________________
24
ಸಂಘರ್ಷಣೆಯನ್ನು ತಪ್ಪಿಸಿ ಸಂಘರ್ಷಣೆಯಿಂದಾಗುವ ತೊಂದರೆಯಲ್ಲ. ಸಂಘರ್ಷಣೆಯ ನಂತರ ಒಬ್ಬರು ಮತ್ತೊಬ್ಬರೊಡನೆ ಭಿನ್ನತೆಯನ್ನು ಹೊಂದದೆ ಇರುವುದೇ ಪುರುಷಾರ್ಥವಾಗಿದೆ. ನಮ್ಮ ಮನಸ್ಸು ಮತ್ತೊಬ್ಬರ ಬಗ್ಗೆ ಭೇದವನ್ನು ಮೂಡಿಸುತ್ತಿದ್ದರೆ, ಆಗ ಪ್ರತಿಕ್ರಮಣ ಮಾಡಿಸಿ, ದಾರಿಗೆ ತರಬೇಕು. ನಮಗೆ (ಜ್ಞಾನಿಗೆ) ಎಲ್ಲರೊಂದಿಗೆ ಯಾವ ರೀತಿಯಲ್ಲಿ ಹೊಂದಾಣಿಕೆಯು ಸಾಧ್ಯವಾಗಿರಬಹುದು? ನಿಮ್ಮೊಂದಿಗೂ ಹೊಂದಾಣಿಕೆ ಇದೆಯೋ, ಇಲ್ಲವೋ? ಶಬ್ದಗಳಿಂದ ಸಂಘರ್ಷಣೆಯು ಉಂಟಾಗುತ್ತದೆ. ನಾನು ಹೆಚ್ಚು ಮಾತನಾಡಬೇಕಾಗುತ್ತದೆ, ಆದರೂ ಸಂಘರ್ಷಣೆಯು ಉಂಟಾಗುವುದಿಲ್ಲ ಅಲ್ಲವೇ!
ಸಂಘರ್ಷಣೆಯಂತೂ ಉಂಟಾಗುವುದೇ ಆಗಿದೆ. ಘರ್ಷಣೆಯಿಂದಾಗಿ ಮನೆಯಲ್ಲಿನ ಪಾತ್ರೆಗಳು ಶಬ್ದವನ್ನು ಮಾಡುತ್ತವೆಯೋ, ಇಲ್ಲವೋ? ಸಂಘರ್ಷಣೆಯು 'ಪುದ್ಗಲ್'ನ ಸ್ವಭಾವವಾಗಿದೆ. ಆದರೆ, ಮಾಲು ತುಂಬಿಕೊಂಡು ತಂದಿದ್ದರೆ ಮಾತ್ರ, ತುಂಬಿಸಿಕೊಂಡಿಲ್ಲದಿದ್ದರೆ ಏನಿಲ್ಲ. ನಮಗೆ ಎಲ್ಲಿಯೂ ಸಂಘರ್ಷಣೆಯು ಉಂಟಾಗುವುದಿಲ್ಲ. ಅದೂ, ಈ ಜ್ಞಾನವು ಪ್ರಾಪ್ತಿಯಾದ ಬಳಿಕ ಸಂಘರ್ಷಣೆಗಳಿಲ್ಲ. ಅದಕ್ಕೆ ಕಾರಣವೇನೆಂದರೆ, ಈ ನಮ್ಮ ಜ್ಞಾನ, ಇದು ಅನುಭವದ ಜ್ಞಾನವಾಗಿದೆ ಹಾಗೂ ನಾವು ಈ ಜ್ಞಾನದಿಂದಲೇ ಎಲ್ಲವನ್ನು ಖಾಲಿ ಮಾಡಿ, ಮಾಡಿ ಬಂದಿರುವುದಾಗಿದೆ. ನಿಮಗೆ ಇನ್ನೂ ಖಾಲಿ ಮಾಡುವುದು ಉಳಿದಿದೆ.
ದೋಷವನ್ನು ತೊಳೆಯಲಾಗುತ್ತದೆ, ಪ್ರತಿಕ್ರಮಣದಿಂದ
ಯಾರಾದರೂ ಸಂಘರ್ಷಣೆಯನ್ನು ಉಂಟುಮಾಡಿದರೆ, ಆಗ ದೋಷವು ಕಾಣಿಸಲು ಪ್ರಾರಂಭವಾಗುತ್ತದೆ ಹಾಗೂ ಸಂಘರ್ಷಣೆಗಳು ನಡೆಯದೆ ಹೋದರೆ, ಅಲ್ಲಿ ದೋಷಗಳು ಕಾಣಿಸದಂತಿರುತ್ತವೆ. ಹಾಗಾಗಿ ಸಂಘರ್ಷಣೆಗಳಿಂದ ದಿನವೂ ಐವತ್ತು-ಐವತ್ತು ದೋಷಗಳು ಕಂಡರೆ, ಆಗ ತಿಳಿಯ ಬೇಕೇನೆಂದರೆ, ಪೂರ್ಣಾಹುತಿಯ ಸಮೀಪಕ್ಕೆ ಬರಲಾಗುತ್ತಿದೆ ಎಂದು.
ಆದುದರಿಂದ, ಎಲ್ಲೆಲ್ಲಿ ಸಂಘರ್ಷಣೆಗಳು ಉಂಟಾಗುತ್ತವೆ, ಅಲ್ಲಿ ಅವುಗಳನ್ನು ತಪ್ಪಿಸಿ. ಸಂಘರ್ಷಣೆಗಳನ್ನು ಮಾಡಿಕೊಂಡು ಈಗಿರುವ ಲೋಕವನ್ನಂತೂ ಹಾಳುಮಾಡಲಾಗುತ್ತಿದೆ ಜೊತೆಗೆ ಪರಲೋಕವನ್ನೂ ಕೂಡಾ ಹಾಳುಮಾಡುವುದಾಗಿದೆ. ಯಾವುದು ಈ ಲೋಕವನ್ನು ಹಾಳು ಮಾಡುತ್ತದೆ, ಅದು ಪರಲೋಕವನ್ನೂ ಹಾಳು ಮಾಡದೆ ಬಿಡುವುದಿಲ್ಲ. ಈ ಲೋಕವು ಸುಧಾರಣೆಗೊಂಡರೆ, ಪರಲೋಕವೂ ಸುಧಾರಿಸುವುದು. ಈ ಜನ್ಮದಲ್ಲಿ ನಮಗೆ ಯಾವುದೇ ರೀತಿಯ ಸಂಘರ್ಷಣೆಗಳು ಉಂಟಾಗದೆ ಇದ್ದರೆ, ಆಗ ತಿಳಿಯಬೇಕು ಮುಂದಿನ ಜನ್ಮದಲ್ಲಿ ಯಾವುದೇ ರೀತಿಯಾದ ಸಂಘರ್ಷಣೆಯೇ ಇರುವುದಿಲ್ಲ ಎಂದು. ಅಲ್ಲದೆ, ಈಗ ಸಂಘರ್ಷಣೆಯನ್ನು ಉಂಟುಮಾಡಿದರೆ, ಅದು ಅಲ್ಲಿಗೆ ಬರುವುದೇ ಆಗಿದೆ.
