Isarsuri Virachit Lalitanga Charit apar nam Rasak Chudamani

Author(s): H C Bhayani
Publisher: ZZ_Anusandhan
Catalog link: https://jainqq.org/explore/229285/1

Page #1
IsarasUri-viracita lalitAMga-caritra * apara-nAma rAsaka-cUDAmaNi ___-saM. harivallabha bhAyANI zrI vardhamAnAya namaH // "vimala-kara-kamale"ti sAgaradatta-zreSThi-rAsakAdau gAthA yathA, tathAtrApi prathama-gAthA / paDhamaM paDhama-jiNidaM, paDhama-nivaM paDhama-dhamma-dhura-dharaNe / vasahaM vasaha-jiNesaM, namAmi sura-namiya-paya-desaM // 1 siri-AsaseNa-naravara-visAla-kula-[kamala]-bhamara-bhogiMdo / bhogiMda-sahiya-pAso, disau siriM tumha pahu-pAso // 2 siri-sAlasUri-pAyA, niccaM me hojja gurua-supasAyA / annANa-tama-tamo-bhara-haraNe'ruNa-sArahi-vva samA // 3 sAlaMkAra-samatthaM, sacchaMdaM sarasa-suguNa-saMjuttaM / laliaMgakumara-cariyaM lalaNA-laliyaM va nisuNeha // 4 daDha-dugga-mUla-kosIsa-patta-nara-rayaNa-bhamara-pakkhiliyaM / rehai kaya-siri-vAsaM sirivAsaM nayara-tAmarasaM // 5 dUhau . tiNi puri pura jaNa-raMjavaNa, rANI-kamalA-kaMta / naravAhaNa-niva naya-niuNa, ahiNava-kamalA-kaMta // 6 gAthA tapputto savvutto, savva-kalA-kosaleNa saMpuNNo / laliyaMga-nAma-kumaro laliyaMgi-vilAsa-vara-bhamaro // 7

Page #2
[2] SaTpada sakala-suyaNa-guNa-vaTTi-patta bahu-nehaha~ pUriya duha-dUriya-riu-vagga-magga-tama-bhara-saMcUriya / bhAsura-teya-suditta jitta jiNi ravi-sasi-maMDala payaDa-payAva-payaMDa suhavi kiri lahu AkhaMDala acchariya eha jasu deha navi, pAva-paMka-kajjalu kirai jasu kitti jhatti niya-kula-bhavaNi kula-paIva jima viSphurai // 8 sATaka bhattI deva-gurummi jammapabhiI pII parA pANiNo, . sammANaM maya-NANa-tANamamalaM attANa sattANa ya / saccaM sIlamaNidiyaM suviulaM bhiccesu vacchallayaM, evaM tassa guNodao-vi lahuNo kappUra-gaMdhassa vA // 9 zArdUlavikrIDitaM dvitIya nAma / / gAthA evaM bhUri guNassa vi, tassAsI vasaNamuttamaM dANe / kassa maNo kattha vi puNa, raI kuNai jaha suyaM loe // 10 dahA kuNahI-naI kA~I rucai~, kuNahI-naI kAi~ suhAi / bhamaru kamaliNi rai karai, daguru kaddami jAi // 11 // ityAdi / gAthA jo jassa jANai guNA0 // 12 ji bahuphalehi phalIu0 // 13 haMsA raccaMti sare0 // 14 jiNi navi pujjiu titthayaru, patti na diddhau~ dANu / tiNi kari kari siu~ bappaDau, karisyai naru ahimANu // 15 dhammi rAga sua-citavaNa, dANa-vasaNa jasu hoi / mANusa-bhava-surataru-taNau~, e nizcala phala hoi // 16

Page #3
[3] gAthA iya ciMtaMta kumAro, dANa-vasaNa-vihiya-sahala-saMsAro / . matraMto sunnaM to, teNa viNA tArisaM nayaraM // 17 bhujaMga prayAta chaMda jihA~ satta bhU-pIDha-AvAsa-sAlA, jihA~ gayaNa-saMlagga-duggA visAlA / sarArAma vara kUva vAvI rasAlA, viNA dANamegaM pi saMsAra-jAlA // 18 jihA~ gayaha gajjati rajjaMti rAyA, hayA heli hiMDaMti jv-jitt-vaayaa| dharA-maMDale dhIra dhasamasai~ dhAyA, viNA dANamegaMpi saMsAra-mAyA // 19 jihA~ kavva koUhalANaMda-kaMdA, mahA-gIya-nAeNa raMjiya nariMdA / mahA-paMDiyA jattha pADhaMti chaMdA, viNA dANamegaM pi saMsAra-niMdA / / 20 mahA-rUva-lAvaNNa-lIlA-vilAsA, mahA-bhoga-saMyoga-saMsAra-AsA / piyA-mAya-bhAyaMgaNA pemapAsA, viNA dANamegaM pi savve nirAsA // 21 kalaze SaTpada te maMdira giri-vivara nayara nava raNaha likkhai, dANa-dhamma-viNa dhamma sahu tima suNNau~ pikkhai / 1 xx xx xx xx te lakkhaNa samuhutta divasa nisi giNaI, je Na jaNa-siuM hasi milaI (?) // 22 gAthA aha bahu-dANa-samAgaya-sajjaNa-rolaMba-DuMba-jhaMkariNo / tasseva kumara-kariNo Asi sahA sajjaNo nAma // 23 so savvattha nisajala kumara-nariMdassa pahANa-purusovva / suha-asuha-kajja karaNe, nivArio dhArio (?) loe // 24 sajjaNa-nAmeNa puNoM, pagaIe dujjaNo-vi kumareNa / bahu-dANa-mANa-puTTho, jalahI jalaNaM va paDikUlo // 25 sakala-sarUva-suvitto, mijjaMto jaNehi~ taM kumaro / navi chaMDai jaha caMdo kalaMkamasuheNa kammeNa // 26

Page #4
[4] SaTpada kammi kIu dAsatta satta haricaMdi nIca-ghari kammi haNiu haya kaMsa kesi cANUra haraNa hari / kammi rAma gaya dhAma sIya lakkhaNa vaNi vAsiya, kammi sIsa dasa vIsa bhuaha laMkeMsa viNAsIya / kiyA-kammi caMda sUrija naDiya, bhiDiya kammi bhArathi suhaDa, ima bhaNai Isa dIsaha disAM, koi samatha vi Na kamma bhaDa / / 27 gAthA jaM vijja apatthAsI, jamuttamo nIya-saMgao hoi / taM puvvakammajaNiyaM, duciTThiyaM sayala jIvANaM / / 28 aha anna-diNe rAyA, jAyANaMdo kumAra-guNa-tuTTho / disai bahu-mulla-hAraM, kumarassa gale susiMgAraM // 29 dANaM atthu pahANaM, ki kittima-bhUsaNANa bhAreNa / ia ciMtito kumaro, hAra-ccAyaM kuNai sigdhaM // 30 iya jANiUNa turiyaM turiyagaIe sa sajjaNo vijaNaM / gaMtUNa rAya-purao, savisesaM viNNavai evaM // 31 paddhaDI chaMda mahArAya nisuNi vinatiya ega, laliyaMga-kumaravara-gaya-vivega / ai-dANa-vasaNi rattau rasAla, viNa -dANa gaNai saha AlamAla // 32 navi jANai pattApatta- bheu,jaM icchauM Avai dii teu / viNa-dhaNa kima callai rajju-kajja, saMsArisu vallaha appa kajja // 33 jaM jIvaha vallaha hoi davva, kima kijjai viyaraNa tAsu savva / ajjijjii aNudiNu mahAdukkhi, te mUDha na jANai jatani rakkhi // 34 // kula vijjA vANi vivega rUva, jIha viNa navi salahai koi bhUva / saba-sarisa purisajIha viNa kahaMti, jiNi atthi aNattha suvilaya jaMti // 35 ai-dANihi~ bali ghalliu payAli, ai-mANihi~ kaurava-khaya agAli / ai-lobhihi~ laMkApati-viNAsa, sura-dANava-pati paya namai~ jAsa // 36

Page #5
[5] ai vajjiya devahi~ gIya-naTTa, e payaDa pahuvi gi nIi-vaTTa / jaM lahai lahu-vi para appa-bhAu, te rAya-haMsa nara guru-sahAu // 37 jaM avasari dijjai appa dANa, taM labbhaI para- bhavi phala amANa / avasara-viNa dinnau~ koDi-mAni, taM jANa virunau~ sunnarAni // 38 avasara- viNa vuTThau ghaNa aNi?, avasara-viNa milliDa na bhalau~ iTTha / avasara-viNa je jagi karai~ kAma, te lahaI purisa-vara mUDha nAma // 39 dUhA je avasara navi olakhaI, lakhai~ na chega-chailla | te nara- rUva nisiMga jima, ahiNava jANi bailla // 40 ima tasu vayaNa kyaNa suNavi, kuppiu naravai ema / bhAla bhiuDi bhIsaNa nayaNa, phukkiya huavaha jema // 41 kuMDalIu citti camakkiya citavai, nIi-niuNa-naranAha jovvaNae tasu putta piNa, mitta-sarisa guNa-gAha mitta-sarisa guNa-gAha vAha jima milhiya vaggihi~ magma kumagga navi gaNai navi neha savaggihi~ dhaNa-juvvaNa-maya-matta ratta visa-vasaNa nisaMkiya ima ciMtaMta nariMda noi niya-citti camakkiya / / 42 gAthA jAo harai kalattaM, vaDDeto vajjiyaM harai davvaM / xx x x x x putta-samo verio natthi // 43 hakkAriUNa kumaraM, niya-piya-payakamala-bhatti-bhara-bhamaraM / pacchatraM puhavIso, pabhaNai mahurAe~ vANIe // 44 cAli suNi sikkha kumara naresa tuM acchai suguNa suvesa / vaDacitta vasuhA~ vIra, guruapaNi guNa-gaMbhIra // 45 taha kima vihii uvaesa, tujha diau~ vaccha asesa /

Page #6
[6] jANai na tuM siu~ putta, niva- dhamma-mammaha suta ||46 aimalina bhaNIi rajja, sahu karai niya niya kajja / jiha~ giNaIM puNNa na pappa, mannai ti appara appa ||47 Ni dhannaha ciMtai ducitta, para bhamai~ puhavii ducitta / hiMDai ti hisimisi heli, piya- mAyaguru avaheli // 48 haThi haNai~ hasi niya bappa, koNI jema sabappa / ji bappa hoi kubappa, jANi ti karaMDaha sappa // 49 bahu - visaya - para dhaNihi~ aMdha, piya- mAya - bhAya giNai na aMdha / jugabAhu maNiraha jema, siddhati suNiA tema // 50 piya-mAya giNai na putta, jima culaNi culaNIputra / navi bhajja sUriyakaMta, jima haNiu niya piya-kaMta // 51 sahu sayaNa- pariyaNa-gutta, cANakka jima sasigutta / ima rajja - kajjahi~ luddha, kuNa kuNa bhayau na- vimuddha // 52 gaya-kanna- caMcala-lacchi sa-visesa rajju kulacchi / narakaMta - rajja -pasiddhi, suNi satthi eha pasiddhi // 53 tau vaccha eha avattha, jANai na ema vivattha / jaM rahai rayaNihi dIsa, nizcita jima jagadIsa // 54 cAlai na caturima cAi, te turiya paDaI apAi / ima visama rajjaha dhamma, cAhIi paMDiya mam // 55 bahu phaliya phaliya sukhitta, rakkhIi jima niva khitta / sIMcIiM jima ArAma, navi huI tema harAma // 56 // rasAulau kosa- mUlaha~ kaliya, puhavi - paibaMdha-liya, sua- susAkhihiM miliya, suyaNa - vitthara - valiya, rayaNa-vasu-kuMpaliya, jasa- kusuma suM bhiliya / nara - bhasala - bhibhaliya, bhoga-phala-sauM phaliya,

Page #7
- - - [7] erisau rajja -pAyava kaliya, vasaNa-nadI jali khalabhaliya, naravAhaNa--sua ima saMbhaliya, bhaMti sayala harihiM Taliya // 57 gAthA putta pahANo vi sayA, jai eso mahiyalammi dANa-guNo / taha vi-hu attA-sattI, tattha tumaM sohaNo navaraM / / 58 savvesu sukajjesu, vi majjhattha-guNo suhAvaho [ho]i / aikappUrAhAro, mahavai kiM dasaNa-paDaNassa / / 59 atihi namaMtA jAi~ guNa, thaDDima neha na hoi / majjhima guNa sevaMtayA~, kuMbha bharaMtau joi // 60 aisIihi~ taruvara dahai~, ai-ghaNa vuTTi dukAla / aidAnihi~ aNucitapaNauM, ai sahu Ala-jhamAla // 61 atihi na bhAllA varasaNA, atihi na bhallA dhuppa / atihi na bhallA bullaNA, atihi na bhallI cuppa ||62 gAthA iNameva supaMDiccaM jaM AyAo vau vi viseseNa / jaha putta putta- puvvaM, pabhaNaMti visArayA evaM // 63 kuMDalIuviNa-ajjaNa je vaya kara, viNa-sAmiya bahu rosa / aturapaNi avasara visari, jaM viyarai~ niya kosa, jaM viyarai~ niya kosa sosa bahu karai~ ikallau, te ittara aNucitta mUrikha dhuri jANa pahillau, khajaMtAM khaya jaMti mera mahiyara sama bahu-dhaNa, paidiNi daMDa-samANa jeu viyaraNa viNa-ajjaNa // 64 gAthA piya mAya bhAya jAyA, jAyAi~ jaNANa tAva sammA / jA vipphurai suvittaM, viulaM viulAlae niyae // 65

Page #8
[8] vittaM pi tammi kAle, vihi-vasao vasaNaDhukkie puriso / gaya-teyaM piva puriso, paDibhAsai jaha ya iMgAlo // 66 tA putta niyaya kula- rajja-sAra-nivvAha-khama-guNaM / (suguNaM) sAhAraNaM samANaM, samAyarasu savva suhakaraNaM // 67 aha suNiya rAya-sikkhaM, kumaro ciMtai hiyaya-majjhami / dhaNNohaM puNNohaM, jeNamimaM sikkhae tAu // 68 guru-piyara-sikkhaNAo, natthi paraM amiyamiha jae pavaraM / tassopekkhA samAvi natthi paraM kAlakUDa-visaM // 69 eka niyajaNaya ani valI, sikkha dIi guru jema / saMkha anii khIrai bhariu, ika surahau ni hema // 70 amiya-rasAyaNa-aggalI0 // 71 vastu ima pasaMsiya, ima pasaMsiya, pujja piya-pAya, rAyaha~ ghari ramali-rasi, rAyahaMsa-samavaDi kumara hari, tigi caccari cahuTai ramai, bhamai khillai supari pariyari taNu viyaraNa-vasi vitthariu, puNu jhuNi tasu avavAu muhi tinhA buMThA parai, maggaNa eha sahAu ||72 aDilla-dUhA maggaNa jaNa jaMpati kumaravara, tua sama kovi nahI~ jagi naravara / dANi dalida-DAraNa dANesara, aDhalika akala aMgi alavesara 73 hATaka chaMda alaveara aNupama avani anaggala acala-dANa guNavIra, jasu kara kiri aMba sadA-phala kalarava maggaNa koila kIra, kappataru-jamali huI jaga majjhihi huau su kema karIra, laliyaMga-kamara vara saNi viNNattiya samaratha sAhasa-dhIra 74

