Atma Vastu ka Dravya Paryayatmaka Shraddhan Samyagdarshan Hai

Author(s): Babulal
Publisher: Babulal
Catalog link: https://jainqq.org/explore/229223/1

Page #1
9 1.1 vastu - svarUpa : sAmAnya - vizeSAtmaka vizva meM pratyeka padArtha, pratyeka vastu Atma-vastu kA dravya-paryAyAtmaka zraddhAna samyagdarzana hai cAhe vaha jIva ho yA ajIva, cetana ho yA jar3a sAmAnya-vizeSAtmaka hai / sAmAnya aura vizeSa donoM hI vastu ke aMza haiM, usake guNadharma haiN| sAmAnya vastu kI vaha maulikatA, vaha svabhAva hai jo kabhI nahIM badalatA, jo zAzvata hai, dhruva hai; jabaki vastu kI jisa samaya jo avasthA hai vahI usa vastu kA usa samayavartI vizeSa hai / aura jaisA ki hama sabhI dekhate haiM, pratyeka padArtha kI avasthAeM, paryAyeM athavA vizeSa pratikSaNa badalate rahate haiM / udAharaNa ke liye, eka bAlaka kizora avasthA ko prApta hotA hai, phira kAlakramAnusAra kizora se yuvA, aura yuvA se vRddha hotA hai| yahAM yadyapi bAlaka, kizora Adi avasthAeM badala rahI haiM, tathApi ina sabhI avasthAoM meM manuSya manuSya - rUpa - se kAyama hai| avasthAoM yA vizeSoM ke parivartita hote hue bhI una saba vizeSoM meM manuSyatva-sAmAnya jyoM-kA-tyoM maujUda hai| eka aura udAharaNa para vicAra karate haiM mAna lIjiye ki kabhI kisI jIva ke kisI parapadArtha kA avalambana lene se (jisako ki vaha aniSTa mAnatA thA) dveSamaya bhAva yA pariNAma hue; phira usa jIva ne apane upayoga meM kisI aise padArtha kA avalambana liyA jise vaha iSTa mAnatA thA to dveSa-bhAva kA vilaya hokara usakI pariNati rAgamaya ho gaI; tadanantara, tattvajJAna kA avalambana lekara usa jIva ne puruSArthapUrvaka rAga-dveSa kA abhAva karate hue vItarAgatA rUpa pariNamana kiyaa| parantu ina saba parivartanoM ke bAvajUda AtmA AtmA-rUpa-se kAyama hai; rAgI -dveSI athavA vItarAga pariNatiyoM meM aparivartanazIla caitanya - sAmAnya sadA, anavarata vidyamAna hai / 6 1.2 sAmAnyatva kI bhAMti hI, pariNamana bhI vastu kA nijabhAva jisa prakAra vastu meM sAmAnya aMza athavA dravya-svabhAva lagAtAra vidyamAna hai, usI prakAra vastu meM parivartana bhI lagAtAra hotA rahatA hai| pratyeka vastu

Page #2
cAhe vaha jar3a pudgala ho yA cetana pratikSaNa parivartanazIla hai / Upara diye gae udAharaNa para bArIkI se punarvicAra kareM to koI yuvA kisI dina acAnaka vRddha nahIM ho jAtA, apitu vaha pratikSaNa vRddha ho rahA hotA hai / parantu, sUkSma parivartana, pratisamaya hone vAlA badalAva, hamArI indriyoM/mana/ buddhi kI pakar3a meM nahIM AtA sthUla parivartana ko hI hama grahaNa kara pAte haiM, jAna pAte haiN| isa prakAra, sAmAnyatva kI bhAMti hI pariNamana bhI vastu kA nija - bhAva hai, vastu kA sva-tattva hai / pariNamana ke viSaya meM yaha anivAryatA bhI dhyAna dene yogya hai ki pudgala kA pudgala - rUpa hI pariNamana hogA aura jIva kA jIva rUpa hI pariNamana hogaa| Azaya yaha hai ki pudgaladravya kA pariNamana kabhI pudgalatva kA atikramaNa nahIM kara sakatA aura cetanadravya kA pariNamana kabhI caitanya kA, cetana - svabhAva kA atikramaNa nahIM kara sakatA / pudgala-svabhAva kA 8 1.3 vastu kA eka aMza naya kA viSaya, jabaki sampUrNa vastu pramANa kA viSaya sAmAnya aura vizeSa eka hI vastu ke guNadharma hote hue bhI bhinna-bhinna lakSaNa vAle haiN| sAmAnya aparivartanIya yA avinAzI hai, jabaki vizeSa parivartanazIla yA nAzavAna hai usakI utpatti bhI hotI hai aura nAza bhii| sAmAnya eka hai, jabaki eka kSaNa utpanna aura dUsare kSaNa vyaya hone vAle vizeSa anekAneka haiM / sAmAnya aura vizeSa meM ukta prakAra se yadyapi lakSaNabheda hai, phira bhI ve sattA kI apekSA abhinna haiM * unako eka-dUsare se alaga nahIM kiyA jA sakatA / athavA, aise kaha sakate haiM ki sirpha sAmAnya yA sirpha vizeSa kA honA asaMbhava hai vastu ke astitva meM, sAmAnya-rahita vizeSa nahIM ho sakatA aura vizeSa-rahita sAmAnya bhI nahIM ho sktaa| phira bhI, sAmAnya vizeSa-rUpa nahIM hotA, aura na hI vizeSa sAmAnya - rUpa hotA hai / vastu kA sAmAnya aMza jahAM eka ora, dravyArthika naya yA dravyadRSTi kA viSaya hai, vahIM, dUsarI ora, vastu kI lagAtAra 2 --

