________________
ಸಂಘರ್ಷಣೆಯನ್ನು ತಪ್ಪಿಸಿ ಕೊಳ್ಳುವುದಾಗಿದೆ. ಒಂದು ಪ್ರಕೃತಿಯ ಉದಯ ಕರ್ಮದ ಅನುಗುಣವಾಗಿ ಮತ್ತೊಂದು ಪ್ರಕೃತಿಯು ಎದುರಾಗಿ ಬರುತ್ತದೆ. ಆದುದರಿಂದ ನಾವು ಹೇಳುವುದೇನೆಂದರೆ, ನಮ್ಮದೇ ಕರ್ಮದ ಉದಯವಾಗಿದೆ, ಅದಕ್ಕೆ ಎದುರಿನವರು ನಿಮಿತ್ತರಾಗಿದ್ದಾರೆ. ಅವರು ಕೊಟ್ಟು ಹೋದರೆಂದರೆ ಅಲ್ಲಿಗೆ ನಮ್ಮ ಲೆಕ್ಕಾಚಾರ ಚುಕ್ತವಾಯಿತು ಎಂದು; ಇದು 'ಸೊಲ್ಯೂಷನ್' ಆಗಿದೆ. ಇದರಲ್ಲಿ ಎಲ್ಲಿಯೂ ಸಹನೆ ಮಾಡಬೇಕಾಗಿಯೇ ಇಲ್ಲವಲ್ಲ!
ಹೀಗೆ ಯಾವುದನ್ನೂ ಸರಿಯಾಗಿ ಅರ್ಥಮಾಡಿಕೊಳ್ಳದೆ ಸುಮ್ಮನೆ ಸಹನೆ ಮಾಡುವುದರಿಂದ ಏನಾಗುತ್ತದೆ? ಎಂದಾದರೊಂದು ದಿನ ಆ ಸ್ಪಿಂಗ್ ಮೇಲೆ ಹಾರುತ್ತದೆ. ಸ್ಪಿಂಗ್ ಮೇಲೆ ಹಾರುವುದನ್ನು ನೋಡಿದ್ದೀರಾ? ನಮ್ಮ ಸ್ಪಿಂಗ್ ಕೂಡಾ ಬಹಳ ಹಾರುತ್ತಿತ್ತು. ತುಂಬಾ ದಿನಗಳವರೆಗೆ ಸಹನೆ ಮಾಡಿಕೊಂಡಿದ್ದು ಮತ್ತೆ ಒಂದು ದಿನ ಮೇಲೆ ಜಿಗಿದು ಎಲ್ಲವನ್ನು ಚೆಲ್ಲಾಪಿಲ್ಲಿ ಮಾಡಿಬಿಡುತ್ತಿತ್ತು. ಇದೆಲ್ಲಾ ಅಜ್ಞಾನದ ಸ್ಥಿತಿಯಲ್ಲಿ ಇದ್ದಾಗ ಆಗಿರುವುದು, ಅದು ನನಗೆ ನೆನಪಿದೆ. ಅದು ನನ್ನ ಲಕ್ಷೆಯಲ್ಲಿ ಇದೆ. ಆದುದರಿಂದ ನಾನು ಹೇಳುತ್ತಿರುವುದು, ಸಹನೆ ಮಾಡುವುದನ್ನು ಕಲಿಯಬೇಡಿ. ಈ ಅಜ್ಞಾನದಲ್ಲಿ ಇರುವಾಗ ಸಹನೆ ಮಾಡಿಕೊಳ್ಳಬೇಕು ಎನ್ನುವುದು ಇರುತ್ತದೆ, ಆದರೆ ನಮ್ಮಲ್ಲಿ ಅದರಿಂದಾಗುವ ಪರಿಣಾಮವೇನು, ಅದರ ಕಾರಣಗಳು ಏನು, ಎನ್ನುವುದನ್ನು ಪುಸ್ತಕದಲ್ಲಿ (ಲೆಕ್ಕಾಚಾರದಿಂದ) ಚೊಕ್ಕವಾಗಿ ನೋಡಿಕೊಳ್ಳಬಹುದಾಗಿದೆ. ಯಾವುದೂ ಪುಸ್ತಕದಿಂದ ಹೊರತಾಗಿ ನಡೆಯುವುದಿಲ್ಲ.
ಸಂಘರ್ಷಣೆಯು, ನಮ್ಮದೇ ದೋಷವಾಗಿದೆ
ಈ ಜಗತ್ತಿನಲ್ಲಿ ಯಾವುದೇ ಸಂಘರ್ಷಣೆಗೆ ಒಳಗಾದರೆ, ಅದು ನಿಮ್ಮದೇ ದೋಷದಿಂದಾಗಿದೆ, ಎದುರಿನವರು ದೋಷಿಗಳಲ್ಲ. ಅಲ್ಲಿ, ಎದುರಿನವರಂತೂ ಜಗಳವಾಡದೆ ಬಿಡುವುದಿಲ್ಲ. ಆದರೆ 'ನೀವು ಯಾಕೆ ಜಗಳವಾಡಲು ಹೋಗಬೇಕು?' ಎಂದಾಗ ಹೇಳುತ್ತಾರೆ, 'ಮೊದಲಿಗೆ ಅವರೇ ಜಗಳವಾಡಲು ಬಂದರು,' ಆದುದರಿಂದ, ಜಗಳವಾಡ ಬೇಕಾಯಿತು; ಹಾಗಾದರೆ, ನೀವೂ ಕುರುಡರು ಮತ್ತು ಅವರೂ ಕುರುಡರು ಎಂದಾಯಿತು.
ಪ್ರಶ್ಯಕರ್ತ: ಸಂಘಷಣೆಯಲ್ಲಿ, ಸಂಘರ್ಷಣೆಯನ್ನು ಮಾಡಿಕೊಳ್ಳುತ್ತಾ ಹೋದರೆ ಏನಾಗುತ್ತದೆ?
ದಾದಾಶ್ರೀ: ತಲೆಹೊಡೆದು ಬಿಡುತ್ತದೆ! ಆದುದರಿಂದ ಸಂಘರ್ಷಣೆಯ ಸಮಯದಲ್ಲಿ ನಾವು ಏನು ತಿಳಿದುಕೊಳ್ಳಬೇಕು?
ಪ್ರಶ್ನಕರ್ತ: ನಮ್ಮದೇ ತಪ್ಪಿನಿಂದ್ದಾಗಿದೆ ಎಂದು ಅರಿತುಕೊಳ್ಳಬೇಕು.
