________________
(આ બધુ જોઈને ડૉલી બધી વાત સમજી ગઈ. એટલામાં સમીરે તેને ભેટ આપી. ભેટ જોઈને..) ડૉલી સમીર ! આ તો એજ ડ્રેસ છે ને જે તે દિવસ.. (ડૉલી બધી વાત સમજી ગઈ. ડૉલીની આંખો ખુશીથી છલકાઈ ગઈ) સમીર (આંસુ લૂછતા) ડૉલી એમાં રડવાની શું વાત છે? તું તો મારું સપનું છે અને મારા સપનાનું સપનું હું પુરૂ નહીં કરું તો કોણ કરશે? ડૉલી: સમીર તમને કેવી રીતે ખબર પડી કે આવી રીતે બર્થ-ડે પાર્ટીની વ્યવસ્થા કરવી તે મારું સપનું હતું. સમીર : ડૉલી, કદાચ તું ભૂલી ગઈ હોય પણ હું કેવી રીતે ભૂલી શકું. યાદ છે કૉલેજમાં તારા જન્મદિવસે તે મને કહ્યું હતું કે “સમીર મારી બહુ ઈચ્છા છે કે હું એક આલીશાન ફાઈવસ્ટાર હોટલમાં બર્થ-ડે પાર્ટી આપું. મારી બધી સહેલીઓને આમંત્રણ આપું. હું તૈયાર થઈને હોટલમાં પ્રવેશ કરું. ત્યારે બધા મને વીશ કરે અને બાજુમાં મ્યુઝીક પણ હોય”. ડૉલી એ સમયે આ બધું મારા હાથમાં નહોતુ કારણ કે એ સમયે મારી પરિસ્થિતિ સારી નહોતી. આજે તો હું કરી શકું છું ને બસ તારી સહેલીઓને બોલાવી શક્યો નહીં, તેનો મને અફસોસ છે. ડૉલી તેમની હવે મને કોઈ જરૂર નથી. સમીર! મને તમે મળી ગયા તો બધું મળી ગયું. સમીર કયા શબ્દોમાં કહ્યું કે હું કેટલી ખુશ છું. એક મિત્ર: અરે હવે મીયા-બીબીની કાનાફુસી બંધ થાય તો અમને પણ ભાભીજાન ને મળવાનો અને એમને વશ કરવાની તક મળે. (બધા હસી પડ્યા) સમીરે બધાની સાથે ડૉલીને પરિચય કરાવ્યો. ખાતાં, પીતાં, નાચતાં મોડી રાત સુધી પાર્ટી ચાલતી રહી. પોતાના બધા જ સપના સાકાર થતાં જોઈને ડૉલી તો પોતાની જાતને વિશ્વની સહુથી ખુશનસીબ ઈન્સાન માનવા લાગી એને ક્યારેય કલ્પના પણ નહોતી કરી કે સમીર તેને આટલી મોટી ભેંટ આપશે. આ પ્રમાણે ભોગ-વિલાસમાં ડૂબેલી ડૉલીએ ગર્ભધારણ કર્યો અને ખુશ થઈને એણે આ વાત સમીરને જણાવી. ડૉલી શી વાત છે સમીર? મારી વાત સાંભળીને તમારા ચહેરા ઉપર એ ખુશી નથી દેખાતી જે દેખાવવી જોઈએ. કોઈ ટેન્શન છે શું? સમીરઃ ડૉલી, એ તો શું છે તે વાત તો ખુશીની છે પણ, આમ પણ આપણું ઘર નાનું છે, આટલી ગરીબીમાં એ નવા મહેમાનની પરવરીશ બહું જ મુશ્કેલ છે. એટલા માટે હું વિચારું છું કે નોકરી અને નવો ફલેટ લીધા પછી જ આપણે આ બધી વસ્તુઓ માટે વિચારીશું. હમણાં તો તું એબોર્શન કરાવી લે એજ સારું રહેશે. ડૉલી: શું? એબોર્શન... સમીર આ શું કહી રહ્યા છો તમે? આ તો આપણા પ્યારની પહેલી નિશાની છે. નહીં સમીર...
