Bhav Bhavna Prakaranam Part 02

Author(s): Subodhchandra Nanalal Shah
Publisher: Gangabai Jain Charitable Trust Mumbai

Page 498

रनाहिसेयमहिमं सणंकुमारस्स कुणसु तं गंतुं । छत्तं मउडं हारं कुंडलजुयलं सचमरजुयं ॥१४९॥ पाउयजुयलं वरखोमजुयलसीहासणं सपयवीढं । वणमालं अन्नं पि हु अप्पेजसु पाहुडमिमंति ॥१५०॥ वत्तव्वं च तए जह वत्तं तुह पुच्छए सुहम्मवई । अब्भुवगंतुं एयं वेसमणो वच्चए तत्थ ॥१५॥ रंभातिलोत्तमाओ गंधवपट्ट य तुंबरुयनामा । गंधब्वियआउजियसहिओ सकस्स वयणेण ॥१५२॥ 9 वचइ तहिं कहेइ य वेसमणो सिरिसणंकुमारस्स । रजाहिसेयकज्जे तुम्हाणं पेसिओ अहयं ॥१५३॥
सक्केण ततो कुब्वइ मणिपीढं जोयणप्पमाणं सो । अह सेयमंडवं तदुवरिं च वेउब्वियं कुणइ ॥१५४॥ मणिपेढियं च रयणेहिं निम्मियं कुणइ उवरि पीढस्स । सीहासणं तदुवरिं ठवेइ मणिरयणनिम्मवियं ।।
तदुवरि निवेसिऊणं सणंकुमारं सुरेहिं संजुत्तो । वेसमणो खीरोयहिजलेण मणिरयणकलसेहिं ॥१५६॥ Pe अहिसिंचइ जयजयरवदंदुहिसहेण जणियजणहरिसो । सुरवइपेसियआहरणपवरवत्थेहिं अलंकरइ ।१५७।
गंधवाणीएण य सहरिसनचंतरंभमाईहिं । विहिए पेच्छणए अइमहंतविच्छड्डपुवम्मि ॥१५८॥ नयरपवेसे य कए वेसमणो सह सुरेहिं सहाणे । वच्चइ सणंकुमारोऽवि पालए चक्कवहिपयं ॥१५९॥ अह अन्नया सुरिंदो सोयामणिनाडयं निरिक्वंतो । चिट्टइ जा सोहम्मे ताईसाणाउ कप्पाओ ॥१६॥ संगमओ नामेणं तस्स सयासम्मि सुरवरो एइ | सकसभाए य सुरा तह कह वि ह तस्स तेएण ॥
॥ ४६७॥