Krushna Gita

Author(s): Manoharkirtisagarsuri
Publisher: Buddhisagarsuri Jain Samadhi Mandir

Page 4

અનુભૂતિનો આનંદ
પરમાધ્યપાદ, પરમાદરણીય, યોગનિષ્ઠ રંન્ધર, સૂરિપુરન્દ્ર આચાર્ય ભગવન્ત શ્રીમદ્ બુદ્ધિસાગર સૂરીશ્વરજી મહારાજાએ ૨૪ વર્ષના અત્યન્ત અલ્પ પરમ વિશુદ્ધ નિર્મળ ચારિત્ર પર્યાય કાળમાં આત્મ ધ્યાનના પ્રભાવે આત્માનુભૂતિ કરી એકસો પચાસથી અધિક મોક્ષૈકલક્ષી પારમાર્થિક ગ્રન્થોનું પરમ શુદ્ધ વિશુદ્ધ ભાવે સર્જન કરી આ વિશ્વ ઉપર જે અવર્ણનીય, અતુલનીય, અનુપમેય ઉપકારોની શ્રેણિ ધારાબદ્ધ વર્ષા કરી છે, તેનું વર્ણન કરવા અમો અસમર્થ છીએ, કારણકે.........
પૂજ્યપાદશ્રીનું આધ્યાત્મિક શ્રુતજ્ઞાન, આધ્યાત્મિક અનુભવજ્ઞાન, આધ્યાત્મિક આત્મ ધ્યાન, આધ્યાત્મિક કોટીનું ઉચ્ચ સચ્ચારિત્ર, આત્માનુ-ભૂતિ યુક્ત યોગમય જીવન અને પરમપદ પ્રદર્શક કવન શબ્દાતીત છે, વર્ણનાતીત છે.
પરમ યોગીશ્વર ગુરુદેવ ભગવન્ત આચાર્ય શ્રીમદ્ બુદ્ધિસાગર સૂરીશ્વરજી મહારાજા તથા પૂજ્યપાદ, પ્રશમનિધિ આચાર્ય ભગવત્ત શ્રીમત્ કીર્તિસાગર સૂરીશ્વરજી મહારાજના દિવ્ય આશીર્વાદથી તથા પરમપૂજ્ય, પરમશાસન પ્રભાવક, પારમાર્થિક મોક્ષૈકલક્ષી પ્રાભાવિક પ્રવચનકાર આચાર્ય દેવેશ શ્રી સુબોધસાગર સૂરીશ્વરજી મહારાજાના અત્તરના આશીર્વાદથી પ્રસ્તુત ‘કૃષ્ણ-ગીતા’ સંસ્કૃત ગ્રન્થના ભાવવાહી ગુજરાતી ભાષામાં ભાવાનુવાદક પરમપૂજ્ય, પ્રશાન્તમૂર્તિ આચાર્યદેવ શ્રીમદ્ મનોહરકીર્તિસાગર સૂરીશ્વરજી મ.સા. એ ધર્મપ્રેમી, ધર્માનુરાગી, ધર્મનિષ્ઠ, મોક્ષૈકલક્ષી વિશ્વવર્તી તમામ ભવ્યાત્માઓ ઉપર જે અવર્ણનીય મહાન ઉપકાર કર્યો છે, તેનું અભિવાદન કરવા અમે ભાગ્યશાળી બન્યા
છીએ.
વિશ્વના તમામ જીવો સાંસારિક અશુદ્ધ પર્યાયમાંથી મુક્ત બનવા આત્મ ધ્યાનના પ્રભાવે આત્મ રમણતા કરી, સ્વ આત્મ દ્રવ્યના અનંત પરમ વિશુદ્ધ ગુણોનો આવિર્ભાવ કરી, આત્માના અનંત પર્યાયોની પરમ વિશુદ્ધિ કરી પરમપદ - મોક્ષ, મુક્તિ - સિદ્ધત્વને પામે, એજ અત્તરની શુભાભિલાષા.
તેમજ ન્યુ યુનિવર્સલ પ્રિન્ટર્સ'ના માનાર્હ પ્રોપ્રાયટર શ્રી વસંતભાઈ સી. મહેતાનો અન્તઃ કરણ પૂર્વક માનીએ છીએ.
સદ્ ગુરુ ચરણ સેવક... ટ્રસ્ટી ગણ