Spiritual Enlightenment

Author(s): Yogindu Deva, A N Upadhye
Publisher: Radiant Publishers

Page 142

128
... Spiritual Enlightenment 122) राएँ रंगिए हियवडए देउ ण दीसइ संतु। -
दप्पणि मइलए विंबु जिम एहउ जाणि णिमंतु ॥ १२०॥ 123) जसु हरिणच्छी हियवडए तमु णवि बंभु वियारि ।
एकहिँ केम समंति बढ बे खंडा पडियारि ॥ १२१ ॥ 124) णिय-मणि णिम्मलि णाणियहँ णिवसइ देउ अणाइ ।
इंसा सरवरि लीणु जिम महु एहउ पडिहाइ ॥ १२२ ॥ 125) देउ ण देउले णवि सिलए णवि लिप्पइ णवि चित्ति ।
अखउ णिरंजणु णाणमउ सिउ संठिउ सम-चित्ति ॥ १२३ ॥ 126) मणु मिलियउ परमेसरहँ परमेसरु वि मणस्स।
बीहि वि समरसि-हवाइ पुज्ज चडावउँ कस्स ॥ १२३२॥ 127) जेण णिरंजणि मणु धरिउ विसय-कसायहिँ जंतु । मोक्खर कारणु एत्तडउ अण्णु ण तंतु ण मंतु ॥ १२३५३ ॥
[२. बिजउ अहियार ] 128) सिरिगुरु अक्खहि मोक्खु महु मोक्खहँ कारणु तत्यु ।
मोक्खहँ केरउ अण्णु फलु जे जाणउँ परमत्यु ॥१॥ 129) जोइय मोक्खु वि मोक्ख-फलु पुच्छिउ मोक्खहँ हेउ । ।
सो जिण-मासिउ णिसुणि तुहुँ जेण वियाणहि भेउ ॥२॥ 130) धम्माँ अत्यहँ कामहँ वि एयहँ सयलहँ मोक्खु ।
उत्तमु पभणहिणाणि जिय अण्णे जेण ण सोक्खु ॥३॥ 131) जइ जिय उत्तमु होइ णवि एयह सयलहँ सोइ ।
तो किं तिणि वि परिहरवि जिण वञ्चहि पर-लोइ ॥ ४ ॥ 132) उत्तमु सुक्खु ण देइ जइ उत्तमु मुक्खु ण होइ ।
तो किं इच्छहिं बंधणहिँ बद्धा पसुय वि सोइ ॥ ५॥