Book Title: Shrutgyan Amidhara
Author(s): Kshamabhadrasuri
Publisher: Shrutgyan Amidhara Gyanmandiram
View full book text
________________
१८०
सुभणिओऽवि । न भणइ वाससएणऽवि जस्सऽवि जीहासयं हुज्जा ॥ २७८ ॥ नरएस जाइं अइकक्खडाइँ दुक्खाइँ परमतिक्खाई । को वण्णेही ताई ?, जीवंतो वासकोडीऽवि ॥ २७९ ॥ कक्खडदाह सामलिअसिवणवेयरणिपहरणसएहिं । जा जायणाउ पावंति, नारया तं अहम्मफलं ॥ २८० ॥ तिरिया कसंकुसारानिवायवहबंधमारणसयाई । नऽवि इहयं पावेंता, परत्थ जइ नियमिया हुता ॥ २६१ ॥ आजीव संकिलेसो, सुक्खं तुच्छं उवद्दवा बहुया । नीयजणसिट्ठणावि य, अणिट्ठवासो अ मागुस्से ॥२८२॥ चारगनिरोहवहबंधरोगधणहरणमरणवसणाई । मणसंतावो अजसो. विग्गोवणया य माणुस्से ।। २८३ ॥ चिंतासंतावेहि य, दरिहरूआहिं दुप्पउत्ताहिं । लघृणऽवि मागुस्सं, मरंति केई सुनिधिण्णा ॥ २८४ ॥ देवाऽवि देवलोए, दिव्याभरणाणुरंजियसरीरा । जं परिवडंति तत्तो, तं दुक्खं दारुणं तेसिं ।। २८५ ॥ तं सुरविमा णविभवं, चिंतिय चवणं च देवलोगाओ । अइबलियं चिय जं नवि, फुटइ सयसकरं हिययं ।।२८६॥ ईसाविसायमयकोहमायालोभेहिं एवमाईहिं । देवाऽवि समभिभूया, तेसिं कत्तो सुहं नाम ? ॥२८७॥ धम्मपि नाम नाऊण, कीस पुरिसा सहति पुरिसाणं?। सामित्ते साहीणे, को नाम करिज्ज दासत्तं ? ॥२८८ ॥ संसारचारए चारए व्व आवीलियस्स बंधेहिं । उव्विग्गो जस्स मणो, सो किर आसन्नसिद्धिपहो ॥ २८९ ॥ आसन्नकालभवसिद्धियस्स जीवस्स लक्खणं इणमो । विसयसुहेसु न रज्जइ सव्वत्थामेसु उज्जमइ ॥ २९० ॥ हुज्ज व न व देहबलं, धिइमइसत्तेण जइ न उज्जमसि । अच्छिहिसि चिरं कालं, बलं च कालं च सोअंतो ॥ २९१ ॥ लद्धिल्लियं च बोहिं, अकरितोऽणागयं च पत्थितो । अन्न दाइं बोहिं, सब्भिसि कयरेण मुल्लेण ? ॥ २९२ ॥ संघयणकालबलदूसमारुयालंबणाई धित्तूणं । सव्वं चिय नियमधुरं,
Page Navigation
1 ... 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234