________________
૮૬
દીપક - હે મહાશયજી ! સંદેહ વગર અમો ઘીનો દીવો સળગાવીને પરમાત્માની મૂર્તિની આગળ મૂકીએ છીએ અને આનાથી આ ભાવના ભાવીએ છીએ કે હે ભગવન્! જેવી રીતે દીપકનો પ્રકાશ થવાથી અંધકાર દૂર થઈ જાય છે. તેવી રીતે જ ખરેખર આપની કરેલ ભક્તિથી મારા અંદરમાં પણ કેવલજ્ઞાન (બ્રહ્મજ્ઞાન) રૂપ પ્રકાશ થાય. જેથી મારો પણ બધો અજ્ઞાનરૂપી અંધકાર દૂર થઈ જાય.
ચોખા :- જેને સંસ્કૃતમાં અક્ષત કહે છે આને ચઢાવતી વખતે આ ભાવના ભાવીએ છીએ કે હે ભગવાન્ ! હે પ્રભો ! અક્ષતપૂજાથી મને પણ અક્ષય સુખની પ્રાપ્તિ થાય.
મિઠાઈ - પકવાન :- આ પદાર્થને ચઢાવવાથી અમો ભાવના ભાવીએ છીએ કે હે ભગવન્! હું અનાદિકાળથી જ આ પદાર્થોનું ભક્ષણ કરતો આવ્યો છું, પરંતુ મારી તૃપ્તિ થઈ નથી. એટલે હું આ મિઠાઈ આપને અર્પણ કરીને પાર્થના કરું છું કે હું પણ આપની ભક્તિના પ્રતાપથી આ પદાર્થોથી તૃપ્ત થઈ જાઉ (મુક્ત થઈ જાઉ) હે પ્રિય ! અમો અમારા બીજા હિન્દુભાઈઓની જેમ ભોગ ચઢાવતા નથી પણ ઉપર જણાવેલ આઠ પ્રકારની વસ્તુઓથી (જેમાં સંસારની બધા પ્રકારની હર્ષની સામગ્રી આવી જાય છે અને જેને અમો અષ્ટદ્રવ્ય કહીયે છીએ) પ્રભુની મૂર્તિ સમક્ષ અર્પણ કરીને ઉપર લખ્યા પ્રમાણે ભાવના ભાવીએ છીએ અથવા આ