________________
શોકની સરિતા... પાપની ગુફા.... કપટની કોટડી... ક્લેશનું મૂળ.... વેર-આગની અરણિકાષ્ઠ... દુઃખની ખાણ.... સુખનો વિપક્ષ... આ છે સ્ત્રી.
સ્ત્રીથી સુખી થવા જવું એ ઝેર ખાઈને જીવવા જવા જેવું છે. હકીકતમાં એ બંને અશક્ય છે, મૂર્ખામીથી વધુ કાંઈ જ નથી. આરાધનાપતાકા ગ્રંથ સ્ત્રીવૈરાગ્યનો ત્રીજો ઉપાય કહે છે શરીરની અશુચિનું ચિંતન.
देहस्य बीयणिप्फत्ति खित्तमाहारजम्मवुड्ढीओ । अवयवनिग्गममसुइं पिच्छसु वाही जरा चेव ॥ શરીર બને છે અશુચિમય શુક્ર-શોણિતથી. શરીર વધે છે અશુચિમય એંઠવાડથી. શરીર જન્મે છે મહાઅશુચિમય લજ્જનીય અંગથી. શરીર વધે છે બાળપણની અશુચિમય ચેષ્ટાથી. શરીરનું એક એક અંગ સતત અશુચિ છોડે છે. એ વળી રોગાવિષ્ટ થઈને વધુ ગંદું થાય છે એ જ ઘરડું થઈને લાળ પાડે છે ખાંસી ખાધા કરે છે બેવડ વળી જાય છે, એ પોતાના માટે ય ભાર બની જાય છે. શરીરમાં રાગ કરવા જેવું છે જ શું ?
આરાધનાપતાકા ગ્રંથ સ્ત્રીવૈરાગ્યનો ચોથો ઉપાય આપે છે - વૃદ્ધસેવા. બે પ્રકારના વૃદ્ધ હોય છે જ્ઞાનવૃદ્ધ અને વયોવૃદ્ધ. આ બંને વૃદ્ધોની સેવા સ્ત્રીવેરાગ્યને પુષ્ટ કરે છે. જ્ઞાનવૃદ્ધ કે વયોવૃદ્ધ એ બંનેના સાન્નિધ્યમાં રહેવું, એ બંનેને ઉપયોગી થવું, એ બંનેને આધીન રહેવું, આનું નામ વૃદ્ધસેવા.
—
-
૭૧
Easy
