Shastra Sandesh Mala Part 19

Author(s): Vinayrakshitvijay
Publisher: Shastra Sandesh Mala

Page 231

जे अंगाऽणंगगयं सुयनाणं पाढयंति उज्जुत्ता / निज्जरहेउं सीसे ते उज्झाए नमसाहि // 29 // आयाराईयाइं महामहत्थाई जे उ पाढंति / एक्कारस अंगाई ते उज्झाए नमसाहि // 30 // बारसमम्मि य अंगे चोद्दस पुव्वाइं अइमहत्थाई / पाति वित्थडाइं ते उज्झाए नम॑साहि // 31 // आवस्सयं पि छविहरूवं सामाइयाइभेएणं / जे सिक्खवंति सीसे ते उज्झाए नमसाहि // 32 // आवस्सयवइरित्तं उक्कालियवरसुयं पि पाटिंति / जे दसकालिकमाई ते उज्झाए नमसाहि - // 33 // कालियसुयं पि उत्तरअज्झयणाई सया विणेयाणं / जे गाहंतुवउत्ता ते उज्झाए नमसाहि // 34 // जे य उवंगाई तहा उववाइयमाइयाई उवउत्ता / सीसे अज्झावंती ते उज्झाए नमसाहि // 35 // इय भो ! चउत्थठाणट्ठियाण अज्झावयाण नवकारो / सयलम्मि वि जियलोए चउत्थयं मंगलं होइ // 36 // जे साहति सया वि हु सव्वे निव्वाणसाहए जोए / मण-वयण-कायगुत्ते ते वंदसु मुणिवरे भद्द ! // 37 // पंचसु समिइसु समिया इरिया-भासेसणासु आयाणे / निक्खेवणम्मि य तहा ते वंदसु मुणिवरे भद्द ! // 38 // तिसु गुत्तीसु सुगुत्ता मणगुत्ती-काय-वयणरूवासु। . सुविहियभावमुवगया ते वंदसु मुणिवरे भद्द ! // 39 // इच्छा-मिच्छाईसुं सामायारीविसेसभेएसं / जे पइदिणमुज्जुत्ता ते वंदसु मुणिवरे भद्द! // 40 //