUtale // 213 // ye zrIvIrajinendrazAsanamidaM vistArayantaH kSitA bhodA iva dugdhasindhusalilaM prAptAstato'pyunnatim / keSAM no rucaye bhavanti gurutAzraddhAnapUtAtmanAM kAmaM kAGkSitadarzanA ghanajanairjAtprabhAvAH kalau || 214 // yAnnUnaM praNamanti mAnavagaNAH samyaggurutvAzayAnirNIyA'paragacchanAyakagaNe samyaggurutvakSayam / pratyUSe zazalAJchanAdinikare dRSTvA prakAzakSayaM mArttaNDaM kimu nArcayanti divasAdhIzatvasambhAvanAt // 215 // yaizcakre kRtinAM matiH zubhatarA zraddhAnapUtAtmanAM zrImadvIrajinendrazAsanatarorbhAsvatphalAsvAdane / ucchedyAparatIrthamohamadana dunmAdaniSNAtatAM yadvaidyAnnipuNAnna kaH prakurute pathyAdanaM zuddhadhIH // 216 // yebhyo'yaM guNipUritastapagaNa: prApnotyudagraM yazastejojAtyamaNeryato'dhikataraM hAro'pi muktAnvitaH / yebhyazceha paratra maGgaladhiyA ke ke namasyanti na prAptaM kena yato'mRtaM kSititale nAsvAdyate dhImatA // 217 // yebhyo nazyati zAsanaM hariharabrahmAdidevoditaM dhvAntaM tigmakarAdivAdhikatamaM rAtriprabhAvoditam / 31.
Page #42
--------------------------------------------------------------------------
________________ 32 zrIpadmasAgaragaNiviracitaMyebhyazcApi cakAsti zAsanamidaM syAdvAdavAdAGkitaM ___ vyomevoSNakarAn manuSyanikarAvasthAnamUrddhasthitam // 218 / / yeSAM prApya pavitradAkSiNakarasparza nije mastake ___ jAyante'tinikRSTavRttaya ime'pyutkRSTaziSTazriyaH / varNatvaM kimu nAzrayanti bhuvane lohAni yogIzitu* labdhvA zuddharasAnvayaM yata iha syAdraGgitAsaGgataH // 219 / / saMkrAntA bata yeSu nirmalaguNAH khyAtiM labhantetarAM __ zItAMzoriva candrakAntimaNiSu jyotsnAH sudhAsaGgatim / yeSu svAmiSu satsu bhAratamidaM vibhrAjate sarvataH zrIsImandharatIrthanetari yathA kSetraM videhA'bhidham / / 220 / teSAM sadvacanAni zuddharacanAnyAkarNya vidvajanA jAnantIti kalAvapIha bharate kiM tIrthanAthAgamaH ? / kiMvA gacchabhRdAgamaH parakRte kSetrAdvidehAbhidhAt svargAdvA dhiSaNAgamaH kimathavA zukrAgamo bhUtalAt // 221 // svAmiMstvaccaraNe patanti vimalAtmAno janAH kevalaM ye te syurbhuvi bhUrimUrddhamaNayazcitraM samAnodayAH / zrutvA khyAtimimAM taveza ! vizadAM bhAgyAdhilabdharddhayaH ke ke na bhramarIbhavanti caraNAmbhoje sadAsvAdini // 222 / / nAtha ! tvadvadanopamAnamanaghaM dattaM kavIzaiH zazI AsAdyeva harasya mUrdhni vasatiM lebhe kalAbhyunnataH / tvadvANIsamatAmavApya vasudhA manye'bhavannAkinAM bhogyA yogyatayA hi vastuni na kaH syAdudyataH zuddhadhIH // 22 // dRSTaM tvadvadanaM gaNeza ! guNinAM doSApahaM sarvadA cAndra maNDalamanyatheti vibudhaiH kiM gIyate tatsamam ? / eSA me vacanIyatA kSititale mAbhUditIvaiNabhR cchambhormUni tapastanotyatanukaM gaGgAtaTe nirmale // 224 // pItvA tvadvacanaM manuSyanikaraH susthaH samAdhyudbhavAhavAnAM nikarastu tatsamasudhAM tRptastathA cAbhavat /
Page #43