Page #3
badalatI avasthAeM, paryAyeM yA vizeSa paryAyArthika naya yA paryAyadRSTi ke viSaya haiN| isa prakAra, ye donoM hI pratipakSI naya athavA dRSTiyAM vastu ke sAmAnya aura vizeSa, ina sampUraka (complementary) aMzoM meM se kisI eka ko isako yA usako- lakSya karatI haiN| jabaki, pramANa (jo ki isa yA usa naya athavA dRSTi ke pakSa se rahita hotA hai) sampUrNa vastu ko sAmAnya-vizeSAtmaka athavA dravya - paryAyAtmaka vastu ko - lakSya karatA hai; pramANa kA viSaya sampUrNa athavA sarvadeza vastu hai, AMzika vastu nhiiN| aura, hama sabhI jAnate haiM ki pramANa hI samyagjJAna hai| SS 1.4 sAmAnya vastu ke astitva meM sAmAnya aura vizeSa aMzoM kA abheda * bheda kevala nayAvalambI jJAna kI apekSA vastu cUMki sAmAnya-vizeSAtmaka hai, isaliye sampUrNa vastu kA aura vizeSa, donoM pakSoM kA eka-sAtha kathana kiyA jAnA saMbhava nahIM hai / eka pakSa ke kathana ke bAda hI, dUsare pakSa kA pratipakSa kA kathana saMbhava hai| isa prakAra, yadyapi sAmAnya aura vizeSa kA kathana alaga-alaga athavA pahale-pIche kiyA jAtA hai, tathApi vastu ke astitva meM sAmAnya aura vizeSa, ye sampUraka aMza kahIM alaga-alaga athavA pahale -pIche nahIM haiN| vastu ke astitva athavA sattA meM sAmAnya aura vizeSa aMzoM kA na to pradeza -bheda hai aura na hI samaya-bheda / yadyapi do pratipakSI dRSTiyoM ke viSayabhUta ina vastu - aMzoM kA jJAna alaga-alaga kiyA jAnA saMbhava hai (kyoMki donoM ke svarUpa alaga-alaga haiM), to bhI sAmAnya aura vizeSa ko astitva kI apekSA alaga-alaga nahIM kiyA jA sakatA donoM eka-samaya haiM, eka-sAtha haiM, aura eka ke binA dUsare vastu-aMza kA astitva saMbhava nahIM hai| vastutaH eka-ke-bAda-eka hone vAle vibhinna vizeSoM meM jo sAtatya (continuity), niraMtaratA, ekatA yA samAnatA kA bhAva hai, vahI sAmAnya hai / jaise motiyoM ke hAra meM eka DorA usameM piroe gae anekAneka motiyoM meM sabhI motiyoM meM niraMtara eka-rUpa-se - 3 -- -

Page #4
maujUda hotA hai, usI prakAra vastu kA sAmAnya usake sabhI vizeSoM meM niraMtara eka-rUpa-se vidyamAna vastu kA svabhAva hai| yahAM, dRSTAnta aura dArTAnta meM antara bhI ullekhanIya hai| hAra meM sAre motI eka sAtha maujUda haiM, jabaki vastu meM vizeSa eka-ke-bAda-eka ghaTita ho rahe haiM - pratyeka vizeSa eka-samayavartI hai aura sAmAnya trikaalvrtii| punazca, Dore aura motiyoM kI taraha, sAmAnya aura vizeSoM ke bIca pradeza-bheda bhI nahIM hai, jisakA khulAsA Upara kiyA hI jA cukA hai| 61.5 pratipakSI naya se sApekSa dRSTi hI samyak jabaki nirapekSa dRSTi mithyA sAdhaka ko lakSya karake prayojanava / jaba Atma-vastu ke svarUpa kA kathana kiyA jAtA hai taba "vastu kA jo sAmAnya-aM / yA sAmAnyatva hai vaha nizcaya hai, kyoMki vaha trikAla ekarUpase rahane vAlA hai; aura vastu kA jo vi roSa-aM | yA vizeSatva hai vaha vyavahAra hai, kyoMki vaha pratisamaya badalane vAlA hai" - aisA kahA jAtA hai| tathApi, vastu ke astitva meM to na koI pakSa mukhya hai, na koI pakSa gaunn| tattva ke jijJAsu ko isa prakAra, sarvaprathama, donoM pratipakSI dRSTiyoM se aviruddha vastu-svarUpa kA samyak nirNaya karanA caahiye| Atma-vastu ke mAtra sAmAnya aMza kA athavA mAtra vizeSa aMza kA jJAna aura zraddhAna kabhI bhI sampUrNa vastu kA jJAna-zraddhAna nahIM ho sktaa| sAmAnya kA jJAna vastutaH vizeSa ke jJAna binA adhUrA hai, samyak nahIM hai; aura, isI prakAra, vizeSa kA jJAna bhI sAmAnya ke jJAna binA adhUrA hai, samyaka nahIM hai| donoM hI alaga-alaga, arthAt eka-dUsare se nirapekSa hokara sahI/samyaka nahIM ho skte| dravyadRSTi ke viSayabhUta vastu-aMza ke jJAna binA paryAyadRSTi ke viSaya kA jJAna mithyA hai - aisA jJAna athavA usakA svAmI jIva 'paryAyamUr3ha hai| isI prakAra, paryAyadRSTi ke viSayabhUta vastu-aMza ke jJAna binA dravyadRSTi ke viSaya kA jJAna mithyA hai - aisA jJAna athavA usakA svAmI jIva 'dravyamUr3ha' hai|

