________________
ಸಂಘರ್ಷಣೆಯನ್ನು ತಪ್ಪಿಸಿ
12
ಸೈನ್ಸ್, ತಿಳಿದುಕೊಳ್ಳುವಂಥದ್ದು
ಪ್ರಶ್ನಕರ್ತ: ನಮಗೆ ಜಗಳವನ್ನು ಮಾಡಬೇಕೆಂದೇನು ಇರುವುದಿಲ್ಲ, ಆದರೂ ಎದುರಿನವರು ಜಗಳಕ್ಕೆ ಮುಂದಾದರೆ, ಆಗೇನು ಮಾಡುವುದು?
ದಾದಾಶ್ರೀ: ಆ ಗೋಡೆಯೊಂದಿಗೆ ಜಗಳವಾಡಲು ಪ್ರಾರಂಭಿಸಿದರೆ, ಎಷ್ಟು ಸಮಯದವರೆಗೆ ಜಗಳವಾಡಬಹುದು? ಒಂದು ದಿನ ಆ ಗೋಡೆಯಿಂದ ತಲೆಗೆ ಪೆಟ್ಟುಬಿದ್ದರೆ, ಆಗ ನಾವು ಅದಕ್ಕೇನು ಮಾಡಬಹುದು? ತಲೆಗೆ ಪೆಟ್ಟಾಯಿತೆಂದು ಅದರೊಂದಿಗೆ ಜಗಳಮಾಡಿ ನಾವು ಅದನ್ನು ಹೊಡೆಯಲಾಗುತ್ತದೆಯೇ? ಹಾಗೆಯೇ ಹೆಚ್ಚಾಗಿ ಜಗಳವಾಡುವವರನ್ನೂ ಕೂಡಾ ಗೋಡೆಗಳೆಂದು ಪರಿಗಣಿಸಬೇಕು! ಅಲ್ಲಿ ಅವರ ತಪ್ಪನ್ನು ಏನು ನೋಡುವುದು? ನಾವು ನಮ್ಮೊಳಗೆ ಅರಿತುಕೊಳ್ಳಬೇಕೇನೆಂದರೆ, ಅವರೂ ಸಹ ಗೋಡೆಗಳಂತೆ ಎಂದು, ಆಗ ಯಾವ ತೊಂದರೆಯು ಇರುವುದಿಲ್ಲ.
ಪ್ರಶ್ನಕರ್ತ: ನಾವು ಮೌನವಾಗಿದ್ದರೆ, ಆಗ ಎದುರಿನವರು ಬೇರೆ ರೀತಿಯಲ್ಲಿ ತಿಳಿದು, ನಮ್ಮದೇ ದೋಷವೆಂದು ಇನ್ನು ಹೆಚ್ಚಾಗಿ ಕೇಶವನ್ನು ಮಾಡುತ್ತಾರೆ.
ದಾದಾಶ್ರೀ: ಅದೆಲ್ಲಾ ನಾವು ಅಂದುಕೊಂಡಿರುವುದು. ನಾನು ಮೌನವಾಗಿದುದರಿಂದ ಹಾಗೆ ಮಾಡುತ್ತಾರೆ ಎಂದು. ರಾತ್ರಿ ಕತ್ತಲಲ್ಲಿ ಎದ್ದು ಬಾತ್ರೂಮ್ ಗೆ ಹೋಗುವಾಗ ಗೋಡೆಗೆ ಹೊಡೆದುಕೊಂಡರೆ, ಆಗ ನಾವು ಮೌನವಾಗಿದುದರಿಂದ ಹಾಗಾಯಿತಲ್ಲವೇ?
ಮೌನವಾಗಿದ್ದರೇನೂ, ಮಾತನಾಡಿದರೇನೂ ಯಾವುದೂ ಸ್ಪರ್ಶಿಸುವುದಿಲ್ಲ, ಏನು ಆಗುವುದು-ಬಿಡುವುದು ಇಲ್ಲ. ನಾವು ಮೌನವಾಗಿ ಇದ್ದುಬಿಟ್ಟರೆ, ಎದುರಿನವರಲ್ಲಿ ಪರಿಣಾಮ ಉಂಟಾಗುತ್ತದೆ ಎನ್ನುವುದೇನೂ ಇಲ್ಲ ಅಥವಾ ಮಾತನಾಡಿದರೆ ಪರಿಣಾಮ ಉಂಟಾಗುತ್ತದೆ ಎನ್ನುವುದೂ ಇಲ್ಲ. 'ಓನ್ತಿ ಸೈಂಟಿಫಿಕ್ ಸರ್ಕಮ್ಹಾನ್ಸಿಯಲ್ ಎವಿಡೆನ್ಸ್' (ಕೇವಲ ವೈಜ್ಞಾನಿಕವಾದ ಸಂಯೋಗಗಳ ಪುರಾವೆಯಾಗಿದೆ). ಯಾರಲ್ಲಿಯೂ ಯಾವ ಅಧಿಕಾರವು ಇಲ್ಲ, ಅಷ್ಟರಮಟ್ಟಿಗೆ ಯಾರ ಅಧಿಕಾರವೂ ಇಲ್ಲದೆ ಇರುವ ಜಗತ್ತು. ಅಲ್ಲಿ ಯಾರೇನಾದರು ಮಾತನಾಡಲು ಸಾಧ್ಯವೇ? ಆ ಗೋಡೆಗೆ ಅಧಿಕಾರವಿದಿದ್ದರೆ, ಆಗ ಅವರಿಗೂ ಅಧಿಕಾರವಿರುತ್ತಿತ್ತು. ನಮಗೆ ಆ ಗೋಡೆಯನ್ನು ದೂಷಿಸುವ ಅಧಿಕಾರವಿದೆಯೇ? ಹಾಗೆಯೇ ಎದುರಿಗಿರುವ ಆ ವ್ಯಕ್ತಿಯ ನಿಮಿತ್ತದಿಂದ ಸಂಘರ್ಷಣೆಯು ಉಂಟಾಗಿದೆ, ಅದು ಆಗದೆ ಬಿಡುವುದಿಲ್ಲ. ಸುಮ್ಮನೆ ಕೆಲಸವಿಲ್ಲದೆ ಎಗರಾಡಿದರೇನು ಅರ್ಥ? ಅಲ್ಲಿ ಅವರ ಕೈಯಲ್ಲಿ ಅಧಿಕಾರವಿಲ್ಲ! ಹಾಗಾಗಿ ನೀವೂ ಕೂಡಾ ಗೋಡೆಯಂತೆ ಆಗಿಬಿಡಬೇಕು! ನೀವು ಹೆಂಡತಿಯನ್ನು ತೆಗಳುತ್ತಾ ದೂಷಿಸಿದರೆ,