--------------------------------------------------------------------------
________________ 33 jagadgurukAvyam / tvaM tvevaM bhuvanopakArakaraNenaivA'si tRptaH sadA tvAmevaM vibudhAH stuvanti guNiSu prAptaikarekhaM samam || 225 || tvatkaNThopamitiM munIzvara ! samAsAdyeva kamburvaraH kRSNasyA'pi jayapradAnanipuNaH saMjAyate maGgalam / tatratyAM svarasAratAM budhajanAH pItveva tRptA idaM bhASante'mRta pUrNa pUrNakalazaH kiM vedhasA'yaM kRtaH ? // 226 // vidyAbhistava gacchanAtha ! hRdayaM sarvAbhiraSyAzritaM kSIrAmbhodhirivA'malAbhiramalaM srotasvinIbhiH zriye / tajjAne'jani sarvataH pRthutaraM tadvAsadAnAya yat santaH syurvasati pradAnamatayaH svaikAzrayaprANinAm // 227 // deva ! tvadbhujayAmalaM matimatAM dRgmArgamabhyAgataM hRdyevaM vidadhAti tarkamiha kiM dhAtrA samarthAvimau ? | sRSTI mUrddhani duSprahAravidhaye daNDau trilokodgata syAnaGgasya mahAbhaTasya paramasthAmnA'dhikatvaspRzA // 228 // tvatkoSThe jaladhAvivA'tigahane siddhAntaratnAnyaho ! tiSThanti prakaTAni nAyaka ! tathA tasthuryathA nirmale / zrIsaudharmagaNezamukhyasakalAcAryodare tadbudhA matvetIva vadanti tattadanugaM tvAM khyAtavidyAguNam // 229 // utsaGgastava deva ! devavanitAtulyAGganAliGgana tyAgI zaizavajAtito'pi vibudhAdhIzo'sti manye tataH / sAdhutve sadRze'pi devavanitotsaGgA vaziSThAdikA lajjAto munayo gatAH kacidaho ! nirmAnuSe kAnane // 230 // * devo rudramadbhutaM tava sadArambhAphalAbhyantarasparza naiva kadAciddbhutataraM pasparza nArItalam / matvetIva suvRttajAnumiSataH sadvRttakozaM nyadhAddhAtA tatra tatastapogaNapate ! sadvRttatA te matA // 231 // deva ! tvazcaraNau surAsuranarAdhIzapraNAmocitau matvetIva vidhizvakAra vizadacchatrAdicihnAGkitau /
Page #44
--------------------------------------------------------------------------
________________ 34 sarvorddhArthavizeSasaMgamavazAttatrorddharekhAM vyathA daivaM tvAM stavanaM nayanti vibudhAH zrIhIrabhaTTAraka ! // 232 // maGgalAkhye pure modAdevaM kAvyaM jagadguroH / cakAra sarvasiddhyarthe paNDitaH padmasAgaraH // 233 // iti mahopAdhyAyazrIdharmasAgaragaNipaNDitottaMsapaM-zrIvimalasAgaragaNiziSyapaM - padmasAgaragANaviracitaM jagadgurukAvyaM saMpUrNam / likhitaM maGgalapure saMvat 1646 varSe dvitIyabhAdrapadasita 11 dine // pRSTham paGktiH 1 24 5 " 13 14 " 19 24 25 " 26 G 16 27 5 w or 5 w o 26 2 5 zrIpadmasAgaragANiviracitaM 6 20 tRNo 21 // zodhanapatram // azuddham nava SaNmAsI tapasA -guru vacaH sthiti -sute * -zcitte nAtha - giripra -cchAsanasthAM Yuan bho zuddham na ce SaNmAsItapasA -guro vacaHsthitiM -sute -zcittes tRNaughe nAtha ! -giri pra -cchAsanAsthAM bhoH !