Page #5
1.6 vaktA kI vivakSA ke anusAra hI nizcayatva-vyavahAratva athavA mukhyatA - gauNatA dRSTiyoM kA vastu-svarUpa kA eka pakSa dravya-svabhAva yA sAmAnya hai, to dUsarA pakSa usa vastu kI pariNati / paryAya yA vizeSa hai / phira bhI, sampUrNa vastu eka hI hai| usa vastu-svarUpa kA varNana karate hue vaktA cUMki donoM pakSoM ko eka sAtha kahane meM asamartha hai, isaliye vaha kisI eka pakSa ko lakSya karane vAlI dRSTi ko mukhya karake kathana karatA hai, jisase pratipakSI dRSTi svataH hI gauNa ho jAtI hai / jisa prakAra, dahI ko mathane vAlI gopikA jaba mathAnI para lipaTI rassI ke eka sire ko apanI ora khIMcatI hai to usakA dUsarA sirA svataH hI dUra calA jAtA hai; usI prakAra, vastu-svarUpa kA ciMtavana yA pratipAdana karate samaya vasturUpI rassI kA jo pakSarUpI sirA apanI ora khIMcA jAtA hai arthAt mukhya kiyA jAtA hai vaha nizcaya kahalAtA hai| aura, usI vasturUpI rassI kA dUra calA jAne vAlA sirA arthAt gauNa kara diyA gayA pakSa vyavahAra kahalAtA hai| vastu ke astitva meM nizcaya yA vyavahAra nAmaka koI pakSa nahIM haiM vastu kI sattA meM pratipakSI vastu-aMzoM para 'nizcaya' aura 'vyavahAra' nAma ke koI lebala (labels ) nahIM lage haiN| hamAre sApekSa kathana meM mukhya kiye gae vastu - aMza ko nizcaya bhI kahA jAtA hai aura gauNa kiye gae vastu-aMza ko vyavahAra bhI kahA jAtA hai| ye do vastu - aMza, do pratipakSI nayoM yA dRSTiyoM ke viSaya banate haiM, jabaki donoM nayoM / dRSTiyoM se aviruddha vastu - svarUpa pramANa kA viSaya hai| samyagjJAna kA -- $ 1.7 samyagdarzana : kyA mAtra dravyadRSTi ke viSaya kA zraddhAna ? isa prakAra, vastu-svarUpa kA spaSTa, saMdeha - rahita, yuktiyukta evaM AgamAnukUla vivecana- vizleSaNa karane para hameM sahaja hI samajha meM AtA hai ki Atma-vastu ke mAtra sAmAnya aMza kA zraddhAna kadApi samyagdarzana nahIM 5

Page #6
ho sakatA kyoMki aisA zraddhAna to ekAnta mithyAtva hogaa| samyagdarzana to taba hotA hai jaba sampUrNa Atma-vastu kA, jaisI vastu hai sAmAnya-vizeSAtmaka athavA dravya-paryAyAtmaka usakA vaisA hI, sahI, saccA, samyak zraddhAna ho; jahAM sAdhaka donoM dRSTiyoM ke viSaya ko Atma-vastu ke astitva meM eka sAtha dekhatA ho; jahAM para na koI eka vastu-aMza mukhya ho aura na dUsarA vastu - aMza gauNa, na koI nizcaya ho aura na koI vyavahAra; jahAM nayoM kA, dRSTiyoM kA pakSapAta nahIM raha gayA ho| $ 1.8 ekAntamUr3ha jIva ko pratipakSI dRSTi ke samyak ekAnta dvArA vastu - svarUpa grahaNa karAne kA AcAryoM kA prayAsa samyak vastu to jaisI hai, vaisI hI hai| dekhane vAle kI dRSTi vastu-svarUpa meM to kucha parivartana lA nahIM sktii| hAM, yadi vaha apanI dRSTi sahI kara le to use vastu - svarUpa kI samyak prApti avazya ho sakatI hai| jahAM zrotA paryAyamUr3ha hai, vahAM dravyadRSTi kI mukhyatA se kathana karake ekAnta ke dvArA use dravyadRSTi ke viSayabhUta vastu - aMza kA jJAna karAyA jAtA hai (jJAtavya hai ki pratipakSI dRSTi ko gauNa kintu jIvita rakhate hue, vivakSita dRSTi kI mukhyatA se kiyA gayA kathana samyak ekAnta kahalAtA hai)| sambodhita karane kI isa vidhi ke anusAra hI, AcArya usa paryAyamUr3ha ko kahate haiM ki he jIva ! yadi tU isa dravyadRSTi ke viSayabhUta Atma-vastu kA zraddhAna kara le to terA paryAyadRSTi-viSayaka zraddhAna, jo vartamAna meM mithyA hai, taba samyaktva ko prApta ho jAegA arthAt tujhe dravya-paryAyAtmaka vastu kA sahI zraddhAna ho jaaegaa| isake ThIka viparIta, dravyadRSTi kI ekAnta mAnyatA rakhane vAlA, dravyamUr3ha, koI jIva yadi hai to use sambodhita karate hue AcArya kaheMge ki he jIva ! yadi tU paryAyadRSTi ke viSayabhUta Atma-vastu kA zraddhAna kara le to terA dravyadRSTi-viSayaka zraddhAna, jo vartamAna meM mithyA hai, sahI hokara, dravya - paryAyAtmaka vastu kA samyak zraddhAna tujhe ho jAegA / 6 -

Page #7
jahAM kahIM bhI zAstroM meM bhagavAn AcAryoM dvArA kahA gayA hai ki dravyadRSTi ke viSaya kA zraddhAna karanA samyaktva hai, vahAM nizcita rUpa se, nissandeha yaha samajhanA cAhiye ki yaha kathana paryAyamUDha jIvoM ko lakSya karake kahA gayA hai, ki yaha sApekSa kathana hai - kisI apekSA-vizeSa se aisA kahA gayA hai| jo jIva paryAyamUr3ha the, athavA haiM, unheM dravyadRSTi ke samyak ekAnta dvArA usa dRSTi ke viSayabhUta vastu-aMza (arthAt Atma-svabhAva) ke zraddhAna kA upadeza diyA gayA hai| yaha kathana pratipakSI naya se nirapekSa nahIM hai apitu paryAyadRSTi kI sApekSatA ko liye hue hai -- AcAryoM kA aisA samyak abhiprAya samajhanA caahiye| 61.6 paryAyadRSTi-viSayaka mithyA zraddhAna kA svarUpa aura usakA samyak zraddhAna se gaMbhIra aMtara aba vicAra karanA hai ki mAtra paryAyadRSTi-viSayaka zraddhAna - pratipakSI dRSTi (dravyadRSTi) se nirapekSa zraddhAna - jise paryAyamUr3hatA kahA jAtA hai, vaha kaisA hotA hai; aura, dUsarI ora, paryAyadRSTi ke viSaya kA samyak zraddhAna - dravyadRSTi-sApekSa zraddhAna - kaisA hotA hai| paryAyamUr3ha jIva ko : (ka) zarIra va AtmA ekarUpa arthAt zarIra hI Atma-rUpa, svayaM-rUpa dikhAI detA hai; (kha) rAga-dveSa Adi bhAva apane svabhAva dikhAI dete haiM; (ga) dravyakarma ke sAtha vaha apanA kartA-karma sambandha samajhatA/mAnatA hai; (gha) bAharI sthitiyoM meM (jinake liye yaha jIva vastutaH mAtra nimitta hotA hai), kartRtva-buddhi karake vaha ahaMkAra kara letA hai| saMyogajanya sthitiyoM meM usakI svAmitva-buddhi yA ekatva-buddhi usa ahaMkAra ko aura bhI puSTa karatI

