________________
પરમાણુ શિવ બની જાઓ” આ પંક્તિનો અર્થ છે કે બાહ્ય વાતાવરણમાં અણુ-પરમાણુ પાપના સાધનોને બદલે ધર્મસાધનના રૂપમાં પરિવર્તિત થઈ જાય. જેનાથી મંદિર, ઉપાશ્રય વધશે તેમજ પાપના સાધનો ઘટશે. આ બાહ્ય વાતાવરણ શુદ્ધ અર્થાત્ શિવ રૂપ બનશે તથા બાહ્ય વાતાવરણ શિવ રૂપ બનવાથી દરેક વ્યક્તિના મન ઉપર તેનો સુંદર પ્રભાવ પડશે.
જેમ તીર્થભૂમિના શુદ્ધ વાતાવરણમાં ત્યાં શિવ રૂપ બનેલા અણુ પરમાણુનો પ્રભાવ વ્યક્તિના મન ઉપર પડે છે, જેથી મનના પરમાણુ પણ શિવ રૂપ બની જાય છે તથા જેના મનમાં શુદ્ધ વિચાર ચાલે છે, તેની ભાષા પણ સુંદર બની જાય છે. એટલે કે ભાષા પણ શિવ રૂપ બની જાય છે અને જેના મન-વચન શુભ થઈ જાય તેની કાયાનું વર્તન પણ શિવ રૂપ બની જાય એમાં કોઈ આશ્ચર્ય નથી. આ પ્રમાણે અણુ-પરમાણુના શિવ રૂપ બની જવાથી દરેક વ્યક્તિના મન-વચન-કાયાના યોગ પણ શુભ બની જાય છે.
આખા વિશ્વનું મંગલ થાઓ” એટલે કે વાતાવરણની શુદ્ધિથી જીવ માત્રનું મંગલ થાઓ, સર્વે જીવો સુખી બને.
“સર્વે જીવો મોક્ષે જાઓ” અહીં સુખી થયા પછી કોઈ જીવ ભવિષ્યમાં દુઃખી ન બને. માટે બધા જીવો શાશ્વત સુખના સ્થાનરૂપ મોક્ષને પ્રાપ્ત કરે. એવી શુભ ભાવના આ મંત્રમાં વ્યક્ત કરવામાં આવી છે.
આ નાનકડા મંત્રમાં વિશ્વ મંગલની ઉત્કૃષ્ટ ભાવના વ્યક્ત થાય છે. સર્વ જીવોની મોક્ષની ભાવના આપણે જેટલી વધારે કરીએ, આપણો મોક્ષ એટલો જ જલ્દી થાય છે. આ પ્રકૃતિનો નિયમ છે કે આપણે બીજા માટે જે વિચારીએ છીએ તે જ આપણને મળે છે. જો આપણે બીજાઓનું ભલુ ઈચ્છીએ તો આપણું પણ ભલુ થાય છે. તેમજ બીજાઓનું ખરાબ ઈચ્છીએ તો આપણું પણ ખરાબ થયા વિના રહેશે નહીં. ત્રીજો મંત્ર - “તીર્થકર મારા પ્રાણ, ક્ષાયિક પ્રીતિથી નિર્વાણ” (રોજ ૨૭ વખત ગણો)
જેને વિશ્વમંગલ કરવું હોય તેને તીર્થંકર પરમાત્માથી અતિશય પ્રીતિ કરવી પડશે અને પ્રીતિને દેઢ બનાવવા માટે આ મંત્રનો જાપ બહુજ સહાયક છે. જે પ્રમાણે પ્રાણ વિના જીવન નથી હોતું તે પ્રમાણે તીર્થંકર પ્રભુને પ્રાણથી પણ અધિક પ્રિય બનાવવા પડશે. જેથી પ્રભુની સાથે આપણી પ્રીતિ લાયિક પ્રીતિ બનશે. ક્ષાયિક પ્રીતિ એટલે કે આ શરીરના નાશ થયા પછી પણ જો પ્રેમ પરભવમાં સાથે આવે ક્યારેય ક્ષય ન થાય એ ક્ષાયિક પ્રીતિ છે. આ ક્ષાયિક પ્રીતિ અવશ્ય જ વ્યક્તિને સીમંધર પરમાત્માથી મિલન કરાવે છે. આ પ્રમાણે આ ત્રણ મંત્રોને જીવન મંત્ર બનાવવાથી સહજ જ જીવનો મોક્ષ તરફ પ્રયાણ થઈ જાય છે.