Page #9
[9] ciMtAmaNi patthara kima tullai kahu, kima haMsakAya bhama bhullai, sAyara hoi kema chillara chali, raMka su kema tulai bhUvai bali // 75 chaMda bhUvaI bala tulai kema bala raMkaha paMka hui kima vAri, sahasakara-kari kima uppama dijjai bhaddava nisi aMdhAri, gaddaha kima nAga mAga kima UvaTa kAyara kima naravIra, laliyaMga-kumaravara suNi viNNattiya samaratha sAhasa-dhIra ||76 sasahara-kari kima ghammaha uppama, amiyakuMDa kima hAlA-sama jiNavara-jAkha bihu bahuaMtara, pittala hema jema ghaNa aMtara // 77 aMtara ghaNa suyaNa anai dujaNa-jaNa aMtara sarasava mera, aMtara jima mugati mahAsukhasaMpati bahubhava saMbhava phera, aMtara jima bahu lavaNa kappUraha aMtara jima paya khIra, laliyaMga-kumaravara suNi viNNattiya samaratha sAhasa-dhIra // 78 aDDila aMtara jima paMDiya-jaNa mukkhaha, aMtara jima nArayagai mukkhaha, aMtara jema dAsi kula-vahuaha, aMtara ikka ani bahu-bahuaha / / 69 bahu aMtara bahuia ikka jima aMtara baMbhaNa jima sovAga, aMtara AyAsa dharaNi jima aMtara aMtara sallari sAga, aMtara jima sAdhu ani sAvayajaNa aMtara sAyaratIra, laliyaMga-kumaravara suNi viNNattiya samaratha sAhasa-dhIra / / 80 kalazaSaTpadaH sAyara savi jhalahalai~ cala ijava aTTha kulAcala, dharaNi dharai AkaMpa kappi kaMpai~ visurAcala / caMda navia aMgAra sUra sirajai tamabhara (?) dhArAdhara navi jharaI dharai navi sesa sayala dhara, supurisa sasatti toi navi calai~, niya-aMgIkiya-guNavaguNi laliyaMga-kumaravara vInatI eha amha vali vali nisuNi // 82

Page #10
[10] gAthA * paripAliuNa suciraM, dANaguNaM guNa-dumassa mUlaM ca / kiviNa-kuDhAreNaM, kiM chaMdasi cheya chala bhatthe / 83 dhIrataM sUrataM suyara - kolAiesa jIvesu salahijjai kiM na puNo, dANaM doghaTTa -rAsu // 84 yataH sUrosi paradala - bhaMjaNo si guruosi bhaddajAusi / dANeNa viNA suMdari, na sohae daMta nikkaraDI // / 85 (ka) (bhaddakule uppanno, uttuMgo rAya - bAra- sohaNao / dANeNa viNA suMdari, na sohae daMta nikkaraDI // 85) (kha) uDDAha - tiriya- bhuvaNe, kitti paripesiUNa dANeNa / saMpai saMpai - luddhassa, kovi tuma pagai pallaTTho // 86 saMgaha - paro samuddo, rasAyalaM pAviUNa saMtuTTo / dAyA puNa uvariM, gajjai bhuvaNassa jalaharo // 87 evaM nisamma kumaro, dUmiya-hiyao haovva bANeNa / maggaNa-muha-kodaMDaya-niggaya- avavAya-rUveNa // 88 citai hA kIsa ahaM, paDIo khalu vaggha-duttaDI -nAe / ahavA kiri sappeNa gahiyA chucchaMdarI vva jahA // 89 // yugmaM aha gilai gilai UaraM0 // 90 ikkatto ruai piyA, annatto samaratUranigghoso | pimmeNa raNa-raseNa ya, bhaDassa dolAiaM hiyayaM // 91 dUhau bharau~ ta bhArI hoi, Adhau~ karau~ ta jhalahalai / bihu~ pari visamau~ joi, navi letI navi melhatI // 92 paddhaDI chaMda citavas kumara niya citti ema bihu~ gami guru-saMkaDi karau~ kema, ikkai disi naravai - ANabhaMga, anni-vi disi viNasai kitti caMga // 93

Page #11
[11] bhaMja je bhujavali bhUva-ANa, khaMDai khala khitti je gurua- mANa / chaMDai chali chottie kulaha nArI, viNa-satthi kahijjai tintri mAri // 94 AjJAbhaGgo narendrANAM0 // piNa kijjai kAraNa ucca kajja, jiha karatA~ nAvai loya lajja / sakkara khaMtA~ nai paDai~ daMta, tiha~ jaDiya na mUlIya maMta taMta // 95 jiNi pasaraI cihu~ disi cAya- kitti, tiNi vaMchai mUDha su kuNa akitti / jaM dANa bhaNijjai jaga pahANa, tihi karai kisau~ nararAya ANa // 96 jaM ditA~ hoi suhu au ( i ? ) amha, rUsau jaNa dujjaNa karau namma / khajjaMta diyaMtA~ jAi lacchi, sA jAu sujinI vali na pucchi // 97 ima citavi cAliGa catura kumAra, dii puNaravi dutthiya dANa- sAra | dhaNa kaMcaNa kappaDa ai apuvva, jaM caDai hatthi taM diyai savva // 98 jaM jIvaha jArisa sahaja bhAu, navi milhai~ te tima niya-sahAu ukkAliya jala jima sIya hoi, jagi nahIM sahaja paDiyAra koi // 99 jai vAsa sayaM govAlIyA, kusamaNiya baMdhai mAliyA / tAki sahAva-dhiya-gaMdhiyA, kusamehi~ hoi sugaMdhiyA // 100 paddhaDI chaMTa ima jANi vali kupiu naresa, diddhau DasiAhAra tasu videsa / rakkhiya rosaggali rAya- bAra, jiha~ huMtara aNudina navi nivAra // 101 - vastuH kumara pikkhiya kumara pikkhiya rAya kupasAya, citai ima niyaha mani, karau~ kema aha mANa - kajjihiM, jau Aiya mujha vasaNa, navi kAvi nahIM mujha Iha rajjihiM, aviNaya anayattaNa rahiya, jai emusuNa dosa (embai~ puNa ?) lau mai~ iha rahivau~ nahIM, Ai na hoi na josa ? // 102 gAthA vAhi- dalidda- malinA, vi mANa- vasaNAgame maNassINaM nannattha suhaM sayalaM, desaMtaraM gamaNa-vimaNANaM // 103 -

Page #12
[12] yataH dIsai vivihaccariyaM // 104 paddhaDI calliu kumara nisi ema ciMti, kamalujjala-komalakAya-kaMti / pakkhariu pavaNa-java vara-pavaMga, tasu uppari AsaNa-ThANa-raMga / / 105 caDi calliu caMcali turaya-vega, maNa pavaNa suyaNa bala hUa aNega / dii deviya devI vAma sadda, laliyaMgakumara tumha hoi bhadda // 106 bhairava bhaya vArai dahiNaMgi, civvariya catura paNi cavai aNgi| rAyA rAyattaNa kahai vAma, lAliya savi TAlai veri ThAma // 107 dAhiNi disi hui haNumaMta hakka jANi ki jaya kumara payANa-Dhakka / sAraMga nAma bahu attha hoiM, te sayala sabala dAhiNai joi // 108 haNamaMta hariNa cAtaka cakora, baga sArasa sAraya haMsa mor| sAvaDa suNaya-vi bhalA ea, jima-bulliya Agama-graMthi jea // 109 kari kariya kumara karavAla mitta, je sabala sayA ujjoya-citta / bhaya-bhIDaI sArai bahu a kAma, jiNi kari sUrattaNa lahai nAma / / 110 te samaratha sudaDha sahAya eka tasu vala-dali calliu kumara chek| tasu gamaNa maNigiya buddha jAma, sajjaNa puNa puTThihi thiyau tAma / / 111 appA guNa dosa muNai sa appa, jima bujjhai sappa hatthi siNa sappa / tima sajjaNa dujjaNa niya-suhAI, supurisa sacchaha chiNa-kaccha chaai||112 uttama navi karai viyAra ema, para-appa-vigati navi rosa pema / sama-sattu-mitta uttama caritta, sama-visama-samaya para-kajji citta // 113 dUhA sajjaNa atihi parAbhaviu, manihi~ na-ANai DaMsa | chediu bhediu dUhaviu, madhurau vAjai vaMsa // 114 uvayAraha uvayAraDau, savvaha loya karei0 // 115 __ SaTpadaH navi jaMpai paradosa appa para-jaNu-guNa vaccai~

Page #13
[13] dhaNa juLvaNa - gurumANa -dANa-mANihi~ navi maccai~ appa dharai~ saMtosa tosa mannai~ para riddhihi~ parapIDai parajalai~ Talai~ para-kUDa kubuddhihi~ uvayAra karai~ uvayAra viNa, appa pasaMsa na niMda para, ima bhaNai suttamuttAvalI, erisa, supuri[sa] cariya vara // 116 gAthA supurisa-cariya- pavitto, kavaDujjhiya sattu- mitta-sama-citto / aNugaya vacchallAo, na nivArai taM tahA kumaro // 117 jaM jeNa kiyaM kammaM, anna--bhave iha-bhave suhaM asuhaM / taM teNa bhoiavvaM, nimitta-mittaM paro hoi / / 118 aha teNa kAraNeNaM, kumaro pucchei tamaNugaya bhiccaM / sAhasu suha paMtha kai, kamavi kahaM savaNa suha-heuM / / 119 tA jhatti suyaNa-nAmo, niya sahaja-guNAu viyariya-virADo / jaMpai kahu deva tuma, ki pi varaM puNNa pAvAo // 120 tA sahasA laliyaMgo, vimhiya-hiyao suvajjarai evaM / re muddha mUDha tumae kiM bhaNiyaM bhuvaNa payaDamimaM / 121 abalA-bAla-guAlaya-hAliya-pamuhANa jaM phuDaM loe| jaM dhammAu jau puNa, khau tahA Nava pAvAo // 122 suyaNa payaMpai sacca puNa, je mUrikha deva (?) / piNa dhammAdhammaha taNAM, kahi kima jANai bheva // 123 kumara bhaNai suNi re suyaNa, vayaNa abhiya mi mujjha / jaM tujha Agali phuDa kahau~, dhammaha eha ji gujjha / / 124 jIva-dayA jiNa-dhamma puNa, uttama-kuli avayAra / suha-guru caraNakamala valI, dullaha rayaNa ciyAri / / 125 puNya-hINa je jagi purisa, puNa navi pAmaI eha / rajju riddhi sahu suaNajaNa, rUva-ramaNi guNa--geha / / 126

Page #14
[14] sacca-vayaNa guru-bhatti puNa, nai dutthiy-jnn-daann| dhamma eha jiNavara taNau, bahu-phala phalai amANa // 127 yataH dhammeNa dhaNaM va 0 // 1281 .................atthamaNa mattha divasa blo| rayaNabala vasagga suddA, avi tArA viphuraMti jae // 151 samaya-valAo kAle, ahamma-karaNaM suhAvahaM hoi| tassa balAbhAveNaM, dhammo'rammo hui asukao // 152 aDillamaDilya dhammavaMta tua eha avacchaha chaMDi kumara tiNi dhamma vivatthaha / samaya eha tua karaNa ahammaha, ajji bahula dhaNa karaNa ahammaha / / 153 kumara bhaNai suNi suyaNa supAvaha, vayaNa suNau~ navi eha supAvaha / vali vali bulli ma aliya supAvaha, jaM dhammihiM khaya jaya puNa pAvaha // 154 dhamma karatA~ jitta na hoi, ji tiha~ aMtarAya phala koi| kiM na hoi khajjatA sakkara, dasaNa-pIDa vici Avii kakkara // 155 nAya-sarisa ajjijjai lacchI, taM niyANi jima hoi kulacchiya / paratiya-pema jema jasu ajjaNa, kula-kalaMka avajasa jaNa lajjaNa / / 156 sunnarAni-rUnau~ kuNa kajjihi~, kajja ki kaliyali kijjihi / gAma-buDDha nara pucchau koi, bhaMjaI vAya nAya guNa kei // 157 jau ima kahai puNa jagi rUDau~, tau tai lavIu~ sahU jaM kuudduN| tAsu pAva chuTTaNa chala dakkhau~ karisi kisuu~ paNi jhuNi tua akkhaDaM // 158 suyaNa bhaNaI suNi naravara-vaMdaNa, amha vayaNa sIyala jima caMdaNa / bhallau~ bhaNiu~ mujha paNa ima jANau~, huM sevaka iNi bhavi tuM rANau // 159 jai vivarIya vayaNa iha sAmiya, tau tuM nicca bhicca huM saamiy| 1. 129thI 151nI gAthAnA pUrvArdha sudhIno khaMDa nathI /

Page #15
[15] ima vivadaMta patta ika gAmihi~, bhuMcha loya phala haNiya kuThAmihi // 160 atha kAMyAI bolItau te tiNi sthAnaki beu AvyA, te bhuMcha lokA~ mani na suhAvyA kahau udezana pUchauM kAMI eka apUrva vAta bhalau~ siu~ puNya kiM pApa // 161 aDillaI mizra bolI tau te bolai~ bhuMcha muchAlA, mANasa rUpi jANi kari chAlA / kahau bApa kisiu~ mAgu jApa aha siu~ jANau~ puNya kai pApa / 162 atha sUDa mhai karasaNa karA~, khetra pANI-sa~ bhae~. kAsa bAlA~, DuMgari dava parajAlA~, vAlarA~ vAvA, ghaNA dina ku~ lUNI tavAvA~, bhaisi cUSA~, bolA~ gADhA~, jimmA kaddana tADhA~, moTa draha talAva sosA~, bilAi kUkara posA~, Dhora cAroM, sApa mArA, vaDa-pIpalA bhakhA~, lUNAM nIlA, karIM sUDA bolA~, kUDa gAMDA vAhaNi khaDA~, anaDa saMDAdika naDA~, ApA paNI khetra pAlA~ kAji jhaMbi jhaMbi paDA~, madhumINa saMcA~, vAchaDA pADA~ dUdhi vaMcA~, sAMDa gAi-taNA karNakambala chedA~, te bayali hali gADai~ vAhaNi bhAra-su~ gADhA~ khedA~, kusi kuddAla hala hathIyAra vahA~, rAti dIha kheta khale mAle rahA~, pIyA~ para dhala chAsi, vasA~ ApaNai sAsi, dharamau ku~ na jANoM nAma, karA~ sadA kAma, khAu~ khIca, Talai ghIMca, ima sukhai bharauM peTa, mhA~ki su~ pUchau re bholA~, pApa-puNya-kI neTa // 163 / /