Page #8
hai| jaba aisA jIva - paryAyamUr3ha jIva - tattvajJAna aura bhedavijJAna kI niraMtara bhAvanA ke dvArA dravyadRSTi-viSayaka sahI/samyak zraddhAna ko prApta karatA hai, taba use paryAya meM : (ka) zarIra aura AtmA ke bIca ekatva ke bajAya saMyoga-sambandha dikhAI detA hai; (kha) rAgAdi bhAva svabhAva ke bajAya vikArI bhAva - jaise bhArIra ke stara para roga eka svasthatA-virodhI vikAra dikhAI detA hai, usI prakAra Atmadravya ke rogavat - dikhAI dete haiM; (ga) dravyakarma aura AtmA ke bIca kartA-karma sambandha ke bajAya aba nimitta-naimittika sambandha samajhatA hai; (gha) bAharI sthitiyAM aba use karmajanita, para-saMyoga rUpa naz2ara AtI haiM, unameM mithyA kartRtva/ svAmitva-buddhi kA usake aba abhAva ho jAtA hai| yaha paryAyadRSTi-viSayaka sahI zraddhAna hai, jo dravyadRSTi ke viSaya kA arthAt Atma-svabhAva kA sahI zraddhAna hone para hI hotA hai| jaba taka dravyadRSTi ke viSaya kA sahI zraddhAna nahIM hotA, taba taka paryAyadRSTi kA viSaya hI ajJAnI, paryAyamUr3ha jIva ko dravyadRSTi-ke-viSayavat dikhAI par3atA hai| AtmA kA apane jJAna-darzana guNoM ke sAtha vastutaH jaisA ekatva yA tAdAtmya hai, vaisA ekatva yA tAdAtmya yaha ajJAnI jIva zarIra aura rAgAdika ke sAtha anubhava karatA hai| tathA, AtmA kA jaisA kartA-karma sambandha vastutaH apane jJAna-darzana guNoM ke sAtha hai, vaisA kartA-karma sambandha yaha jIva dravyakarma ke sAtha mAnatA hai| isIliye kahA jAtA hai ki ajJAnI, paryAyamUr3ha jIva ke liye paryAyadRSTi kA viSaya dravyadRSTi ke viSaya kA sthAna athavA stara (status) grahaNa kara letA hai|

Page #9
isa prakAra, paryAyamUr3ha jIva kI ajJAnatA ke mUla kAraNa kA vizleSaNa (analysis) kara lene para usakA nidAna bhI sahaja hI sUjhatA hai| tarkasaMgata bAta hai ki dravyadRSTi ke viSaya kA sahI jJAna yadi aise jIva ko ho jAe to usake paryAyadRSTi-viSayaka jJAna ne jisa sthAna para qabz2A kara rakhA thA, vaha sthAna yA stara use dravyadRSTi-viSayaka jJAna ke liye khAlI karanA par3egA; aura taba vaha (paryAyadRSTi-viSayaka jJAna) apanA ucita sthAna yA stara dravyadRSTi - sApekSa stara grahaNa karake samyaktva ko prApta ho jaaegaa| - $ 1.10 dravyadRSTi - viSayaka mithyA zraddhAna kA svarUpa dUsarI ora, jo jIva dravyadRSTi kA ekAnta pakar3e hue hai paryAyadRSTi se nirapekSa dravyadRSTi-viSayaka apane jJAna ko samyak mAna rahA hai usakI sthiti kA vicAra karate haiN| aisA jIva paryAyadRSTi ke viSayabhUta vastu - aMza ko abhUtArtha-asatyArtha mAnatA hai, athavA use 'yaha to vyavahAra hai, kahane mAtra hai; aisA hai nahIM' ityAdi prakAra se mAna kara usakI satyArthatA ko apane aMtaraMga meM svIkAra nahIM krtaa| paryAyeM athavA avasthAeM bhI Atma-vastu ke nijabhAva haiM, sva-tattva haiM, isa satya ko aisA ajJAnI jIva maMjUra nahIM krtaa| natIjA yaha hotA hai ki rAga-dveSAdika bhAvoM/pariNAmoM ke apanI AtmA ke astitva meM hote hue bhI yaha svayaM ko unase rahita mAnatA hai / zarIra kA AtmA ke sAtha saMyoga hote hue bhI yaha usa saMyoga ko maMjUra nahIM karatA / punazca dravyakarma ke sAtha AtmA kA nimitta--naimittika sambandha hote hue bhI usa sambandha kA abhAva mAnane lagatA hai| aisI mAnyatAoM ke phalasvarUpa, paramArtha kI prApti to ise hotI nahIM, isakA vyavahAra-AcaraNa bhI anargala ho jAtA hai; yaha svacchanda, svecchAnusArI pravRtti karane lagatA hai / apanA jJAtA - draSTA svarUpa to isakI pakar3a meM AyA nahIM, to bhI apanI mAnyatA meM rAga-dveSAdika bhAvoM kA akartA banatA hai; jo rAgAdika zubha-azubha bhAva vastutaH isakI AtmA 9 --

