Anusandhan 2018 11 SrNo 75 02

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 13

सप्टेम्बर - २०१८
३
सुजण-मण-नयण-आणंदसंपूरकं दुरितहरतार-तारकमणीनायकं । सयल जगजंतु-भवताप-पापापहं
नमउ सीमंधरं चंदसोभावहं ॥६॥ सुरभवणि गयणि पायालि भूमंडले नयर-पुरि नीरनिहि-मेरुपव्वयकुले । देव-देवीगणा नारि-नर-किन्नरा तुम्ह जस नाह ! गायंति आदरपरा ॥७॥
नाणगुणि झाणगुणि चरणगुणि मोहिआ सार-उवसारसंभारसंसोहिआ। रयणि-दिणि हरिसवसि सुत्त-जागरमणा
तात ! पई नाह ! झायंति तिहुअणजणा ॥८॥ सिद्धिकर-रिद्धिकर-बुद्धिकरसंकरा विसयविस-अमिअभर सामिसीमंधरा । पुव्वभवविहिअवरपुन्नचयपामिआ राखि हिव भूरिभव-भवण गोसामिआ ! ॥९॥
कम्मभर-भारसंभार-अइभग्गओ घणउँ फिरिऊण जिण ! पाय तुह लग्गओ । मज्झ हीणस्स दीणस्स सिवगामिआ
करवि करुणारसं सार करि सामिआ ॥१०॥ कठिणतरघाइ तिरअत्तणे ताजि(तज्जि)ओ नरयगइ करुण विलवंत न हु लज्जिओ । मणुअगइ हीणघरि कम्मवसि पडिअओ लागि तुह चलणि आणंदि हिव चडिअओ ॥११॥
के वि तुह दंसणे देव ! सिवसाहगा के वि वाणी सुणी चरणि भवमोअगा। भरहखित्तंमि हउं झाणि छउं लग्गउं देहि आलंबणं नाह ! जइ जुग्गओ ॥१२॥