Page #16
[16] gAthA ia nisuNiUNa kumaro, pAmara-vayaNAi~ aruDa-baraDAi~ / ciMtai aho kimevaM, purao eANa jaM nAo // 164 jaM puNNa-pAva-lakkhaNa-lakhaNa rahiyANa naaypddivttii| taM kaNaya-bhalla-bhallI, jaMbAle joiyA vihiNA / / 165 jai bahu araMsu tillaM tA kiM lippei girivare mUDho / jai bahuvIyaM sagihe, tA kiM ko Usare vacai / / 166 jai caMdaNaM ghaNaM, tA ki koI dahai kadanna-vAgassa / jai khIraM bahuaaraM, pAijjai kiM bhuaMgassa / / 167 (jai) kaNaya-rayaNa-mAlA, tA ko baMdhei kAyakaMThammi / jai bahu-duggala payaro, kiM kijjai vADi-parihANaM / / 168 kiM bahu-buhajaNa-nAo, jai kijjai mukkha-pAmara-jaNehi~ / tA vuccattaparataM, jAyaM uvahANayaM saccaM // 169 jihi~ kappiya kappUra-taru, kijjaI kayaraha vaaddi| sahiya ti nigguNa-desaDai~, kiM na paDai nitu dhADi // 170 jihA~ lIlA kAeNa-su~, koila kalirava mor| sahiya ti nigguNa- desaDai~ kiM na paDai nitu cora / 1171 jiha~ mayagala-maya-matta-sama, kArijjai khara-kajja / sahiya ti nigguNa-desaDai~, kiM na paDai ghaNa-vijja // 172 jiha~ samasari tolai tulai~, kaNaya kpaaskpuur| sahiya ti nigguNa-desaDai~, kima uggai nitu sUra / / 173 jiha~ koila-kulakaliyalaha, karai ti kAya parikkha / te vaNa vaNadava kavalisuM, kavaliya kiM na sarikkha / / 174 gAthA iya citiuNa kumaro, jAvaliuM turiyaturayamArUDho / tappiTThi-saMThio puNa, sagavvameyaM bhaNai suyaNo // 175 vastu :

Page #17
[17] tava paryapi tava paryapi suyagNa suvahAsa, kAsu jala kitti vara, kumara sacca dhaNa dhamma kAmiya, dhammapabhAvihi~ sahu valI, rajja-riddhi tai~ turIya pAmiya, milhi turaya mujha huu turiya, sevaka ji Ajamma, kumara bhai siu~ re valI huai~ uvariA kamma || 176 dUhau rajja ramA rAmA sudhaNa pANaha - suM jai jAi~ | tau paNi vAcA ApaNI, supurisa UraNa thAi~ // 177 SaTpada vacani chaliu baliNDa vacani kurava kula khoyu // 178 dUhau gaya ghoDA thoDA nahIM, raha pAyaka bahu saMkha / ghaNIvAra iNi jIvi sahu pAmyA vAri asaMkha // 179 gAthA zrI upadezamAlAyAM pattA ya kAmabhogA0 | 180 jANIya jahA bhogiMda saMpayA0 / 181 paddhaDI chaMda ghoDAnuM kahi suM gajauM mUDha, saMbhalai vatta jai bahu-a gUDha / iNi jIva aNaMtIvAra eha. pattAM dhaNa juLavaNa sayaNa geha / naha daMta maMsa kesaTThirataM, girimeru sarisa iNi jIvi catta / himavaMta - malaya - maMdara - samANa, dIvodahi- dharaNi- sarisa pramANa // 183 AhAri na pahuu jIva ehi, bhavi bhavi bahu pari nava-navai dehi / thaNa khIra- nIra piddhAM jakevi, sAyara sari sariya na pAra te vi // 184 - bahu kAmabhoga sura naravilAsa, kevalI na jANai pAra tAsa / kiNi kAraNa tau dukha dharai jIva, bahu paDiya avasthA hoi kIva // 185 gAthA jaM ciya vaiNA lahiyaM 0 // 186

Page #18
[18] paddhaDI saMpai jasu harisa na hoi citti, vihaliya-velA navi sogaditti / raNa saMkaDi lii navi puTTi ghAu, jaNaNI jaNi parisa purisa-rAu / / dUhau jiNaNA jiNA ma gavva kari0 // 188 sIhiNi eka ji sIha jiNa cha0 // 189 liu suyaNa turaMgama eha tujjha diu deva seva-Aesa mujjha mujha jAu mala jima sahu asAra, rahu rasa jima sama-dama-satta-sAra / / 190 ima kahiya su appiu turaya tAsu, puTThihi~ thiu kumara su jema dAsa / callaMtau caMcali caDiu soi, haThi hasaiti pacchali joi joi / / 191 milhaMtau je navi puhavi pAu, bisatu bahua-vici-jamali rAu / pahiratau paTaMbara pavara cIra, suhasayaNa seja vAmaMga vIra / / 192 mANasu aDAgara bahua pAna, gAvatA~ sugAyaNa gIyaMgAna / karatA~ bahu-maggaNa jaya-susadda, vajjaMtA bella-nIsANa-nadda / / 193 caDatau varacaMcalatara-turaMgi, naccaMtA~ niuNa nava patta rNgi| cAlatA caturatara patti-ghaTTa, hIsaMtA~ hisimisi hayaha thaTTa / / 194 tiga-caccari-cau vaTa-jUa-ThAmi, ima ramatu je lai kumaranAmi / te pisuNa-puTThi pulatau palAi, jaM karai daiva su ji hoi joi / / 195 SaTpara yata:-kiNihi kAli vara turaya milhi caDIiM sukhAsaNi0 // 196 gAthA aNudhAvamANa-kumaraM, magga-samAvesa-seya-mala-vigalaM / paccArato pai pai, pabhaNai suyaNo puNo evaM // 197 kiM kumara tae diTuM paccakkhaM dhamma-pakkhavAya-phalaM / to ajja-vi caya cAhiya, dhammassa kayaggahaM vihalaM // 198 'vaMcasu loge vahabaMdhaNesu mA kuNasu kivaM kivAluvva / no asthi katthavi tumaM, ko anno jIvaNovAo // 199

Page #19
[19] tA jhatti kumara-rAo jaMpai re duTTha dhiTTha paavitttth| tuha sajjaNAbhihANaM, abhiyarakhA jaha visasseva // 200 kiMcevaM ducchuddhi, cito vaha-baMdhaNAIesu puNo / vAhAo -viya ahio, pAveNaM jaha suyaM loe / / 201 pAvassa kAragAo, suniMdaNijjo kubuddhi-dAyAro / ittha kahemi kahaM so, suNai suimaM savvahA suhiyaM / / 202 / / jaha kovi vaNe vAho, knnnnNtaakitttth-diddv-kodNddo| ghAyagga--gayAe puNa, hariNIe patthiyo evaM // 203 khaNametta meva ciTThasu, vAha vayAmatti tAva niya ThANe / lahu-lahua-apaccAI chuhAe bAhijjamANAi~ // 204 tesiM thaNa-pANamahaM, kArittA jAva tua samIvammi / no emi tao paTTA, puNaravi teNeva vAheNaM // 205 jai no jai esi tao, kiM tA baMbha-tthIya-pamuha-vaha-jaNiyaM / pAvaM pavaNamANA, no mannai taM tahA vAho / / 206 tA puNaravi sA hariNI, jaMpai no emi jai tau suNasu / vIsatthassuvaesaM, jo dei, naro ahiya-kAraM // 207 pAveNa tassa turiyaM lippAmi putti sA gayA turiyaM / niya-vayaNa luddhA, samAgayA puNa bhaNai evaM // 208 chuTTAmi kahaM supurisa, tuh-baann-phaar-maar-vaaraao| to luddhau viciMtai, ki eyAe purA bhaNiyaM // 209 vIsatthAe imAe, pasu nihaNi jaM ca demi kuvaesaM / tA pAvAo pAvo chuTTemi khN....||210 caturbhiH kalApakam / ia ciMtiUNa vAho, vimhiya-hiyao payaMpae evaM / / bhadde maM dAhiNao, gacchasi tA gaccha... ... // 211 evaM tahatti bhaNiyA, gayA gihaM so-vivaah-avyNso| tA tujjha kahemi imaM, kiM desi kupAva pAvamaI / / 212 iti hariNI-dRSTAntaH //

Page #20
[20] ika -mIkkAraNi eka, ai-karai~ pAtra aneka / hiMsaMti jIva aNAha, te husai~ kema aNAha / / 213 jaMpati ika bahu kUDa, te hui duh-giri-kuudd| haThi haraIM para-dhaNa lobhi, lajjavi appa-kulobhi / / 214 lopai~ ti laMpaTa zIla, tiha~ kisiya niya-guruzIla / ai-karaI bahu AraMbha, tiha~ dharai~ dhuri saMraMbha // 215 mani dharaI bahua kasAya, tasu chehi kaDua kasAya / vaMcai ti piyagurumAya, jasu mAya kiha~ navi mAi // 216 ima achai~ bahuara pApa, jIha~ taNau kali bahu vyApa / na karai~ ti kAraNi dharma, jodii savi ziva-zarma // 117 achai nigguNa deha, tasu taNau lAhusu eha / kijjai ji para-uvayAra, saMsAri ituM sAra // 118 vihaliya vivihi vasi sAhu, navi karai kamma asAhu / chuhapIDa-pIDiya-haMsa, navi karai kIDiya hiMsa // 219 kApurisa kuvasaNa kUDi, lijjai su lahu pr-kuuddi| chali chalai koi na cheka, sujilahai dhamma-viveka / / 220 suNi suyaNa saccaha sAra jagi dhamma ikka ji sAra / navi muNaI gAma gamAra, tau dhamma siu~ ti asAra // 221 mahu mahura dADima dAkha, bahu-phaliya suma saya-sAkha / tiha~ karaha gaya muha moDi, tau laggasiu~ tiNi khoDi // 222 yathA yathA bahira gIya navi suNiu bhamara caMpaki na baTThau, sola kalA-saMpanna caMda aMdhalai~ na diTThau / kara-hINa' paMgulai~ kaDhiNa kodaMDa na tANiu, taruNI-kaMTha vilaggi tuMDa-rasabheya na mANiu / kiva haNi kujANa-kuvilakkhaNaha, kaviyaNa jANai~ jaM na maNa / ima kahi gadda guNavaMtayaha, jaga-uppari kima jANai guNa / / 223

Page #21
[ 21 ] ika dhamma ahis mitta, jasu suhiya nimmala citta / jiha~ thaku hui subhadda, nidIi te kima bhadda // 224 ima suNiya nitra sua-vayaNa, tava suyaNa vihasiyavayaNa / bullai ti bola kubola, jANi kiM par3ai giri- Tola // 225 dIsaMti tu bahu bhadda, saMpai na milhasi vadda | jai mUDha tuM navi hoi, pahANa saccau~ soi // 226 jaha kevi gAma - gamAra, jaNaNI- bhaNiu ikavAra / gahiyattha kahamavi putta, milhaviu navi kula-putta // 227 abhayA jaNaNia pucchi, vilagau~ ti saMDaha pucchi / kari dhariya niya-bala-mANi, tiha~ loya miliya amANi // 228 tasu matta-latta - pahAri, paDiyA su daMta vicAri / milhi na puccha sahUDha tima tuma - vi hoisi mUDha ||229 kulaputrakathA pucchai suyaNa kahi deva, siu~ karisi paNi puNi heva / viNa nayaNa- kamala na asthi, tua kiMpi satthi suatthi // 230 amarisa - bhariyaha tI vyaNi, hiM kumaravara tINi / tasu vayaNa aMgikAra, kiya jema karavata - dhAra // 231 pavitra vAcAvIra, laliyaMga sAhasa - dhIra / I suha suyaNa ikkihiM gAmi, pannau ti sAkhA - nAmi // 232 bhaviyavva-kamma-niyogi, pucchai ti gAma niyogi puNa kahiu tima tiNi vAra jima puvva-gAma-gamAra // 233 aha caliya puNa dui maggi, jaMpii suyaNa tasu aggi / suNi sacca kumara nariMda, tuM puhavi jANa ki iMda // 234 bahu sacca sIla nihANa, tua samau jagi koi na jANa / niya-appi appa nihAli, paDivana vAcA pAli // 235 ullaMTha vayaNihi~ tAsa jhalahaliya teya - payAsa | jiNa sANa ghasiya kavANa, divyau sukumara pahANa || 236

Page #22
[22] tasu ramma raNNaha kUli, lahu jAi vaDa-taru-mUli / bhua-daMDa ubbhavi bevi, vinnavai kara joDevi / / 237 vastu kumara jaMpai kumara jaMpai, suNau sasi sUra, vaNadevati savi suNau, suNau tAra gaha-gaNa viNAyaga, dhamma eka jayavaMta jagi, dINa-duhiya-jaya-jaMtu-nAyaga, tAsu kajjihiDaM niya nayaNa, vayaNa virAma visesa, bijjau~ bhaya-tama-pamuha navi, kAraNa kiMpi asesa // 238 cAli ima kahiya rahiya kurosa, giNatau na sajjaNa dosa / romaMca-aMciya gatta, jANi ki pamoyaha patta // 239 kaDDiyasu kari karavAla, ahiNava ki vijja jhamAla / uppADi tiNi nIya nayaNa, diddhaM, sahatthihiM suyaNa // 240 siri nAsa phullaviyAsa, tua dhamma dummaha yAsa / aMdhatta kala bahumANi, kiya kamma taNai~ pamANi // 241 paccAri ima te duThTha, laliyaMgakumara visiTTha / giu turiya turayArUDha, kiNi disihi disi vA mUDha / / 242 dUhA aha ciMtai niya-maNi kumaru nayaNa bAha-bahu-ruddha / phiTa re daiva kisu~ ki au~ jaM evaDa duha diddha // 243 rajja-bhaMsa raNNihi~ vasaNa, nicalaya(?) cakkhu-viNAsa / evaDa duha kima sahisire, hiyaDA phuTTi hayAsa / / 244 choTaDA dUhA ima jANIi piNa kIjai kisuuN| jai joIi tu ApaNau~ karma isau~ // 245 tau ima jANI-nai rahIi sNtos.| je suha saMtosa. te nahI~ bahu sosai~ // 246