Page #10
meM hote haiM, unake astitva ko isaliye svIkAra nahIM karatA ki 'unakA kartA banane se mithyAdRSTi ho jaauuNgaa|' isa prakAra, rAgAdika kA akartA banatA hai aura zarIra kI kriyA ko jar3a kI kriyA mAnatA hai| natIjA yaha hotA hai ki anyAya / anAcAra - rUpa pravRtti karate hue ise koI Dara nahIM rahatA / zarIrAzrita kriyAeM jar3a kI hI kriyAeM haiM yaha bAta satya hai; parantu yaha bhI to satya hai ki AtmA meM rAga-dveSAdika bhAvoM ke hone para hI ye (zarIrAzrita) kriyAeM hotI haiM unameM paraspara nimitta - naimittika sambandha jo tthhraa| 'una rAgAdika bhAvoM kA maiM hI jimmevAra hUM aura unakA phala mujhe hI bhoganA par3egA ' - paryAyadRSTi-viSayaka isa satya ko yaha ajJAnI svIkAra nahIM krtaa| isa prakAra, dravyadRSTi kA ekAnta eka mIThA jahara hai viSayabhogoM kI cAha miTI nahIM, unakI miThAsa miTI nahIM, parantu yaha Upara se dharma kA, samyaktva kA AvaraNa or3ha letA hai| - $ 1.11 samayasAra meM diye gae upadezoM kA samyak abhiprAya - uparyukta donoM hI prakAra kI mithyA ekAnta dRSTiyoM se hameM svayaM ko bacAnA hai| hamAre saMsarga meM bhI yadi koI jijJAsu Ae to use sahI upadeza deM, jisase usakA ajJAna - aMdhakAra dUra ho sake aisA hamArA abhiprAya honA caahiye| isI abhiprAya-pUrvaka, loka meM paryAyamUr3ha jIvoM kI bahulatA dekhakara bhagavAn kundakundAcArya ne samayasAra grantha kI racanA kii| dravyadRSTi-viSayaka ekAnta mAnyatA to yaha jIva kisI dUsare kA upadeza pAkara hI banAtA hai kAraNa yA to yaha ho sakatA hai ki ArSa AcAryoM ke kathana kA abhiprAya yA marma isane nahIM samajhA, athavA yaha ki jisa kisI vyakti ke mAdhyama se isane upadeza grahaNa kiyA, vahIM para koI bhUla rahI ho| dUsarI ora, paryAyadRSTiviSayaka ekAnta to isa jIva ke, binA kisI dUsare ke upadeza ke, janma-janmAntara se calA hI A rahA hai| paryAyadRSTi ke ekAntI jIva kI yaha ekAnta mAnyatA kaise miTe ? use sambodhita karane ke liye bhagavAn AcArya ne dravyadRSTi kI mukhyatA se 10

Page #11
(dravyadRSTi ko nizcaya kaha kara), paryAyadRSTi ko gauNa karate hue (use vyavahAra kaha kara) upadeza diyA hai| paryAyadRSTi-viSayaka vastu-aMza ko vahAM abhUtArtha-asatyArtha bhI kahA hai, kyoMki dravyadRSTi ke viSaya ke antargata usakA (paryAyadRSTi-viSayaka vastu-aMza kA) abhAva hai hii| dUsarI ora, dravyadRSTi ke viSaya ko vahAM bhUtArtha kahA hai| isa kathana kA abhiprAya aisA nahIM samajhanA cAhiye ki vastu kI sattA meM paryAyadRSTi athavA usake viSaya kA astitva hI nahIM hai| balki yaha samajhanA cAhiye ki dravyadRSTi jisa viSaya (vastu-aMza) ko lakSya karatI hai, usa vastu-aMza meM paryAyadRSTi kA viSaya nahIM hai, hAlA~ki vastu to dravya-paryAyAtmaka hI hai| ataH jahA~ AcArya kahate haiM ki dravyadRSTi se AtmA kA zraddhAna karanA samyaktva hai, vahA~ unakA abhiprAya aisA samajhanA cAhiye ki yadyapi mAtra dravyadRSTi ke viSaya kA zraddhAna samyaktva nahIM hai, tathApi dravyadRSTi ke anusAra Atma-vastu ke svarUpa kA zraddhAna karane se, vartamAna meM paryAyadRSTi-viSayaka jo anAdikAlIna, mithyA, ekAnta zraddhAna isa jIva ke cala rahA hai, vaha miTa kara, dravya-paryAyAtmaka vastu kA sahI zraddhAna ho jAegA - so hI samyaktva hai| jaba AcArya kahate haiM ki AtmA rAgAdika bhAvoM kA kartA nahIM hai to isakA artha samajhanA cAhiye ki dravyadRSTi se AtmA ko rAgAdika kA kartA mAnane se rAgAdika bhAva, jIva ke jJAna-darzana guNoM kI bhAMti hI, AtmA ke svabhAva Thahara jaaeNge| aura, yadi rAgAdika ko apanA svabhAva isa jIva ne mAna liyA to yaha unakA kabhI abhAva nahIM kara skegaa| dravyadRSTi ke anusAra jaba jIva aura rAgAdika bhAvoM kI ukta sthiti hai, tabhI -- usI samaya - paryAyadRSTi se dekhane para yaha jIva svayaM hI rAgAdika kA kartA hai| ina vikArI bhAvoM ke AtmA ke astitva meM hone kI pUrI jimmevArI isa AtmA kI hai - na kevala inheM karane kI, balki inheM miTAne kI jimmevArI bhI isI kI hai| paryAyamUr3ha jIva svayaM ko rAgAdika kA kartA dravyadRSTivat mAnatA hai, isaliye ajJAnI hai, mithyAdRSTi hai| isI prakAra, dravyamUDha jIva, jo paryAyadRSTi se bhI svayaM ko rAgAdika kA kartA athavA jimmevAra nahIM mAnatA, vaha bhI utanA hI ajJAnI hai,

