Anusandhan 2008 12 SrNo 46

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 18

डिसेम्बर २००८
विविधकथासङ्ग्रहान्तर्गतम् "अभयाभ्युदयमहाकाव्यम्"
अच्चंतपावभीरू, रज्जं न लयंति दिज्जमाणंपि ।
अभयमहासाला इव, जिणसासणभावियमईया ॥१॥ [आर्या] पुरा पुरे राजगृहे प्रसेन-जिताख्ययाऽभूत्क्षितिमाननेके । महस्विनस्तस्य सुता बभूवुः, श्रीश्रेणिकाद्या मणयो यथाऽब्धेः ॥१॥ [उपजाति] क एषु राज्यार्ह इति क्षितीशः, परीक्षितुं पायसभाजनानि । अन्येधुरेषामशनाय पड्क्त्या , व्यमोचयत् ते च ततो निविष्टाः ॥२॥ भोक्तुं प्रवृत्तेषु सुतेषु तेषु, विमोचयामास स सारमेयान् । नेशुः कुमारा ध्रुववद्दिने तु, तत्र स्थितः श्रेणिक एक एव ॥३॥ क्षिपन् शुनिभ्यः परभाजनानि, स पायसं स्वं बुभुजे सुखेन । तद्वीक्ष्य दध्यौ नृपतिर्मनीषी, यथा तथाऽप्येष निषेत्स्यतेऽरीन् ॥४॥ स्वयं च भोक्ष्यत्ययमात्मराज्यं, राज्यस्य योग्यस्तदयं परे न । ध्यात्वेति तेभ्यः स विभज्य देशान्, ददौ सदौचित्यवतां वरेण्यः ॥५॥ श्राक् श्रेणिको मानवशानिरीय, बेन्नातटं नाम पुरं जगाम । श्रान्तो विशश्राम स तत्र भद्रा-भिधस्य हट्टे वणिजां वरस्य ॥६।। स क्रायकैर्भूरिनरैस्तदानीं, विहस्ततां प्राप वणिक् ततोऽस्य । बद्ध्वा पुटीरर्पयता वितेने, साहायकं भूधननन्दनेन ॥७॥ श्रेष्ठी स भूयिष्ठमुपाM वित्तं, तस्याऽनुभावेन तमित्युवाच । अद्याऽतिथिस्त्वं भविताऽसि कस्य, पुण्यात्मन: ? पुण्यनिधेऽभिधेहि ॥८॥ युष्माकमेवेति निशम्य तस्मा-दचिन्तयद्भद्र ! इदं हृदन्तः । स्वप्नेऽद्य योऽदर्शि मया सुताया, योग्यो वरः सैव समागतोऽयम् ॥९॥ ध्यात्वेति संवृत्य निजापणं स, निन्ये सहैव स्वगृहं कुमारम् । सगौरवं गौरवभाजनस्य, तस्याऽथ चक्रे सवनाऽस(श)नाद्यैः ॥१०॥ शुभे मुहूर्तेऽथ तदीय'कन्या-मानन्दका रूपगुणात् सुनन्दाम् । उदूह्य भेजे रमयेव विष्णु-स्तया समं वैषयिकं सुखं सः ॥११॥