________________
पाप-पुण्य
जास्त फरक करत नाही. ही तर घडून गेलेली गोष्ट आहे. ती इट हॅपन्स आहे आणि नवीन पुन्हा तयार होत आहे. नवीन फिल्म तयार होत आहे आणि जुनी फिल्म उलगडत आहे.
६६
जोपर्यंत अहंकार आहे तोपर्यंत नवीन कल्पना रेखाटल्याशिवाय राहणारच नाही ना! आपण कितीही समजावले तरीही नवीन योजना केल्याशिवाय राहणार नाही ना ! अहंकार काय करत नाही ? अहंकारानेच हे सर्व उभे राहिले आहे. अहंकार जर विलय झाला तर मुक्ती आहे. संबंध, पुण्य आणि आत्म्याचा....
प्रश्नकर्ता : आत्म्याचा पुण्याशी काही संबंध आहे का ?
दादाश्री : काहीही संबंध नाही. परंतु जोपर्यंत 'बिलिफ' (मान्यता) अशी आहे की, 'हे मी करतो' तोपर्यंत संबंध आहे. जेव्हा 'मी करत नाही' ही 'राईट बिलिफ' बसली त्यानंतर आत्म्याचा पुण्याशी काहीही संबंध नाही. 'मी दान करतो' 'मी चोरी करतो' दोन्हीही ' अहंकार' आहे. जिथे काहीही करण्यात येते तिथे पुण्य बांधले जाते किंवा पाप बांधले जाते.
अज्ञानतेत बांधतो पुण्य-पाप, कर्म !
प्रश्नकर्ता : पापाने किंवा पुण्याने किंवा ह्या दोन्हींचे मिश्रण झाले तर कोणत्या योनीत आपला जन्म होतो?
दादाश्री : जन्म आणि पाप-पुण्य याला काही घेणे देणे नाही. जन्म झाल्यानंतर पाप-पुण्य त्याला फळ देतात. योनी कोणत्या आधारावर मिळते ? की, 'मी चंदूभाऊच आहे आणि हे मी केले' असे बोलतोना, त्यासोबतच योनीत बीज पडले.
आता कर्तापण का आहे? तेव्हा म्हणे, 'करत आहे कोणी दुसरा, परशक्ती काम करत आहे आणि स्वतः असे मानतो की मी करतो. ' परशक्तीचा प्रत्यक्ष पुरावा काय? तेव्हा म्हणे, 'या जगात असा कोणी जन्माला आला नाही की ज्याला शौचाला जाण्याची स्वतंत्र शक्ति असेल. हे तर परशक्ती करवते तेव्हा होते. '