Page #12
mithyAdRSTi hai - kyoMki Atma-vastu ke pariNamana ko hI usane svIkAra nahIM kiyaa| samayasAra kA yaha kathana ki 'he jIva, tU rAgAdi kA kartA nahIM haiM, dravyadRSTi kI apekSA se kiyA gayA hai, kintu he dravyamUDha! tUne to paryAyadRSTi kI apekSA bhI rAgAdi ke kartRtva kA niSedha kara diyA!! dravyadRSTi ke viSaya kA sahI jJAna hone se, paryAya meM ho rahe kAryoM kA ahaMkAra nahIM hogA, parantu isakA artha yaha to nahIM ki paryAya kA astitva hI miTa jaaegaa| AtmA aura zarIra kI kriyAoM ke bIca kartA-karma sambandha kA niSedha isaliye kiyA gayA thA ki do bhinna dravyoM ke bIca ekatva kI mAnyatA isa jIva ke aMtaraMga meM kahIM aba bhI banI na raha jAe, kyoMki aisA honA mithyAtva hai| parantu, tUne to unake bIca nimitta-naimittika sambandha ke astitva ko mAnane se bhI iMkAra kara diyA! jisa prakAra nimitta-naimittika sambandha ko kartA-karma sambandhavat mAnanA mithyAtva hai, usI prakAra nimitta-naimittika sambandha ke hote hue, use na mAnanA, svIkAra na karanA bhI to mithyAtva hai! isa viSaya meM samyaka mAnyatA to yaha honI cAhiye ki yadyapi maiM zarIra kI pariNatiyoM kA, kriyAoM kA upAdAna nahIM hUM, tathApi mere zubha-azubha pariNAmoM ke hone para hI zArIrika athavA vAcanika kriyAeM hotI haiM; isaliye maiM apane una rAgAdika pariNAmoM ke liye jimmevAra hU~, aura ve mere vikAra haiM, merI galatiyAM haiN| 6 1.12 samyagdarzana : nayapakSAtIta, pramANabhUta Atma-vastu kA zraddhAna paNDitapravara ToDaramalla jI ne mokSamArga-prakAzaka ke sAtaveM adhikAra meM, 'nizcayAbhAsI' prakaraNa ke antargata likhA hai ki jo vyakti rAgAdika ko parakRta hI mAnakara, svayaM ko nirudyamI aura pramAdI banAte hue, karma kA hI doSa ThaharAtA hai, use 'rAgAdika kA upAdAna svayaM AtmA hai, ataH rAgAdika AtmA ke haiM - isa prakAra upAdAna kAraNa kI mukhyatA se kathana karake - samyak zraddhAna ke sammukha karAyA hai| yaha eka sApekSa kathana hai jo ki dravyadRSTi ke ekAMtAvalambI ko lakSya karake kiyA gayA

Page #13
hai| usa dravyamUr3ha ko sambodhita karate hue kahA gayA hai ki rAga-dveSAdika rUpa se pariNamana kisI aura kA nahIM, terA hI hai; ye rAga-dveSa tujha AtmA ke astitva meM hI ho rahe haiM tathA inake hone kA aura inakA abhAva karane kA - donoM hI kAryoM kA - uttaradAyitva terA, aura mAtra terA hI hai| dUsarI ora, jo vyakti rAgAdika ko apanA svabhAva mAnakara unake abhAva ke hetu udyama karane ko utsuka nahIM hotA, use 'rAgAdika AtmA ke svabhAva nahIM haiM, ve to parabhAva haiM, parakRta arthAt karmakRta pariNAma haiN| - isa prakAra nimitta kAraNa kI mukhyatA se kathana karake - samyak zraddhAna ke sammakha karAyA hai| yaha bhI sApekSa kathana hai jo ki paryAyadaSTi ke ekAMtAvalambI ko lakSya karake kiyA gayA hai| usa paryAyamUr3ha ko sambodhita karate hue kahA gayA hai ki dravyadRSTi kI viSayabhUta vastu arthAt AtmasvabhAva bhUtArtha hai, ata: usakA zraddhAna karane se hI samyagdarzana hogaa| isI sandarbha meM paNDita jI Age likhate haiM ki ukta donoM viparIta zraddhAnoM se rahita hone para hI satya zraddhAna hogaa|' Azaya yaha hai ki ye rAgadveSAdika bhAva AtmA ke svabhAva-bhAva nahIM haiM - AtmA kA svabhAva-bhAva to nitya-zuddha jJAna-darzanAtmaka caitanya hai| to bhI, anAdikAlIna karma-sambandha ke nimitta se yaha AtmA rAgadveSarUpa vikArI pariNamana karate hue azuddha ho rahA hai; ataH ye rAgAdika AtmA ke astitva meM vibhAva-paryAya rUpa se utpanna hote haiN| aba isa AkulatAjanaka, duHkharUpa, vikArI pariNamana kA abhAva karake mujhe apanI AtmA ko zuddha banAnA hai, aura maiM yaha avazya kara sakatA hU~, kyoMki aisA pariNamana merA svabhAva nahIM hai - jaba isa prakAra dravyaparyAyAtmaka yA sAmAnyavizeSAtmaka Atma-vastu kA nirNaya hogA taba samyagdarzana kI upayukta bhUmikA bnegii| Agama meM jIva-ajIvAdi sAta tattvoM ke jJAna ke dvArA bhI tattvajijJAsuoM ko sAmAnyavizeSAtmaka vastusvarUpa ke nirNaya kI ora hI agrasara kiyA gayA hai| vahA~ Asrava-bandha-saMvara-nirjarA-mokSa, ye pA~ca tattva to spaSTataH hI vastu-vizeSa haiM - bhAvAnava-bandha Adi to

