Shrutsagar Ank 2013 12 035

Author(s): Mukeshbhai N Shah and Others
Publisher: Acharya Kailassagarsuri Gyanmandir Koba

Page 60

दिसम्बर २०१३
५८
५,४८) नी रचना करी. वळी पोताना 'बाळसरस्वती' नामना प्रख्यात पामेला राजड नामना पुत्रना तरुण वयमां ज थयेला मृत्युथी पोताने थयेल शोकमांथी अभयदेवसूरिए बोध आपी जागृत कर्यो हतो अने तेमना वाक्योथी विवेकमंजरी नामनुं प्रकरण पोते सूत्रित कर्तुं (पी. २.५६, पी. ३.१२ तथा १०० )
९. दुर्लभराज - जाते प्राग्वाट वणिक अने मूळ भीमदेव राजाना व्ययकरणपदामात्य जाहिलना पुत्र महत्तम नरसिंहनो पुत्र हतो. ए कवि हतो. तेने कुमारपाळे महत्तम' (महेतो - प्रधान) करेलो हतो. ते मंत्रीए सं. १२१६ मा सामुद्रिकतिलक नामना सामुद्रिक ग्रंथनी रचना करी (वे. नं. ४०१, लीं. दा. २७ नं. ६७).
१०. जगदेव - उपरोक्त दुर्लभराजानो पुत्र हतो. एणे शुभ-अशुभ नामक बे प्रकरणमय स्वप्नचिंतामणि ग्रंथ रचेल छे. पोताना पिताए रचेला सामुद्रिकतिलकनुं पण समर्थन कर्तुं हतुं तथा चौलुक्य राजानी वाराही नामनी नगरीमा वसता कोषाधिपति (खजानची) श्रीपालकुलना यशोधवळना पुत्र जगदेवने पण हेमचंद्राचार्ये बालकवि बिरुद आप्युं हतुं जेनी विनंतीथी पौर्णमिकगच्छना समुद्रद्योषसूरिए सं. १२५२ (द्विपंचदिनकृत्) वर्षे पत्तनमां अममचरित्र रच्युं.
११. महाराजा कुमारपाल - सिद्धराज जयसिंह पछी सं. ११९९ मां कुमारपाळ गादीए आव्यो. अने कलिकालसर्वज्ञ श्रीहेमचंद्राचार्यना उपदेशथी सं. १२१६ मां संपूर्ण जैनधर्म स्वीकार्यो हतो. ते हेमाचार्यकृत योगशास्त्र तथा वीतरागस्तोत्रनुं दररोज पठन करता हता. एमणे रत्नाकर पच्चीसीना समान जिनेश्वर स्तुतिरूप स्तोत्र रचेल छे, जे प्रसिद्ध छे. तेमणे कुमारविहार, त्रिभुवनविहार, त्रिविहार वगेरे अनेक जिनचैत्यो बंधाव्यां, जीर्णोद्धार कर्या हता. ते उपरांत २१ ज्ञानभंडारो स्थापाव्या हता. जैन आगमोनी सुवर्णाक्षरे सात प्रतो अने श्रीहेमचंद्राचार्य व्याकरणादि ग्रंथोनी २१ प्रतो लखावी हती.
१२. प्रल्हादनदेव - आ गुजरातना सामंत, आबूना राजा धारावर्ष (कुमारपाळना
१. एना धर्मोपदेशक गुरु अभयदेवसूरिना शिष्य हरिभद्रसूरिना शिष्य बालचंद्र कविए उपदेशकंदली अने विवेकमंजरी उपर वृत्ति सं. १२४७ (८) मां रची. ( की. २.५ पी. ३.१००) ते उपदेशकंदलीवृत्तिनी ताडपत्रीय प्रत सं. १२९६मां लखायेली पाटणना भंडारमां छे. (पी. ५.४२ ). ए बन्ने सटीक ग्रंथो मुद्रित थई गयेल छे.
२. आसीत् तत्र विचित्र श्रीमज्जाहिलसंज्ञया जातः । व्ययकरणपदामात्यो नृपतेः श्रीभीमदेवस्य ||
३. श्रीमान् दुर्लभराजस्तदपत्यं बुद्धिधाम सुकविरभूत् । यं श्रीकुमारपालो महत्तमं क्षितिपतिः कृतवान् ।।