Agam Suttani Satikam Part 15 Nishitha

Author(s): Dipratnasagar, Deepratnasagar
Publisher: Agam Shrut Prakashan

Page 448

उद्देशक : ६, मूलं-३९३, [भा. २१९४]
४४५
(उद्देशकः-६) चू-पंचमउद्देसाओ छट्ठस्स इमो संबंधो[भा.२१९५]उस्सीसग-गहणेणं, निसि सुवणं निसि समुब्भवो मोहो ।
गुरुलहुगा चउ मासा, वुत्ता चउमासिया इणमो॥ चू-पंचमस्स अंतिमे सुत्ते उस्सीसग्गहणं कतं, तेण रत्तिं सुवणं वक्खायं, रातो सुव्वति, दिवसतो न कप्पति सुविउं । रातो य समुब्भवो मोहो भवति ।
तेण य उदिण्णेण कोइ मेहुणपडियाए माउग्गामं विण्णवेज । एस संबंधो।
अहवा - इमो अन्नो सबंधो - आइल्लएसु पंचसु उद्देसएसु गुरु लहु मासो भणिती, इदानं चउम्मासिया गुरुलहुगा भण्णंति ॥
मू. (३९३) जे भिक्खू माउग्गामं मेहुणपडियाए विन्नवेति, विन्नवेंतं वा सातिजति ॥ चू-मातिसमाणो गामो मातुगामो । मरहट्ठविसयभासाए वा इत्थी माउग्गामो भण्णति । मिहुनभावो मेहुनं, मिथुनकर्म वा मेहुन अब्रह्ममित्यर्थः । मिथुनभाववतिपत्ति। पडिया मैथुनसेवनप्रतिज्ञेत्यर्थः । विज्ञापना प्रार्थना । अथवा - तदभावसेवनं विज्ञापना, इह तु प्रार्थना परिगृह्यते । सुत्तत्थो। अधुना - नियुक्तिविस्तरः[भा.२१९६] माउग्गामो तिविहो, दिव्यो मानुस्सतो तिरिक्खो अ।
एक्कक्को वि यदुविहो, देहजुतो चेव पडिमजुओ॥ चू- सो मातुग्गामो तिविधो - दिव्वो माणुस्सतो तिरिच्छो। पुणो एक्केको दुविधो कज्जति-देहुजुतो, लेप्पगादि-पडिमाजुत्तो य॥ [भा.२१९७] देहजुतो वि य दुविहो, सज्जीवो तह य चेव निजीवो ।
सण्णिहितमसण्णिहितो, दुविधो पडिमाजुतो होति ॥ चू-देहं सरीरमित्यर्थः। देहजुतो पुण दुविधो - सचेयणो अचेयणो य। पडिमाजुतोवि दुविधो कजति-सन्निहिओ असन्निहिओ य॥ एस दिव्वभेतो भणितो। मानुस-तिरिच्छुएसु एस चेव भेदो भाणियव्यो । दिव्वे अचित्तदेहजुते इमं भण्णति[भा.२१९८] पन्नवनामेत्तमिदं, जं देहजुतं अचेतणं दिव्वं ।
तं पुण जीव-विमुक्कं, भज्जति स तधा जह य दीवो। चू-यस्मादचित्तं देवशरीरं नास्ति, तस्मात् प्रज्ञापना मात्र । तं पुण इमे कारणेण नत्थि जीवविमुक्कमेत्तमेव स तहा भिजति, प्रदीपशिखावत् ॥ [भा.२१९९]एकेको वि यतिविधो, जहन्नओ मज्झिमो य उक्कोसो।
परिगहियमपरिगहिओ, एकेको सो भवे दुविहो । चू-सो माउग्गामो दिव्वातिओ एक्केक्को तिविधो-जहन्नमज्झिमुक्कोसो।