Prakrit Margopadeshika

Author(s): Bechardas Doshi
Publisher: Gurjar Granthratna Karyalay

Page 260

[३] सव्वं भंते ! राइभोयणं पञ्चक्खामि-नेव सयं राई भुजेज्जा, नेवञ्नेहिं राई भुंजाविजा, राई भुंजते वि अण्णे न समणुजाणामि नावज्जीवाए तिविहं तिविहेणं ॥६॥
-~-समणसुत्तं.
३ मिच्छा मि दुक्कडं किर एगया एगस्स कुंभगारस्स कुडीए साहुणो ठिया. तत्थेगो चिल्लगो चवलत्तणेण तस्स कुंभगारस्स कोलालाणि अंगुलियधणुहगएणं पाहाणेहिं विधेइ. कुंभकारेण पडिजग्गिओ दिट्ठो भणिओ-खुड्डगा! कीस मे कोलालाणि काणेसि ? खुड्डओ भणइ-मिच्छा मि दुकडं, न पुणो विधिस्सं, मणागं पमायं गओ मि त्ति. एवं सो पुणो वि केलाकिलत्तणेण विधेऊण चोइओ मिच्छा-मि-दुक्कडं देइ. पच्छा कुंभकारेण सढोत्ति नाऊण तस्स खुड्गस्स कन्नामोडओ दिन्नो. सो भणइ-दुक्खविओ ह, कुंभकारो भणइ-भिच्छा-मि-दुक्कडं. एवं सो पुणो पुणो कलामोडयं दाऊण मिच्छा-मि-दुक्कडं करेइ. पच्छा चेल्लओ भणइ-अहो ! सुंदरं मिच्छा-मि-दुक्कडं ति । कुंभकारो भणइ-नुव्भ वि एरिसं चेव मिच्छामि-दुक्कडं ति. पच्छा ठिओ विधेयवस्स. किंच
"जं दुक्कडं ति मिच्छा तं चेव निसेवइ पुणा पावं । पच्चक्खमुसावाई मायानियडीपसंगो य॥"
--समणसुत्तवुत्ती.