Prakrit Margopadeshika

Author(s): Bechardas Doshi
Publisher: Gurjar Granthratna Karyalay

Page 271

[१४] ततो चित्तगरा सवे पलाइउमारद्धा । पच्छा रण्णा णायं, जदि सव्वे पलायंति, तो एस जक्खो अचित्तिज्जतो अम्ह वहाए भविस्सइ ।
तेणं चित्तगरा एक्कसंकलितबद्धा पाहुडएहिं कया, तेसि सव्वेर्सि णामाई पत्तए लिहिऊणं घडए छूढाणि। ततो वरिसे जस्स णामं उहाति, तेण चित्तेयव्यो । एवं कालो वच्चति । _अण्णया कयाइ कोसंबीओ चित्तगरदारओ घराओ पलाइओ तत्थागओ सिक्खगो। सो भमंतो साकेतस्स चित्तगरस्स घरं अल्लीणो । सो वि एगपुत्तगो थेरीपुत्तो । सो से तस्स मित्तो जातो।
एवं तस्स तत्थ अच्छंतस्स अह तम्मि वरिसे तस्स थेरीपुत्तस्स वारओ जातो । पच्छा सा थेरी बहुप्पगारं रुवति ।।
तं रुवमाणी थेरौं दठूण कोसंबको भणति-"किं अम्मो रुदसि ?"
ताए सिढे । सो भणति- “ मा रुयह । अहं एवं जखं चित्तिस्सामि ।"
ताहे सा भणति-"तुमं मे पुत्तो किं न भवसि ?" " तो वि अहं चित्तेमि, अच्छह तुम्भे असोगाओ।"
ततो छट्ठभत्तं काऊण, अहतं वत्थजुअलं परिहित्ता, अद्वगुणाए मुहपोत्तीए मुहं बंधिऊण, चोक्खेण य पत्तेण सुइभूएण णवएहिं कलसएहिं व्हाणेत्ता, णवएहिं कुच्चएहिं, णवएहिं मल्लसंपुडेहिं, भल्लेसेहिं वण्णेहिं च चित्तेऊण पायवडिओ भणइ-“ खमह जं मए अवरद्रं " ति ।
ततो तुट्टो जक्खो भणति-" वरेहि वरं" सो भणति-"एयं चेव ममं वरं देहि, लोग मा मारेह ।" भणति-" एवं ताव ठितमेव, जं तुमं न मारिओ, एवं अण्णे वि