Atmanand Prakash Pustak 068 Ank 02

Author(s): Jain Atmanand Sabha Bhavnagar
Publisher: Jain Atmanand Sabha Bhavnagar

Page 7

= ચિં.......ન = આમ જે, જમણી બાજુ નહિ, પણ તારી ડાબી બાજુ. ગઈ કાલે અહિં, સામે પેલો વડલો કે શોભતે હતા ! એની કેવી મધુરી ઘટાદાર છાયા હતી. ત્યાં કેટલાં પંખીઓ કિલોલ કરતાં હતાં? આપણે પણ, ઘણીવાર, ત્યાં જઈને વિશ્રાતિ લેતા ખરું ને? પણ આજ? આજ તે ત્યાં છાયા પણ નથી, પેલે મોટો વડલે પણ નથી અને ત્યાં આનંદથી નૃત્ય કરતાં પંખી પણ નથી !
આજે એક વાવાઝોડું વાહ્યું કે એ મહા-વાલે મૂળમાંથી ઉખડી ગયો !
શું ગઈ કાલે આપણે કે કોઈએ પણ એવી કલ્પના કરી હતી કે, આવતી કાલે આ મહાવૃક્ષ મૂળમાંથી ઉખડી જશે અને માન્યને અને પક્ષીઓને આનંદ આપતે આ વા, સદાને માટે વિલીન થઈ જશે?
મિત્ર, મિત્ર! આ પ્રસંગ તું તારા ધ્યાનમાં લે ન ફૂલા. જરા વિચાર કર. આજનું સુખ જોઈ, તું મનમાં મલકાય છે, તારે વૈભવ જોઈ તું પ્રસન્ન બને છે, હર્ષથી નાચે છે, આનંદમાં માચે છે; પણ મારા ભાઈ! જરા વિચાર કરવા ઊભો રહે. આ સુખ સદા રહેવાનું છે? આ વૈભવ નિત્ય ટકવાને છે? આ સાધન તને શાશ્વત શાન્તિ આપવાનાં છે? અરે ! કેમ ભૂલી જાય છે તું? ઘણી વાર તે સુખનાં એક જ ડગલા પછી, ભયંકર દુઃખ વાટ જોઇને જ ઊભું હોય છે. માત્ર એક જ પળ પછી એ અણધારી રીતે ભેટી પડે છે, અને એને ભેટ થતાં, તારાં આ સાધને કયાં ચાલ્યાં જશે એની તને ખબર પણ નહિ પડે.
સુખનાં સ્વપ્ન સળગી જશે, અરમાનેની સૃષ્ટિ નષ્ટ થશે, દુઃખના પર્વતો તૂટી પડશે, આનંદની દુનિયા ઊડી જશે, આશાના મીનારા ઓગળી જશે અને વિપત્તિની રાત્રિ, તારી ચારે તરફ છવાઈ જશે; ત્યારે તારી નજર કયાંય નહિ પહોંચે, અધકારને લીધે તું એક પગલું પણ નહિં ભરી શકે, તારી સાથે ગેલ કરનારા મિત્રો અદશ્ય થશે, વાત કરનારા ખસી જશે—માત્ર દુઃખ તારાં ન ઈચ્છવા છતાં, સાથીદાર બની જશે; માટે આ ઢળી પડેલા વડલા પર એક પળ શાન્ત નજર નાખ. વૈભવના ધેનને ઉતારી, સ્વસ્થ થઈ વિચાર કર.
તું જે દોરી પર નાચી રહ્યો છે, તે દોરી કાચા સૂતરની છે. એને તૂટતાં વાર નહિ લાગે, અને દોરી તૂટશે એટલે તને જોઈ ખુશ થનારા-તાળીઓ વગાડનારા એક મંદ સ્મિત કરી ચાલતા થશે. કહેશે-કે મૂર્ખ ! ખૂબ નાચતે હતે, પાગલ બનીને કૂદતું હતું, પણ એટલું ય ભાન ન રાખ્યું કે–આ દેરી કાચા સુતરની હતી !—જેનારા આટલા શબ્દો બોલી ખસી જશે, પણ તારું શું થશે તેની કલ્પના મને ધ્રુજાવે છે. હાડકાં ભાંગી જશે, અપંગ બની જઇશ માટે, ઓ અનન્તના પ્રવાસી ! આ પહેલા મહાવૃક્ષને જોઈ જીવનને વિચાર કર!
મુનિશ્રી ચંદ્રપ્રભસાગરજી (ચિત્રભાનુ )