________________
29
ಸಂಘರ್ಷಣೆಯನ್ನು ತಪ್ಪಿಸಿ ಪ್ರಶ್ಯಕರ್ತ: ಹಾಗಿದ್ದರೆ ಈ ಎರಡರ ನಡುವೆ ಏನು ವ್ಯತ್ಯಾಸವಿದೆ?
ದಾದಾಶ್ರೀ: ಅದು, ಅಲ್ಲಿ ಮನಸ್ಸಿಗಿಂತ ಇನ್ನು ಮೇಲಿನ ಮಾತು. ಪ್ರಶ್ಯಕರ್ತ: ಅಂದರೆ, ಈ ಸೂಕ್ಷ್ಮತರ್ ಸಂಘರ್ಷಣೆಯು ನಡೆಯುತ್ತಿರುವಾಗ, ಆ ಸಮಯದಲ್ಲಿ ಸೂಕ್ಷ್ಮ ಸಂಘರ್ಷಣೆಯು ಕೂಡಾ ಜೊತೆಯಲ್ಲಿ ಇರುತ್ತದೆ ಅಲ್ಲವೇ?
ದಾದಾಶ್ರೀ: ಅದನ್ನು ನಾವು ನೋಡಬೇಕಾಗಿಲ್ಲ. ಸೂಕ್ಷ್ಮ ಬೇರೆಯಾಗಿದೆ, ಸೂಕ್ಷ್ಮತರ್ ಬೇರೆಯಾಗಿದೆ. ಸೂಕ್ಷ್ಮತಮ್ ಎನ್ನುವುದು ಅಂತಿಮದ ಮಾತು.
ಪ್ರಶ್ಯಕರ್ತ: ಹಿಂದೊಮ್ಮೆ ಸತ್ಸಂಗದಲ್ಲಿಯೇ ಹೀಗೆಂದು ಮಾತನಾಡಲಾಗಿತ್ತು. ಏನೆಂದರೆ, ನಾನು ಚಂದೂಲಾಲ್ ಜೊತೆ ತನ್ಮಯಾಕಾರವಾಗಿ ಹೋದರೆ, ಅದನ್ನು ಸೂಕ್ಷ್ಮತಮ್ ಸಂಘರ್ಷಣೆಯೆಂದು ಹೇಳಲಾಗುತ್ತದೆ, ಎಂದು.
ದಾದಾಶ್ರೀ: ಹೌದು, ಸೂಕ್ಷ್ಮತಮ್ ಸಂಘರ್ಷಣೆಯಾಗಿದೆ! ಅದನ್ನು ತಪ್ಪಿಸಬೇಕು. ತಪ್ಪಾಗಿ ತನ್ಮಯಾಕಾರ ಹೊಂದಲಾಗಿದೆ ಅಲ್ಲವೇ. ನಂತರ ತಿಳಿಯುತ್ತದೆ, ಅದು ತಪ್ಪಾಗಿ ಹೋಗಿದೆ ಎಂದು.
ಪ್ರಶ್ಯಕರ್ತ: ಹಾಗಾದರೆ ಈ ಸಂಘರ್ಷಣೆಯನ್ನು ತಪ್ಪಿಸಲು ಮಾಡಬೇಕಾದ ಉಪಾಯ ಕೇವಲ ಪ್ರತಿಕ್ರಮಣ ಮಾತ್ರವೇ ಅಥವಾ ಬೇರೆ ಏನಾದರು ಇದೆಯೇ?
ದಾದಾಶ್ರೀ: ಬೇರೆ ಯಾವ ಅಸ್ತ್ರವೂ ಇಲ್ಲ. ಈ ನಮ್ಮ ನವ-ಕಲಮ್, ಅದು ಸಹ ಪ್ರತಿಕ್ರಮಣವೇ ಆಗಿದೆ. ಬೇರೆ ಯಾವ ಆಯುಧವೂ ಇಲ್ಲ. ಈ ಜಗತ್ತಿನಲ್ಲಿ ಪ್ರತಿಕ್ರಮಣವನ್ನು ಬಿಟ್ಟರೆ ಬೇರೆ ಯಾವ ಸಾಧನವಿಲ್ಲ. ಇದು ಅತಿ ಉತ್ತಮವಾದ ಸಾಧನವಾಗಿದೆ. ಏಕೆಂದರೆ, ಈ ಜಗತ್ತು ಅತಿಕ್ರಮಣದಿಂದಾಗಿ ಎದ್ದು ನಿಂತಿದೆ.
ಪ್ರಶ್ಯಕರ್ತ: ಇದು ಎಷ್ಟೊಂದು ವಿಸ್ಮಯಕಾರಿಯಾಗಿದೆ! 'ಆಗುವುದೆಲ್ಲಾ ನ್ಯಾಯ' ಮತ್ತು 'ಅನುಭವಿಸುವವರದ್ದೇ ತಪ್ಪು' ಇವು ಒಂದೊಂದೂ ಅದ್ಭುತವಾದ ವಾಕ್ಯಗಳಾಗಿವೆ. ಅಲ್ಲದೆ, 'ದಾದಾ'ರವರ ಸಾಕ್ಷಿಯಾಗಿ ಪ್ರತಿಕ್ರಮಣವನ್ನು ಮಾಡಿದರೆ, ಆಗ ಅದರ ಸ್ಪಂದನಗಳು ಅವರಿಗೆ ತಲಪುವುದರಲ್ಲಿ ಸಂಶಯವೇ ಇಲ್ಲ.
