________________
20
ಸಂಘರ್ಷಣೆಯನ್ನು ತಪ್ಪಿಸಿ ಪ್ರಶ್ನಕರ್ತ: ಎಲ್ಲಾ ಸಂಘರ್ಷಣೆಗಳಿಗೆ ಕಾರಣ, ಇದೇ ಆಗಿದೆಯಲ್ಲವೇ? ಒಂದು ಲೇಯರ್‌'ನಿಂದ ಮತ್ತೊಂದು ಲೇಯರ್‌'ಗೆ ಅಂತರವು ಬಹಳವಿರುತ್ತದೆ ಅಲ್ಲವೇ?
ದಾದಾಶ್ರೀ: ಜೀವನದಲ್ಲಿ ಎಷ್ಟು ಕೇಶಗಳು ಉಂಟಾಗುತ್ತವೆ, ಸಂಘರ್ಷಣೆಗಳಾಗುತ್ತವೆ, ಅಷ್ಟು ಮೇಲಿನ ದರ್ಜೆಗೆ ಏರಲು ಅವಕಾಶವಾಗುತ್ತದೆ. ಸಂಘರ್ಷಣೆ ಇಲ್ಲದೆ ಹೋದರೆ, ಯಾವ ದರ್ಜೆಯಲ್ಲಿ ಇರುತ್ತಾರೋ ಅಲ್ಲೇ ಇದ್ದುಬಿಡುತ್ತಾರೆ. ಆದುದರಿಂದಲೇ ಜನರು ಸಂಘರ್ಷಣೆಗಳಿಗೆ ಅವಕಾಶದ ಹುಡುಕಾಟದಲ್ಲಿರುತ್ತಾರೆ.
ಸಂಘರ್ಷಣೆಯಿಂದ ಪ್ರಗತಿಯ ಪಥದಲ್ಲಿ
ಪ್ರಶ್ಯಕರ್ತ: ಸಂಘರ್ಷಣೆಯು ಪ್ರಗತಿಗಾಗಿ ಎಂದುಕೊಂಡು ಅದಕ್ಕಾಗಿ ಹುಡುಕಿದರೆ ಪ್ರಗತಿ ಉಂಟಾಗುತ್ತದೆಯೇ?
ದಾದಾಶ್ರೀ: ಆದರೆ, ಅಲ್ಲಿ ತಿಳಿದುಕೊಂಡು ಹುಡುಕುವುದಿಲ್ಲ! ಭಗವಂತನು ಯಾವ ಎತ್ತರಕ್ಕೂ ಕರೆದುಕೊಂಡು ಹೋಗುವುದಿಲ್ಲ, ಸಂಘರ್ಷಣೆಗಳು ಎತ್ತರಕ್ಕೆ ಕರೆದೊಯ್ಯುತ್ತವೆ. ಅಲ್ಲದೆ ಸಂಘರ್ಷಣೆಗಳು ಒಂದು ಹಂತದವರೆಗೆ ಮಾತ್ರ ಕೊಂಡೊಯ್ಯುತ್ತವೆ, ನಂತರ ಜ್ಞಾನವು ಲಭ್ಯವಾದರೆ ಮಾತ್ರ ಕೆಲಸವಾಗುವುದು, ಸಂಘರ್ಷಣೆಯು ನೈಸರ್ಗಿಕವಾಗಿ ನಡೆಯುತ್ತದೆ. ಹೇಗೆ ನದಿಯಲ್ಲಿ ಕಲ್ಲುಗಳು ಇಲ್ಲಿಂದ ಅಲ್ಲಿಗೆ ಹೊಡೆದುಕೊಂಡು ಸವೆದು ಸವೆದು ನುಣುಪಾದ ಗೋಳಾಕಾರವಾಗಿವೆಯಲ್ಲ ಹಾಗೆ.
ಪ್ರಶ್ಯಕರ್ತ: ಘರ್ಷಣೆ ಹಾಗೂ ಸಂಘರ್ಷಣೆಯ ವ್ಯತ್ಯಾಸವೇನು?
ದಾದಾಶ್ರೀ: ಜೀವವಿಲ್ಲದ ವಸ್ತುಗಳು ಒಂದಕ್ಕೊಂದು ಹೊಡೆದು ಕೊಂಡರೆ ಘರ್ಷಣೆಯು ಉಂಟಾಗುತ್ತದೆ ಹಾಗೂ ಜೀವಿಗಳು ಹೊಡೆದಾಡಿ ಕೊಂಡರೆ ಸಂಘರ್ಷಣೆಯು ಉಂಟಾಗುತ್ತದೆ.
ಪ್ರಶ್ನೆಕರ್ತ: ಸಂಘರ್ಷದಿಂದ ಆತ್ಮಶಕ್ತಿಯು ನಿಂತುಹೋಗುತ್ತದೆ ಅಲ್ಲವೇ? ದಾದಾಶ್ರೀ: ಹೌದು, ಆ ಮಾತು ನಿಜ, ಸಂಘರ್ಷಣೆಯು ಉಂಟಾದರೆ ತೊಂದರೆಯಿಲ್ಲ. ಆದರೆ ನಾವು 'ಸಂಘರ್ಷಣೆಯನ್ನು ಉಂಟು ಮಾಡಬೇಕು' ಎಂಬ ಭಾವನೆಯನ್ನು ತೆಗೆದು ಹಾಕಬೇಕೆಂದು, ನಾನು ಹೇಳುವುದು. 'ನಮಗೆ' ಸಂಘರ್ಷಣೆಯ ಭಾವವು ಇರಬಾರದು, ನಂತರ 'ಚಂದುಭಾಯ್' ಸಂಘರ್ಷಕ್ಕೆ ಒಳಗಾಗುವುದಾದರೆ ಆಗಲಿ, ಆದರೆ ನಮ್ಮ ಭಾವನೆಯು ಆತ್ಮಶಕ್ತಿಯನ್ನು ಸ್ಥಗಿತಗೊಳಿಸುವಂತಾಗಬಾರದು.
