Agam Suttani Satikam Part 15 Nishitha

Author(s): Dipratnasagar, Deepratnasagar
Publisher: Agam Shrut Prakashan

Page 455

४५२
निशीथ छेदसूत्रम् - १-६ / ३९४
तत्तो चउत्थभंगे, सेसा भंगा पडिक्कुट्ठा ॥
चू- सलिंगेण परलिंगे सेवमाणो गणाओ उवभुत्तथेरेहिं सद्धिं अन्नवसहीए ठाविज्जति । तत्थंधकारे किडि सड्डीए मेलिजति, जहा अन्नोन्नं न पस्संति । एवं तिन्नि वारा । जति उवसंतं सुंदरं । उवसंतस्स चउगुरुं । तिण्हं वाराणं परतो परिसेवमाणस्स मूलं । तह वि अट्टंतो ततो चउत्थ भंगे सेवति, तत्थ वि तिन्नि वारा, परतो मूलं । सेसा पढम-ततियभंगा पडिक्कुट्ठा ॥
पढमभंगे इमा भवति
[भा.२२३३] सद्देसे सिस्सिणि सज्झं तेवासिणी कुल-गणे य संघेय । कुलकण्णगा कुलवधू, विधवा य तहा सलिंगेणं ॥
चू- सदेसे परदेसे वा सिस्सिणीं पडिसेवति, सज्झिवियं पडिसेवति, अंतेवासिणी पडिच्छिगा । अहवा- सज्झंतिगस्स अंतेवासिणी भर्तृज्जिकेत्यर्थः, कुले चियं, गणे चियं, संधे चियं वा सेवति ।
बितियभंगेण इमा जइ पडिसेवति- पितृमातृविशुद्धां कुलकन्यां अभिण्णजोणीं जति तं पडिसेवति, विगतधवं वा रंडं, कुलवधुं वा पडिसवति सलिंगेण ॥ एत्थ भंगेसु इमं पच्छित्तं
[भा. २२३४] लिंगम्मि य चउभंगो, पढमे भंगम्मि होति चरिमपदं । मूलं चउत्थभंगे, बितिए ततिए य भयणा त ॥
चू- सलिंग परलिंगेहिं चउभंगो ।
तत्थ पढमभंगे पडिसेवंतस्स नियमा चरिमपदं । चरिमे नियमा मूलं । बितिय ततियभंगेसु भयणा पच्छित्तं ॥ बितियभंगे इमा भयणा
[ भा. २२३५] अन्नथ सलिंगेणं, कन्नागमणम्मि होति चरिमपदं । विहवाए होति नवभं, अविहवणारी य मूलं तु ॥
चू- “अन्नत्थ” त्ति - अन्नलिंगिणी, सलिंगेण पडिसेवति । कण्णं चरिमं, विहवाए अणवट्टे, अ-विधवाए मूलं ॥
अहवा - बितियभंगे चेव इमं पच्छित्तं ।
[ भा. २२३६] अधवा पायावच्ची, कोडंबिणि दंडिणी य लिंगेणं । मूलं अणवट्टप्पो, चरमपदं पावती कमसो ॥ चू- पायावच्ची मूलं, कोडुंबिणीए अणवट्टं, डंडिणीए चरिमं ॥ ततियभंगे इमा भयणा
[भा.२२३७]अन्नेन सलिंगम्मि य, सिस्सिण सज्झंतिगी कुले चरिमं । rai गणिच्चियाए, संघच्चीए भवे मूलं ॥
चू- अन्नलिंगेण सलिंगिं पडिसेवति । सिस्सिणि सज्जतिया, सिस्सिणिं कुलेच्चिया, एतेसु चरिमं, गणेच्चियाते अणवट्ठो, संधेच्चियाए मूलं ॥
बितियभंगपडिसेवणाए अनुवसंतो चरिमभंगेण पडिसेवति ।
तत्थिमा जयणा