Tattvavichar ane Abhivandana

Author(s): Chimanlal Chakubhai Shah, Ramanlal C Shah and Others
Publisher: Mumbai Jain Yuvak Sangh

Page 4

પ્રકાશકીય
- શ્રી મુંબઈ જૈન યુવક સંઘની વિવિધ સંસ્કારલક્ષી પ્રવૃત્તિઓમાં એના પાક્ષિક મુખપત્ર “પ્રબુદ્ધ જીવનનું નિયમિત પ્રકાશન એ એક મહત્ત્વની પ્રવૃત્તિ છે. છેલ્લાં ૪૭ વર્ષથી નિયમિત પ્રગટ થતું રહેલું આ પાક્ષિક ગુજરાતના ને વિશાળ વાચકવર્ગનું પ્રીતિપાત્ર બન્યું છે. એમ થવામાં સૌથી મહત્ત્વનું પ્રદાન એના તંત્રીઓનું રહ્યું છે. ' - ઈ. સ. ૧૯૭૧ માં “પ્રબુદ્ધ જીવન'ના તંત્રી શ્રી પરમાનંદ કાપડિયાના સ્વર્ગવાસ પછી સ્વશ્રી ચીમનલાલ ચકુભાઈ શાહે આ પાક્ષિકનું સુકાન એમના જીવનના અંત સુધી સંભાળ્યું હતું. એક દાયકા જેટલા એ સમયમાં એમણે મૌલિક દૃષ્ટિ અને સ્વસ્થ, સમતોલ ચિતન વડે આ સામયિકને ઉત્તરત્તર ઉચ્ચતર ભૂમિકાએ લાવીને મૂકયું હતું.
“પ્રબુદ્ધ જીવન’ના પ્રત્યેક અંકમાં સ્વ. ચીમનલાલ ચકુભાઈ શાહ એક લેખ અચૂક લખતા. વળી ક્યારેક ક્યારેક વિવિધ ઘટનાઓ ઉપર તંત્રીને ધ પણ લખતા. એ લેખમાંથી ચિરંતને મૂલ્યવાળા કેટલાક લેખો તારવીને શ્રી મુંબઈ જૈન યુવક સંઘ તરફથી આ અગાઉ બે પુસ્તકો પ્રગટ કરવામાં આવ્યાં છે: (૧) અવગાહન અને (૨) સમયચિંતન.
- સ્વ. ચીમનભાઈ છેક ૧૯૩૯ થી “પ્રબુદ્ધ જીવનમાં લખતા રહ્યા હતા. ત્યારથી તે ઈ. સ. ૧૯૭૧ સુધીમાં એમની કલમે લખાયેલા આવા ઘણા લેખો હજુ અગ્રંથસ્થ રહ્યા છે. તેમાંથી મહત્ત્વના કેટલાક લેખો તારવી એક પુસ્તક પ્રકાશિત કરવાનો નિર્ણય અમારી કાર્યવાહક સમિતિએ કર્યો અને આ પુસ્તકના સંપાદનનું કામ ડો. રમણલાલ ચી. શાહ, શ્રી પનાલાલ ૨. શાહ અને પ્રા. ગુલાબ દેઢિયાને સોંપવામાં આવ્યું. એમણે “પ્રબુદ્ધ જીવનની વર્ષવાર ફાઈલે તપાસી, લેખોની પસંદગી કરી, વિષય-અનુસાર ગોઠવી આ પુસ્તકનું સંપાદન કર્યું છે. આવું પરિશ્રમયુક્ત કાર્ય કરી આપવા માટે અમે તેઓના આભારી છીએ.