Page #14
jIvavastu-vizeSa haiM tathA dravyAsrava-bandha Adi pudgalavastu-vizeSa haiN| jabaki jIva va ajIva, ye do tattva, kramazaH jIva/Atmavastu-sAmAnya aura pudgalavastu-sAmAnya ke dyotaka haiN| isa prakAra, sarvaprathama Agama ke mAdhyama se pramANabhUta vastu kI jAnakArI karanI hai, nirNayAtmaka jJAna karanA hai - yaha sAmAnyajJAna kahalAtA hai| aba nija-vastu kI tIvrarucipUrvaka apane upayoga ko para-vastuoM se haTAkara sva-sammukha karate hue Atma-vastu ko usIrUpa dekhanA hai, anubhavana karanA hai| jaisA ki jJAna ke dvArA nirNaya kiyA thA, vaisI hI pramANabhUta - dravyaparyAyAtmaka/ sAmAnyavizeSAtmaka nija-vasta jaba anabhava meM A jAtI hai, taba sahI/samyaka zraddhAna ghaTita hotA hai| sahI zraddhA hone para vaha pahale vAlA sAmAnyajJAna hI aba samyagjJAna nAma pAtA hai| tadanantara, jaba AtmA apane upayoga ko paravastuoM se haTAkara (usake hetu parapadArthoM kA Azraya/avalamba chor3akara, arthAt svAvalambI hote hue) nijopayoga ko sva-sammukha karate hue punaH punaH nijAnubhavana meM utaratA hai, taba isake rAgarUpa pariNamana kA kramazaH abhAva hone se dravyakarmodayarUpI nimitta kA bhI kramazaH abhAva hone lagatA hai| antataH rAgadveSa kA samUla nAza hone para kevala svabhAva-bhAva raha jAtA hai; ataH ukta rIti se rAgAdi ke nAza ke hetu samyak udyama karanA hI samIcIna mokSamArga hai| 61.13 adhyAtma aura caraNAnuyoga kI maitrI athavA ekatA 'para-vastu to para hI hai, vaha kabhI hamArI ho nahIM sakatI' yadyapi yaha kathana satya hai, tathApi jaba taka para ke sAtha isa jIva kA samparka hai, taba taka usa vastu kA avalambana lekara yaha jIva vikalpa uThAyA karatA hai| karmabandha bhI paravastu ke kAraNa nahIM hotA, balki apane vikalpoM ke kAraNa hI hotA hai| jIva ko duHkha-sukha bhI apane vikalpoM se hI hote haiN| parantu, vikalpa cUMki paravastu kA Azraya lekara hI hote haiM, ataH vikalpoM

Page #15
ke tyAga ke hetu, paravastu kA pratijJApUrvaka tyAga kiyA jAnA jarUrI hai| kisI-kisI sAdhaka ke donoM kArya -- bahiraMga meM parapadArthoM ke avalambana kA tyAga aura aMtaraMga meM vikalpoM kA tyAga arthAt abhAva - lagabhaga eka-sAtha bhI ho jAte hoM, parantu adhikAMzataH para-vastu kA pratijJApUrvaka tyAga kiye jAne ke bAda hI tatsaMbaMdhI vikalpa kA tyAga ghaTita hotA hai| bAharI tyAga ke bAda, Age cala kara, jaba usa jAti kA vikalpa vahA~ utpanna nahIM hotA, taba vaha tyAga sahaja ho jAtA hai| isakA artha yaha hai ki aba vaha para-sambandhI Adata chaTa gaI hai| jo loga paNya-pApa ke udaya-janita sAmagrI ko sukha-duHkha kA kAraNa mAnate the aura isa vajaha se usa sAmagrI se rAga-dveSa karate the - usa saMbaMdhI vikalpa uThAte rahate the - unako ukta prakAra se tattva samajhA kara, tathA una logoM kA doSa batA kara unheM vikalpa tor3ane kA upadeza diyA gyaa| usase yadi koI aisA abhiprAya grahaNa kara le ki 'parigraha rahe to rahe, yaha to para hai hI, isakA tyAga kyA karanA?' to samajhanA cAhiye ki aise jIva kI na to parigraha meM ruci chUTI hai aura na hI usake vikalpoM ke chUTane kI koI sambhAvanA hai| dravyArthika aura paryAyArthika, ina donoM pratipakSI nayoM ke viSayabhUta vastu-aMzoM kI avirodha-rUpa ekatA jaba nija jJAna meM kI jAe, tabhI sampUrNa dravya-paryAyAtmaka vastu kI samyak prApti isa jIvana meM sambhava hai| dravyadRSTi meM kisI bhI parapadArtha kA - cAhe vaha jar3a ho yA cetana - avalambana lene kA koI prazna hI nahIM utthtaa| parantu, paryAyadRSTi meM sAdhaka ne Atmabala kI kamI hone ke kAraNa para kA - deva, zAstra, guru Adi dharmasAdhanoM kA - avalambana le rakhA hai| vaha apanA Atmabala bar3hAne kI ceSTA karatA hai| jaise-jaise Atmabala bar3hatA jAtA hai, vaise-vaise parAvalambana chUTatA jAtA hai| jahAM parAvalambana lenA paryAyadRSTi kA viSaya hai, vahIM, kAlAntara meM, usase haTakara svAvalambI honA bhI paryAyadRSTi kI hI bAta hai| yadi koI vyakti mAtra yaha samajhe ki 'maiM jJAna-darzana kA akhaNDa piNDa hU~, pUrNa hU~, zuddha hU~, buddha hU~, ityAdi, parantu apanI paryAya meM

