Anusandhan 2008 12 SrNo 46

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 22

डिसेम्बर २००८
तया योग्य गुरोरन्ते, शिक्षिताः सकलाः कलाः । गन्धर्ववेद एवैको -ऽवशिष्येत गुरुं विना ॥६॥ ध्यात्वेति सचिवं राजा, पप्रच्छेति बहुश्रुतम् । को नाम दुहितुर्भावी, गुरुर्गान्धर्वपाठने ||७|| प्रायेण राजपुत्रीणां प्राप्तानां पतिमन्दिरम् । विना गीतकलां पत्यु - - विनोदे किं भवेत्परम् ? ॥८॥ उवाच सचिवः स्वामिन् ! सम्प्रत्युदयनाभिधः । राजाऽस्ति सर्वगान्धर्व१७ - धुरीणानां शिरोमणिः ||९|| अद्भुता काऽपि गान्धर्व कला तस्य निशम्यते । यो बध्नाति वने व्याला- नपि गीतेन मोहयन् ||१०|| वने बध्नाति स यथा, गीतोपायेन कुम्भिन: । तथा तस्याऽप्युपायोऽस्ति, बन्धेऽत्राऽऽनयनेऽपि च ॥११॥ तन्वन् यन्त्रप्रयोगेण, क्रिया गत्यासनादिकाः । कार्यतां कुञ्जरस्तत्र, किलिञ्जः काननान्तरे ॥१२॥ किलिञ्जकरिमध्यस्था:, सुभटाः शस्त्रपाणयः । नृपं नियन्त्र्य विश्वस्तं, तमानेष्यन्ति तेऽन्तिके ॥१३॥ तं किलिञ्जगजं तेन, कारितं तद्वनान्तरे । वनेचरा विलोक्याऽथो- दयनाय व्यजिज्ञपन् ॥१४॥ दूरं मुक्त्वा परीवारं, गत्वा तस्याऽन्तिकं नृपः । गीतं गातुं समारेभे स तिरस्कृततुम्बरुः ||१५|| यथा यथा जगौ गीतं, मधुरं स तथा तथा । भटाः करटिनं चक्रु-मध्यस्था निश्चलाङ्गकम् ॥१६॥ तं गीतमोहितं मत्वो-दयनोऽपि शनैः शनैः । उपेत्योत्प्लुत्य चाऽरोहत् कुञ्जरं नरकुञ्जरः ||१७|| योधैर्निरीय तन्मध्याद्, बध्यमानोऽप्ययं तदा । एकोऽ‍ शस्त्रश्च नाऽकार्षी-च्छेकः किमपि पौरुषम् ॥१८॥ तमानीतं पुरः प्रद्यो -तोऽपि भूमिपतिर्जगौ । शिक्षय त्वं मम सुतां भद्र ! गीतकलां निजाम् ॥१९॥
"
१३