Page #23
[23] cAli ima ciMti citti kumAra, rUpihi~ ki ahiNava maar| navi karai eha vivastha, muM paDiya isiya avattha / / 247 pahiratu je paTakRla, te vasai vaNataru- kUla / mANatu jasa varapAna, kari dharai te vaDa-pAna // 248 jasu veNu vINasurAva, te suNai pakkhiya rAva / karatu kutUhala-keli, su ji phirai vici vana keli / / 249 dekhatu nATaka-raMga, dekhai na te niya aMga / caDatu ji caMcalivAhi, tasu aMgi Ahi ki vAhi // 250 karatu ji kara karavAli, te karai kari karavAli / sUtau ji seja -palaMka, su ji raDai jima jagi raMka / / 251 ramatau ji haya vAhiyAli x x x x x bisatu cAuri caMgu, bisai su taru-saTTaMga 1252 vajjaMtA Dhulla mRdaMga, su ji paMDu paMDu mRdNg| suNatau ji jaya jaya bulla, su ji suNai vAyasa-hulla // 253 jasu mANa diMtu bhUpa, su ji cakkhu hua mru-kuuv| ima dukkhi duhilau hoi, laliaMga nayaNa-vijoi // 254 iti zrI vidyA-kalpa-vallI-mahAnanda-kanda 2, praNatAnekarAya-vajIra-naranAyaka-mukuTa-koTi-ghRSTa-pAdAravinda (1) ___ zrIzrIbhAlIvaMzAvataMsa, aneka-suviveka-cheka-chatrAdhipati-mahAnarendra-kRtaprazaMsa(2) kUrcAla sarasvatI biradadhara, puraSa-ratna-vara(3) SaTdarzanIgurvAzAkalpitAnalpadAna-kalpa-druma, agaNya-dAna-puNya-prasAranirjitAzeSa bali-karNa-vikramArka - bhojapramukha bhUpAla, zrImadarhaddevagurucaraNa-tAmarasa paricaryA-marAla, malikarAjazrIpuJjarAjakArite saMDesarAgacche zrIIsvarasUri viracite puNyaprasaMsAprabaMdhe prAkRtabaMdhe zrIlalitAMgacaritre gasakacUDAmaNau zrIlalitAMga-sajjana pApa-puNya-prasaMsAbhi vAda lalitAMgaduHkhAvasthA-varNana prakAro nAma dvitIyo'dhikAraH // 2 //

Page #24
[24] gAthA iha duha-dutthAvatthA-naipUri nichuTTamANaso kumaro / ciMtai aho kimevaM, mama dhammarayassa saMjAyaM / / 255 taM ceva suyaNavayaNaM, kaha supamANaM vaDaM jugaM me vi / na uNo nAyaM siddhI, kaI tariyA havai dhamme // 256 jaha aMgamala visuddhI, khali-tillayA-pamuha-vatthu-satthehi / kijjai puvvamapuvvaM, tau tasa dhammassa dhuvasiddhI / / 257 dhiddhI me mohamaI, jeNerasi ciMtaNaM vilomassa / dhammo dhuvaM jagattiya-jaya-heU tanahI hoi / / 258 rUsau sajjaNa hasau jaNa, niMda karau sahu loi / jiNavara-ANa vahaMtaDA~, jima bhAvai tima hoi // 259 gAthA ia niamaNo su vegga-saMkaliyAe nijaMtiUNa puNo / calamaghuDu-vva kumaro ai-vahai vAha bahula-diNaM // 260 paddhaDI chaMda saMjha-samaya su pahuttau, tihi~ itthNtrihiN| tasu duha-duhiya ki giu ravi, pcchim-aNtrihiN| niya-niya-nIDa-nilINa ke puNa mahAsarihi~ pakkhiya savi kaMdaMti sujaMta mahAsarahi~ // 261 dahadisi huI ki tiNi duhi kajjala-kAla-muha tAraya-gaNa dujjaNa jaNa dakkhai appa-suha / paumiNi-saMDa visaMDiyamANa ki piya virahiM mahuaru-misa-visa gilaiM ki suhamaraNa-virahi // 262 caMdanaMda cirakAlasurayaNihiM rAyatu a kumaiNi diiM AsIsa ti viha sIya jalahi sua / sasa saMbara sIyAla susaddihiM gayaNadhaNa

Page #25
[25] gajjai nisi aMdhAra ki Aviya ghoraghaNa // 263 lahu lahu dhaMtasudaMta ki sasaharakarapasara dIsai dIsaha jANi ki bhaMjaI karapasara suNai vimalaNi aMgaviraMgihi niyasuvaNi bahu phala phaliya subahuara taruara vINavaNi / / 264 bhASaNa tiNi prastAvi te lalitAMga kumara, abhinavau tINi vani jANi ki bhogi bhramara / / jima lavaNarahita rasavatI, chaMdo-rahita sarasvatI ! gaMTha-rahita gAna, artha-rahita abhimAna // guru-vihIna jJAna, yoga-rahita dhyAna // lAvaNya-rahita rUpa, jala-rahita kUpa / deva-rahita prAsAda, rasa-rahita nAda // nAzikA-rahita mukha, puNya-rahita sukha / ucchava-rahita ghara, guNa-rahita nara / / dayA-rahita dharma, kAraNa-rahita narma // dAna-rahita dhana, tima dRSTi-rahita kumara jANaite te havauMapUrva upavana / / 265 te vana kehuM apUrva chiiM? SaTpada aMbu jaMbu jaMbIra kIra kaMthAra karIraha kAluMbari kRtamAla kauThi kevaDi kaNavIraha // kadalI kiMsua kamala kiMba kalhAra ki bhaNIiM khIraNi khIra khajUra khIrataru khArika sunniiiN| gaMgeTi gulla giriNI gurua, jAhi jUhi jAI-phalai~ jAsUaNa jhIMjha bahu jhADi tiha~ bhayaha bhIya rakira ttliN|| 266 TiMbaru tAla tamAla tAra tAlIsa tagara puNa dADima damaNau devadAru dakkhaha maMDava ghaNa // dhAmiNi dhava dhAhuDI dhaneDa bahunAmihi~ taruvaru nAga sAga punnAga caMga nAriMga su-phala- bhara / /

Page #26
[26] paDDalaya pArijAtaka pavara, piSphali pipali sAkhi sahu phophali suphAMgi-kUDa phaNasa, bala boli bori bAuliya bahu / / 267 bIjaurI bahuphalI bhaMga bhallAtaka bhaMgiya mirica mayaNahala marua muMja mahu muruDA siMgiya / / rAiNi rohiNi rayaNisAra rattaMjaNi rAsami caMpaka cAru lavaMga hiMgu haraDaI sami sIsami / / vaDa varuNa vaula vaula siriya, kiri vasaMta saMpai~ variya navanavai bhAri vaNasai tihA~, bahua su-phala-phulihi~ bhariya // 268 cAli ima bhamai te vaNasaMDa, maya-matta gaya vaNa-saMDa / / bahu vAgha vi ruhua sIha, tiha~ phirai akala abIha // 269 tihA~ ghUa ghU dhU sadda, suNIi ti kinnara-nadda / vAsaMti mahu-ravi mora, kala kIra catura cakora // 270 koila su-kalaravi rAga, Alavi paMcamarAga / ahiNava ki varasai meha, saMbharai paMthiya geha // 271 mahamahai malayasu-vAi, bahu-gaMdha caMpaya jAi / giri jharaI nirjhara vAri, jANIi sara taravAri // 272 ima thuNi vaNi laliaMgi, bahu rayaNi vaDa-tIDa-saMgi / suttai suNiu nara-sadda, bhAraMDa-pakkhi -vivadda / / 273 paddhaDI itthaMtari tasu niggoha-ThAmi, bahu miliya pakkhi bhaarNdd-naami| annona cavai te mnnua-bhaakhi| niya-niya-mAlai Thiya vaGa-su-sAkhi // 274 kachu diThau~ jaM jiNi ai-apuvva / koUhala kiMpi suNiu ti savva // tasu majjhihi~ bulliu ikka pakkhi / savi suNau ti kaliyala sadda rakkhi // 275 jaM kahau~ vatta apuvva ea

Page #27
[27] ma. diTThI jaNa muhi suNiya jea / ima suNiya te vi nippaMda nayaNa hua suNai~ savva tasu pakkhi-vayaNa // 276 aha acchai amarAvai-samANa disi pavvi apavva su-nayari-ThANa / gaya-kaMpa-caMpanayari hi~ pasiddha bArasama su-jiNavara jiha~ su-siddha // 277 tiha~ dhamma-nAi-niuNegarajja sAhasiya sUrasuMdara sakajju / vihi diddha siddha saccattha-nAmi rehai ni-rAya jiyasattu-nAmi // 278 guNadhAraNi dhAraNi nAma tAsa bahurUva kala tu-kalA-nivAsa / tasu puttiya pupphAvai su-nAma piya-mAya su-pariyara pema-dhAma // 279 rUpihiM kari jANi ki raMbha eha nava-vesa kalAgama-gaNa-sugeha / bahu-bharaha-bhAva-saMgIya-sAri sAraya kiM manAvI tINi hAri / / 280 ika jIhi su-kaviyaNa tAsu rUva vaNNavai vibuha bahu-sama-sarU va / taM taha-vi tAsu siMgAra vesa vaNNavi suvisesi hi guNa asesa // 281 aDilla jasa kama-kasala vimala-kamaluppama uru Uratthala raMbha-thaMbha-sama / taNutaru-sAha bAhu kimi dippar3a miu miNAla macchara-bhari jippai // 282

Page #28
[28] gaganagatichaMda jippaMti kaNaya ki kuMbha thaNahara hAra nimmagi sohae kaDi-laMka kiri hari kaNaya-kiMkiNi-nAdi tihuaNa mohae / majhaMga khINi ki pINa uravara bhamara bhogi ki bhaMgiyA / bahu hAvi bhAvi ki ramai nava-rasi navala pari nava-raMgiyA // 283 rimijhimi rimijhimi neura-saddahi~ kiri aNaMga nissANa vinaddahi~ / calaMtI caturaMga camU-bali maMDai mayaNa mahA-rasi rai-kali || 284 chaMda kaliyalai koila jema kalarava haMsa-gai maya-loaNI kalakIra nAsA-vaMsa nirupama kusumasara-bhara-bhoiNI / dippaMti ahara pavAla-kuMpala dasaNa dADima-paMtiyA muha-kamala vimala ki puNa sasahara kamala-komala-kaMtiyA // 2855 dUhau kara asoga-nava-pallava-samasari kuMkuma-karala-lola aMgula vari / kararuha kaMti tatvatara taMbaha sama sarIri karavIra ki kaMbaha // 286 chaMda karavIra-kaMba ki kaMbu-kaMThiya savaNa sara hiMDolayA / calavalaMti kuMDala caMda-ravi-jima pahiri pavara su-colayA / kaDi kasaNa kaMcua kavaca kAma ki bhamuha guNa-kodaMDIyA tiNi vedhi sarasari samari suranara kavaNa kivaNa na khaMDiyA // 287 veNi-daMDa visahara kiri vAsuki hari-vAhaNa-bhaya kiya-nava-vAsa ki / bharaNi-bhUa-bhaya-bhIya ki sasahari sAmI-saraNa liddha jima sasahari // 288

Page #29
[29] chaMda hara hAsa kuMda kapUra vi hasiya hasiya lahu nava-juvvaNA tia tikka tikkha kaDakkha caMcala caDiya cAvAsavvaNA / siMgAra-sAra suvesa- sajjiya jANi suravai-suMdarI lahu samarasIha-kisora kAmuya vasai jANi ki kaMdarI / / 289 SaTpada // nAgiNi navi pAyAli isiya sura-logi na suMdari ramaNi-rayaNa nimmANa jaNi vihi ghaDiya sayala--dhuri / / ikajIhi huM pakkhi dakkhaguNa vajjiya muddhahaM tAsu laDaha-lAvaNNa-vaNNa kima muNau~ sumaMdhaha || erisI nAri nararAya ghari, vihi-dosai~ dUsiya niuNa jaccaMdha-nayaNi juvvaNa-samai, diTTha sabhaMti ti-visauNi // 290 gAthA taM bhava-rUva--sujuvvaNa-ubbhaDa-vesaM nivo ya bbhu-visesaM / daTThaNa nayaNa-vajjiya-kyaNaM vayaNaM bhaNai evaM // 291 ahaho parisaya-purisA, pAsaha vivarIya-vilisiyaM vihiNo / jamiNaM rUvaM nimmiya, viDaMbiyaM aMbaehi~ viNA // 292 SaTpada viha vihi vasi sakalaMka kamala-nAlihi~ kaMTaya puNa sAyara-nIra apeya pavara paMDia-jaNa niddhaNa // daiahaM diddha vioga rUva dohaggihi~ diddhau dhaNavai kiya kivaNattu rudda bhikkhattaNa kiddhau / / brahmA kulAla-kammihi viNadigala daha-rUva huo ikkikkarayaNa vihi-dosa-vasii~ ikka-ikka-doseNa jua // 293 caMda kIu sakalaMka kAya na na diddhI mayaNaha suyaNaha daddha daridda lacchile diddhI kivaNaha / / loyaNa diddha kuraMga loNahINacchI nArI nAgavalli phalahINa avara phala rakkha asArI //

Page #30
[30] soraMbhahINa kanakaha kIu tiyasaloya vibbhama bhuyau hA hA ji daiva karatA purisa, ThAmi ThAmi bhullavi gayau // 294 gAthA iha tAva nisaggeNaM, ciMtAe puttiyA havai puNo / savisesa-kuvihi-NI dUsiya-dehA imA jayaha / / 295 jAmaM(jamma)tIe sogo vaTuMtIe vaDDae ciMtA0 // 296 vastu ima vimAsiya ima vimAsiya vasuha-vara-buddhi / jasu saMvara kAraNihi~, nayara-majjhi paDahu vajjAviya / nayara-loya nissoya savi, suNau vayaNa niya-maNi suhAviya // jeu karai kumarI-taNAM, nayaNa-kamala lahu sajja varai teu tIha kapaNasiuM lacchisamiddhaha rajja // 297 dUhau koi naccAviu navi gayau, chaviu na paDahara kINi / vihANai hau~ jAisu tihA~, pakkhiya-kAraNi tINi // 298 paddhaDI hama kahiya pakkhi java rahiu, mUni pucchiu tava pakkhii ika jUni / kahu tAya tIi jaccaMdha-diTThi, kima hosyai ahava na nayaNa-siddhi / / 299 tava bulliu vaDa-bhAraMDa-rAu, tau~ ki pi na jANai lahua jAu / maNi-maMta- mahosahi bahu-pabhAva, jagi achai~ nava-nava-guNa-sahAva / / 300 jau puNNa-jogi guru joga hoi, tava lahai na tasu guNa-pAra koi / ima suNiya sauNi vali puTTha ema, kahu kAmiya-gAmu asoji kema||301 vali kahai vihaMgama-rAu muddha, jau pucchasi tau vali kahau~ suddha / / piNa rayaNi ikka vali sunna raNNa, bullaMtA~ vADai hoi kanna // 302 dUhau diyaha disi joi karI, rayaNi hi~ puNa navi bheDa bullai bahu-jaNa-saMcarai, dhutta-dhuraMdhara keu // 303

