Sudansana Cariyam

Author(s): Saloni Joshi
Publisher: L D Indology Ahmedabad

Page 182

निमाविय-जिणभवण-वण्णणो नाम दसमो उद्देसो
तं मुणिवराणं वयणं सुणेवि भावेण सुयणु ! रायसुया। काऊण विहि-पणामं समुट्ठिया परियण-समेया।।१२९५ ।। जियसत्तु-निवेणं तओ णिय-भवणे गउरवेण णिव-धूया। भुंजाविऊण सुहयं पुणो वि सम्माणिया सुयणु! ।।१२९६।। एत्थंतरम्मि कमला णरिंद-धूयाए सायरं भणिया। (१९१अ)सिंघलदीवे गमणं तुह जुजइ ताय-पय-मूले।।१२९७।। एसा कुसल-पउत्ती गंतुं साहेह जणणि-जणयाणं। सम्मत्त-थिरीकरणं मुणि-दसणमिह विसेसेण।।१२९८ ।। लद्धाएसा कमला णमेवि चलणेसु राय-धूयाए। आरूढ-जाणवत्ता संचलिया दाहिणाभिमुहं।।१२९९।। जाए पहाय-समए-पहाण-दिवसम्मि सोहणे रिक्खे। सम्माणिऊण सव्वं पउर-जणं आगम-विहीए।।१३०० ।। पूएवि सुत्तहारो विणएणंऽब्भत्थिओ "इमं भणिओ। एसा मह रायसिरी(१९१कोसाहीणा तुज्झ सव्वावि।।१३०१ ।। परिभाविऊण एयं करेह तह जिणहरं सुधम्मपरा। तह पिच्छिऊण विबुहा वि होति गुणकित्तणा पउणा।।१३०२।। एसो य उसहदत्तो निरुविओ तुह मए तह सहाओ। जेण समीहिय-कज्जं असहायाणं ण सिज्झेइ।।१३०३ ।। उसहदत्तो वि भणिओ राय-सुयाए सुमित्त ! जइ वि तुमं। जिण-समए कुसलमई तह वि मए इह भणेयव्वो।।१३०४।। जं जह मुणीहि भणियं जिण-भवणं भद्द ! तुज्झ पच्चकखं। तं तह विहिणा तुरियं(१९२अ)जयणाए तुमं कराविज।।१३०५ ।। एवं लद्धाएसो कय-सम्माणो य उसहदत्तो सो। सुत्तहारेण सहिओ गओ समोसरण-ठाणम्मि।।१३०६।।
१. परिणय. २. थिरीव. ३. सुत्तहारे ४. णिमं.