Page #45
--------------------------------------------------------------------------
________________ yazovijayajainagranthamAlAyAmadhAca 1. pramANanayatattvAlokAlaGkAraH-jainanyAyadarzanasyApUrvo'yaM prave zagranthaH, kartA cAsya shriivaadidevmuuriH| mUlyam 0-8-0 2. haimaliGgAnuzAsanam-avacUrisahitam / liGgabodhako'yaM mano haro granthaH / kartA'sya shriihemcndraacaaryH| 0-5-0 3. siddhahemazabdAnuzAsanam-laghuttidhAtupAThAdisahitam-vyA karaNe vyutpitsUnAM saralo'yaM granthaH-kartA 'sya zrIhemacandrAcAryaH, 2-8-0 4. gurvAvaliH-zrImunisundaramariracitA-asyAM zrImahAvIramArabhya munisundaramariparyantaM tapAgacchIyA_yANAM saMkSiptamitivRttam / 5. ratnAkarAvatArikAyAH TippaNapaJjikAsahitAyAH paricchedava yam-pramANanayatattvAlokAlaGkArasya vyAkhyAnarUpaM ratnaprabhAcAryaviracitam / 1-0-0 6. siddhahemazabdAnuzAsanam-mUlamAtram / 0-5-0 7. jainastotrasaMgrahaH-prathamo bhaagH| 0-6-0 8. dvitIyo bhaagH| 1-0-0 9. mudritakumudacandraprakaraNam-zrIzrAvakayazazcandrakRtam 0-8-0 10. kriyAratnasamuccayaH-guNaratnamariracitaH-sakalavaiyAkaraNAnAmupakArI 2-0-0 11. zrIsiddhahemazabdAnuzAsanamUtrapAThasyAkArAdikrameNa sUcIpatram / 0-4-0 12. kviklpdrumH-shriihrsskulgnnivircitH| AAchandasA ni baddho'yaM grantho dhAtutadarthatadanubandhAdiprabodhako vidyaarthijnaanaamupkaarkH| 0-4-0
Page #46
--------------------------------------------------------------------------
________________ zrIpadmasAgaragaNiviracitaM .: zrIsiddhasenasarvorddhArthavizeSasaMgamavazAttatro devaM tvAM stam-..gacchAyAmayadevamUriracitayA ta pAyenyA vyAkhyayA vibhUSitaH / ayaM grantho jainadArzanikaviSayasya samyagvivecakaH sakalanyAyagranthAnAM maulimukuTatAmAvahati / 3-0-0 14. jagadgurukAvyam-zrIpadmasAgaragaNiviracitam / asmin khaNDakAvye jagadguroH zrIhIravijayasUreH saMkSiptamapi rasaparipUrNa jIvanacaritraM vartate / pUjyasUreH zrImadakabbarasAhinA saha jAtAyA dharmacarcAyA manoharaM vRttAntamapi niveditaM asti / granthakA cedaM kAvyaM aitihAsikadRSTayA'pi samIcInatayA varNitam / yasya paThanena sarva svayamevAvirbhaviSyatItyalaM bahunA / 0-4-0 15. zrIzAlibhadracaritam-TippaNasahitaM zrIdharmakumArasudhiyA viracitam / apUrvo'yaM kathAgranthaH / 1-4-0 16. nyaaysNgrhH-nyaayaarthmnyjuussaabRhdvRttinyaasaadishitH| sa kalanyAyAnAM (paribhASANAM) jJApakAdibodhako'yaM granthaH / kartA'sya zrIhemahaMsagaNiH / 3-0-0 gyanmandir@kobatirth.org. grantheSu Serving Jinshasan 1. mahAkAvyAni(1) zrImerutuGgAca zrIzIlaratnasU 080059 (2) siddhasArasvata velAsakAvyam (3) zrIratnamaNDanagaNikRtaM sukRtasAgarakAvyam(4) zrIamaracandrasUriviracitaM, padmAnandakAvyam -prAptisthAnam :zA. harSacanda bhUrAbhAI aMgrejIkoThI, banArasa siTI /