Page #31
[31] paddhaDI tava valatau~ bullai khayara pAga siu~ achai iha piya- rajja- mAga / para pemihi~ pUchau~ tAya tujjha / / vija aMga avara kuNa kahaI mujjha // 304 ima pucchiya tiNi tasu kamma-jogi viNa punihiM kima hui jogi jogi / laliyaMga suNatA~ tAsu vayaNi ima jaMpai tava bhAraMDa sauNi // 305 silogA divva-nANa-ppahAjoso, pakkhi-rAutti jaMpae / vaccha AmUlau esA, vaDa-veDhi puja ThiyA / vallI jAcaMdha-dosA pu(?)-mUla-bhallI viyAhiyA / rasa-segAu eyAe, nava-cakkhU naro bhave / / 307 / / yugmam nAya-paccUsa-kAlammi, kattha gatAsi jaM puNo / puta tattheva jatthatthi, koUhalamiNaM ghaNaM // 308 . annamannatti biMtANaM, tANaM niddA samAgayA / kumAro-vi vaDa-hettho, soccA ciMtei ki imaM // 309 saccaM vA kimu vA bhaMtI, kAvi esA mamaM jao / dhammo jaggei jaMtUNaM, savva-dukkha-nikaMdaNo || 310 // yugmam nANassa paccao sAra-maho vA kiM viciMtaNaM / ia nicchittu taM valliM, muNittA hattha-phAsao // 311 chittUNa churighAeNaM, vaTTittA patthareNa ya / cakkhu-kUve rasaMtIe, nihittA suttao khaNaM // 312 yugmam gAthA aha takkhaNaM susajjuya, nIluppala-nayaNa-vayaNa pasicaMgo / kumase pAsai savvaM, nANI va visesa-diTThi-juo // 313 tatto vimhiya-citto pamuiaMgatto maNammi ciMtei / dhamma-taru-saMsa-jaNiaM phullaM khalu jAyamiNamasamaM // 314

Page #32
[ 32 ] aha caMpAe jiyasattu - rAya puttIi kara gaheNa phalaM / bhAvi bhavammi Iheva-ya tamuvakkamakaraNa maha jhati // 315 dUhau muMna karatA~ nahu kalaha0 || 316 paddhaDI 1 ima citiya cittihi~ kumara - vIra, tasu pakkhi pakkhi saMlINa dhIra / vAhiya tiha~ suhi rayaNi sesa, paccUsi patta caMpaha paesa // 317 pakkhAliya saravari hattha - pAu, tasu uvavaNi liya phala-phulla-sAu / calliya caMpApura puvva - bAri, paDu-par3aha - ghosa- vayaNANusAri // 318 tiha lahiya ikka vAca siloga, jiha ubbhA bahuara rajja - loga / je purisa suporisa rAya - kaNNa, jaccaMdha nayaNa sajjai su dhanna // 319 tasu dii rAya addhaMga - rajja, tasu hoi sAvi arddhaga-bhajja / ima vacciya macciya puvva - pemi, pattau pura-bhitari kumara khemi // 320 taM jANiya rAya - niutta- puMsa, ima bullai~ jaya jaya niva-vayaMsa / tua maNa maNoraha puNNadeva, maggai ti purisa- vara ikka seva || 321 ima suNiya rAya harasiya apAra, tasu diddhau bahua pasAu phAra / ukkaMThiya niva- daMsaNihi~ tAsu, sahasakkha jema mannai~ niyAsa // 322 taM pakkhiya bahu-guNa-rUva- rUva, mani camakiu ciMtau ema bhUva / kiM suravara kiM vijjAhariMda, kai Isa baMbha goviMda caMda || 323 AliMgaNa-raMga- suraMga - bhUva, niya muNai sahasa - bhua jima sarU ta / iNi kAraNa te niya- supAsi, laliaMga - kumara - vara dIviyAla // 324 kiM naMdI kiM puNu nalanaresa, kiM vikkama vikkama-guNa-asesa / kiM mayaNa rUdhara diThTha eu, jaM dijjai uppama lahai teu || 325 ima rAya kumara - aNurAya - giddha, dhAI dhuri tasu pariraMbha kiddha / ucchaMgi leI pucchai nariMda, tuma acchai kuzala ti kumara - iMda // 326 ihu desa nayara vara gAma ThAma, bahu rujja - riddhi-bhara - bhariya dhAma | maha savva eha niya-calaNa-ThANa, ditai ti kiddha tai saphala -mANa // 327 kahu kavaNa kumara tumha kavaNa desa, piya mAya bhAya parighara - nivesa | kuNa nayari vasau tumha suha-nivAsa,

Page #33
[ 33 ] sahu akkhau akkhaya guNa - nivAsa // 328 ima suNiya kumara-vara rAya--vANi, bahu-viSaya- namaNa-puvvaMga - dANi / kaha deva sukaya Aesa heva, pucchai jaM hosyai muNisi teva // 329 gAthA iya nisuNiUNa rAyA, jAyAtullANurAga - vacchallo citai saMtANamaho, parovayArikkacavalattaM // 330 nArAca ema ciMti citti bhUva dhUabhUribhaggasaMgao kumArasAra putta- pema-pANi- vANi-saMgao / kumAri - gehi citta - rehi rehiyammi vaccae sutIi pIi daMsaNijja daMsaNeNa vaccae // 331 suputti jhati tujha satti - puNNa- puppha-tANio kumAra esa guNa-nivesa tumha kajji ANio / saMbhaliya ema vayaNa khema niya subappa - vayaNao sA diai mANa catta-ThANa AsaseNa jayaNau // 332 tau turaMta tIi nayaNa sajja - kajja - kAraNe kumAra rAya rAya - loga-paccayAvahAraNe / sugaMdha davva savva ANi maMDalagga maMDae sunANajhANa... DaMbareNa taMDae || 333 suchatra valli cUri pUri tAsu cakkhu - kUvayA poyamANa rAyaNa raisa rUva bhUvayA / bhaNaMta ema pattapema patta deva suMdarA na aga bahu vivega jayasu devi iMdirA // 334 - kalaza SaTpada jayasudeva maMdira rAya - kula hara vara-dIviya | jaya laliyaMga-diNesa pAya kamaliNi-saMjIviya // jaya dhAraNi-dhara- -kucchi - rayaNa bahu-guNa- gaNa -khANiya / jaya surasuMdari rUvi bhUvi bhogiMda sumANiya ||

Page #34
[34] jaya jaya bhaNaMta ima bahua jaNa, nayaNa-kamala vihasiya kumari / zrIvAsa-nayara-vara-rAya-sua variu vIra vAmaMga-vari // 335 gAthA aha sayalo nivapura jaNa-vaggo laggo kumAra-payamUle / kara-kamala-maula-hattho, viNNattiM kuNaI puNa evaM // 336 sAmiya niya-jaNa-kAmiya-kappaduma kaya kayattha-niya-rajjo / pupphAI puttIe pasIya pANiggaheNa samaM / / 337 chaMda ima patthiya laliyaMga-kumAraM, hakkAriya-bahu-jaNa-saMbhAraM / maMDiya-meha-mahA-jhaDa jaMgaM, pamuia-sajaNa-maNa-bahuraMgaM / / 338 tribhaMgI chaMda bahu-raMga-suraMgaM kAriya-caMgaM caMpA-daMgaM sayalaMgaM bahu dhayavaDa-phAraM toraNa-sAraM naravai-bAraM siMgAraM / dijjaMta-sudANaM ghaNa-sammANaM vihaliya-mANaM kiviNa-jaNaM jiyasatta-nariMdaM dhariANaMdaM kayasucchaMdaM suyaNa-maNaM // 339 kAriya-pupphAvai-siMgAraM, siNagAra(ri)ya laliyaMgakumAraM / cADiya gaiMvari dhari siri chattaM, bihu~ pakhi camaraDhalaMta saMjuttaM / / 340 cAmara-saMjuttaM nava-nava-pattaM nava-navarasa-bhari naccaMtaM / jaya-maMgala-saI biMdiNivadaM haya-gayaruha-bhaDa-saMmadaM / pahiriya-nava-vesaM suguNa-nivesaM sayala-naresaM saha pesaM rAmA rasi rAsaM bahua--ulhAsaM dhavala-subhAsaM dita-rasaM // 341 oM oM maMgala saMkha-sabaI, dhoM dhoM dhapamapa-maddala-sadaM / bhAM bhAM bheri bharara-bhAMkAraM drumama drumama duDabaDiya apAraM / / 342 duDabaDiya apAraM do do kAraM jhAgaDadagi jhallari. kaMkAraM vara-veNu-suvINaM, nAda-pavINaM sura-nara-pannaga-saMlINaM / tala-tAla-kaMsAlaM jhAka-jhamAlaM kalarava-pUriya-bhuvaNAlaM mahamahata-kapUraM mRgamada-pUraM kuMkuma-caMdaNa-paMkAlaM // 343 bhoyaNa-bhatti-jugati-anivAraM, kappaDa-kaNaya-dANa-siMgAraM /

Page #35
[35] posiya-sayala-sUyaNa-jaNa-vagaM samaya-samaya-vara-taMta-sulaggaM // 344 vara-taMta-sulaggaM kumara varaggaM vahuara-kari-kara-saMlaggaM maMgala-jayakAraM vAra-ciyAraM cauriya-bAraM cau-bAraM / hua-varasura-sakkhaM josiya-dakkhaM vesa-vayaNa-ghaNa-akkhaMtaM ima hUu vIvAhaM sayala saNAhaM bahua--ucchAhaM dakkhaMtaM // 345 sragviNI chaMda bahua-ucchAha naranAha jiyasattuu / saha-sayaNa-sahiya tattheva saMpattau / diai rajjaddha kumarassa kara-moyaNe patta-bahu-loya-koUhalAloyaNe // 346 desa-dala-sesa-bahu-gAma-pura-paTTaNAM kheDa tasu reDa rayaNAi~ Agara ghaNA / gaya-turiya-sAhaNA puvva-raha-vAhaNA bahua-dhaNa-dhanna-bhaMDAra bhaMDaha taNA || 347 bahuatara-rAya--pAyaka-pariyaNa-jaNA puNNa-sovaNNa-ruppAi-kuppaM ghaNA / sattabhUpIDha... ... bahu-maMdirA ghaNa-kaNaya-ruppa-ratthAi~ aisuMdarA // 348 ema sattaMga-rajjaddha-riddhi-juDa puvva-puNNeNa sirivAsa-pura-nivasuu / puSphavai-jutta-nara-bhoga-kalamANa e maNuabhavi a(su?)ra doguMda jima jANae // 349 ahiNavau iMda goviMda kai caMdao kumara-laliaMga laliaMga cira naMdao / ditu AsIsa ima loya sahu niya-gihaM kumara-rAo vi gaMtUNa bhuMjai suhaM // 350 iti zrI SaTRtu-bhoga-cakravarti-cakrakoTIra-sakala-guNa-ratna-sindhumalikarAja-zrImuJjarAja-sabandhu-putra pavitra-zrIlakharAjAdi-sakala-parikara-zaMkara

Page #36
[36] saMsevita-zubhavannIra 2 nijAmalakulakamala-subodhAnaikamArtaNDAvatAra 3 jJAtizRGgAra 4 saMsAra-devi-rAjI-ramaNa-rohiNIjIviteza 5 mahAnareza 6 paraduHkhaika-mahAsindhu-sammuttAra-yAna-pAtra 7 upalakSitavidyA-guNa-pAtra 8 anaNu-guNi-janaguNa-mano-mAnasa-rAjahaMsa 9 malika-mApharendra zrIpuMjahaMsa-kArite zrIIsvara-sUriviracite prAkRta-bandhe puNya-prazaMsA sambandhe zrIlalitAGga-caritre rAsaka-cUDAmaNau lalitAGga-kumAra-vipaduccheda-puSpAvatI-pANigrahaNa-rAjyArdha-prApti-varNana-prakAro nAma tRtIyo-'dhikAraH ||3|| iti tRtIyakhaNDam // gAthA aha anayA kumAro, vAyAyaNa-saMThiu sa-lIlAe / kavva-kahAi-viNoyaM, kuNamANo saha kalatteNaM // 351 jA ciThai tA purao, pAsaMto nivaya-diTThi-pasAreNa / nayaraM savvamapuvvaM, tatthegaM pAsae damagaM // 352 // yugmam paddhaDI AjANu-rulaMta-palaMba-kesa, lilliriya-gaNAhiva-sarisa-vesa / galiyacchi-nAsa-vIbhaccha-rUva, ghaNa-ghaTTha-paMDu-naharoma-kUva // 353 bahaSAma(?)payaMDa sira-jAla-mAla, muha-kuhara-Uara-kaMdara--karAla | mala-maliNa-deha-duggaMdha-gaMdha, vaNa-sUI-pUi-bahu-paTTa-baMdha / / 354 dINaMga-khINa-ghaNa-jaNaya-ghora, ahiNava-kiri jANi dukAla-rora / uttama-jaNa-nayaNa-sudinni-rikkha, khappara-kari ghari ghari liMta bhikkha // 355 pakkhAliya-paI-paba-pINa-pAya, asarisa-jaNa-niMdiya-rINa-kAya / bahubhaMjiya pAvaha dukkha-sesa, uddhariya ki nAraya-piMDa esa / / 356 uvalakkhiya erisa-rUvamitta, laliyaMgakumara supavitta-citta / maNi-ciMtai hA haya-vihi-vilAsa, jiNi kAriya suravara kmmdaas||357 nara ghaDiya sughaDa vihaDai~ vihatta, aNajoDiya joDai~ jutti-jutta / taM karai devanara citti jeu, navi bujjhaiM nANI jIhabheu / / 358

