Krushna Gita

Author(s): Manoharkirtisagarsuri
Publisher: Buddhisagarsuri Jain Samadhi Mandir

Page 5

પરમ પ્રકાશનો પંથ આજે આ વિશ્વમાં જ્યાં જુઓ ત્યાં અને જ્યાં જાઓ ત્યાં, . અત્ર-તત્ર - સર્વત્ર ગ્રન્થ અને પંથનો કોઈ જ તોટો નથી. ગ્રન્થ ગ્રન્થ પંથ છે. પંથે પંથે ગ્રન્ય છે. ગ્રન્થનો પ્રઘોષ કરે છે પંથ. પંથનો પ્રકાશ કરે છે ગ્રન્થ. ગ્રન્થ પંથની પ્રશસ્તિ કરે છે. પંથ ગ્રન્થનું પ્રદર્શન કરે છે.. કેટલાક જોર શોરથી ગર્જના કરે છે- મારો ગ્રન્થ.સાચો. પ્રેસ અને પ્લેટફોર્મના માધ્યમથી પ્રચાર કરે છે- મારો પંથ સત્ય. કેટલાક કેશવના રાગી, અનુરાગી અને અનુયાયી. કોઈક છે પંથના પ્રેમી, પાગલ અને પ્રબુદ્ધ . , આ પ્રમાણે આ દુનિયામાં ગ્રન્થ, પંથના પ્રેમીઓનો તોટો નથી. પણ...ગ્રચિને દૂર કરે, તે જ સાચો ગ્રન્થ.
પામરતાને પીંગળાવે, પરમત્વને પ્રગટાવે અને પરમનો પ્રકાશ પાથરે, તેજ સાચો પંથ... *
પરંતુ હા... પરમને પામવા તો પંથ અને ગ્રન્થની પકડમાંથી મુક્ત થવું પડે અને તો જ પરમનો આસ્વાદ શક્ય બને. પરમની અનુભૂતિ પ્રાપ્ત થાય. સર્વ ગ્રન્યો અને તમામ પંથોનો પારમાર્થિક સાર અને મર્મ તો એ છે કે, પરમના પ્રકાશની અનુભૂતિ કરવી.
આ અનુભૂતિ પ્રાપ્ત કરવા પરમ પૂજ્ય, યોગનિષ્ઠ આચાર્ય ભગવન્ત શ્રીમદ્બુદ્ધિસાગર સૂરીશ્વરજી મહારાજાવિરચિત “કૃષ્ણ-ગીતા”. ગ્રન્થનું સતત અધ્યયન, સાતત્યપૂર્ણ મનન અને અહર્નિશ નિદિધ્યાસન નિતાંત નિર્વિવાદ આવશ્યક છે.
વિશ્વના તમામ જીવો આત્માનુભૂતિ પ્રાપ્ત કરો એજ અત્તરની અભિલાષા અને અને પૂજ્યપાદુ, પરમ શાસન પ્રભાવક આચાર્ય દેવેશશ્રી સુબોધસાગર સૂરીશ્વરજી મહારાજાના અત્તરના આશીર્વાદથી ભાવાનુવાદ ગ્રન્થનું આલેખન કરતાં શ્રી જિનાજ્ઞાથી વિપરિત જાણતા, અજાણતા અનુપયોગે કંઈપણ નિરૂપણ થયું હોય તો મન, વચન અને કાયાના ત્રિવિધ યોગથી મિચ્છામિ દુક્કડ...
મનોહરકીર્તિસાગર સૂરિ