Bhav Bhavna Prakaranam Part 02

Author(s): Subodhchandra Nanalal Shah
Publisher: Gangabai Jain Charitable Trust Mumbai

Page 489

भव- भावना प्रकरण
रोगांतक सहने सनत्कुमारचक्रिकथा
सयसिकरो ब्व विहिओ न मओ निरुवकमाउ अमरो त्ति । घाएहिं पुणकंतो सब्वंगं पीडिओ बाढं ॥ अह विरसमारसेउं नहो जक्खो तओ कुमारस्स । कोऊहलागएहिं सुरेहिं विजाहरेहिं च ॥३३॥ मुका बुट्टी कुसुमाण सुटु जक्खो जिओत्ति उग्घुटुं। तोसरवराओ चलिओ कुमरोवि हु पच्छिमदिणम्मि ॥ जा थेवभूमिभागं वच्चइ ता नंदणाभिहाणवणे । धूयाओ अट्ठ पेच्छइ विजाहरभाणुवेगस्स ॥३५॥ । ताहिं दिसाकुमरीहिं व पलोइओ सो सिणिद्धदिट्टीए । तेणा वि विम्हिएणं पुट्ठा उवसप्पिउं एका ३६॥ भद्दे काओ तुम्भे किं सुन्नमलंकियं इमं रणं । ताहिं भणियं महायस ! अस्थि अदूरे इओ अम्हं ॥३७॥ पियसंगमाभिहाणा नयरी वीसमह तीए तातुन्भे | तो सव्वं पि मुणिस्सह इय भणिए तीए सो चलिओ किंकरदरिसियमग्गो पत्तो नयरीए तीए रायघरे । सिरिभाणुवेगविजाहरण अब्भुट्टिअं गुरुए ॥३९॥ रयणासणम्मि उववेसिऊण भणिओ महायस ! इमाणं । मह घूयाणटुण्हं कहिओ नेमित्तिएण पुरा अमियक्खजक्वविजई वरो त्ति पत्तो सि सो तुमं इहि । ता पाणिग्गहणेणं अणुग्गहं कुणसु एयाणं इय भणिए कुमरेणं तकालोच्चियविहाणओ ताओ। परिणीयाओ अट्ट वि रम्मम्मि य वासभवणम्मि ॥ स्यणीए ताहिं समं भोए भोत्तं सुरोवमे सुत्तो । संजाए य पभाए करबद्धं कंकणं मोत्तं ॥४३॥ अन्नं न किंपि पेच्छइ भजाओ खेयरे घरं नयरं । चिट्ठइ केवलभूमीए चिंतए सो तओ कुमरो ॥४४॥
॥ ४५८॥