Page #37
[37] ima citi kumara karuNadda-citta, aMsuya-jala-viluliya-turala-nitta / suyaNata-visesihi suyaNa -nAma, hakkArai niyajaNa pesi dhAma || 359 teDAviya pucchai kumara-- rAya, tau~ kavaNa kavaNa hau~ muNasi bhaay|| ima jaMpai kipiya taNubhayatta, su ji suyaNa sudhiNighiNi-sadda-jutta // 360 ninAsiya tama-bharapUrasUra, navi jANai uggiya koi sUra / bahu-naravai-nAmiya-sIsaIsa, koi acchahi bahuguNa tau~ khitIsa // 361 hau~ raMka rora-bhara- bhariya-deha, siu~ pucchasi naravai vatta eha / tava bullai kumara na bhaNasi sacca na, ajja-vi jai tau mujha eha vacca // 362 navi dharau~ haNau~ navi kahuuM kiMpi, jima acchai taM taha-savva jaMpi // navi jANau~ sAmiya kiMpi tatta, tava bulliu kumara-nariMda vatta / / 363 vaNa-bhiMtari aMtari Isa-sAkhi, tiha~ dhamma-ahammaha vigati dAkhi / uvayAra-sAra tai~ kiddha suyaNa, liddhA laliyaMgakumAra-nayaNa // 364 tau~ hui suyaNa hau~ kumara teu, milhiu vaNa nibbhara rayaNi jeu / ima suNiya suyaNa tasu vayaNa joi, ___ ulakkhiya aho-muhi duhiu joi // 365 . kuMDaliyA aha laliyaMgakumAra tasu diddhau bahua pasAu / avaguNa kiddhai guNa karai~ garuA eha sahAu || 366 garuA eha sahAu cAu-caturima-guNa-caMgA / sAu-jala susamattha sadA guNiyaNa-jaNa-saMgA // nhANa-dANa-bahumANa bhatti bhoyaNa-suyaNaha saha / kAriya bahua pasAu-rAu laliyaMgakumAraha ||367 uttama uttama sahaja niya milhai~ navi-maraNaMti ninADiya tAviya toliya vi kaNaya samujjala-kaMti / kaNaya samujjala-kaMti ghasiya jima caMdaNi parimala icchu-daMDa kiyakhaMDa sughaNa pallaMta sura sahalaM /

Page #38
[38] bahua vAsa saha Asi diddhaM kaNhAga-rAya tihi uttama uttama navi sahAva milhaI maraNaMtihi~ // 368 kumara bhaNai suNi suyaNanara dhaNNa divasa mujha ajja / rajja-riddhi savvaMga puNa huI sahala kaya-kajja / huI sahala sahu riddhi milyau java dukkhi sahAI tiNi bahu dhaNi siu~ kajja jaM ca jANai~ navi bhAI // suyaNa anai ariyaNaha jeu suha duha navi dii nara / te dhaNa dhUli-samANa jANi ima bhaNai kumara-vara / / 369 gAthA ia bahumANa-pahANo, pahANa-purisa vva kumara navi rajje / laddha-samaya-bala-niuNo, suyaNo puNa jaMpae evaM // 370 sAmiya ahaM ahaNNo jayA gao turaya-rayaNa-saMjutto / muttuM tumaM va puNNaM magge milliyA tayA corA // 371 tehiM daDha-muTThi-jiTThI-pahAra-mAreNa gahiya-pavarAso / dAso haM tu nirAso, jIvaMto muktio tatto / / 372 itthAgaeNa samae, mae tuma puvvapuNNa-jogeNaM / pattosi deva saMpai, saMpaisuha-kAraNaM paramaM // 373 tA jhatti saMvisajjasu, dUraM desaM tao bhaNai-kumaro / mA khijjasu khitta-ghaNaM nibbhaMtaM bhuMja suhamasamaM // 374 aha atrayA kumArI tassAgAriMga-ciTTha-duTThattaM / nAUNa niuNa-maIe~ payaMpae pai paiM evaM // 375 roDillA suNau prItama prANa-AdhAra, vidyA-kalA-bhaMDAra, rUpi jiNi jItau mAra, sayala guNaM / / premapIrati-piyAre sAMI, tumha taNA hita tAMI kahu vAta eka kAIM saNehi ghaNaM / / iha duyaNa suyaNa-nAma, rahai nitu tumha dhAma, karai sadA sahu kAma, avi suyaNaM /

Page #39
[39] ima jaMpai rAyakumAri, prANi priya avadhAri, mana zuddhi-suvicAri, amha vayaNaM / / 376 moTA moTA jike rAyarANa caUda-vidyA-nihANa, bahutari kalA-sujANa, Agaha huA / nala vikama bhoja bhUpati hari haricaMda sati, haya-gaya-raha-patti-pAyaka-jua / chAMDiu chAMDiu tehe nIce saMgaH, pataMga-sarisa-raMga, chehi dAkhai niya aMga, bahua-jaNa / ima jaMpai rAyakumAri / / 377 jima suNIi Agai sarUva, haMsa-rUva kAya bhUvi hiNiya hasata bhUva, jaMpaMta buhaM / ima tAhuM kAya mahArAya, bhaNIju su paMkhiNya, nIca-saMga-supasAi, pAmiya duhaM / tima bIjau I jiko-vi muddha duyaNa-saMgati luddha dhavalati sahu duddha, jANata ghaNaM / ima jaMpai rAyakumAri // 378 vari bhalau vaNi nivAsa, para-ghari kamma-dAsa, visahara-suu~ saMvAsa, bahua varaM / vari bhalau visa-AhAra, jalaMta-jalaNi cAra, uvari khaDaga-dhAra cAla varaM / piNa bhalI na khala-prIti, hui nitu buha-cIti, paDai pisuNa-chIti, pavarajaNaM / ima jaMpai rAyakumAri // 379 SaTpadaH amha vayaNa aNukUla kaha-vi manni jai sAmiya, devi sadda jima vAma rAma desaMtaragAmiya / kulaha nAmi AcAra eha navi sikkha sa-kaMtaha / dijjai kAraNi kavaNi su puNa priyatama ekaMtaha /

Page #40
[ 40 ] pariharau prIa khala jala suyaNa, saMkha jema bahi dhavala guNi ima bhaNai vara vInatI suhiya, hiyaI avadhAri suNi // 380 pUrvI - vayaNa vAlaMbha vayaNa suNau ikavali liuM dUkhaDA jisaMcauM amieNa ki niMbaharUkhaDA / to vi kUDau jaNa sAuna sAu na milhai appaNA phuNihA~ ai jAta jAti-sahAva ki dujjaNa - jaNa taNA / / 381 jai ropa thuDathUla ki thAi~ thira karI - jai sIMca thaNa dUdhi ki sUdhai mani dharI // tAvi kumUla babUla ki kaMTA bhajjaNA phuNihA~ ai jAtai jAta sahAva0 // 382 kuMkama kUra kapUra kijjai ghaNa lAIi mRgamada-gaMdha sugaMdha ki divvihiM ThAIi / tAvi lhasaNa navi milhai gaMdha ki appaNA phuNihA~0 // 383 jai va hIi siri ghAli karaMDihi~ dehasiuM ji posau nisadIsa ki dUdhai teha - siuM / tAvi bhuaMgama saMgami hoi na appaNA phuNihA~ ai jAta jAti - sahAva0 / / 384 dharama su-guNi dhaNi Akhara dAkhai nehulau tAsu vayaNa - rasi jANi ki vUThau mehulau / jai vi kumara mana- mora mahA-rasi taMDIyA phuNihA~ ai tAvi sarala-kumareNa kusaMga na chaMDiyA || 385 grahIta- muktaka- AliMganaka chaMda atha annadiNammi maNammi vitakkiya kiMpi chalaM chala--sesa - visesa - gavesaNa dujjaNa suyaNa- naraM / nara-rAya supucchiya nicchiya ema su-pema-paraM para-loya - vivajjiya desa-masesa kumAra-guNaM // 383

Page #41
[41] guNiyaNa-jaNa -saMgaya saMgai kema kumara tua tua satthi mahA-suha-saMpai kAraNi kavaNi hua / hua jamma suramma kumAraha kiNi pari kavaNa kali kulavaMta su Akhita dAkhita suha maha kahiyavali / / 387 tava bulliya sajjaNa dujjaNa vayaNa virAsajuaM mahAsaya ma pucchasi vaMchisi jai bahu Aya-suhaM / maNi saMkiya tAma naresa visesihi duTTha puNa lahu jaMpai suyaNa ti sAmiya kAmiya Isa suNi / / 388 gAthA ikkato tuha ANA, ikkato kumara-rAya nisseho / ia jaha pavitti kahaNe, aho viyaDasaMkaDaM majjha // 389 taha vi hu bahu hea naresara, sirima mahiMda naMda cira-kAlaM / jaha taha kumAra-cariyaM, acchariyaM puNa su maha eyaM // 390 sirivAsa-nayara-sAmiya, naravAhaNa-naMdaNo ahaM deva / amha ghara-koriyassa u, suo mahArAya esa lahu // 391 pagaIe rUva-guNo, kutto ccina patta-bahula-vijjadhaNo / niya-kula-tavAi gehaM, ciccA desaMtaraM gano // 392 itthAgayassa tassa sa, naravara tumhANurAgajogAo / puvajjiya puNNeNaM jaM jAyaM taM tae muNiyaM / / 393 / / vizeSakam / piuNo parAhavAo, ahamavi desaMtaraM tao kamaso / patto ihovalakkhiya, mammaNo esa kumareNa // 394 iya ciMtiya dAUNaM, bahu-mANaM majjha nAma suyaNa / ugghADesu naresara-purao, kahiUNa saMThavio // 395 // yugmam eeNa kAraNeNaM laliyaMga kumAra vujja (?) pAyassa / nAha kahami kahavi, kaha, paraM parA sAmi tuha ANA // 396 paddhaDI ima suyaNa-vayaNa-visa-ghAriyaMga maNi ciMtai bhUvai ai-viraMga / /

Page #42
[42] phiTa phaggu bhaggu bhara amha deva kima kAriya uttama nIya-seva || 397 paNa baddha laddha jaI kaNNa INi kiya maliNa rajjamaha deu kINi / jai carai pirAI kharasudakha navi hoi kipi hiyaDai aNakkha // 398 vari bhalau visAnari suha-pavesa navi bhalau kula(lu)jjiya jaNa pavesa / vari bhalau kiddha paragehi dAsa navi bhalau kulujjiya saha nivAsa // 399 vari bhalau bhAvi saha vesa raMga navi bhalau kula(lu)jjiya purisa-saMga vari bhaliya rAyati suNNa sAla Navi pUriya puNaravi cora-mAla // 400 jai tApau mahAtavi taNu kilAmi ThAIi siu~ ti visataru-ku-ThAmi / pAmIi jai-vi ghaya sAli dAli kAmIi siu~ timaru-lahua-sAli // 401 sAhIi subuddhihi~ appa-kajja uppajjai jema navi loya-lajja / khAIi cori niya-guDa niyANi ima kahiya loya uhANi jANi || 402 citAviya citti ima naravaresi laliaMga kumAra kumAra-resi / paTTaviya pesiyara channa ratti / / gama-niggama aha-vici-majjha ghatti / / 403 sAmI suha-saMgama seja lINa nava-gAha-geya-guNa ramaNa-pINa /

Page #43
[43] laliaMgi raMgi laliyaMga jAma tava acchai rayaNi samaddha jAma // 404 navi pesiya parisara mayi(?) koi laliaMga-bhuvaNa vara patta soi / ugghADiya lahu saMpuDa-kavADa viNNavai viNaya-guru-vayaNa-cADa || 405 jaya vijayavaMta cira jIva deva bullAvai tumha nararAya heva / para pemi kiMpi pucchai suvatta / para-Tu laTTa giha-rajja-sutta // 406 pAdhArau pahu piya paMtha majjhi nitamaMta jema navi paDaI vajji / sasi-juNha jUamiva maMta cora jiya divasa gutta ghaNa karai jora || 407 ima suNivi savaNi uTThiu payaMDa kari karavi kumara karavAla-daMDa / khalakaMti cUDi cala-pANi pANi tava jhallavi pallavi kumara rANi // 408 ima jaMpai nAha ma hosi muddh| . ima jAi kovi saMpai abuddha / tava bullai kumara suNIi-mamma kima palai ramaNi ima sAmi-dhamma // 409 gAthA (zrI mahAna(ni)sIthe / ) AesamavI sANaM, pamANa-puvvaM tahatti nAyaghaM / maMgalamamaMgala vA, tattha viyAro na kAyavvo // 410 iNameva jIviyavvaM, niccaM sua-bhicca-sIsa-rayaNANaM / jaM pujja-piyara- sAmia-gurUNa muha vAya-kArittaM // 411

Page #44
[44] nANamavahIlaNaM jaM, suMdari taM tANa sattimisarUvaM / vihiyaM viDaMbaNaM vihi-kAraNadoseNa puvveNa // 412 dUhau ima nisuNiya piya vayaNa tava, bullai rAya-kumAri / rAya-nIi niuNeka-vara, vijjhati avadhAri // 413 kuMDalIyA dUhA // jiNa-sAsaNi jiNi navi kahI siddhi pakkhi egati / jima dhaNu-guNa bihuM saralapaNi, sara milhaNA na jaMti / / sara milhaNA na jaMti saralapaNi guNa-kovaMDaha niccAnicca- payAra sAra jaga jima maya-bhaMDaha / jiNavara-bhAsiya-vayaNa kahavi annaha ima vAsaNa taM egaMta sualiya ema jaMpai jiNa-sAsaNi / / 414 tiNi kAraNi egaMtapaNi, niva-dhammaha vIsAsa / navi kijjai saralattaguNi, jima dorI viNa pAsa / / jima dorI viNa pAsa, bhAsa ima suNIi sathihi~ suNiu ahava kiha~ diTTha rAya mittatti paramathihi~ anna vayaNi maNi anna kajja sacchaMdaha cAriNi / vesa dhamma jima dhammarAya rAyaha tiNi kAraNi / / 415 viNa avasari je kajjaDAM, viNa patthAvihi~ mANa / viNa avasari taru phulla phala, e trihai suniyANa / / e triNhai suniyANa jANa ima jANi na cittihi~ hasai koi navi niuNa bahua koUhala-vittihi~ / hakkAraNa-misi heua vara bujjhi na avasari iNi kajjaha kajja-viNAsa jeu kijjai avasara-viNa / / 416 siu~ jaMpiu~ bahuara virasa, sAra vayaNa suNi sAmi / jima dajjhaNa-bhai dAru kara, liddhau suha pariNAmi || liddhau suha pariNAmi ghAya-rakkhaNa jima uDDaNa

Page #45
[ 45 ] tima pacchAvi pasattha pavara paMDiya sevaya- jaNa / pesiya rAya samItri suyaNa sacca tumha aNuyara kijjai appaNa - kAma sAmi siu~ jaMpau~ bahuara || 417 cAli ima suNavi sarvANi udAra, tasu vayaNa amiya kumAra citaiti niyamaNi tuTTha, aha ramaNi guNaha gariTha // 418 dhana dhana mujha avayAra, saMsAriMga sasapayAra (2) dhana dhanna iha mujha rajja, jasu suhiya erisa bhajja // 419 dhana dhanna sulaliya vANi, bahu-viNaya-guNa- guru mANi / dhana dhanna sucariya sIla, duha-valli - mUlani kIla // 420 Asanna -raNa-rasa-raMgi, bahu - mUDha - maMta - kusaMga / joIi jasu suha vayaNa, suji purusa itthiya - rayaNa // 421 maNi dharIya ima tasu sIkha, ava sariya ikka dui vIkha / bullAvi suyaNa sasabaMdhu, sahu kahiya kumari nibaMdhu // 422 paTTaviya pahu chala- - resi, tasu duTTha kamma-visesi / ahamayi patta sujAma, niva mutta jaNi jhuNitAma / / 423 havi haNiu khagga - pahAri, tasu pAva-buddhi viyAri / hua savvaloya - uhANi, para-citi appaNa hANi // 424 tava huA kaliyala sadda, ghaNa ghora kAhala - nadda / dhAyA ti dhasamasa dhIra, koi haNiu ghAyagi vIra // 425 taM suNiya suyaNa - viNAsa, laliaMga puNNa-payAsa / galayaliya - kaMThi kumAri ima bhaNai piya avadhAri kahi pANa- piya tama heva, jai kahiuM karata na deva / kima huMta abalA bAla, viNa kaMta kAma rasAla // 427 viNa - nAha nArI hINa, jima hui dutthiya dINa 1 navi karai koi tasu sAra, viNa pANanAha - AdhAra // 428 426 dUhA nAha - pakhai nArI jisI, jima dava - dAdhI veli /

