Book Title: Shrutgyan Amidhara
Author(s): Kshamabhadrasuri
Publisher: Shrutgyan Amidhara Gyanmandiram
View full book text
________________
१७२
पिया धरावेइ । तहवि य खंदकुमारो, न बंधुपासेहिं पडिबद्धो ॥ १४१ ॥ गुरु गुरुतरो अ अइगुरु, पियमाइअवच्च पियजणसि हो । चितिज्जमाणगुविलो, चत्तो अइधम्मतिसिएहिं ॥ १४२ ॥ अमुणियपरमत्थाणं. बंधुजणसिणेहवइयरो होइ । अवगयसंसारसहावनिच्छ्याणं समं हिययं ॥ १४३ ॥ माया पिया य भाया, भज्जा पुत्ता सुही य नियगा य । इह चेव बहुविहाई, करंति भयवेमणस्साई || १४४ || माया नियगमविगप्पियम्मि अत्थे अपूरमाणम्मि । पुत्तस्स कुणइ वसणं, चुलणी जह बंभदत्तस्स || १४५|| सांगोवंगविगत्तणाओ जगडणविहेडणाओ अ । कासी य रज्जतिसिओ पुत्ताण पिया कणयकेऊ ।। १४६ ।। विसय सुहरागवसओ, घोरो भायाऽवि भारं हणइ । आहाविओ वहत्थं, जह बाहुबलिस भरवई ॥ १४७ ॥ भज्जाऽवि इंदिय विगारदोसनडिया करेइ पपात्रं । जह सो पसिराया सूरियकंताई तह वहिओ ।। १४८ || सासयसुक्खतरस्सी, नियअंगसमुब्भवेण पित्त । जह सो सेणियराया, काणियरण्णा खयं नीओ ॥ १४९ ॥ लुद्धा सकज्जतुरिभा, सुहिणोऽवि विसंवयंति कयकज्जा । जह चंदगुत्तगुरुणा, पव्त्रयओ घाइओ राया ॥ १५० ॥ निययाऽवि निययकज्जे, विसंवयंतम्मि हुति खरफरुसा। जह रामसुभूमकओ, बंभक्खत्तस्स आसि खओ ।। १५१ ।। कुलघरनिययसुहेसु अ, सयणे अ जणे अनिच्च मुणिवसहा । विहरंति अणिस्साए, जह अज्जमहागिरी भयवं ।। १५२ ।। रूवेण जुव्वणेण य कन्नाहि सुहेहिं वरसिरीए य । न य लुब्भंति सुविहिया, निदरिसणं जंबुनामुत्ति ॥ १५३ ॥ उत्तमकुलप्पसूया, रायकुलवडिंसगाऽवि मुणिवसहा | बहुजणजइसंघट्ट, मेहकुमारुव्व विसति ॥ १५४ ॥ अवरुप्परसंवाह, सुक्खं तुच्छं सरीरपीडा य । सारण वारण चोयण, गुरुजणभायत्तया य गणे ॥ १५५ ॥ इक्कस्स कओ धम्मो ?, सच्छंद गईमई
Page Navigation
1 ... 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234