________________
ಸಂಘರ್ಷಣೆಯನ್ನು ತಪ್ಪಿಸಿ ವಾಸಿಯಾಗಿಬಿಡುತ್ತದೆ. ಆದರೆ, ಕಲಹದಿಂದ ಮತ್ತು ಸಂಘರ್ಷಣೆಯಿಂದಾಗಿ, ಮನಸ್ಸಿನ ಮೇಲೆ ಕುರುಹು ಬಿದ್ದರೆ, ಬುದ್ದಿಯಲ್ಲಿ ಕುರುಹು ಉಳಿದರೆ, ಅದನ್ನು ಯಾರು ತೆಗೆಯುವುದು? ಸಾವಿರಾರು ಅವತಾರಗಳನ್ನು ಪಡೆದರೂ ಅದನ್ನು ಹೋಗಲಾಡಿಸಲಾಗುವುದಿಲ್ಲ.
ಪ್ರಶ್ಯಕರ್ತ: ಘರ್ಷಣೆ ಹಾಗೂ ಸಂಘರ್ಷಣೆಯಿಂದ ಮನಸ್ಸು ಮತ್ತು ಬುದ್ದಿಯ ಮೇಲೆ ಪೆಟ್ಟುಬೀಳುತ್ತದೆಯೇ? ದಾದಾಶ್ರೀ: ನಿಜವಾಗಿ! ಮನಸ್ಸಿನ ಮೇಲೆ, ಬುದ್ದಿಯ ಮೇಲೆ ಮಾತ್ರವಲ್ಲ, ಇಡೀ ಅಂತಃಕರಣದ ಮೇಲೂ ಪೆಟ್ಟು ಬೀಳುತ್ತಲೇ ಇರುತ್ತದೆ ಹಾಗೂ ಅದರ ಪರಿಣಾಮವು ಶರೀರದ ಮೇಲೂ ಉಂಟಾಗುತ್ತದೆ. ಹೀಗೆ ಸಂಘರ್ಷಣೆಯಿಂದ ಎಷ್ಟೊಂದೆಲ್ಲಾ ಸಂಕಷ್ಟಗಳು! ಪ್ರಶ್ಯಕರ್ತ: ತಾವು ಹೇಳಿದಂತೆ, ಸಂಘರ್ಷಣೆಯಿಂದ ನಷ್ಟವಾಗಿರುವ ಶಕ್ತಿಗಳನ್ನೆಲ್ಲಾ ಮತ್ತೆ ಜಾಗ್ರತಿಯಿಂದ ಸೆಳೆಯಬಹುದೆನ್ನುವುದು ನಿಜವೇ? ದಾದಾಶ್ರೀ: ಶಕ್ತಿಗಳನ್ನು ಸೆಳೆಯುವ ಅವಶ್ಯಕತೆ ಇಲ್ಲ. ಶಕ್ತಿಗಳು ಇವೆ. ಈಗ ಆ ಶಕ್ತಿಗಳು ಉತ್ಪನ್ನವಾಗುತ್ತವೆ. ಪೂರ್ವದಲ್ಲಿ ಸಂಘರ್ಷಣೆಯಿಂದ ಯಾವ ಶಕ್ತಿಗಳು ನಷ್ಟವಾಗಿದ್ದವೋ, ಅವೇ ಪುನಃ ಉತ್ಪನ್ನವಾಗುತ್ತವೆ. ಆದರೆ, ಈಗ ಹೊಸದಾಗಿ ಸಂಘರ್ಷಣೆಯನ್ನು ಉಂಟುಮಾಡಿದರೆ ಮತ್ತೆ ಶಕ್ತಿಯು ಹೊರಟುಹೋಗುತ್ತದೆ; ಈಗ ಉತ್ಪನ್ನವಾಗಿರುವ ಶಕ್ತಿಯೂ ಹೊರಟುಹೋಗುತ್ತದೆ. ತನ್ನಿಂದ ಸಂಘರ್ಷಣೆಯು ಉಂಟಾಗದಿದ್ದರೆ, ಆಗ ಶಕ್ತಿಯು ಉತ್ಪನ್ನವಾಗುತ್ತಾ ಹೋಗುತ್ತದೆ!
ಈ ಜಗತ್ತಿನಲ್ಲಿ ವೈರತ್ವದಿಂದಾಗಿ ಸಂಘರ್ಷಣೆಯು ಉಂಟಾಗುತ್ತದೆ. ಸಂಸಾರದ ಮೂಲ ಬೀಜವೇ ವೈರತ್ವವಾಗಿದೆ. ಯಾರೊಂದಿಗೆ ವೈರತ್ವವಿದೆ, ಅವರೊಂದಿಗೆ ಸಂಘರ್ಷಣೆಯಾಗುತ್ತದೆ. ಎರಡೂ ಅಂತ್ಯಗೊಂಡರೆ, ಆಗ ಅವರ ಮೋಕ್ಷವಾಗುತ್ತದೆ! ಪ್ರೇಮವು ಅಡ್ಡಿಪಡಿಸುವುದಿಲ್ಲ, ವೈರತ್ವ ಹೋದರೆ ಪ್ರೇಮವು ಉತ್ಪನ್ನವಾಗುತ್ತದೆ.
ಕಾಮನ್ ಸೆನ್ಸ್ ಎಪ್ರಿ-ವೇರ್ ಅಪ್ಲಿಕೇಬಲ್
ವ್ಯವಹಾರವನ್ನು ಶುದ್ಧವಾಗಿರಿಸಲು ಏನು ಮಾಡಬೇಕು? 'ಕಾಮನ್ ಸೆನ್ಸ್' ಕಂಪ್ಲೇಟ್ (ಸಂಪೂರ್ಣವಾಗಿ) ಇರಬೇಕು, ಸ್ಥಿರತೆ-ಗಂಭೀರತೆ ಇರಬೇಕು. ವ್ಯವಹಾರದಲ್ಲಿ ಕಾಮನ್ ಸೆನ್ಸ್ ಅವಶ್ಯವಾಗಿರಲೇ ಬೇಕು. 'ಕಾಮನ್ ಸೆನ್ಸ್' ಅಂದರೆ, 'ಎವಿ-ವೇರ್ ಅಪ್ಲಿಕೇಬಲ್' (ಎಲ್ಲೆಡೆಯೂ
