Prakrit Margopadeshika

Author(s): Bechardas Doshi
Publisher: Gurjar Granthratna Karyalay

Page 273

[१६] जणणीए सा जेट्टा भणिया-"पुत्ति ! तुझं पई भइपेमपरव्वसो। तओ तं जं कुणसि तं सव्वं पमाणं होहिह। तो तस्स मा भाहि ।"
बीया धूया जणणि भणइ-"पहारसमणंतर सो मणागं सिंखणकारी जाओ, खणंतराओ उवरओ"त्ति ।
जणणी तं भणइ-"तुमए अरुच्चमाणम्मि विहिए सो शिखणकारी होही, अन्नं निग्गहं नो काही ।"
तइयाए धूयाए पुणो भणियं-"अम्मो ! मए तुह निदेसे कए संते सो दूरा दरिसियरोसो गेहथंभेण बंधिय मम कसघायसए दासी, भासियवं च तं दुक्कुला सि। तो मे तए एवंविहकज्जसज्जाए न
कजं ।"
तमो अस्स जामाउयस्स समीवं गंतुं माऊए भणिय-"कहं में धूया ताडिया ? सा हि पढमपसंगे तुज्झ पण्हिपहरं दाऊण अर्ह कुलधम्म आइण्णा।"
सो जंपइ-"अम्ह वि एस कुलधम्मो, जइ पुण सो कुलधम्मो कह वि न कज्जइ तो सा ससुरकुलं न नंदेह ।"
तओ जणणीए पुत्तीए समीवमागन्तुं भणियं-"जहेव देवस्स वट्टिज्जासि तहेव पइणो वहिज्जासि । न अन्नहा इमो तुह पियकरो"त्ति।
(उपदेशपद)