Page #16
ho rahI kamiyoM-galatiyoM ko na dekhe-samajhe, aura isa vajaha se unheM dUra karane kA upAya bhI na kare, to AtmakalyANa-rUpI abhISTa kArya kI siddhi kaise ho? vastutaH apanI paryAya meM ho rahI parAdhInatAoM ko samajha kara, svAnubhavana ke dvArA unako kramazaH ghaTAte hue hI svAdhInatA kI ora bar3hA jAtA hai| taba, bAhara kI ora se dekhane para parAdhInatA kA abhAva hotA dIkhatA hai, aura aMtaraMga meM svAdhInatA kI prApti hotI dIkhatI hai| parAdhInatA kA abhAva karane ke liye caraNAnuyoga kI upayogitA ko svIkAra karanA z2arUrI hai| caraNAnuyoga ke viSayabhUta AcaraNa kA kathana jaba dravyadRSTi kI mukhyatA se kiyA jAtA hai to kahA jAtA hai ki 'jIva kI paryAya athavA avasthA amuka-amuka prakAra se hotI hai, jJAna to usa avasthA kA mAtra jAnane vAlA hai, jJAtA hai, kartA nahIM hai|' dUsarI ora, isI viSaya ko paryAyadRSTi kI mukhyatA se isa prakAra kahanA bhI jarUrI hai ki 'sAdhaka ko aMtaraMga AcaraNa arthAt svAdhInatA ko bar3hAne ke liye - dUsare zabdoM meM, apanI paryAya kI parAdhInatA ko dUra karane ke liye - bAhya AcaraNa kA avalambana lenA caahiye| yaha dravyadRSTi kA hI pratApa hai ki usake dvArA jIva ko paryAya meM hone vAlI apanI parAdhInatA kA sahI/samyag jJAna hotA hai| isaliye, dravyadRSTi ke viSayabhUta vastu-aMza ke jJAna ke sAtha-sAtha yadi isa jIva ko paryAyadRSTi kI apekSA apane vikAra, apanI hInatAeM na dikhAI deM to isake dravyadRSTi-viSayaka jJAna ko bhI sahI/samyak nahIM kahA jA sktaa| apanI paryAya kI hInatAoM ko dUra karane ke liye, eka ora to jo avalambana una hInatAoM ke bar3hane meM sAdhana hoM, unase haTanA z2arUrI hai; aura, dUsarI ora, aise sAdhanoM ko apanAnA bhI jarUrI hai jinake mAdhyama se hInatA ghaTAI jA sake, hAlAMki dravyadRSTi kI apekSA to yaha jIva na sAdhanoM ko juTAne vAlA hai aura na hI unase haTane vAlA hai| isa prakAra, dravyArthika aura paryAyArthika, ina donoM pratipakSI nayoM ke viSayoM kI avirodha-rUpa ekatA hameM apane jIvana meM prApta karanI hai| 11.14 upasaMhAra

Page #17
dravya-paryAyAtmaka Atma-vastu ke donoM pakSa - vastu-sAmAnya yA dravya-svabhAva, aura pariNamana - jIvana meM sAtha-sAtha calate haiN| Atma-vastu ke svarUpa kA kathana athavA ciMtavana karate hue to usakA koI eka pakSa mukhya athavA gauNa hotA hai, parantu jIvana meM donoM pakSa mukhyatA athavA gauNatA se rahita, ekasAtha hote haiN| jaba jIva kA rAgarUpa pariNamana ho rahA hai tabhI samyak zraddhA vahAM kaha rahI hai ki ye rAgAdika bhAva mere svabhAva nahIM, apitu vikAra haiN| merI paryAya meM doSa haiM, aisA jJAna-zraddhAna usI samaya hotA hai jisa samaya dravyadaSTi-viSayaka sahI/samyak zraddhA rahatI hai| isaliye Atma-vastu ke sAmAnya-vizeSAtmaka athavA dravya-paryAyAtmaka svarUpa kA sahI prakAra se jJAna karanA jarUrI hai| hameM apane jIvana meM dravyadaSTi aura paryAyadaSTi donoM ke viSayoM ko sApekSa lekara calanA cAhiye aura vastu-tattva kA nirUpaNa bhI usI prakAra karanA caahiye| samayasAra kA adhyayana karake yadi hamane mAtra dravyadRSTi ke viSaya kA jJAna-zraddhAna kiyA hai aura usake phalasvarUpa apane jIvana meM bhI yadi hama dravyadRSTi ke viSaya ko paryAyadRSTi-nirapekSa lekara calate haiM, to hamArA aisA jJAna-zraddhAna-AcaraNa hamArI AtmA ko zuddha banAne meM kabhI bhI sahAyaka nahIM ho skegaa| bhagavAn kundakundAcArya kA samayasAra kI racanA ke pIche aisA uddezya kadApi nahIM thaa| hamArA jo soca-vicAra hai, jo sUjha-bUjha hai, usakA apane jIvana meM upayoga hameM isa prakAra karanA hai ki jinavANI ke abhiprAya ko pahale to hama svayaM sahI rUpa meM samajheM, aura phira usako isa prakAra prastuta kareM ki janasAdhAraNa bhI sahI rUpa meM samajha ske| samayasAra kA adhyayana hama yaha samajha kara kareM ki yaha grantha mukhyatA se anAdikAlIna paryAyamUr3ha ko sambodhita karane ke liye racA gayA hai| isaliye isameM dravyadRSTi kI mukhyatApUrvaka upadeza diyA gayA hai, kyoMki dravya-paryAyAtmaka vastu-svarUpa kA zraddhAna hI samyaktva hai| isa grantha ke adhyayana se koI aisA mithyA abhiprAya kadApi grahaNa na kare ki mAtra dravyadRSTi-viSayaka vastu-aMza kA zraddhAna samyaktva hai| agale pRSTha para dI gaI sAriNI samayasAra meM upadiSTa

Page #18
samyaktva-utpatti ke mArga ko saMkSepa meM darzAtI hai| dravyadRSTi aura paryAyadRSTi, donoM ke viSayabhUta vastu-aMzoM kA avirodha-rUpa jJAna-zraddhAna hI samyak hai, satyagrAhI hai, samagra hai| dIpaka bhI satya hai, jyoti bhI satya hai; donoM mila kara hI samagra satya hai|