________________
ಸಂಘರ್ಷಣೆಯನ್ನು ತಪ್ಪಿಸಿ
ದಾದಾಶ್ರೀ: ಹೌದು, ಹಾಗೂ ಅಲ್ಲಿ ತಕ್ಷಣವೇ ಅಡ್ವಸ್ಟ್ (ಹೊಂದಾಣಿಕೆ) ಮಾಡಿಕೊಂಡುಬಿಡಬೇಕು.
ಸಂಘರ್ಷಣೆ ಸಂಭವಿಸಿತೆಂದರೆ, ಆಗ ನಾವು ತಿಳಿಯಬೇಕು, 'ನಾವು ಮಾತನಾಡಿರುವ ರೀತಿಯಲ್ಲಿ ಏನೋ ತಪ್ಪಾಗಿರುವುದರ ಕಾರಣದಿಂದ ಈ ಸಂಘರ್ಷಣೆಯು ಉಂಟಾಗಿದೆ'. ತನ್ನಯ ತಪ್ಪು ಅನಾವರ್ಣಗೊಂಡು ಪರಿಹಾರ ಸಿಕ್ಕಿತ್ತೆಂದರೆ, ಆಮೇಲೆ Puzzle solve ಆಗಿಬಿಡುತ್ತದೆ. ಅಲ್ಲದೆ, ನಾವು 'ಎದುರಿನವರದ್ದೇ ತಪ್ಪು,' ಎಂದುಕೊಂಡು ಹುಡುಕುತ್ತಲೇ ಹೋದರೆ ಎಂದಿಗೂ ಆ Puzzle solve ಆಗುವುದೇಯಿಲ್ಲ. 'ನಮ್ಮದೇ ತಪ್ಪೆಂದು ಕೊಂಡಾಗ,' ಮಾತ್ರ ಈ ಜಗತ್ತಿನಿಂದ ಬಿಡುಗಡೆ ಸಿಗುತ್ತದೆ, ಅದುಬಿಟ್ಟು ಬೇರೆ ಯಾವ ಉಪಾಯವೂ ಇಲ್ಲ. ಇನ್ನೆಲ್ಲಾ ಉಪಾಯಗಳು ಗೊಂದಲಕ್ಕೆ ಸಿಕ್ಕಿಹಾಕಿಸುತ್ತವೆ ಹಾಗೂ ಉಪಾಯವನ್ನು ಮಾಡಲುಹೋಗುವುದು ಯಾವುದೆಂದರೆ, ಅದು ನಮ್ಮೊಳಗೆಯೇ ಕಾಣದೆ ಇರುವಂತಹ ಅಹಂಕಾರವಾಗಿದೆ. ಆದುದರಿಂದ ಉಪಾಯವನ್ನು ಹುಡುಕಲು ಯಾಕಾಗಿ ಹೋಗಬೇಕು? ಎದುರಿನವರು ನಮ್ಮ ತಪ್ಪನ್ನು ಎತ್ತಿತೋರಿಸಿದರೆ, ಆಗ ನಾವೇ ಹೇಳಿಬಿಡಬೇಕು 'ನಾನು ಮೊದಲಿಂದಲೂ ದಡ್ಡ' ಎಂದು.
ಬುದ್ಧಿಯೇ ಸಂಸಾರದಲ್ಲಿನ ಹೊಡೆದಾಟಕ್ಕೆ ಕಾರಣವಾಗಿದೆ. ಅರೇ, ಒಂದು ಹೆಣ್ಣಿನ ಮಾತನ್ನು ಕೇಳಿಕೊಂಡು ನಡೆಯಲು ಹೋಗಿಯೇ ಬೀಳಲಾಗುತ್ತದೆ, ಹೊಡೆದಾಟವಾಗುತ್ತದೆ. ಇನ್ನು, ಇದು ಬುದ್ಧಿ ಎಂಬ ಸಹೋದರಿ! ಅದು ಹೇಳಿದ ಹಾಗೆ ಕೇಳುತ್ತಾ ಹೋದರೆ, ಎಲ್ಲಿಂದ ಎಲ್ಲಿಗೋ ಎಸೆದು ಬಿಡುತ್ತದೆ! ಅಲ್ಲದೆ, ರಾತ್ರಿ ಎರಡು ಗಂಟೆಯಾಗಿರಲಿ ನಮ್ಮನ್ನೆಬ್ಬಿಸಿ ಅನುಚಿತವಾದ ವಿಚಾರಗಳನ್ನು ತೋರಿಸುತ್ತದೆ; ಈ ಬುದ್ಧಿ ಎಂಬ ಸಹೋದರಿ! ಹೆಂಡತಿಯಾದರೂ ಸ್ವಲ್ಪ ಸಮಯದವರೆಗೆ ಮಾತ್ರ ಒಟ್ಟಿಗಿರುತ್ತಾಳೆ, ಆದರೆ ಈ ಬುದ್ಧಿ ಎಂಬ ಸಹೋದರಿ ಸದಾ ಕಾಲ ಜೊತೆ ಜೊತೆಯಾಗಿಯೇ ಇರುತ್ತಾಳೆ. ಈ ಬುದ್ದಿ ಎನ್ನುವುದು 'dethrone' ಮಾಡಿಸಿ (ಸ್ಥಾನದಿಂದ ಕೆಳಗಿಳಿಸಿ ಬಿಡುವುದಾಗಿದೆ.
ನಿಮಗೆ ಮೋಕ್ಷಕ್ಕೆ ಹೋಗಲೇ ಬೇಕೆಂದಿದ್ದರೆ, ಬುದ್ಧಿಯ ಹೇಳಿಕೆಯನ್ನು ಸ್ವಲ್ಪವೂ ಕೇಳಬಾರದು. ಈ ಬುದ್ಧಿ ಹೇಗೆಂದರೆ, ಜ್ಞಾನಿ ಪುರಷರಲ್ಲಿಯೂ ಅನುಚಿತವನ್ನು ತೋರಿಸುತ್ತದೆ. “ಅಯ್ಯೋ ಮೂರ್ಖ, ನಿನ್ನ ಮೋಕ್ಷದ ಪ್ರಾಪ್ತಿಯು ಅವರಿಂದಲೇ ಆಗಬೇಕಾಗಿರುವಾಗ, ಅಂತಹವರ ಬಗ್ಗೆ ಯೋಗ್ಯವಲ್ಲದ್ದನ್ನು ತೋರಿಸುವುದು ಸರಿಯೇ? ಇದರಿಂದಾಗಿ ನೀನು ಅನಂತ ಅವತಾರಗಳವರೆಗೆ ಮೋಕ್ಷದಿಂದ ದೂರ ಉಳಿಯಬೇಕಾಗುತ್ತದೆ'!
ಸಂಘರ್ಷಣೆಯೇ ನಮ್ಮ ಅಜ್ಞಾನವಾಗಿದೆ. ಯಾರೊಂದಿಗಾದರೂ ಸಂಘರ್ಷಣೆಗೆ ಒಳಗಾಗುವುದು, ನಮ್ಮ ಅಜ್ಞಾನದ ನಿಶಾನಿಯಾಗಿದೆ. ಈ ಸರಿ-ತಪ್ಪುಗಳನ್ನು ಭಗವಂತನು
