Nandanvan Kalpataru 2019 11 SrNo 43

Author(s): Kirtitrai
Publisher: Jain Granth Prakashan Samiti

Page 91

अणुकंपापयाणम्मि जगडूसाहुणो कहा
अणुकंपापयाणेण, रेहइ धम्मअत्तणं।
जगडुस्सेह दिटुंतो, दुब्भिक्खे दाणदाइणो॥ इह भरहखेत्तम्मि गुज्जरदेसविहूसणमहाविसालसिरिमहावीरसामिचेइयरेहमाणभद्देसरक्खे नयरम्मि भाडलभूवो रजं कासी । सो य पट्टण-नरवइवीसलरायस्स सेवं विहेइ । तत्थ नयरम्मि सालगसेट्ठिणो सिरिदेवी भज्जा, पुत्ता य जगडू-पउम-रायमल्ल नामा होत्था। जगडूसाहू समुद्दतडम्मि हट्टं कासी।
एगया जगडूपासम्मि जाणपत्तेहिं थेण्णकारगा कई पुरिसा समागया। तेहिं वुत्तं - 'अम्हाणं एगं जाणं मयणभरियं पडियमत्थि, जइ भवओ रोएइ तया धणं दाऊणं गहणीयं । जगड तत्थ गओ, मुल्लं च किच्चा मयणभरियं जाणपत्तं गहियं सयडाइं भरिऊणं जगडू गेहे समेओ । जगडूकम्मयरा जगडूपत्तीए पुरओ वयासी - 'जगडूसाहुणा मयणं गहीयं, कत्थ उत्तारिज्जइ ?' । जगडूपत्ती आह - 'अम्हाणं गेहे मयणं पावनिबंधणं गणिज्जइ, तेण नोत्तारिज्जइ' । तओ मयणिट्टिगाओ गिहंगणम्मि लिंबरुक्खस्स हेलुम्मि उत्तारिआओ। जगडू पियाए सद्धिं कलहं कासी, हक्किया सा वएइ - 'मयणवावारम्मि बहुपावं लग्गइ' । तओ मिहं कलिं काऊणं रुट्ठा । जगडू पियाए सद्धिं न जंपेइ । पत्ती वि जगईं न वएइ।
____ एवं मासत्तए संजाए सीयालो समागओ। जगडूपुत्तेण तावणटुं वन्ही पयडीकओ, तम्मि तिणाईणि खिवइ । इओ य बालचवलत्तणेण एगा मयणिट्टिगा अग्गिम्मि पुत्तेण छूढा । मयणं गलियं, तहिं च सुवण्णिट्टिगा पत्तीए दिट्ठा । पत्ती अवयंती वि धणलोहाओ जगईं पइ वयासी - 'इओ विलोइज्जउ' । तओ जगडू संमुहं पि रुट्ठो न विलोएइ । तओ पत्तीए वुत्तं - 'अप्पणो मयणइट्टिगा सुवण्णिट्टिगा संजाया' । तओ संमुहं जाव विलोएइ ताव सुवण्णिट्टिगा दिट्ठा । तओ अन्नासिं इट्टिगाणं परिक्खा कुणिया सुवण्णिट्टिगा य वियाणिया । तओ छन्नं सुवण्णिट्टिगाओ गेहमज्झम्मि आणीयाओ। मयणं पिहं किच्चा विक्किणियं, पंचसयपमाणा सुवण्णिट्टिया संजाया। तओ धम्मपत्ती पियं पइ वएइ - 'गुरवो आगारिजंति, गुरूहिं वुत्ते धम्मम्मि धणं वइज्जइ, धणं सासयं न होइ'।
तओ गुरुणो सुमहूसवपुव्वं वाहरिया। जगडूसाहुणा मयणववसाओ कओ त्ति सोच्चा गुरवो जगडूगेहम्मि विहरिउं न जंति । तओ गुरवो जगईं वयासि - 'अम्हे विहरिस्सामो, एयं सुणित्ता जगडूणा खुल्लगमुणिजुया गुरवो देववंदणटुं आगारिया' । गुरवो तस्स गेहचेइए देवे वंदेइरे । तया
79