Sahitya Ratna Manjusha

Author(s): Sushilsuri
Publisher: Sushilsuri Jain Gyanmandiram

Page 344

१८- पुरवर्णने यथा"पुरेषु बहुप्रासादाः, विपण्यां जनसंमदः ।
परिखावप्रवाप्यानां, बाहुल्यं मणिकादिषु ॥" श्लोकेस्मिन् पुरवर्णनं प्रोक्तिमिति ।
१६- ग्रामवर्णने यथा"ग्रामे सघनवृक्षाली, पशु-धान्य-धनं बहु । वाप्यरघट्टकेदारा ग्रामेयीमुग्धविभ्रमाः ॥" अत्र ग्रामवर्णनमुक्तमिति ।
२०- अरण्यवर्णने यथा"वने सिंह-गज-व्याघ्र-, व्याल-वराह-वृक्षकाः । काकोलूककपोताद्या भिल्लभल्लदवादयः ॥" अत्र अरण्यवर्णनं कथितमिति ।
___ २१- उद्यानवर्णने यथा"उद्याने कुञ्जवृक्षारणां, बाहुल्यं विहगादिषु ।
मल्लिका-मालती-गन्धः, वापिमध्ये सरोरुहाः ॥" अस्मिन् श्लोके उद्यानवर्णनमुक्तमिति ।
साहित्यरत्नमञ्जूषा-२४९ ।