Bhav Bhavna Prakaranam Part 02

Author(s): Subodhchandra Nanalal Shah
Publisher: Gangabai Jain Charitable Trust Mumbai

Page 495

भव भावना प्रकरणे
तम् अदमि निवो मरइ त्ति इमो विणिच्छिउं चित्ते । नेऊण दंसियं तं गलंत बहुपूयरुहिरोहं ॥ ११० ॥ वायसकड्ढियनयणं सव्वत्थ वि सलवलंत किमिजालं । तिक्खविहंगमचं चुप्पहारनिवडियख्य समूहं ॥ दहूण तयं राया कलेवरं दुभिगंधवीभत्थं । झत्ति विसन्नो हियए अप्पाणं निंदर बाढं ॥ ११२ ॥ रे जीव ! जस्स कज्जे लज्जं मोत्तुं तए न गणिया । जाईकुलसीलाई फुसिओ चंदुज्जलजसोहो ॥११३॥ तस्स मयच्छ्रीदेहस्स परिणई एस एरिसी जाया । सयलजणसोयणिज्जा जा तीरइ नेय दट्टु पि ॥११४॥ इसो वेरग्गगओ परिहरिऊणं तणं व रायसिरिं । सूव्वयसूरिसयासे दिक्खं पडिवजए विहिणा ॥ छुट्टट्टमदसमदुवालसाइ उग्गं तवं तहिं काउं । अणसणविहिणा पच्छा सणकुमारे सुरो जाओ ॥ ११६ ॥ तत्तोय चवेणं रणउरे पुरवरम्मि संजाओ । जिणवयणभावियप्पा जिणधम्मो नाम सेट्टिसुओ ॥ सेट्टी व नागदत्तो अज्झाणं गओ पियाविरहे । मरि तिरिएसु य हिंडिऊण सीहउरनयर म्मि | ११८ | नामेण अग्गिसम्मो वंभणपुत्तत्तेणेण उप्पन्नो । घेत्तूण तिदंडिवयं कयाइ देसेसु हिंडतो ॥ ११९ ॥ सो रयणपुरे पत्तो दोहं मासाण पारइ सया वि । अक्खित्तो तेण जणो तत्थ य हरिवाहणो राया ॥ भत्तो भगवाण मुणेइ आगयं तं तिदंडियं तत्थ । पारणए य निमंतइ समागओ सो य तग्गेहे ॥ १२१ ॥ जिधम्मोsवि हु पासे निवस्स कहमवि य दिव्वजोएण । पत्तो दिट्ठो भगवेण पुत्र्वभववेरवसओ य ॥
सनत्कुमारस्य
पूर्वभव वर्णनम्
॥ ४६४ ॥