Nandanvan Kalpataru 2019 11 SrNo 43

Author(s): Kirtitrai
Publisher: Jain Granth Prakashan Samiti

Page 89

दाणफलं पासिहिसि'।
___ तओ राया नवमासाणंतरं कंतीपुरीए समीवम्मि गओ, तहिं एगस्स चंडालस्स भज्जा पुत्तीछक्कं पसवेसी । घरम्मि दालिदं अत्थि । तीए जया सत्तमो गब्भो संजाओ, तइया गब्भपाडणेच्छा होत्था, परं गब्भो पाडिज्जमाणो वि न पडिओ । कमेण तीए पुत्ती संजाया सा पुत्ती चंडालीए उक्कडम्मि चत्ता।। ___एत्थंतरम्मि राया तत्थ समागओ समाणो चंडालिं वएइ - 'पुत्ती कहं चइज्जइ?' । तओ सा कहेइ - 'इमीए गब्भसंठियाए दुट्ठा डोहला संजाया । घरम्मि अज्जयणं अन्नं नत्थि' । तओ रण्णा धणं दाऊणं सा पुत्ती माउपासाओ पच्छा गहाविया। तया राया पुरीए मज्झम्मि गओ।
इओ य तहिं पुरम्मि भूवस्स पुत्तो उप्पण्णो, सो य थण्णपाणं न कुणेइ। तओ निवाइणो सव्वे दुहिया संति । राया पडहं वाएइ - 'जो रायपुत्तं थण्णं पिवंतं विहेइ, तस्स राया गामसयं देइ' । एवं पडहो वाइज्जमाणो न केण वि फासिओ । तओ पडहफरिसणपुव्वं विक्कमराया भूवपुत्तपासम्मि संगओ। केण वि अस्स बालस्स गलं रुद्धं एवं झाइत्ता नियकंठम्मि असिं दाऊणं वएइ - 'जेण केण वि अस्स बालस्स गलं रुद्धं सिया सो मम पुरओ पयडीहोउ, जइ णो तइया अहं मरिस्सं' ति।
. तओ दाणाहिट्ठियदेवयाए बालमुहम्मि अवयरित्ता वुत्तं - 'भो राय! किं मं उवलक्खेसि न वा?' । विक्कमनरिंदो साहेइ - 'अहं न उवलक्खेमि' । तओ बालो वएइ - 'अहं सोवारगपट्टणवासी भीमसेट्ठिजीवो तुव अब्भागयस्स दाणं दासी, तेण पुण्णेण अहं भूवपुत्तो होत्था' । राइणा पुटुं - 'किवणो कत्थ ओइण्णो अत्थि? ' । बालो आह - 'तुमए चंडालीए पुत्ती चइज्जंती धणं दाऊणं जा गहिया, सा किवणसेट्ठिजीवो वियाणियव्वो । पुण्णरहिओ सो । अहं तु दाणहिट्ठाइगा देवी दाणफलं जाणाविउं अस्स बालस्स आणणम्मि अवरिऊणं वयासी' । तओ बालो वि थण्णं पाउं विलग्गो। देवी सट्ठाणम्मि गया। बालपिउणा गामसयं दिज्जमाणं विक्कमक्को नरवई न गिण्हेइ। एवं दाणफलं देवयाए मुहाओ सोच्चा राया लोगो वि सइ दाणतल्लिच्छो होत्था। उवएसो -
साहसं विक्कमस्सेह, भीमस्स य गई तहा। सोच्चा अइहिसक्कारे, सावहाणो सया भव ॥
दाणादाणफलम्मि भीम-किवणसेट्ठिणो
कहा समत्ता॥
- पबंधपचंसईए
77