Page #46
[46] nIrasa niSphala nigguNa i, daivi viDaMbI jhalhi // 429 deva ki diu siri mAharai, jau khara-khagga-pahAra / / vallaha-viraha-vichohiyAM, tau tauM jANai sAra / / 430 daivaha dAkhauM vATaDI, jai dekhauM niya-aMkhi / viraha-vichohyAM mANasAM, kAMi na sirajI paMkhi / / 431 deva dayA kari mAharI, navi bhAjI jima Asa / tima taruNI tAruNNa-rasa, Dholi ma Dholi nirAsa // 432 nAha-sarisa guNa goraDI, nava-raMga nAgara-veli / jai sirajI phala-hINaguNa toi sakuMpala melhi / / 433 gAthA ia pupphAvi(vai) pema, khemaM nAUNa pANa- nAhassa | puNaravi piya-hiya-kajjaM, gaya-lajjaM bhaNai suNi nAha // 434 mama sUisi niccaM to, kaMta kayaMta vva tumha pANa ho / paccUse piya eso nararAo kUDa-vikkhAo // 435 tA addha-rajja-sinnaM, haya-gaya-raha-suhaDa-sAra-saMkiNNaM / melittu jhatti ciTThasu, caMpApura bahiya-ujjANe // 436 aha suNiya tIi vayaNaM sudiTTanayaNaM kumAra sAra-balo / kovAkula-cala-citto, jutto sineNa saMcalio / / 437 dumilA pasaraMta-utaMga-turaMgama-saMgama-tuMga-taraMga-caData-ghaNaM maya-matta-mahAgiri-suMdara-siMdhura-baMdhura-setu-subaMdha bhaNaM / vara-nakka-suyakka-mahAraha-saMkula-maccha-sukaccha-va sUra-naraM kumariMda nariMda mahAbala-sAyara-dIsata kAyara-pANa-haraM // 438 aDiladUhala pANa-haraNa-pakkharahaNahaNahaNahaNa-haya hiMsArava / khura-rava-khehi sUra-kara DhaMkiya gaha-gaNa iMda caMda sura saMkiya / / 439

Page #47
[47] roDitA chaMda saMkyA sayala sura-naresa, pAyAlinAga asesa, melhati dharaNi sesa, sUbhara- bharaM / calai~ caudisi diggaya-cakka, huaMtisu hakkohakka, bhajaMti kAyara phakka, nAsatanaraM / / kaMpai sayala kula-giriMda, cAlaMta matta-gayaMda, DhalaMta DhAlasu-viMdha, sohataghaNaM / ima milaMti kumara-sena phiraMti aMbari sena, DaraMti duyaNa kena, dekhata khaNaM / / 440 khaNi khaNi miliya mahA-dala samahari vilasaI vIra mahAbali samahari / siMha-nAdi sAmatthima dakkhaI niya-kula-ThAmi sAmi chala rakkhaI / / 441 nArAcachaMda rahaMti nAma caMda jAma tAsu sagga-saMvarA varaMti jINi heu tINi jujjha-kajja-suMdarA / sujoDa jINa jarada aMgi jIva-rakkha-sohiyA milaMti sUra samara-tUra-sadda-nada-khohiyA // 442 khuhiya khitti nIsANa-ninaddihiM DhamaDhama-Dhaka-dala-ghaNa-sadihiM / bharara-bheri-bhaMkAra ti vajjai~ jANi ki pAvasa thaNa ghaNa gajjai~ // 443 gaganagati gajaMti meha ki gayaNi gaDayaDa gurUa-gaivara-maMDalaM bahu chatta-dhayavaDa-sIsa-sIkira-channa-ravi-sasi-maMDalaM / taravAri-tIra-sutarala-tomara-cakkakuMta-susatthayaM khaNa-khitti ima dui sinna samavaDi annamanna supatthiyaM // 444 yamakabola

Page #48
- [48] tiNi prastAvi te zrIlalitAMgakumAra ApaNau sakala dala melI rAjA sAmuhau Aviu, Avatau ji zrIjituzatru-rAjAI bolAviu, kA~i re korI !, tai~ ApaNA kulataNI vAta corI, mAharI putrikA-taNau~ pANi-grahaNa kIdhau~, tau~ iNi vAtai~ ta mAharu siu~ kAma sIdhau~, piNa hiva joI 'mAharI vAta, karau~ ji tAharu ghAta, tau ima jANe e bhalau mahArAta // 445 tivArai isyA~ maharAya-taNA~ vacana zravaNa-saMpuTi dharI, dakSiNahAthi khaDga sajja karI, [chi vala ghAli, sAmahau cAlI, valatuM zrIlalitAMga-kumari rAjA bolAviu, mahArAja sA~bhali rAjanIti, uttama puruSa kadApi na paDai chIti, pANi jai sUra sUra-Agali bhAjai, tau ApaNau unama vaMsa lAjai / / 446 saMgrAmi caDyA kSatriya na giNaiM saMga paNa na sagAI, piNa eka vAra mujha siu~ saMgrAma kIdhA viNa tumhe evaDI vAta koi phuramAI, ima kahI ni anyonya rAjA nai~ kumara hasyA, sa-daMDAyudha leI parasparai subhaTa subhaTa prati sAmhA dhasyA, huvA lAgau~ jUjha, kisa~ varNavi abUjha, vAta kahatA~ romAMca Upajai aMgi, te rAuta bhalA je jhUjhi raNAMgaNi raMgi / / 447 paddhaDI gaya gajavara hayavara haya juDaMti raha pAyaka pAyaka-siu~ bhiDaMti / jhala halai khagga khara kari karAla jANIi ki ahiNava vijju-jhAla / / 448

Page #49
[491 khaDa-khaDai khagga kheDaya khaTakka truTuMti sarala dhaNu guNa taDakka / kivi karai dhaNuha-TaMkAra-nadda phuTRti phoDi baMbhaMDa sadda / / 449 siMgiNi-guNa vajjai taralatIra kara phalaha phuTTi vidhai sarIra / kivi-karai~ vIra muhi sIha-nAda ika ikka ghAi guNa liMti vAda // 450 jhaDi paDai suhaDadhaDa uvari muMDa ghaNa-ghAi ke-vi kijjai du-khaMDa / khalahali khoNi-tala ratta khAla saMpuNNa-palala-jaMbAla-jAla // 451 ika ikka ke-vi nAmai~ na sIsa mArata ika maNi sarai~ Isa / ika caDai turaMgami assavAra bhedijjai bhaDa ikka bhalladhAra || 452 saMbharai ikka ghara-gharaNi vIra phurakaMti pavaNi bhaDa-moli-cIra / ika caDai suhaDa raNa daMti-daMti ki-vi dharai kivaNa aMguliya daMti // 453 nAsaMti ikka niya jIva levi sajjati suhaDa sannAha ke-vi / bullati suhaDavara birada baMda pikkhaMti gayaNi sura iMda caMdaM / / 454 causaTThi caMDa cAmuMDa nAra bhari khappara ruhira piyaMti vIra / vajjati mahAraNa tUra ghora jasu savaNi sUra uppajai jora / / 455 ima hua bihuM dali raNa bahua vAra,

Page #50
[50] ikaikka ke-vi jANai~ na sAra / bhajjaMta bhUva-dali diTTa puTTi joaMti kumari tava sahiya puTThi // 456 atha vIrarasa / madhye zRMgArAntarbhAva // avasahUtarA ahuThiyA dUhA // sahIe devi na dAhiNai, kari karavAla karaMta / / o jhUjhai laliyaMgi vara, nAnA kaMta // 457 kaMta koi bhaDa bhIma vari kima pujjaI va suresa / aliya ma jaMpisi bahini tau~, nAnA maresa / / 458 kumara nathI rAyaha bhaNai, tU-viNa avara na koi / muMdhi mayaNa samarUpi tu, nAnA soi / / 459 sohi samaratha sAmI sakala, rUpihi~ ahiNava kAma / vali vali pUchau~ he sahI, tAsataNau~ siu~ nAma // 460 nAma liu~ sakhi tasu taNau~, jai huai ai hiyaDA dUri / uvAlaMbha vara amha tagau~, ramai ti raNa-rasa-pUri / / 461 atha sahanAmA dUhA // rAgA~savihui~ jeu dhuri, tiNi nAmii sahi nAma / tasu aggali aMgeNa siu~, sahiya suNAve sAmi // 462 rUDA nAmai accha jasu, tasu nAmai sahi nAma tasu aggali aMgeNa, siuM sahiya su0 // 463 hayavari caDiu tihA~ sulaI, hakkaI ariyaNa thaTTa / huM balihArI priya- taNai~, dUri naDaMtI naTTha / rAga nATa naTTa-bhaMjaNa ripu-jalaNa, sahiya hamArA kaMta / raNi sUrauM ghari mAgatA~, hasi hasi prema milaMti // 465 maha kaMtaha dui dosaDA, avara ma jhaMpu Ala | dijjaMtaI hau~ UgarI, jujhaMtai karavAla / / 466 rAga siMdhUDau

Page #51
[51] pAya vilaggI aMtaDI // 467 vAi~ pharaka mU~chaDI, mukhihika boDyA daMta / sUtau~ selA mAthau~ karI, marau~ suhAvA kaMta II nisi bhari nakha java deatI, tava kuNaNatau kaMta ! khagga-jhaTukkA kima sahyA, kima sahiyA gaya- daMta // 469 kaMtaha karau~ ti bhAmaNA~ jima jima dekhau~ aMkhi / FT laDai~ asivara dharai~, vayarI gayA ti jhaMkhi // 470 sakhI Aha atha soraThiyA dUhA // rAga soraThI // e kINai saha koi, sahu kINai e ko nahIM / kaTaka nihAlI jor3a, sUnau soraThIu bhaNai // 471 bhalau~ bhaNAviu~ bhImi, bhAraSi jima bhUvai sarisa / yaha ehI sIma, jai jAmAI siu~ kalaha // 472 sahiyara sAmhau~ dekhi, o asavAra tihA~ sulaI / rAkhai rAuta rekha, raNa- rasi ramatA~ rAyasu~ || 473 ima karatA~ suvihANa, sahiyara - suM guNa - goThaDI / kuMarI bi-puharAM jAMNa, kilau hUu kuru-kheta jima // 474 jotA~ bahu jaNA teNi, jhaDapaDa lIdhA jhATake / yaha dali navi keNi, nAsata navi kADhI churI // 475 paddhatI uDDati pavaNi jima akkatUla, vikkharaha~ vasuhi jima ghAma- pUla / taNu kaMjiya gaMjiya jema khIra, nAsaviya kumari tima rAya - vIra // 476 bhajjata suhaDa ima diTTha jAma, bihu~ maMti bihuM dali milIya tAma / ausarIya kaTaka dui diddha-ANa, sahu patta jhatti bhUvaia - thANa || 477 kahi sAmiya bhAmiya keNa tumha, kiNi kAraNi evaDa jhujjha - kampa | avimAsiu~ mama kari deva heva, iNi vatti tatti tUa paDai cheva // 478 avimAsiya je nara karai~ kAma, te hui~ purisa bahu dukkha dhAma / vali lahai~ loi aviveya - kitti, tasu chaMDai~ lahu lahu jalahi-putti / / 479

Page #52
[52] jAmAya-sarisa jaM tumha jhUjha, taM jANi jANi bahireNa gujjha / ropIi jai vi visataru niyANi, chedijjaI niyakari kima viyANi / / 480 joi~i tilla tillaha ki dhAra, navi hoi rAya avicAra-sAra / cAhIi caturapaNi mUla mamma, avimAsiya kijjai navi sukamma // 481 saMbhaliya vayaNa ma patijja koi, . iki hua akAraNa duyaNa loi / para-vigdha-tuTThi nAradda nAmi bahu acchaI suranara bhuvaNa-ThAmi / / 482 gAthA taM natthi gharaM0 // 483 suNIyaMmApata jasi // 484 dahau sajjaNa thoDA haMsa jima, urlDake dIsaMti / dujaNa kAlA kAga jima, mahiyali ghaNA bhamaMti // 185 paddhaDI . tiNi kAraNi appai appa joi maNi ciMtiya ki-ttima heu koi / jaya rAya-rAya jima paDasi dAvi guru aMbasutaru guNa pacchatAvi / / 486 puchai nariMda diThaMta tAsu su ji kahai maMti bahu mativilAsu / sahu suNiya sarbhitari cariya citta jiyazatru-rAya maNi bhayau citta // 487 uppanna vega saMvega bhUva pucchAvai tasu kula jAi rUva / laliaMga-kumara hasi bhaNai maMti tumhi kiu saccau ohANa aMti // 488 giha pucchau siu~ pIevi nIra na kahaMti ema niya-vaMsa vIra /

Page #53
[53] jitu kahai suyaNasuji hariu devi aha pesi nayari sirivAsa ke-vi / / 489 hosyaI ji rAya tihaM koi dakkha naravAhaNa-nAmai~ laddha-lakkha / kamalA kamalA-guNi tAsu bhajja jiNi mannai bhUvai sahala rajja || 490 laliaMga kumara tasu putta hoi jiya sattu-putti-vara vIra soi / / ima suNiya savaNa suha vayaNa maMti maNi harasiya vihasiya-vayaNa jaMti / / 491 viNNaviu viNaya-suM naravariMda jiyasattu satta cirakAla naMda / pari kijjai kumari su kahiya jeva puTThavau purisavara nayari teu / / 492 tava sAsiya bhAsiya baha a-bhANa callaviya catura nara ki-vi sujANa / avilaMba payANi supatta tINi nara vAhaNa-naravara-nayara jINi // 493 tiNi avasari puttaviyoga-daddha naravAhaNa sua-saMgama-visuddha / saha dAra-sAra-parivAra-jutta nitu rahai rayaNi diNi soga-tatta / / 494 pattA pura-bhitari tava duAri paDihAri paesiya kiya-juhAri / viNNaviya vasuha-dhava kumara-tatta ima suNiya tattha avaroha patta / / 495 ukkaMThiya jima nava-mehi mora kaMddhadhura-baMdhura sayala pora / vAcaMti viulamai rAya-leha

