Kasaya Pahuda Sutta

Author(s): Hiralal Jain
Publisher: Veer Shasan Sangh Calcutta

Page 1021

कसायपाहुड-सुत्तगाहा (३६) कामो राग णिदाणो छंदो य सुदो य पेज्ज दोसो य ।
णेहाणुराग आसा इच्छा मुच्छा य गिद्धी य ॥८९।। (३७) सासद पत्थण लालस अविरदि तण्हा य विज्ज जिब्भा । लोभस्स णामधेज्जा वीसं एगडिया भणिदा (५) ॥९०॥
१० सम्मत्त-अत्थाहियारो (३८) दसणमोह-उवसामगस्स परिणामो केरिसो भवे ।
जोगे कसाय उवजोगे लेस्सा वेदो य को भवे ॥९१॥ (३९) काणि वा पुव्यवद्धाणि के वा असे णिवंधदि ।
कदि आवलियं पविसंति कदिण्हं वा पवेसगो ॥१२॥ (४०) के अंसे झीयदे पुव्वं बंधेण उदएण वा ।
अंतरं वा कहिं किच्चा के के उवसामगो कहिं ।।९३।। (४१) किंहिदियाणि कम्माणि अणुभागेसु केसु वा ।
ओवट्टेण सेसाणि कं ठाणं पडिवज्जदि ॥९४।। (४२) दसणमोहस्सुवसामगो दु चदुसु वि गदीसु बोद्धव्यो ।
पंचिंदिओ य सपणी णियमा सो होइ पज्जत्तो ॥९५॥ (४३) सव्वणिरय-भवणेसु दीव-समुद्दे गुह-जोदिसि-विमाणे ।
अभिजोग्ग-अणभिजोग्गे उवसामो होइ बोद्धब्बो ॥९६।। (४४) उवसामगो च सव्वो णिव्याघादो तहा णिरासाणो ।
उवसंते भजियव्यो णीरासाणो य खीणम्मि ॥९७॥ (४५) सागारे पट्ठवगो णिहवगो मज्झिमो य भजियव्यो ।
जोगे अण्णदरम्हि य जहण्णगो तेउलेस्साए ।।९८।। (४६) मिच्छत्तवेदणीयं कम्मं उवसामगस्स बोद्धव्यं ।
उवसंते आसाणे तेण पर होइ भजियव्यो ।।९९।। (४७) सव्बेहि द्विदिविसेसेहिं उवसंता होति तिणि कम्मंसा ।
एकम्हि य अणुभागे णियमा सव्वे डिदिविसेसा ॥१०॥ (४८) मिच्छत्तपञ्चयो खलु वंधो उवसामगस्स बोद्धव्यो ।
उवसंते आसाणे तेण परं होइ भजियवो ॥१०१॥ (४९) सम्मामिच्छाइट्ठी दंसणमोहस्सऽबंधगो होइ।
वेदयसम्माइट्ठी खीणो वि अबंधगो होइ ।।१०२॥ (५०) अंतोमुहुत्तमद्धं सबोवसमेण होइ उवसंतो ।
तत्तो परमुदयो खलु तिण्णेकदरस्स कम्मस्स ।।१०३।।