Pragnapanopangamsutram Part 01

Author(s): Malaygiri,
Publisher: Agamoday Samiti

Page 722

प्रज्ञापनायाः मलय० वृत्ती.
१७लेश्या|पदे उद्देशः
॥३५८॥
पन्नत्ताओ?, गो ! छल्लेसाओ पन्नत्ताओ, तंजहा–कण्ह० जाव सुक्कलेसा, से नूणं भंते ! कण्हलेसा नीललेसं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुजो २ परिणमति, हंता गो०! कण्हलेस्सा नीललेस्सं पप्प तारूवत्ताए जाव भुजो २ परिणमति, से केणटेणं भंते! एवं वुच्चइ-कण्हलेस्सा नीललेस्सं पप्प तारूवत्ताए जाव भुजो२ परिणमति ?, गो० ! से जहा नामए खीरे दूसिं पप्प सुद्धे वा वत्थे रागं पप्प तारूवत्ताए जाव ताफासत्ताए भुजो २ परिणमइ, से तेणटेणं गो० ! एवं वुच्चइ-कण्हलेसा नीललेसं पप्प तारूवत्ताए जाव भुजो २ परिणमइ, एवं एतेणं अभिलावणं नीललेसा काउलेसं पप्प काउले. तेउलेसं पप्प तेउले० पम्हलेसं पप्प पम्हले० सुकलेसं पप्प जाव भुञ्जो २ परिणमइ, से नूर्ण भंते ! कण्हलेसा नीललेसं काउलेसं तेउलेसं पम्हलेसं सुकलेसं पप्प तारूत्ताए तावण्णत्ताए तागंधत्ताए तारसत्ताए ताफासत्ताए भुज्जो २ परिणमइ ?, हंता गोयमा! कण्हलेसा नीललेसं पप्प जाव सुक्कलेसं पप्प तारूव० तागंध० ताफा भुजो २ परिणमइ, से केणटेणं भंते ! एवं वुच्चइ-कण्हले. नीलले जाव सुक्कलेसं पप्प तारूवत्ताए जाव भुजो २ परिणमइ ?, गोयमा ! से जहा नामए वेरुलियमणी सिया कण्हसुत्तए वा नीलसुत्तए वा लोहिय० हालिद्द० सुकिल्ल. आइए समाणे तारूव० जाव भुजो २ परिणमइ, से तेणटेणं एवं वुच्चइ-कण्हलेसा नीललेसं जाव सुक्कलेसं पप्प तारूवत्ताए भुजो २ परिणमति । से नूणं भंते ! नीललेसा किण्हलेसं जाव सुक्कलेसं पप्प तारूवत्ताए जाव भुजो २ परिणमइ, हंता गोयमा ! एवं चेव, काउलेसा किण्हलेसं नील. तेउ० पम्ह० सुक्कलेस, एवं तेउलेसा किण्ह. नील. काउ० पम्ह० सुक्कलेसं, एवं पम्हलेसा किण्ह. नील० काउ० तेउ० सुक्कलेसं पप्प जाव भुजो २ परिणमइ, हन्ता
॥३५८॥