Page #54
[54] naravAhaNa-niva guNa-gAha-geha // 496 lekha-gAthA satthi siri siri-nivAse, sirivAsa-purammi pujja-piya-pAe / naravAhaNa-nararAe, suputta-pottAra-pariyarie // 497 gaya-kaMpa-caMpa-nayaraha sAmI, nAmi tthu sIsa maNugAmI (?) / mauliya-kara-kamala-juo, jiyasattU viSNavai evaM // 498 sAmiya tumhANa suo, laliyaMgo nAma vissuo loe / kaya-pANiggaha-rU vo, bhUvo caMpaddharajjassa // 499 ia sahasAvayaNeNaM teNaM bhega(bhiggo?) nava-jalaya-sitto / ujjIviya-vva saMpai jaMpai naravAhaNo evaM / / 500 teNa sama(maM) mahaM niccaM, subhicca-bhAvaM karemi jaha tumhaM ! kAyavvaM taha naravai, jaiavvaM suhiya-hiya-karaNe // 501 aha hoiha bhuvaNayale, jiyasattu, samo na kovi mama baMdhU / jeNeso laliaMgo, saMThavio niya-samIvammi / / 502 jIviya-savvassamiNaM vissa-jaNasseva amha kula-kalaso / kumaro disaMta- bhamiroha saMThaviyo niyaTThANe // 502 yathA velA-mahalla-kalola-pilliyaM jai-vi giri-naI-pattaM / aNusarai magga-laggaM, puNo-vi rayaNAyare rayaNaM / / 503 cAli salahittu ima nararAya, tasu diddha bahua pasAya / bahubhattibhoyaNa-vAra, dhaNakaNayakappaDaphAra // 504 bahu-dANa-mANihi~ posi, callaviya gurusaMtosi / tasu satthi pesiya maMti, laliyaMga-teDaNa-maMti / / 506 ghaNasughaTa sovana ghATa, vara-rayaNa-pUriya-thATa / bahu-mulla hIra-sucIra, miya-nAbhi-kala-kasamIra / / 507 jiyazatru-naravara-resi, sirivAsa-nayara-naresi /

Page #55
[55] mukkaliya ima bahubheTa, kami patta caMpaha theTa || 508 te jANi maNi mahiMda, laliyaMga -kumara-nariMda / saMmuhiya saMmuha kajji, haya - gaya-suraha bhaDasajji // 509 vastu bahua ucchavi bahua ucchavi miliya samudAya / naravAhaNa-maMtIsa-vara kumara-rAya jiaari su-pariyari nayara-mAhi niyamaMdirihiM, liddha te vi ucchava su-pariyari / pucchiya sahu vittaMta, tasu lajjiu niya maNi bhUva ciMtai ahaha ki mAharU~ e kahu kavaNa sarUva / / 510 leiya aMkihi~, leiya aMkihi~, rAya niya-putti jhatti jhaData aMsuya nayaNa, vayaNa ema jaMpai nagahiva tau~ ji panUtI puna-lagi jAsa eha bahu guNa su sAhiva / / dhiddhi mujha mai-moha bahu, jasu erisa aviyAra vacche kAraNi tiNi amhe, lesiu~ saMyama- bhAra / / 511 cAli ima kahiya rahiya-viyAra, bahu laddha dhamma-viyAra / thappai su kumara-nariMda, niya sayala-rajji nariMda // 512 samuhutta divasa-visesi, kiya tAsu rajjabhisesi / sahu khamiya khAmiya rosa, tasu suyaNa kAriya dosa / / 513 laliaMga-rAyakumAri, siu~ sahua niya-parivAri / mukalAvi niva jiyasattu, jiya-moha-mayaNa-dusattu / / 514 lahu patta tava vaNa-aMti, bahu taviya tava ekaMti / khaNa catta pAvapamAya, hua saggi suravara-rAya / / 515||yugmm|| gAthA aha rAyA laliaMgo, laliaMga caMpa-nayari-vara-rajjaM / kuNamANo kayasukayaM, jAo loyANa suha-heU // 26-2 aha egayA supucchiya, suparikkhiya nAmayaM niraM saivaM /

Page #56
[56] sakalatto saMcalio, sahaparivAreNa sAreNa // 517 niya-nayara-piyara-dasaNa-utkaMThiya-niyaya-hiyaya-sANaMdo / laliaMga- naravariMdo, patto sirivAsa-pura-tIraM / / 518||yugmm|| paddhaDI java patta nayara-parisari naresa / ullasiya citti pura-jaNa asesa / vaddhAvai ke-vi nararAya-vIra tasu diai kaNaya-kekANa cIra // 519 jima sarai surahi niya-vaccha-neha / paMthiya jima pAvasa-samayi geha / jima sarai bhasala paccaya(?) jAi jima saraI Dibha khaha-khiNNa mAi || 520 jima sarai sarovara rAjahaMsa jima sarai purisavara niya suvaMsa / kulavaMti jema samarai bhatAra jima sarai sAhu saMsAra-pAra // 521 jima sarai viMjha-vaNa vAraNiMda jima sarai susAyara puNNa-caMda / jima sarai cakka paccUsa-kAla jima sarai sukoila taru rasAla // 522 tima samariya naravai putta-pema | jala-siMciya jala-tAleri jema / avilaMba aMba-piya-pujja-pAya lahu namai nehi laliaMga-rAya / / 523 tava harasiya niya-maNi jaNaNitAsa cira jIva putta tau~ koDi vAsa /

Page #57
[57] ima ditI bahu AsIsa jAma naravAhaNi bhua - vici liddha tAma // 824 bihu miliya mahAsuha kaMTha - desa AliMgaNa - raMga- suraMga - vesa / tiNi khaNi sua- saMgami patta - sukkha naravAhaNi pAmiya jema sukkha // / 525 dUhA ( rAga malhAra ) agaliya- neha - nivaTTahA~, joaNa- lakkhu vi jAu / varisa saeNa - vi jo milai sahi so sukkhaha~ ThAu // 526 mehA morAdAdurAM0 // 527 gAthA ia jANiUNa rAyA, jAyA maMdANarAga-hiya - hiyao / jaMpara kahu putta tumaM, kahaM Thiu vimharitu amhaM / / 528 so paharo pAva- -haro, sA ghaDiyA sukai kamma sAghaDiyA | sA velA suhavelA, jaM dIsai putta-muha-kamalaM // 529 cAli dhana dhanna sua dina ajja, dhana dhanna iha mujha rajja / dhana dhanna jIviya deha, jiha miliu tau~ guNa- geha // 530 kima jANa jANiya magga niya piyara saMgama sagga / kima kiddha amha bahu sAra, jaM milhi giu niradhAra // 531 jaM kiu amha kuNa dosa, taM khami na khami bahu - rosa / tuM putta guNahi gari, niya-puNNi tihuyaNi iTTha / / 532 hiva huU pAva- virAma, sonai ma laggi sAma / amha miliu pema - piyAra, tau~ putta bahu-guNa-sAra // 533

Page #58
[58] java rosi rakkhiya bAra, amhi tumhi kiu avicAra / tava kiddha kima amha-resi, niya citta kaThiNa videsi // 534 ma ma karisi mani bahu bhaMti, amha achai ehaji khaMti / tumha deha ihu sahu rajja, haU~ karisi para-bhavi kanja / / 535 ima suNiya naravai-vayaNa, laliaMgaha sasuyanayaNa / vali vali su laggai pAya, viNNavai suNi nararAya / / 536 mana dharisi piya ema citti, amha hui eha ajutti / navi hui tAya kutAya, jai jAya hoi kujAya // 537 hau~ huu tumha kula-kaTThi, ghuNa jema gaya-suha-siTThi / ita divasa viNa pahu-seva, niggamiya jaM amhi deva / / 538 siu~ bahua jaMpiu~ Ala, muNi sAmi bahu-guNa-sAla / hau~ tumha bahu-duha-heu, hua ajja-diNa-lagi jeu // 539 taM khamiya mujha avarAha, tau~ sayala bhUva-varAha / / kiya bheu caMpaharajja, Aisiya koi tasu kajja || 540 mujha diu tumha paya-vAsa, ma ma karisi tAya nirAsa / e achai tumha guNa-dosi, tumha lahua vahua suhAsi // 541 tasu disau jaM bahu vajja niya-kulaha maggasu kajja / ima bhaNiya kumara-naresa dhari rahiu mUna asesa / / 542 // caturbhiH kalApakam // kAlamuha kumara su pikkhi, dikhaMta niya niva pakkhi / naravAhi niya kari vANi (?), uvavesi niya-paya-ThANi / / 543 vaddhAri tilayasubhAli, vici vimalaakkhaya-sAli / siri dhAri niva niya chatta, naccaMta nava nava patta / / 544 bahu dhavala maMgala nAri, savi suhava diti viyAri / vajaMti bahuara tUra, bahakati agara kapUra // 545

Page #59
[59] bahu bhattibhoyaNa caMga. taMbola- pAna suraMga / pahirAvi savi nararAya, bahu mulla nagara pasAya / / 546 ghaNakaNaya kappaDadANa, appIi bahu kekANa / maggaNaha pujjai Asa, duharorajAMi nirAsa / / 547 ghari ghari suucchava raMga ghari ghari sumaMDiyajaMga(caMga?) / ghari ghari sutoraNa bAri ghari ghari sumaMgala cAri / / 548 ubbhaviya dhayavaDapoli, bahu nAri milai~ suToli / gAyaMti mahu-sari gIta, vihasIi sAjaNa-cIta / / 549 savi sahuya dii~ AsIsa, vaddhAri tilaya susIsa / laliaMga koDi varIsa, pUravau jagaha jagIsa || 550 rasAulau naravAhaNa sua miliya dukkha dUrahi~ Taliya / suyaNa-AsA phaliya niyasurajja-bhara kaliya / pisuNa paviNihi puliya, kitti cihu~disi caliya vasaNa sayala gayagaliya ariyaNa savi nirdaliya / laliaMga-rAya atulabbaliya, sattusayala paya-tuli luliya munirAu devasuMdara raliya jasu jasa jaMpai bali caliya // 551 cAli ima tAsu diddha naresa, niya rajja-riddhi asesa / mukalAvi saha niya-loya, mani dhariya bahuya pamoya // 552 sikkhaviya saha niva rIti, calliu cokhima cIti / naravAha sahi-guru-pAsi, liya caraNa mana-ulhAsi // 553 duddhara-mahavvaya-dhAra, pAlaMti paMcAcAra / nitu samiti gupiti sujANa, guNa garua mera-samANa / / 554 lahu khaviya ghAia kamma, kiya sahala jiNa-muNi-dhamma / pAmiu ti tijaya-ppahANa, risi-rAi kevala-nANa // 555 tiha~ thakA bahu-parivAri, sirivAsa-nayara-majhAri / navakappa karai vihAra, bujhjhavai bhaviya apAri / / 556

Page #60
[60] laliaMga raMgihi tAma, saha bhajja suha-pariNAma / paDivajai sAvayadhamma, dhuri bodhi sodhi suramma / / 557 vali namiya niya-guru-pAya, bahu-dhamma-laddha-pasAya / pattau sagehiNi gehi, rasi ramai~ dui bahu-nehi // 558 bhogavai bahua vilAsa, pUravai jaga sahu Asa / pAlaMti niratIcAra, niya-desa-virai-viyAra // 559 kAravai vara prAsAda, giri-mera-siu~ lai vAda / vittharai jagi jasa-sAda, nava-khaMDai naravai-nAda // 560 dii satta-khittihi~ dANa, niya deva guru bahumANa / laliaMga puNya-pasAi, huya rajja dunniha rAya // 561 bahu divasa pAliya dhamma, aNusariya aNasaNa ramma / laliaMga saggi vimANi, huya devaloki puNya pramANi / / 562 vali baya puNya payAsi, suhi lahiya narabhava-vAsa / mahAvidehai~ deva, lahasyai ti siddhi su heva / / 563 puNyai ti dhaNakaNa-riddhi, puNyai ti payaDa prasiddhi / puNyai ti rANima rAja, puNyai sarai~ sahu kAja / / 564 puNyai ti sagga-vimANa, puNyai ti paMcama-ThANa / jargi payaDa puNya pavitta, laliyaMga-rAya-caritta / / 565 mahimahati mAlavadesa, dhaNa-kaNaya-lachi-nivesa / tiha~ nayara maMDava-dugga, ahiNavau jANi ki sagga / / 566 tiha~ atula-bala guNavaMta, zrI gyAsa-suta jayavaMta / samaratha sAhasa dhIra, zrIpAtasAha-nisIra // 567 tasu rajji sakala pradhAna, guNa-rUva-rayaNa-nidhAna / hiMdUA rAya-vajIra, zrImuMjamayaNaha vIra / / 568 sirimAla-vaMsavayaMsa, mAninI-mAnasa-haMsa / sonI rAya-jIvana-putta, bahu putta-pariyara-jutta / / 569 zrImalika mAphara paTTi, hayagaya suhaDa-bahu-thaTTi / / zrIpuMja puMja nariMda, bahu-kavita-keli-suchaMda / / 570 navarasa-vilAsau lola, nava-gAha-geya-kalola /

Page #61
[61] niya buddhi-bahua-vinANi, guru dhamma- phala bahu jANi || 571 ihu puNyacariya prabaMdha, lalibhaMga - nRpa saMbaMdha / paha-pAsa-cariyaha citta, uddhariya eha caritta / / 572 dasapuraha nayara majhAri, zrI saMgha- taNai AdhAri / zrI zAMtisUri supasAI, duhaduriya dUri palA' / / 573 jaM kima vi aliya asAra, guru lahua varNavicAra / kavi kaviuM Isyara sUri, taM khamau bahu-guNa sUri // 574 sasi-rasa-suvikkama-kAla, e cariya raciu~ rasAla / jA~ dhUa ravi sasi mera, tA~ jayau gaccha saMDera / / 575 vAcaMta vIra- carita, vittharau jagi jaya-kitti / tasu maNuabhava dhana dhanna, zrIpAsanAha prasanna / / 576 // iti zrIlalitAMganarezvaracaritraM samAptaM / tasmin samApte samApto'yaM rAsaka-cUDAmaNi-puNyaprabandhaH / / tathA'tra rAsake zrIlalitAMgacaritre prathama gAthA, (1) dUhA, (2) sATaka, (3) SaTpada, (4) kuMDaliyA, (5) rasAulA, (6) vastu, (7) iMdravajropendravajrA kAvya, (8) aDilla, (9) maDilla, (10) kAvyAddhabolI, (11) aDillArdha bolI,, (12) sUDabolI, (13) varNanabolI, (14) yamakabolI, (15) choTar3A dUhA, (16) soraThI / ---x