Nandanvan Kalpataru 2019 11 SrNo 43

Author(s): Kirtitrai
Publisher: Jain Granth Prakashan Samiti

Page 80

जे दट्ठव्वे दटुं, इन्दो काहीअ लोअण-सहस्सं । दंसण-तत्तिं काउं, अरहन्ताणं नमो ताणं ।।५३।। काऊणं कायव्वं, कम्मं काहिन्ति जे ण पुणरुत्तं। जग-बोहमिच्छिराणं, अरहन्ताणं नमो ताणं ।।५४।। जो अणुगच्छइ जच्छइ, छिन्दिउमच्छइ तणुं च तेसि पि। अणभिन्दिअ-भावाणं, अरहन्ताणं नमो ताणं ॥५५॥ सविहे न जाण कुज्झइ, जुज्झइ मुज्झइ भवे अगिज्झन्तो। देही बुज्झइ सिज्झइ, अरहन्ताणं नमो ताणं ॥५६॥ रुन्धिअ-करणं रुम्भिअ-पवणं रुज्झिअ-मणं अपडिएहिं । झायव्वाण मुणीहिं, अरहन्ताणं नमो ताणं ।।५७।। सडिअ-रया कढिअ-मला, वड्डिअ-तव-तेअ-वेढिअङ्गा य । जाणज्ज वि वर-मुणिणो, अरहन्ताणं नमो ताणं ।।५८।। दुकड-संवेल्लिअओ, भव-पासोव्वेढणोज्जओ लोओ। उव्वेल्लिज्जइ जेहिं, अरहन्ताणं नमो ताणं ॥५९।। जे झाउं संपज्जइ, अणखिज्जिर-सिज्जिराण सा सिद्धी। ते वच्चामो सरणं, नच्चिर-मच्चिर-मणा सिद्धे ।।६०।। आणन्द-रोविराणं, जेसु नवन्ताण होइ नोव्वेओ। धाइ समुहं च मुत्ती, ताण नमो सव्व-सिद्धाणं ॥६१।। कुपहे धावन्ति अखादिमं च खादन्ति तेहि वि समं जो। धावइ खाइ अतं पि, हु बोहन्ते झामि आयरिए॥६२।। कम्माइँ वोसिरन्ता, अतुट्टिरेणं तवेण सक्कन्ता। अफुडिअ-अचलिअ-महिमा, आयरिआ दिन्तु ते बोहिं ।।६३।। फुट्टिअ-मोहो लोओ, चल्लइ अपमिल्लिअ-व्वओ मोक्खे। जेहिं अपमीलिअच्छं, पेच्छामो ते उवज्झाए ॥६४।। अणउम्मिल्लिअ-नाणोम्मीलणआ हरिस-पसविरा लोए। सुअ-जलमोज्झाया पवरिसन्तु वित्थरिअ-गुण-भरिआ ॥६५॥ नो रूसइ नो तूसइ, जेऊण मणं लयम्मि जो नेन्तो। मोत्तुं भवं विणीअं, तं साहु-जणं नमसामि ॥६६।।
68