Agam Suttani Satikam Part 15 Nishitha

Author(s): Dipratnasagar, Deepratnasagar
Publisher: Agam Shrut Prakashan

Page 424

उद्देशक: ५, मूलं-३७७, [भा. २०७७]
संघाडगम्मि मासो, गुरुग अहाछं जं च ऽण्णं ॥
चू-संविग्गेहिं अन्नसंभोतिएहिं पासत्थातिसु गिहीसु य मासलहुं पच्छित्तं । अहाच्छंदे मासगुरुं, अन्ने भांति - चउगुरुं । "जं चऽण्णं" ति जं तेहिं समं असुद्धं गेण्हीहि ति जं च हेट्ठा भणियं “पासत्थस्स संघाडगं देति" तं च आवज्जति । जं चअहाछंदो अहाच्छंदप्पण्णवणं पन्नवेज्जा, तं गेहेजा, अह तुण्डिक्को अच्छति तो अणमोयणा पडिघाए अधिकरणादि ॥
[ भा. २०७८] संजतिवग्गे चेवं, समणुण्णिराण नवरि सव्वासिं । संविग्गासंविग्गाण, होंति निक्कारणे गुरुगा ।।
चू-जति संजतीहिं संविग्गाहिं असंविग्गाहिं वा संभोइयाहिं असंभोइयाहिं वा समाणं उग्गमेण सुद्धं असुद्धं वा उवधिं उप्पाएति तो चउगुरुगं ॥
एवं ताव पुरिसाण गतं । इत्थीण भण्णति
[भा. २०७९] एमेव संजतीण वि, संजतिवग्गे गिहत्थवग्गे य । साधम्मि एतरासु य, नवरं पुरिसेसु चउगुरुगा ।।
चू- संजतीण इत्थिवग्गे जहा साधूण पुरिसवग्गे तहा वत्तव्वं । जहा साधूण इत्थिवग्गे तहा तेसिं पुरिसवग्गे वत्तव्वं । साहम्मगहणातो साहू, इतरग्गहणातो गिहत्था, नवरं- पुरिसवग्गे तेसिं चउगुरुगादि ॥
[भा. २०८० ]
संघाडं दाऊणं, आउट्टंतस्स एक्कतो तिन्नि ।
न होति विसंभोगो, तेन परं नत्थि संभोगो ॥
४२१
चू- एवं असंभोतिततियाण संघाडगं दाऊण पडिचोइओ आउट्टो मासलहुं संभोगो य । बितियवाराए वि चोतिओ आउट्टस्स मासलहुं संभोगो य । ततियवाराए वि चोतिओ आउट्टस्स मासलहुं संभोगो य । चउत्थवाराए जइ देति संघाडयं तो पच्छित्तवुड्डी मासगुरुं विसंभोगो य ॥ सीसो पुच्छति-पच्छित्तवुड्डी कतिप्पगारा ? आयरियाह
[भा.२०८१] पच्छित्तस्स विवड्डी, सरिसट्ठाणातो विसरिसे तमेव ।
तप्पभिती अविसुद्ध मादी संभुंजतो गुरुगा ॥
- च्छित्तस्स वुडी दुविधा सट्ठाणबुडी परट्ठाणवुड्डी य । तत्थ सट्टाणवुड्डी तिन्नि वारा मासलहूं चउत्थवाराए तमेव मासगुरुं । एवं चउलहुओ चउगुरुं छल्लहुओ छग्गुरुं । एस सट्टा - वुड्डी । परट्ठाणवुड्डी विसरिसं । जहा मासलहुयाओ दोमासियं, दुमासातो तेमासितं, एवं सव्वा विसरिसा परट्ठाणवुड्ढी । तओ वारा अमायी, ततो परतो नियमा मा अविसुद्धो य, सो विसंभोगी कज्जति । जो तं संभुंजति तस्स चउगुरुगा ।।
[भा.२०८२] एमेव सेसगाण वि, अवराहपयाणि जाव तप्पमितिं ।
-
-
[भा.२०८३] स किमवि कातूणऽधा सुहुमं बा बादरं व अवराहं ।
आउट्टिऊण पुणरवि, णिसेवमाणे विसंभोगो ॥
चू- अनिद्दिट्ठसरूवेसु सेसेसु अवराहपदेसु सव्वेसु सट्टाणपच्छित्तं, तिन्नि वारा आउट्टिऊणं पुनरवि चउत्थवाराए निसेविणो सट्टाणवुड्डी वा परट्ठाणवुड्डी वा पच्छित्तस्स भवति विसंभोगो
य ॥