________________
સફળતાને પામે – એવી મંગલકારી, ઉદાર મનઃકામના તેમજ શુભાશીષથી છલકાતું મુહૂર્તદાન; આ બધુંએમના પ્રત્યે સકલ સંઘને શ્રદ્ધા પ્રેરવા માટેનું પરમ નિદાન હતું.
શાસનનાં કેટકેટલાં કાર્યો એમની પ્રત્યક્ષ નિશ્રા અથવા દોરવણી હેઠળ થયાં છે ! ૨૦૧૪નું સંમેલન અને તેમાં શાસ્ત્રમાર્ગની રક્ષા; શુદ્ધ માર્ગને અનુસરનારા સંઘની એકતા તથા અખંડિતતા; ભગવાન મહાવીરની ૨૫મી નિર્વાણશતાબ્દી; શત્રુંજયગિરિરાજ પર નૂતન ટૂંકની સ્થાપના તથા પ્રતિષ્ઠા; આ અને આવાં શાસનને સ્પર્શતાં અગણિત સત્યકાર્યોની શ્રેણિ, નિઃસંદેહપણે તેમના જમા પાસાંમાં ગણાવી શકાય તેમ છે.
પંડિતવર્ય સુશ્રાવક છબીલદાસ કેસરીચંદ સંઘવી તો પૂજ્ય શાસનસમ્રાટ, સાગરજી મહારાજ, નંદનસૂરિ મહારાજ તથા તત્કાલીન સમર્થ શાસન પ્રભાવક મહાપુરુષોના સાંનિધ્યમાં વર્ષો સુધી રહ્યા છે. તેઓનું સ્પષ્ટ નિરીક્ષણ છે કે “નેમિસૂરિજી મહારાજ ગયા ત્યારે સંઘને મોટી ખોટ પડી; ઉદયસૂરિજી મહારાજ ગયા તો પણ સંઘને અપૂરણીય ખોટ પડી; પણ એ બધાયની ખોટનો અનુભવ નંદનસૂરિ મહારાજના નેતૃત્વ અને માર્ગદર્શન મળતાં રહેવાને કારણે સંઘને ઝાઝો થયો નહિ. પરંતુ જ્યારે નંદનસૂરિ મહારાજે વિદાય લીધી, ત્યારે તો આ ત્રણે ગુરુ ભગવંતોની ખોટ એકી સાથે સંઘને પડી ગઈ હોવાનો અનુભવ થયો. આચાર્યો તો ઘણા છે, થાય છે ને થશે; પણ નંદનસૂરિ મહારાજની હોડ કરે તેવા મહાપુરુષ હવે ભાગ્યેજ જોવા મળશે.”
૪૯
